حوزه نیوز ایجنسی کی رپورٹ کے مطابق، گلگت پاکستان برمس پائن امام بارگاہ قصر زینب سلام اللہ علیہا میں، حسب سابق امسال بھی عالمی یوم علی اصغر علیہ السلام عقیدت واحترام کے ساتھ منایا گیا۔

عالمی یوم علی اصغر علیہ السلام کی مجلس سے جامعہ الخدیجہ الکبریٰ دنیور کی پرنسپل محترمہ رباب نے خطاب کیا۔

انہوں نے معاشرے میں پھیلتی دشمن کی سازش سمجھنے اور معاشرتی برائیوں پر قابو پانے کے عنوان سے سیر حاصل گفتگو کی اور علی اصغر علیہ السلام کے مصائب پیش کئے۔

عالمی یوم علی اصغر علیہ السلام کا انتظام، برمس پائن کی خواتین اور مجلسِ وحدت المسلمین گلگت کی سینئر خواتین اراکین کے تعاون سے کیا گیا اور سابقین مجلس وحدت المسلمین گلگت خواہر جنت، خواہر تاج حور، خواہر ریحانہ اور خواہر جمیلہ کی کئی سالوں سے جاری کاوشوں اور انتھک محنت کے بعد، عالمی یوم علی اصغر علیہ السلام کا یہ سلسلہ پورے گلگت میں فروغ پا گیا ہے۔