عین الاسد پر ایرانی جوابی کارروائی نے ثابت کر دیا ہے کہ امریکہ "کوئی غلطی کرنے" کے قابل نہیں، آیت اللہ سید احمد حسینی

Rate this item
(0 votes)
عین الاسد پر ایرانی جوابی کارروائی نے ثابت کر دیا ہے کہ امریکہ "کوئی غلطی کرنے" کے قابل نہیں، آیت اللہ سید احمد حسینی

ایرانی مجلس خبرگان کے رکن آیت اللہ سید احمد حسینی خراسانی نے مشہد میں حضرت امام علی الرضا علیہ السلام کے روضۂ اقدس میں جمعے کے اجتماع سے خطاب کرتے ہوئے حضرت رسول خدا صلی اللہ علیہ و آلہ سلم کی رحلت کے 10 روز بعد تک کے واقعات کو امیر المومنین حضرت امام علی علیہ السلام کے کلام کی روشنی میں بیان کرتے ہوئے کہا کہ وہ حقیقت جو انسانی معاشرے کو پاک اور نورانی کرتی ہے، ایمان ہے۔ انہوں نے کہا کہ معاشرے کی اکائی یعنی خاندان اور افراد کے دلوں میں جسقدر ایمان زیادہ ہو گا، معاشرے پر الہی برکات نازل کا نزول بھی اسی قدر ہو گا۔

ایرانی سپریم لیڈر کی ایکسپرٹس کونسل کے رکن آیت اللہ سید احمد حسینی خراسانی نے استکباری قوتوں کیخلاف "جہاد" کو امتِ مسلمہ کے تمام مسائل کا واحد حل قرار دیتے ہوئے کہا کہ امتِ مسلمہ کی جہادی طاقت کی ایک جھلک امریکی فوجی اڈے "عین الاسد" پر ایرانی جوابی کارروائی کی صورت میں ظاہر ہوئی ہے جس نے رہبر انقلاب آیت اللہ سید علی خامنہ ای کے اس فرمان کو ایک مرتبہ پھر ثابت کر دیا ہے کہ "امریکہ کوئی غلطی کرنے کے قابل نہیں"۔ انہوں نے کہا کہ یہ رہبر انقلاب اسلامی آیت اللہ سید علی خامنہ ای کے، شہید جنرل قاسم سلیمانی اور دوسرے شہداء جیسے لائق شاگرد ہی ہیں جنہوں نے اس میدان میں بھی جہادِ اسلامی کا دروازہ کھولا ہے جو عنقریب پوری امتِ مسلمہ کیلئے نجات کا ذریعہ ثابت ہو گا۔

Read 930 times