اسلام آباد، ارنا- پاکستان کے صدر، جنہوں نے بلوچستان کی ترقی اور اس کے ہمسایہ ممالک کیساتھ سرحدی تعاون کو مضبوط بنانے کے مقصد سے گزشتہ ماہ کے آخر میں گوادر پورٹ میں ایک اہم اجلاس منعقد کیا تھا، متعلقہ حکام کو ایران اور پاکستان کے درمیان مقامی کرنسی کے استعمال کا منصوبہ فراہم کیا جس کا مقصد دونوں ہمسایہ ممالک کے درمیان تجارتی تعاون کو آسان بنانا ہے۔

آیات و روایات کی رو سے یہ بات روز روشن کی مانند عیاں ہے کہ رسول خدا صلی اللہ علیہ وآلہ وسلم کے جانشین امام علی علیہ السلام ہیں۔ آنحضرت نے اپنی حیات طیبہ میں متعدد دفعہ آپ کی جانشینی کی طرف صریحاً نشاندہی فرمائی ہے۔ آپ کی ولایت پر آیات قرآنی اور معتبر احادیث بھی موجود ہیں۔ آیئے دیکھتے ہیں آیات ولایت کو۔
’’اِنَّمَا وَلِيُّكُمُ اللّٰهُ وَرَسُولُهٗ وَالَّذِينَ اٰمَنُوا الَّذِينَ يُقِيمُونَ الصَّلٰوةَ وَيُؤتُونَ الزَّكٰوةَ وَهُم رَاكِعُونَ‘‘، "ایمان والو! بس تمہارا ولی اللہ ہے اور اس کا رسول اور وہ صاحبانِ ایمان جو نماز قائم کرتے ہیں اور حالت رکوع میں زکوٰۃ دیتے ہیں۔"(سورۃ المائدہ، آیت 55) جب ہم مذکورہ آیت کو بطور دلیل پیش کرتے ہیں تو بعض لوگ کہتے ہیں کہ اس کے معنی ولایت اور واجب الاطاعت امام کے نہیں، دوست، ناصر اور یار و مددگار کے ہیں۔ علمائے اہل سنت کے درمیان قاضی عضد الدین، شریف جرجانی، تفتازانی اور قوشجی نے اس آیت کو امام علی علیہ السلام کے حق میں نازل ہونے کو تسلیم کیا ہے۔(نفخات الازھار فی خلاصۃ عبقات الانوار جلد، 20، صفحہ، 59۔63)

مذکورہ آیت میں چند نکات قابل غور ہیں:
(1) کلمہ "انما" حصر پر دلالت کرتا ہے، یعنی مسلمانوں پر ولایت و رہبری کا حق خدا، رسول اسلام اور بیان شدہ صفات کے حامل اہل ایمان کو ہے، کسی اور کو نہیں ہے۔
(2) اگر ہم یہاں ولی کے معنی ولایت و امامت کے علاوہ مانیں، دوست اور یار و مددگار کے تو پھر اسے صرف مذکورہ ہستیوں سے مخصوص کرنا مناسب نہیں۔ ہر مومن دوسرے مومن کا ناصر و مددگار ہے۔ ارشاد باری تعالیٰ ہوتا ہے :’’اِنَّمَا المُؤمِنُونَ اِخوَةٌ۔‘‘
"مومنین آپس میں بالکل بھائی بھائی ہیں۔" (سورۃ الحجرات آیت، 10) اگر اللہ کی نگاہ میں نصرت اور دوستی کے معنی مقصود ہوتا تو صرف "الذین آمنوا" ہی کافی تھا۔ اس لیے کہ معاشرے میں سبھی مومن ایک دوسرے کے ناصر اور دوست ہیں، چاہے وہ حالت رکوع میں زکواۃ دیں یا نہ دیں۔

اس کے علاوہ اگر یہاں مسئلہ حل نہیں ہوتا تو پھر حدیث رسول ہمارے لیے محکم سہارا بنے گی۔ آپ نے متعدد مقامات پر حضرت علی علیہ السلام کو جانشین مقرر فرمایا ہے۔ واقعہ عشیرہ، حدیث منزلت اور واقعہ غدیر خم اس بات کے اہم شواہد ہیں۔ رسول اسلام حضرت محمد مصطفیٰ صلی اللہ علیہ وآلہ وسلم کا ارشاد گرامی ہے: "یاعلی انت ولی کل مومن من بعدی"، "اے علی! تم میرے بعد تمام مومنین کے ولی ہو۔" اس حدیث میں "من بعدی" قابل غور ہے۔ یہ اشارہ ہے امام علی علیہ السلام کی جانشینی کی جانب۔ امت اسلام کی رہبری آپ ہی کے دست مبارک میں ہے۔ (راہنمایی حقیقت، جعفر سبحانی، صفحہ 289.290 مطبوعہ: نشر مشعر، 1385 شمسی، پہلی اشاعت)

کیا دوستی اور یار و مددگار ہونا کسی ایک زمانہ سے مخصوص ہے۔۔۔۔؟ پھر ایک سوال یہ بھی کہ آیت میں "الذین" کا استعمال ہوا ہے، جو جمع کے لیے استعمال کیا جاتا ہے۔ پھر یہ ایک ہی شخص پر کیسے منطبق ہوگا اور آیت کس طرح صرف علی علیہ السلام پر صدق کرے گی۔۔۔۔؟ ادبیات عرب میں متعدد جگہوں پر جمع کے لفظ سے فرد واحد کو مراد لیا گیا ہے۔ آیت مباہلہ میں "نسائنا" جمع کا صیغہ ہے جبکہ اس کا مصداق صرف جناب فاطمہ زہراء سلام اللہ علیہا ہیں۔ "انفسنا" جمع کا صیغہ ہے اور اس سے مراد صرف دو شخصیات ہیں، رسول اسلامﷺ اور امام علی علیہ السلام۔ داستان احد میں نازل ہونے والی یہ آیت: ’’اَلَّذِينَ قَالَ لَهُمُ النَّاسُ اِنَّ النَّاسَ قَد جَمَعُوا لَـكُم فَاخشَوهُم فَزَادَهُم اِيمَانًا‘‘، "یہ وہ ایمان والے ہیں کہ جب ان سے بعض لوگوں نے کہا کہ لوگوں نے تمہارے لئے عظیم لشکر جمع کر لیا ہے، لہٰذا ان سے ڈرو تو ان کے ایمان میں اور اضافہ ہوگیا۔"(سورۃ آل عمران، آیت، 173)

مفسرین نے مذکورہ آیت کا مصداق "نعیم ابن مسعود" کو بتایا ہے، جو ایک شخص ہے۔ اسی طرح ’’يَقُولُونَ نَخشٰٓى اَن تُصِيبَـنَا دَائرَةٌ‘‘، "یہ عذر بیان کرتے ہیں کہ ہمیں گردشِ زمانہ کا خوف ہے۔"(سورۃ المائدہ، آیت نمبر، 52) مذکورہ آیت کے متعلق مفسرین کا بیان ہے کہ یہ آیت عبداللہ بن ابی کے بارے میں نازل ہوئی ہے۔(تفسیر ولایی قرآن کریم در اثبات ولایت امیر المومنین علیہ السلام، ناصر مکارم شیرازی، صفحہ 763.764 زیر عنوان: پاسخ بہ ھشت ایراد مخالفان بر آیہ ولایت) اسی طرح قرآن مجید کی دیگر آیات بھی ہیں، جہاں جمع کا صیغہ استعمال ہوا ہے، مگر مراد ایک شخص ہے، ایسی تعبیرات کسی شخص کے کردار کی وضاحت کرتی ہیں۔ قرآن حکیم میں متعدد مقامات پر وحدہ لاشریک کے لیے جمع کا صیغہ استعمال ہوا ہے، جو کہ اس کی عظمت و جلالت کے تحت ہے۔

آیت ولایت پر ایک سوال یہ بھی ہوتا ہے کہ یہ کیسے ممکن ہے کہ حضرت علی علیہ السلام نے حالت نماز میں سائل کی آواز سن لی جبکہ آپ تو نماز کی حالت میں اس قدر غرق رہتے تھے کہ آپ کے پاؤں سے تیر کھینچ لیا گیا تھا اور آپ کو احساس تک نہ ہوا تھا۔۔۔۔؟  سائل کی آواز سننا اور اس کی مدد کرنا عبادت در عبادت ہے۔ حالت نماز میں زکوٰۃ دینا قربت الی اللہ تھا۔ اللہ نے قرآن مجید میں اس عمل کی تعریف کی ہے۔ اگر یہ کام باعث غفلت یا یاد خدا سے دوری کا سبب قرار پاتا تو پروردگار عالم اس کی توصیف نہ کرتا۔ پیغمبران الہیٰ، اولیائے کرام اور ائمہ معصومین علیہم السلام کی کیفیت نماز ہمیشہ ایک جیسی نہیں ہوتی۔ وہ عام حالت میں بھی ہوتے اور محتاج کی آواز بھی سن کر اس کی مدد بھی کرتے ہیں۔

شیخ صدوق اور علامہ مجلسی تحریر فرماتے ہیں: ایک روز رسول اکرمﷺ نماز میں مشغول تھے اور اصحاب کرام آپ کی اقتدا میں تھے۔ دوران نماز ایک بچہ رونے لگا۔ آپ نے نماز کو جلدی تمام کر دیا۔ اصحاب نے اس تیزی سے نماز کو تمام کرنے کی وجہ دریافت کی۔ آپ نے فرمایا: "اما سمعتم صراخ الصبی" کیا تم نے بچے کے رونے کی آواز نہیں سنی؟ کبھی یہی ہستیاں عالم ملکوت اور ذکر الہیٰ میں مکمل طور پر غرق ہو جاتی ہیں، انہیں سوائے ذات الہیٰ کے کسی کا خیال نہیں ہوتا۔ یہاں تک کہ اپنے جسم سے بھی توجہ ہٹ جاتی ہے۔ امام علی علیہ السلام کے پاؤں سے تیر کا نکلنا اسی کیفیت کی عکاسی کرتا ہے۔ امام زین العابدین علیہ السلام کے سلسلے میں ملتا ہے کہ ایک شب آپ کے فرزند ارجمند بلندی سے گر گئے، جس کے سبب ان کے ہاتھ زخمی ہوگئے(ہاتھ ٹوٹ گیا)۔ گھر کے اندر شور برپا ہے، پڑوسی بھی آگئے، لیکن آپ اسی طرح، حادثہ سے مطلق متوجہ ہوئے، مشغول عبادت رہے۔ علی الصبح آپ بیدار ہوئے، دیکھا کہ فرزند کا ہاتھ بندھا ہوا ہے۔ آپ نے سبب دریافت کیا۔ بتایا گیا: گذشتہ شب ایسا بھلاں واقعہ پیش آیا تھا۔(منتہی الآمال، شیخ عباس قمی، جلد، 2، صفحہ، 10)

دوسری روایت میں ملتا کے کہ سید الساجدین علیہ السلام حالت نماز میں سر بسجود تھے۔ اسی وقت آپ کے بیت الشرف کے ایک گوشہ میں آگ لگ گئی۔ گھر والوں نے فریاد بلند کی: یابن رسول اللہ! النار! النار! "اے فرزند رسول! آگ لگ گئی ہے! آگ!" آپ اسی طرح سر بسجود مشغول عبادت رہے اور شور و غل اور آگ لگ جانے کے متعلق کچھ نہ سنا۔ آگ کو گل کر دیا گیا۔ اس کے بعد آپ نے سر کو سجدہ سے اٹھایا اور کمال اطمینان سے نماز تمام کی۔(منتہی الآمال، شیخ عباس قمی، جلد، 2، صفحہ، 10) قرآن مجید کی آیات کا ہر رخ سے مطالعہ کرنا ہی نجات کا ضامن ہے، ورنہ بہت ممکن ہے کہ ہمارے نظریات عام باتوں میں بھی مختلف ہو جائیں۔ اسی طرح ائمہ کرام علیہم السلام کی حیات طیبہ کا مسئلہ ہے۔ جب تک ہم مکمل زندگی کا بغور مطالعہ نہیں کریں گے، بہت سے مسائل کا شکار ہوں گے

تحریر: عظمت علی(لکھنؤ)

ارنا رپورٹر کے مطابق، 22 بہمن مارچ اور انقلاب اسلامی کی فتح کی 43 ویں سالگرہ کی تقریبات کا آغاز چند لمحوں پہلے تہران اور ملک کے دیگر حصوں میں ہوا۔

کورونا وبا کے پھیلنے کی وجہ سے، یہ تقریب سرخ شہروں میں کار اور موٹر سائیکل کے ذریعے اور دیگر شہروں میں صوبائی حکام کی جانب سے صحت کی تمام ہدایات کے ساتھ محدود طریقے سے منعقد کی جاتی ہے۔

تقریباً 200 صحافیوں اور کیمرہ مینوں اور 6,300 سے زیادہ مقامی میڈیا رپورٹرز، فوٹوگرافروں اور کیمرہ مینوں (مجموعی طور پر 6,500 سے زیادہ میڈیا کارکن) کے ساتھ ایران میں مقیم تمام غیر ملکی میڈیا آؤٹ لیٹس ملک میں بہمن 22 کی یادگاری تقریب کی کوریج کریں گے۔

تہران میں انقلاب اسلامی کی فتح کی 43 ویں سالگرہ کے موقع پر کار اور موٹر سائیکل کے ذریعے مارچ کیا جائے گا اور اسی مناسبت سے موٹرسائیکلوں کے لیے راستوں اور کاروں کے لیے راستوں کا تعین کیا گیا ہے۔

آخر میں انقلاب اسکوائر میں جشن آزادی اسکوائر میں ایک بہترین بین الاقوامی قاری کی قرآن پاک تلاوت اور اسلامی جمہوریہ ایران کے قومی ترانے کی پرفارمنس ہوگی۔

آزادی ٹاور سے غبارے اور رنگین کاغذ اڑنا اور خصوصی اثرات کا مظاہرہ کرنا، مسلح چھاتہ برداروں کی تباہی اور ایئر شو آپریشنز، اسلامی جمہوریہ ایران کی فوج کے گارڈز کی جانب سے ترانے کی پرفارمنس، حاج میثم مطیعی کے مداحی، 22 بہمن 1400 کی قومی قرارداد کی تلاوت اور اسلامی جمہوریہ ایران کی فوج کے ہیلی کاپٹروں کے ذریعے عوام پرپھول چڑھانے کی تقریب، بھی تہران میں آج کے مارچ کے منصوبوں میں شامل ہے۔

; تقریب کے مقرر ہمارے ملک کے صدر آیت اللہ سید ابراہیم رئیسی ہیں جو تہران میں امام خمینی کے عظیم نماز گاہ میں جمعہ کی مذہبی اور سیاسی رسم کے ساتھ ہی منعقد ہوگی۔

جماعت اسلامی پاکستان کے مرکزی نائب امیر اسداللہ بھٹو کا ”اسلام ٹائمز“ کو خصوصی انٹرویو دیتے ہوئے کہنا تھا کہ امام خمینیؒ کو اللہ تعالیٰ نے کامیابی عطا کی، اللہ تعالیٰ کی مدد انکے ساتھ شامل حال رہی، انقلاب اسلامی ایران کے ساتھ جماعت اسلامی کی وابستگی ایک تاریخی حقیقت ہے، جماعت اسلامی نے ہمیشہ انقلاب اسلامی ایران کی حمایت جاری رکھی ہے، مولانا سید ابوالاعلیٰ مودودیؒ انقلاب اسلامی ایران کی کامیابی پر بہت خوش تھے، وہ انقلاب اسلامی ایران و امام خمینیؒ کیلئے دعا کرتے تھے، مولانا سید ابوالاعلیٰ مودودیؒ نے واضح طور پر ایران کے انقلاب کو اسلامی انقلاب کے طور پر سپورٹ کیا، ایوب خان نے جماعت اسلامی پر پابندی لگائی، اسوقت جو الزامات لگائے گئے تھے، اس میں سے ایک الزام یہ بھی تھا کہ جماعت اسلامی نے امام خمینیؒ کے مضامین شائع کئے، مولانا سید ابوالاعلیٰ مودودیؒ نے ہمیں جو راستہ دکھایا تھا، اُس دور سے لیکر آج تک انقلاب اسلامی ایران کی حمایت جاری ہے، امام خامنہ ای نے بھی اپنے wisdom سے، اپنی بصیرت کے ساتھ اس اسلامی انقلابی نظام کو چلایا ہے، امام خامنہ ای امام خمینیؒ کے مشن کو فقط ایران کے اندر ہی نہیں بلکہ پوری دنیا میں پھیلانے کیلئے جدوجہد کر رہے ہیں، وہ یہ جدوجہد جاری رکھیں، امام خامنہ ای کا سب سے بڑا کارنامہ یہ ہے کہ انہوں نے امریکا و مغرب کی پابندیوں کے باوجود انقلاب اسلامی سے ایک قدم پیچھے نہیں ہٹے۔

حوزہ نیوز ایجنسی । 1979 میں ایران کے اسلامی انقلاب نے دنیا کے نقشے پر اس وقت خودمختاری کی انگڑائی لی جب دنیا کے اکثر حصے استعماری طاقتوں کے آہنی پنجوں میں جکڑے ہوئے تھے. ایران کے اسلامی انقلاب نے آتے ہی خطے میں استعماری گماشتوں کی سانسیں گِننا شروع کر دیں کیونکہ معمار انقلاب امام خمینی رح ابھی انقلاب کی بنیادیں استوار کر ہی رہے تھے کہ استعمار کے نمک خوار صدام ملعون نے 1980 میں ایران پر حملہ کر دیا. صدام حسین نے حملہ کرتے وقت دعویٰ کیا تھا کہ وہ آئندہ جمعہ کی نماز تھران میں ادا کریں گے لیکن وہ یہ حسرت دل میں لیے اپنے ہی آقا امریکہ کے ہاتھوں 2006 میں واصل جہنم ہوا، روح اللہ خمینی کے روحانی بیٹوں نے یہ جنگ بڑی بے سروسامانی لیکن اللہ پر توکل کے ساتھ لڑی. اس 8 سالہ جنگ میں صدام حسین، عالمی طاقتوں کی پشت پناہی کے باوجود بری طرح شکست کھا گیا اور خطے میں انقلاب اسلامی ایران کی طاقت کو تسلیم کر لیا گیا۔

1979 وہ زمانہ تھا جب اسرائیل کی طاقت کا جادو سر چڑھ کر بولتا تھا اسرائیل 1948 سے 1973 تک عرب ممالک کو 4 باقاعدہ جنگوں میں شکست دے چکا تھا اب انقلاب اسلامی ایران کے قیام کے وقت عرب ممالک اپنے کئی علاقے اسرائیل کی تحویل میں دے کر گوشہ نشین ہو چکے تھے جبکہ اسرائیل کی سرحدی در اندازیاں مسلسل بڑھتی جا رہی تھیں اس وقت اہلیان لبنان کے ایک وفد نے اسرائیلی مظالم سے تنگ آ کر نیز ایران میں اسلامی انقلاب کی کرن دیکھ کر 1980 میں روح اللہ خمینی رح کے دامن میں آ کر پناہ لی، پسی ہوئی ملتوں کے طبیب نے انھیں استقامت و کربلا کی پیروی کا نسخہ عطا کیا اور پھر انھوں نے اس نسخہ کیمیا پر عمل کرتے ہوئے اسرائیل سمیت عالمی استعمار کو شکست دینا شروع کر دی اور آج دنیا بھر میں گوریلا وار میں حزب اللہ لبنان کا کوئی ثانی نہیں ہے اس کی بنیادی وجہ نظام ولایت فقیہ کی من و عن پیروی اور اصل اسلام ناب محمدی کے سانچے میں اپنے آپ کو ڈھالنا ہے. آج حزب اللہ لبنان ایران کی مادی و معنوی حمایت سے تمام عرب ممالک میں اپنے اعلانیہ اور غیر اعلانیہ شعبے رکھتی ہے کہ جو درحقیقت ایران کے اسلامی انقلاب کی طاقت کا ایک مظہر ہے۔

جبکہ دوسری طرف فلسطین کے مظلوم عوام نے حزب اللہ لبنان کی کامیابی اور روش مبارزہ کو دیکھ کر اسرائیل کے خلاف مسلح جدوجہد کی ٹھان لی، شیخ احمد یاسین نے 1987 میں ایران کے انقلاب سے الہام لے کر مقاوم سپوتوں کو جمع کیا اور غاصب اسرائیل کے سامنے مضبوط دیوار بن کر کھڑے ہو گئے حماس نے ایران کی حمایت سے اپنی جدوجہد جاری رکھی اور آج 2022 میں اسرائیل کے مقابلے میں کئی جنگی فتوحات کے بعد فلسطین کی ایک اہم طاقت بن چکی ہے اور اسی طرح مقاومت جہاد اسلامی جیسی بعض قدیمی تنظیموں کو بھی ایران نے اپڈیٹ کر کے اسرائیلی جارحیت کے مقابلے میں لا کھڑا کیا ہے جس سے غاصب اسرائیل نہ صرف کمزور ہوا ہے بلکہ ایران کی معنوی و مادی طاقت کا لوہا بھی مشرق وسطیٰ میں مان لیا گیا ہے۔

ایک طرف جہاں ایران نے بیرونی محاذوں پر مظلوم قوموں کو طاقتور بنایا، وہاں دوسری طرف امام خمینی رح نے نظام ولایت فقیہ کی مرکزیت میں ایران کے داخلی انتظامی، سیاسی، فرہنگی اور عدالتی امور کی ایسی مضبوط، ٹھوس اور الہی اصولوں پر مبتنی بنیادیں استوار کیں کہ جنہوں نے اسلامی جمہوریہ ایران کو دنیا کے نقشے پر ایک متوازن مضبوط اسلامی ریاست کے طور پر متعارف کروایا اور انھی مضبوط داخلی بنیادوں اور مستقل خارجہ پالیسی کی وجہ سے آج کا ایران دنیا کی استعماری طاقتوں کے سامنے آنکھوں میں آنکھیں ڈال کر بات کرتا ہے اور دنیا بھر میں آزاد قوموں کا علمبردار بنتا جا رہا ہے۔

 محمد صغیر نصرٓ