پاکستان کے قبائلی علاقے پر امریکہ نے ایک اور ڈرون حملہ کیا ہے جس میں سات افراد ہلاک اور تین زخمی ہو گئے ہیں۔

ریڈیو تہران کی پشتو سروس کی رپورٹ کے مطابق یہ حملہ شمالی وزیرستان کے علاقے شوال میں ایک گھر پر کیا گيا۔ اس حملے میں گھر پر دو میزائل فائر کیے گئے جس میں سات افراد ہلاک اور تین زخمی ہو گئے ہیں۔

ابھی تک مرنے والے افراد کے بارے میں معلوم نہیں ہو سکا کہ ان کا تعلق کس گروہ سے ہے۔

دوسری جانب کوئٹہ شہر میں افغانستان کے قونصل خانے کا ایک ملازم محمد ہاشم پچیس جولائی سے لاپتہ ہے۔ اس ملازم کا تعلق افغان قونصل خانے کے ویزا سیکشن سے ہے