جوہری توانائی ادارے کے سربراہ نے کہا ہے کہ یہ ادارہ ایران کی ترقی و پیشرفت میں اہم کردار کا حامل ہے۔

اسلامی جمہوریہ ایران کے جوہری توانائی ادارے کے سربراہ محمد اسلامی نے ہمارے نمائندے کے ساتھ گفتگو کرتے ہوئے کہا کہ یہ ادارہ ایران کی ترقی و پیشرفت میں اہم کردار کا حامل ہے۔ انہوں نے اس ادارے کے سابق سربراہ علی اکبر صالحی کی خدمات کو سراہتے ہوئے کہا کہ علی اکبر صالحی کا شمار ایران کی علمی شخصیات میں ہوتا ہے اور وہ ہمارا قومی اثاثہ ہیں۔

واضح رہے کہ ایران کے صدر سید ابرہیم رئیسی نے ایک حکم  کے ذریعے محمد اسلامی کو جوہری توانائی ادارے کے سربرارہ کے طور پر مقرر کیا۔

محمد اسلامی اس سے پہلے ایران کی بارہویں حکومت میں وزیر برائے مواصلات اور شہری ترقی کے عہدے پر فرائض انجام دے چکے تھے۔ وہ اس سے قبل صوبہ مازندران کے گورنر ، وزارت دفاع کے صنعتی اور تحقیقی امور کے نائب وزیر اور ایران ایئر کرافٹ مینوفیکچرنگ کمپنی کے سی ای او کی حیثیت سے بھی فرائض انجام دے چکے ہیں۔