اس تقریب میں سپاہ پاسداران انقلاب اسلامی کے کمانڈر جنرل سلامی نے ایک  خطاب  میں کہا: "آج ہم نے پاسداران انقلاب اسلامی کی بحریہ کے معزز کمانڈر کے ساتھ جس کمپلیکس کا معائنہ کیا، وہ ان بہت سے کمپلیکسز میں سے ایک ہے جہاں پاسداران انقلاب اسلامی کے جنگی بحری جہاز اور میزائل لانچ کرنے والے  اور بارودی سرنگ بچھانے والے بحری جہاز رکھے جاتے ہيں۔

میجر جنرل سلامی نے مزید کہا: "اگرچہ یہ کمپلیکس جس کا آج عزیز ایرانی قوم مشاہدہ کر رہی ہے ایک شاندار کمپلیکس ہے، لیکن یہ آئی آر جی سی کی بحریہ کی پوری دفاعی طاقت کے سامنے ایک چھوٹا سا  نمونہ ہے۔"

 انہوں نے سپاہ پاسداران انقلاب اسلامی کی بحریہ کی جنگی اور دفاعی صلاحیت میں روز بروز اضافے  کا ذکر کرتے ہوئے مزید کہا: "ان بحری جہازوں کی جنگی صلاحیت اور ان پر نصب میزائل سسٹم ان متعدد جنگی جہازوں کے علاوہ ہیں جو اس وقت خلیج فارس میں ہمارے وطن کی آبی سرحدوں   کے تحفظ کے لیے گشت کر رہے ہیں

جنرل سلامی نے کہا : "خدا کے فضل سے،پاسداران انقلاب اسلامی کی  بحریہ میں گزشتہ اور موجودہ برسوں میں، اس فورس کے ساز و سامان اور ہتھیاروں  کی مقدار اور معیار دونوں میں ہی نمایاں پیش رفت ہوئی ہے۔"

میجر جنرل حسین سلامی نے اپنی بات  جاری رکھتے ہوئے کہا: "خدا کے فضل سے، کشتی رانی کی رینج، جہازوں کی رفتار، ان جہازوں پر نصب میزائلوں کی رینج، ان کا نشانہ ، اور ان کی تباہ کن طاقت ، ہر شعبے میں غیر معمولی پیش رفت ہوئي ہے۔"

جنرل سلامی نے کہا ہے ہم اپنے عزم و ٹھوس ارادے کے ساتھ رہبر انقلاب اسلامی کے ایک حکم پر، ایرانی قوم کی عظمت کے دفاع اور مختلف دفاعی شعبے میں نئي تاریخ رقم کرنے کے لئے تیار ہيں۔