عراق کی مجلس اعلی اسلامی کے سربراہ "سید عمّار حکیم" نے اس ملک میں اپنے ایک خطاب میں عراق کے مختلف شہروں اور علاقے کے بعض ملکوں میں دھشتگردانہ دہماکوں کی طرف اشارہ کرتے ہوئے کہا کہ یہ جرائم اس بات کی دستاویز ہے کہ دھشتگرد گروہ عام شہریوں کے قتل عام اور اسلامی ملکوں میں عوام کے امن و استحکام کو درہم برہم کرنے کے درپے ہیں۔ "سید عمّار حکیم" نے مزید کہا کہ دھشتگردی کے خلاف جنگ ، ہمہ جہتی اور طویل مدت کی جنگ ہے اور عراق کے عوام اپنے ملک میں امن و استحکام کی برقراری کے لئے اپنی جان کا نذرانہ پیش کرنے کے لئے آمادہ ہیں اور ان کی یہ جدوجہد دھشتگردی کی لعنت کے مکمل خاتمے تک جاری رہے گی۔ انہوں نے عراق کی سیکیورٹی فورسیز سے اپیل کی کہ عراق کے عوام کے جان و مال کے تحفظ کے لئے پہلے سے زیادہ کوشش کریں۔