پریس ٹی وی کی رپورٹ کے مطابق پناہ گزینوں کے امور میں اقوام متحدہ کے ہائی کمیشن نے اعلان کیا ہے کہ میانمار میں شدید بارشوں اور آنے والے سیلاب کے نتیجے میں روہنگیا مسلمانوں کو شدید مسائل کا سامنا ہے اور وہ عارضی پناہ گاہوں میں زندگی بسر کر رہے ہیں- اقوام متحدہ کے ہائی کمیشن نے اپنے بیان میں مزید کہا کہ روہنگیا مسلمانوں کے چوبیس پناہ گزیں کیمپوں میں سے ایک چوتھائی کیمپ، پوری طرح سے تباہ ہو گئے ہیں- راخین، چین، ساگائینگ اور مگوے نامی چار علاقوں کو سیلاب سے بہت زیادہ نقصان پہنچا ہے-میانمار کے راخین علاقے کے باشندے ایسے عالم میں دربدری کی زندگی بسر کر رہے ہیں کہ ہزاروں روہنگیا مسلمان دو ہزار بارہ میں انتہا پسند بودھسٹوں کے تشدد کے باعث بے گھر ہو گئے ہیں-