اسلامی جمہوریہ ایران کے وزیر خارجہ جناب علی اکبر صالحی نے کہا ہے کہ پختہ عزم و ارادے کی بدولت ایرانی قوم نے ہر طرح کے مشکل حالات اور سخت بحرانوں کا مقابلہ کیا ہے ۔ ایران کے وزیر خارجہ نے کہا کہ ایسی حالت میں کہ ایران کے دشمن، شدید دباؤ اور سخت پابندیاں عائد کرکے ایران کو گوشہ نشین کرنے کی کوشش کررہے تھے تہران، علاقائی امن و استحکام کے تحفظ میں اپنا مثبت کردار ادا کرنے میں کامیات رہا ہے ۔ جناب علی اکبر صالحی نے ایرانی قوم کی ترقی و پیشرفت کی راہ میں کھڑی کی جانے والی رکاوٹوں کی طرف اشارہ کرتے ہوئے کہا کہ ایرانی قوم اپنے آہنی عزم و ارادے سے ہر طرح کا دشوار مرحلہ آسانی سے طے کرلے گی ۔