انبیاء، اولیاء ،صلحاء اور ممتاز شخصیات استاد اور معلم ہیں، ولی امر المسلمین

Rate this item
(0 votes)
انبیاء، اولیاء ،صلحاء اور ممتاز شخصیات استاد اور معلم ہیں، ولی امر المسلمین

 ولی امر المسلمین آیت اللہ سید علی خامنہ ای نے کہا ہے کہ تعلیم دینے کے لحاظ سے اللہ تعالی ، تمام انبیاء، اولیاء ،صلحاءاور ممتاز شخصیات استاد اور معلم ہیں۔ اساتذہ اور معلمین کے ساتھ ملاقات میں رہبر معظم انقلاب اسلامی نے کہا کہ قرآن مجید کی آیات کی روشنی میں اللہ تعالی علم و دانش عطا کرتا ہے وہ علم دینے والا ہے لہذا اللہ تعالی بھی استاد اور معلم ہے ۔ نبی کریم صلی اللہ علیہ وآلہ وسلم اور تمام مشائخ، علماء، دانشوراور ممتاز شخصیات جیسے استاد شہید مطہری بھی استاد اور معلم ہیں۔انہوں نے آنے والی نسلوں کی ہدایت ، تعلیم و تریب کو اساتذہ کے لئے باعث فخر قرار دیتے ہوئے کہاکہ اساتذہ سے ملاقات کا مقصد ان کے کردار کو اجاگر کرنا اور عوامی سطح پر استاد کی قدر ومنزلت کو قائم اور برقرار رکھنا ہے تاکہ استاد اور اس کے خاندان دونوں کو اس کے کام پر فخر ہو اور معاشرے میں بھی استاد کے کام کو فخر اور عزت کی نگاہ سے دیکھا جائے۔ولی امر مسلمین نے اسلامی تہذیب و تمدن کی تشکیل کے طویل المدتی ہدف کی طرف اشارہ کرتے ہوئے کہا کہ انسانی وسائل کسی بھی تہذیب کا بنیادی ڈھانچہ ہوتے ہیں اور نئی اسلامی تہذیب کے بانی وہ نسل ہے جو اس وقت اساتذہ کے ہاتھ میں ہے، اس نقطہ نظر سے بھی استاد کی قدر و منزلت اہمیت کی حامل ہے۔ اس عظیم مقصد کے ساتھ اس نسل کو ایرانی اسلامی تشخص، مضبوط اور گہرے اعتقادات، خود اعتمادی، خود سازی سے آراستہ ہونا چاہیے اور مشرق و مغرب کی فرسودہ تہذیبوں کے بارے میں آگاہ اور باخـبر ہونا چاہیے۔ انہوں نے اساتذہ کی زحمات اور کوششوں کی طرف اشارہ کرتے ہوئے کہاکہ یقینی طور پر مطلوبہ صورتحال کے حصول کے لیے موجودہ مسائل و مشکلات کو تدبر، تلاش و کوشش، جدوجہد اور صبر سے حل کرنے پر توجہ مبذول کرنی چاہیے۔

Read 425 times