اسلامی جمہوریہ ایران کی وزارت خارجہ کے ترجمان سعید خطیب زادہ نے بحرین کے حکام کی طرف سے اسرائيل کے وزير خارجہ کے ذلیلانہ استقبال کی سخت الفاظ میں مذمت کرتے ہوئے کہا ہے کہ بحرین کے بادشاہ اور بحرینی حکومت نے اسرائیل کی ناجائز اور نامشروع حکومت کو باقاعدہ تسلیم کرکے اسلام ، مسلمانوں اور فلسطینیوں کی پشت میں خنجر گھونپ دیا ہے۔ انھوں نے کہا کہ بحرینی حکومت کا اسرائیل کو تسلیم کرنے کا اقدام خطے کے اور بحرین کے حریت پسند عوام کی مرضی کے خلاف ہے۔ سعید خطیب زادہ نے فلسطینی عوام پر اسرائیلی مظالم کو نظر انداز کرنے کی مذمت کرتے ہوئے کہا ہے کہ بحرین کی طرف سے اسرائيل کی غاصب حکومت  کو تسلیم کرنے کے باوجود اسرائيلی حکومت ناجائز اور نامشروع ہی رہےگی۔