اقوام متحدہ نے صیہونی حکومت کی جانب سے فلسطینی سرگرم کارکنوں کی گرفتاری پر تشویش ظاہر کی ہے۔

اقوام متحدہ کی ہائی کمیشنر برائے انسانی حقوق، روینا شامداسنی نے صیہونی حکومت کی جانب سے فلسطینیوں کی غیرقانونی گرفتاری پر تشویش ظاہر کی ہے اور صیہونی حکومت سے کہا ہے کہ غیرقانونی گرفتاریوں اور فلسطینیوں کو عدالت میں پیش کئے بغیر قید کرنے سے گریز کرے۔ روینا شامداسنی نے بتایا کہ اقوام متحدہ متعدد بار صیہونی حکومت کے اس اقدام کی مذمت کر چکا ہے۔ روینا شامداسنی نے اپنے بیان میں محمد جرار نام کے سرگرم فلسطینی کارکن کے مسئلے پر بھی روشنی ڈالی جنہیں صیہونی فوجیوں نے اغوا کرکے ان کے گھر پر قبضہ کر لیا تھا۔ انہوں نے کہا کہ صیہونی حکومت کو چاہیے کہ فلسطینیوں کو گرفتار کرنے سے گریز کرے اور قیدیوں سے ساتھ عالمی قوانین کے مطابق پیش آئے۔