مصر میں معزول صدر مرسی کی حمایت میں نکالی جانے والی پر مصری فورسز کی فائرنگ سےجہاں ہلاک ہونے والوں کی تعدادمیں مسلسل اضافہ ہو رہا ہے وہیں بڑے پیمانے پر گرفتاریوں کا سلسلہ بھی جاری ہے۔

واضح رہے کہ دو روز قبل مصر کے دارالحکومت قاہرہ میں ،اخوان المسلمین نے معزول صدر محمد مرسی کی حمایت میں ریلی نکالی۔ اخوان المسلمین کے ترجمان کے مطابق پولیس نے ریلی پر براہ راست فائرنگ کردی جس سے120سے زائد افراد ہلاک اور 4500 کے قریب افراد زخمی بھی ہوئے۔ صدر مرسی کے حامیوں اور فورسز کے درمیان ،ایئر پورٹ کے قریب جھڑپیں بھی ہوئیں۔ مظاہرین کو منتشر کرنے کیلئے پولیس نے آنسو گیس کے شیل فائر کئے۔