رپورٹ کے مطابق ریاست میں اسمبلی انتخابات کے تیسرے مرحلے کی تشہیر میں مصروف مودی نے کہا کہ الیکٹرانک ووٹنگ مشین (ای وی ایم) پر انگلی دبانا، اے کے-47 چلانے سے زیادہ کارگر ہے۔ مودی نے اسمبلی انتخابات میں زبردست پولنگ کے لئے جموں و کشمیر کے ووٹروں کی تعریف کی اور کہا کہ آپ کے پاس بھی طاقت ہے، ای وی ایم پر ایک اںگلی دبانے کی طاقت، اور آپ کی انگلی کی طاقت کسی اے کے-47 کی طاقت سے زیادہ طاقتور ہے ۔

سری نگر کے شیر کشمیر اسٹیڈیم میں انتخابی ریلی سے خطاب کرتے ہوئے مودی نے الزام لگایا کہ جموں کشمیر کی ترقی اس لئے نہیں ہوئی کہ وہاں بدعنوانی پھیلی ہوئی ہے۔ ترقی کے نام پر عوام سے مکمل اکثریت طلب کرتے ہوئے مودی نے دعوی کیا کہ وہاں کسی کے ساتھ کوئی امتیازی سلوک نہیں ہوگا۔

وزیر اعظم نے جموں و کشمیر میں سیاحت کی صنعت کو فروغ دینے کو ترجیح دینے کی بات کہی ہے۔
وزیر اعلی عمر عبداللہ پر نشانہ لگاتے ہوئے مودی نے کہا کہ جب کشمیر میں سیلاب آیا تو یہاں کی حکومت سوئی ہوئی تھی۔