روزنامہ ڈیفنس نیوز کی وب سائٹ نے ایران کے سلسلے میں امریکی صدر کے رویہ کو "حماقت آمیز غنڈہ گردی" قرار دیا ہے۔

 اس وب سائٹ نے اپنے ایک مقالے میں لکھا ہے: "میڈ مین" کا نظریہ نہ تو تحفظ  کا باعث بنا ہے اور نہ ہی استحکام کا سبب بنا ہے بلکہ اس سے صرف واشنگٹن کی پالیسیوں میں نا پختگی کی ثابت ہوئی ہے۔

اخبار نے لکھا ہے کہ "میڈ مین" کی یہ پالیسی اکثر اونچی آواز میں دھمکیوں پر مبنی ہوتی ہے اور اس کے پیچھے کوئی واضح یا قابل اعتماد حکمت عملی موجود نہیں ہوتی۔

اس امریکی جریدے نے لکھا ہے: ٹرمپ نے گو کہ نئے انداز میں اس حربے کو استعمال کرنے کی کوشش کی ہے تاہم اگر ہم اس حربے کی تاریخ پر غور کریں تو اگر اسے پوری طرح سے نا کامیاب قرار نہ بھی دیں تب بھی یہ یقینی ہے کہ یہ حربہ ناقص ثابت ہوا ہے۔

واضح رہے امریکی صدر ٹرمپ نے جنگ کے آغاز سے اب تک، ایران کو مختلف طرح کی دھمکیوں کا سلسلہ شروع کر رکھا ہے۔