اس موقع پر دونوں فریقوں نے ایران اور پاکستان کے تعلقات کی آخری صورتحال کا جائزہ لیا اور موجودہ باہمی معاہدوں پر عملدرامد کی رفتار تیز کرنے پر زور دیا۔

صدر مسعود پزشکیان اور پاکستان کے وزیر اعظم نے ایران اور پاکستان کی وسیع گنجائشوں کی جانب اشارہ کرتے ہوئے کہا کہ تہران اور اسلام آباد نقل و حمل اور راہداری منصوبوں، سرحدی تنصیبات میں فروغ اور صدر ایران کے دورہ اسلام آباد میں ہونے والے معاہدوں پر عملدرامد کے لیے پرعزم ہیں۔

دونوں فریقوں نے معاشی، تجارتی اور مواصلاتی تعلقات میں اضافے نیز مشترکہ کاوشوں پر بھی زور دیا۔

صدر پزشکیان نے ایران اور پاکستان کے تاریخی، ثقافتی اور سرحدی مشترکات کو توانائی، تجارت، باہمی سلامتی، سرحدی مارکیٹوں میں فروغ اور عوامی رابطے کی بنیاد قرار دیا جس کے ذریعے پورے علاقے میں استحکام اور خوشحالی کو یقینی بنایا جا سکتا ہے۔