شیعہ نیوز (پاکستانی شیعہ خبر رساں ادارہ) یمن کی نیشنل سالویشن حکومت کی وزارت خارجہ کے ترجمان نے کہا ہے کہ جارح سعودی اتحاد کی جانب سے یمن کے خلاف وحشیانہ جارحیت اور اس ملک کا ظالمانہ محاصرہ جاری رکھے جانے سے یمن میں مختلف قسم کی شدید ترین بیماریان پھیل رہی ہیں۔

المسیرہ ٹی وی کی رپورٹ کے مطابق یمن کی نیشنل سالویشن حکومت کی وزارت خارجہ کے ترجمان نجیب القباطی نے اعلان کیا ہے کہ سعودی اتحاد، یمن مین طبی مراکز تک کو جارحیت کا نشانہ بناتا رہا ہے اور وہ دوائیں تک ملک میں منتقل کئے جانے کی اجازت نہیں دے رہا ہے۔
انھوں نے کہا کہ یمن کے محاصرے سے ملک میں مختلف قسم کی بیماریاں پھیل رہی ہیں۔
القباطی نے کہا کہ یمن کے تیل و گیس پر سعودی اتحاد کے قبضے سے مختلف منصوبوں پر عمل درآمد نہیں ہو پا رہا ہے اور ملک کو شدید ترین بجٹ خسارے اور اقتصادی مسائل کا سامنا ہے۔
اس ترجمان نے اقوام متحدہ سے مطالبہ کیا کہ وہ اپنے انسانی فرائص پر عمل کرے اور یمن پر سعودی اتحاد کی جارحیت بند کرائے۔
اس ترجمان نے کہا کہ یمن میں کورونا سمیت مختلف بیماریوں اور امراض کا مقابلہ کرنے کے لئے دواؤں اور طبی وسائل کی اشد ضرورت ہے۔