تحریک حماس کے سیاسی دفتر کے نائب سربراہ اسماعیل ہنیہ نے کہا ہے کہ فلسطینی کے جہادی گروہوں نے پچاس دنوں کی جنگ میں تمام میدانوں میں صیہونی حکومت پر فتح حاصل کی ہے۔ فلسطین کی خبر رساں ایجنسی کی رپورٹ کے مطابق اسماعیل ہنیہ نے ہفتے کے دن غزہ میں تقریر کرتے ہوئے کہا کہ ملت فلسطین نے فوجی ، سیاسی ، اخلاقی اور ذرائع ابلاغ سمیت تمام میدانوں میں صیہونی حکومت کو شکست دی ہے۔ اسماعیل ہنیہ نے میدان جنگ میں استقامت کی کارکردگی ، ملت فلسطین کی مثالی ثابت قدمی  اور فلسطینی مذاکراتی ٹیم کی سیاسی استقامت کو صیہونی حکومت پر فتح کے اصل اسباب قرار دیا اور کہاکہ اس فتح نے دنیا والوں کو حیرت زدہ کردیا ہے۔ اور دوست و دشمن سب ہی اس فتح کے معترف ہیں۔