امریکہ کی جانب سے پاکستان پر ہونے والے ڈرون حملوں اور اس ملک کی ارضی سالمیت کے خلاف جہاں اس ملک کی حکومت اور عوام نے احتجاج کیا ہے وھیں تحریک انصاف نے ڈرون حملوں کے خلاف سخت موقف اختیار کیا ہے۔

اسلام آباد سے ھمارے نمائندے کی رپورٹ کے مطابق پاکستان تحریک انصاف کی پارلیمانی پارٹی کا اجلاس شاہ محمود قریشی کی زیر صدارت منعقد ہوا۔ اجلاس میں ڈرون حملے رکوانے کے لیے قرارداد کی منظوری دی گئی جس میں مطالبہ کیا گیا ہے کہ ڈرون حملے رکوانے کے لیے وفاقی حکومت فوری اقدامات کرے۔ تحریک انصاف نے ڈرون حملوں کے خلاف قرارداد کا مسودہ بھی قومی اسمبلی میں جمع کرا دیا ہے، ا س میں کہاگیاہے کہ پاکستانی حدود میں ڈرون حملے اقوام متحدہ کے چارٹر اور عالمی قوانین کی خلاف ورزی ہیں۔ پی ٹی آئی نے مطالبہ کیاہے کہ ڈرون حملوں کاجواب سفارتی ذرائع یا فوجی اقدامات سے دیاجائے۔