اسلامی جمہوریہ ایران کی فوج کے سربراہ میجر جنرل سید عبدالرحیم  موسوی نے ایران کے خلاف اسرائيل کی دھمکیوں کی طرف اشارہ کرتے ہوئے کہا ہے کہ اسرائيل نے اگر دھمکیوں کو عملی جامہ پہنانے کی  کوشش کی تو اسے منہ توڑ جواب دیا جائےگا۔

میجر جنرل موسوی نے ایرانی فوج کی دفاعی پیشرفت کی طرف اشارہ کرتے ہوئے کہا کہ ایرانی فوج موجودہ پیشرفت پر متوقف نہیں ہوگی بلکہ ملکی اور قومی دفاع کے سلسلے میں ترقی اور پیشرفت کا سفر جاری رکھےگی۔

انھوں نے کہا کہ ایران کی بری ، بحری اور فضائیہ ملکی سرحدوں کا دفاع کرنے کے سلسلے میں مکمل طور پر آمادہ ہیں۔ اگر اسرائيل نے کوئی حماقت کی تو اسے دنداں شکن اور منہ توڑ جوب دیا جائےگا۔ میجر جنرل موسوی نے کہا کہ دشمن کو ایران کی دفاعی طاقت کا بخوبی علم ہے ۔ ایران کی مسلح افواج دشمن کی کسی بھی حماقت کا بھر پور جواب دینے کے لئے آمادہ ہے۔

صیہونیوں کی  دھمکی خوف اور دہشت سے تعلق رکھتی ہے، کیونکہ اس منحوس حکومت کے قائدین جانتے ہیں کہ اگر وہ اس طرح کے اقدام کو عملی جامہ پہنانا چاہتے ہیں، تو انہیں متناسب جواب ملے گا جو ان کے وجود کو جلد ختم کر دے گا۔

انہوں نے مزید کہا کہ ایران مخالف پابندیاں "ایک طویل عرصہ پہلے اپنی کارکردگی کھو چکی ہیں"، یہ بتاتے ہوئے کہ مسلح افواج کی طرف سے حاصل ہونے والی پیشرفت "ملکی صلاحیتوں" سے منسوب ہے۔