امریکی اخبار نیویارک پوسٹ سے گفتگو کرتے ہوئے CATO تحقیقاتی مرکز کی سینیئر محقق کیتھرین تھامپسن نے کہا ہے کہ اگر یہ جنگ جاری رہی تو امریکہ کے ہتھیاروں کا ذخیرہ ختم ہوجائے گا۔
انہوں نے نیویارک پوسٹ کے صحافی کو بتایا کہ زیادہ امکان اس بات کا ہے کہ واشنگٹن میں ایران کے ساتھ طویل المدت جنگ کی صلاحیت پائی نہیں جاتی۔
انہوں نے امریکی فضائی دفاع اور دورمار میزائلوں کے ذخیرے میں کمی کو تہران کے مقابلے میں واشنگٹن کی کمزوری کی اصل وجہ قرار دیا۔
کیتھرین تھامپسن نے کہا کہ اس وقت امریکہ کے سامنے وقت کا مسئلہ سب سے بڑا ہے۔
انہوں نے کہا کہ اگر چند ہفتوں کے اندر جنگ بندی ہوگئی تو امریکہ کی فوجی حالت سنبھل سکتی ہے لیکن اگر جنگ ایک سے دو سال تک جاری رہی تو امریکہ کے ہتھیاروں کی صورتحال بگڑ جائے گی۔
تھامپسن نے کہا کہ امریکہ کو علاقے میں اپنے فوجیوں کی حفاظت کے لیے چیلنج کا سامنا ہے اور ایران کے حملوں میں امریکی فوجیوں کی ہلاکت اس بات کا منہ بولتا ثبوت ہے۔