سینکڑوں ایتھوپیائی نژاد باشندوں نے تل ابیب میں سکیورٹی فورسز کے تشدد اور امتیازی سلوک کے خلاف مظاہرہ کیا ہے-

موصولہ رپورٹ کے مطابق سینکڑوں ایتھوپیائی نژاد باشندوں نے اتوار کے روز تل ابیب میں صیہونی حکومت کی سکیورٹی فورسز کے تشدد اور امتیازی سلوک کے خلاف احتجاجی مظاہرہ کیا- اس موقع پر مظاہرین نے زبردست نعرے بازی کی- مظاہرین نعرے لگا رہے تھے، نہ سیاہ نہ سفید ہم سب انسان ہیں- مظاہرین اپنا جلوس آزرئیلی ٹاورز سے سرکاری عمارتوں تک لے کر گئے- انھوں نے تل ابیب کے مرکز میں بعض سڑکوں اور چوراہوں کو بلاک کر دیا- واضح رہے کہ مظاہرے سے قبل صیہونی سکیورٹی اہلکاروں کی ایک بڑی تعداد کو علاقے میں تعینات کر دیا گیا تھا-