، امت واحدہ پاکستان کے 40 رکنی وفد کی ایران کے دورہ کے دوران مرکز فقہی ائمہ اطہار کے سربراہ آیت اللہ محمد جواد فاضل لنکرانی سے خصوصی ملاقات کی۔

انہوں نے اپنے خصوصی خطاب میں کہا کہ اسلام دنیا پر اس وقت تک حکمرانی نہیں کرسکتا جب تک حقیقی اور آئیڈیل اسلامی معاشرہ قائم نہ ہوجائے۔ اسلام کا حقیقی حق بھی اسی وقت ادا ہوگا جب اسلام دنیا پہ حکومت کرے۔ ایران پہ عالمی سطح پہ پابندیاں ہیں لیکن اسلامی حکومت کے باعث ایران بتدریج ترقی کررہا ہے۔یہ فقط اور فقط اسلام کے فیوض و برکات ہیں۔

انہوں نے کہا: عالمی استعمار امریکہ و اسرائیل جمہوریہ اسلامی ایران کا مخالف ہے کیونکہ یہاں حکومتِ اسلامی کا عملی قیام عمل میں لایا گیا۔ اسلامی جمہوریہ ایران ان تمام بحرانوں سے نمٹنے میں کامیاب ہو چکا ہے جن سے ملک کو شدید نقصان پہنچ سکتا تھا لیکن خوش قسمتی سے ملک دشمنیاں بالخصوص پابندیاں یکے بعد دیگرے بے اثر ہوتی جا رہی ہیں اور ملک میں امید کی راہیں کھل رہی ہیں۔