کوئٹہ سے رپورٹ کے مطابق مجلس وحدت مسلمین،جماعت اسلامی،مسلم لیگی دھڑوں اور پیپلز پارٹی نے کل رات قائداعظم ریزیڈینسی پر حملوں کی جہاں بانئ پاکستان قائداعظم محمد علی جناح نے اپنی زندگی کے آخری ایام گذارے تھے مزمت کرتے ہوئے حکومت سے واقعہ کی فوری تحقیقات کرانے کا مطالبہ کیا ہے۔

واضح رہے کہ کل رات ڈیڑھ بجے مسلح دھشتگردوں نے قائداعظم ریزیڈینسی پر حملہ کیا،حملہ آوروں کی فائرنگ سے ایک اہلکار جبکہ جاں بحق اور ایک زخمی ہوا۔ لیویز کے اہلکار دھشتگردوں کوتلاش کررہے ہیں۔

ڈی پی او کے مطابق عمارت کے ارد گرد 6 بم ملے ہیں جن کو ناکارہ بنا دیا گیا ہے۔ ان کا کہنا تھا کہ ریزیڈینسی پر ایک ریموٹ کنٹرول اور 3 ٹائم ڈیوائسز سے حملہ کیا گیا۔ عینی شاہدین کے مطابق حملہ آوروں کی تعداد 4 سے 5 تھی۔ انہوں نے کہا کہ زیارت میں فائر بریگیڈ کی سہولت موجود نہیں تھی اس لیے آگ بجھانے میں تاخیر ہوئی۔