امریکہ نے گيارہ ملکوں کو ایران کی صنعت تیل سے خرید و فروخت پر عائد پابندی سے مزید چھے ماہ تک کے لئے مستثنی کیا ہے۔ ان ملکوں میں جاپان اور یورپی یونین کے دس ممالک شامل ہیں۔ ادھر ایک غیر ملکی خبررساں ادارے نے خبردی ہے کہ امریکہ نے ایران کے چھے افراد اور چار کمپنیوں پر پابندیاں عائد کردی ہیں۔ واضح رہے امریکہ اور یورپی یونین نے ایران کے تیل پر بھی پابندیاں عائد کردی ہیں اور اس طرح ایران کو پرامن ایٹمی پروگرام سے دستبردار ہونے پر مجبور کرنا چاہتے ہیں۔