حسن روحانی نے صدارتی انتخابات میں کامیابی حاصل کرنے کے بعد رہبر انقلاب اسلامی حضرت آیت اللہ العظمی سید علی خامنہ ای سے ملاقات کی ہے۔

ایرانی عوام کے نو منتخب صدر حسن روحانی نے کل رہبر انقلاب اسلامی حضرت آیت اللہ العظمی سید علی خامنہ ای سے ملاقات کی اور مختلف امور پر گفتگو کی۔ اس ملاقات میں رہبر انقلاب اسلامی نے حسن روحانی کے لۓ توفیق الہی کی دعا کرتے ہوئے ان کو ضروری ہدایات دیں۔

واضح رہے کہ ایران کے گیارہویں صدارتی انتخابات میں حسن روحانی ایک کروڑ چھیاسی لاکھ تیرہ ہزار تین سو انتیس ووٹ حاصل کر کے ایران کے نۓ صدر منتخب ہوئے ہیں۔

ایران میں چودہ جون کو صدارتی انتخابات منعقد ہوئے تھے جن میں ایرانی عوام نے بھر پور شرکت کر کے سیاسی کارنامہ سرانجام دیا تھا۔