شام کے تکفیریوں نے صحابی رسول حضرت حجر ابن عدی رضی اللہ تعالی علیہ کی قبر مبارک کو کھود کر آپ کے مزار کو منہدم کر دیا ہے۔ ایک لبنانی خبر رساں ادارے کے مطابق تکفیری دہشت گردی حضرت حجر ابن عدی رضی اللہ تعالی علیہ کا جسد خاکی قبر مبارک سے نکال کر لے گئے ہیں۔

خبر کے مطابق یہ واقع یعنی 2 مئی کو شام میں واقع دمشق کے مضافاتی علاقے "عدرا" میں پیش آیا۔ حضرت حجر ابن عدی رضی اللہ تعالی علیہ قبیلہ کندی سے تعلق رکھتے تھے۔ یہ قبیلہ ایک یمنی قبیلہ ہے جس نے کوفہ کی جانب ہجرت کی۔ مصدقہ رویات کے مطابقحضرت حجر ابن عدی رضی اللہ تعالی علیہ اپنے بھائی ہانی بن عدی کے ہمراہ رسول خدا (ص) کی خدمت میں حاضر ہوکر مشرف بہ اسلام ہوئے۔

حضرت حجر بن عدی زہد و کثرت عبادت کی وجہ سے بہت مشہور تھے۔ چنانچہ ان کے بارے میں روایت ہے کہ ہر شب و روز میں ایک ہزار رکعت نماز پڑھتے تھے۔ حضرت حجر ابن عدی رضی اللہ تعالی علیہ اپنی کم سنی کے باوجود پیغمبر اسلام کے بزرگ اور فاضل صحابہ میں شمار ہوتے تھے۔

العالم ٹی وی چینل کے مطابق شامی تکفیری دہشتگردوں نے پہلے ان کی ضریح کو منہدم کیا اور پھر نبش قبر کرنے کے بعد ان کا جسد خاکی جو کہ صحیح و سالم حالت میں تھا، نامعلوم مقام پر منتقل کر دیا ہے۔

شامی دہشت گرد جنہیں امریکہ اور مغربی ملکوں کی حمایت حاصل ہے اس سے قبل معروف صحابی رسول حضرت عمار یاسر رضی اللہ کی مزار اقدس کو بخی منہدم کر چکے ہیں جبکہ نواسی رسول حضرت زینب کبری سلام اللہ علیہ کے روضہ مبارک کو شہید کرنے کی کی ناپاک جسارت کرنے کے درپے ہیں۔

٭ اوپر تصویر میں حضرت حجر بن عدی (رض) کے مزار پر نصب ضریح مبارک اور مزار کے انہدام کے بعد کھلی ہوی قبر مبارک کا مشاہدہ کیا جاسکتاہے٭