حجۃ الاسلام محمدرضا جباری نے مغربی آذربائیجان میں حوزہ نیوز ایجنسی کے نمائندے سے گفتگو کے دوران ہفتۂ بسیج کی مناسبت سے یہ بتاتے ہوئے کہ بسیج کی وطن عزیز کے کونے کونے میں موجودگی،باعث افتخار ہے،کہا کہ بسیج پاکیزگی،نئی فکر اور مخلصانہ خدمت کا پیکر ہے اور بسیجی جوان جہاں بھی داخل ہوا ہے اس نے ملک کو کامیابی سے ہمکنار کیا ہے۔امام راحل(رح) کے فرمان کے مطابق«بسیج شجرۂ طیبہ اور یہ ایک پھل دار اور تناور درخت ہے جس کے پھولوں سے بہار،یقین کی تازگی اور حدیثِ عشق کی مہک آتی ہے»۔

انہوں نے مزید کہا کہ انقلاب اسلامی ابھی وجود میں آیا ہی تھا کہ پوری دنیا کی مدد سے بعثی حکومت نے ایران کو نشانہ بنایا تاکہ انقلاب اسلامی کو متأثر کیا جا سکے لیکن اہل بیت علیہم السلام کے عاشق اور مکتبِ عاشورا کے جوانوں نے اپنے امام کی بیعت اور ان سے عہد و پیماں کرتے ہوئے میدان میں اترے اور ملک اور نظام کا دفاع کیا۔

امام جمعہ شوط نے کہا کہ بسیج کے قیام کو کئی برس گزرنے کے باوجود بھی،خدمت کی راہ میں تجربہ رکھنے والی یہ تنظیم آٹھ سالہ دفاع مقدس کے عظیم ایام کی مانند اقتصادی محاذ سمیت دیگر شعبہ ہائے زندگی میں بھی دلیری اور بہادری سے اسلامی جمہوریہ ایران کے دفاع میں مصروف عمل ہے۔

انہوں نے کہا کہ بسیجی تنظیم،انقلاب اسلامی کے بانی رہبر کبیر امام راحل کی عظیم فکر سے تشکیل پائی،اب بسیجی فکر و سوچ اسلامی جمہوریہ ایران میں پھیل چکی ہے اور بسیج کی موجودگی میں دشمن،انقلاب اسلامی پر حملہ کرنے کی جرأت نہیں کرے گا اور ہم سب کو اس عظیم اور الٰہی تنظیم کی مضبوطی کے لئے اقدامات کرنے چاہئیں۔

۔ابنا۔ فاران تجزیاتی ویب سائٹ کے مطابق برطانوی حکومت نے جمعہ (نومبر 19) کو اپنی فلسطین مخالف پالیسی کو جاری رکھتے ہوئے اور صیہونی حکومت کی حمایت کرتے ہوئے فلسطین کی اسلامی مزاحمتی تحریک “حماس” کو دہشت گرد قرار دے دیا۔
برطانوی وزیر داخلہ پریٹی پٹیل نے اعلان کیا ہے کہ انہوں نے برطانیہ میں حماس کی ہر طرح کی سرگرمی پر پابندی عائد کر دی ہے۔
اس حوالے سے الجزیرہ نیٹ ورک نے ایک رپورٹ میں اس برطانوی فیصلے کے قانونی نتائج کا جائزہ لیا۔ جنیوا انٹرنیشنل جسٹس سینٹر کے سربراہ، صباح المختار، جو لندن میں عرب بار ایسوسی ایشن کی سربراہی بھی کرتے ہیں، نے الجزیرہ کو بتایا کہ اس طرح کے فیصلوں میں سب سے خطرناک مسئلہ “حمایت کو جرم قرار دینا” ہے کیونکہ لفظ “حمایت” میں بہت سی سرگرمیاں شامل ہیں مثلا حماس کے موقف کی حمایت، پیسے سے اس کی حمایت، حماس کا پرچم بلند کرنا، اس کے اہداف کی تبلیغ کرنا یا حتیٰ اس کے ساتھ رابطہ کرنا یہ سب جرم شمار ہونے لگے گا۔
صباح المختار نے زور دے کر کہا کہ برطانیہ میں مندرجہ بالا سرگرمیوں میں سے کسی کو بھی انجام دینا غیر قانونی سمجھا جائے گا اور عدالتی فیصلے کے مطابق مجرم کا احتساب کیا جائے گا۔
انہوں نے مزید کہا کہ یہ قانون برطانیہ میں حماس کی سرگرمیوں کو سختی سے محدود کر دے گا، لیکن تحریک کو براہ راست متاثر نہیں کرے گا، سوائے اس کے کہ اگر حماس کے رہنما یورپ میں ہوں تو ان کے خلاف مقدمہ چلایا جا سکے گا۔
آخر میں، المختار نے کہا کہ اس فیصلے کو قانونی نقطہ نظر کے بجائے سیاسی نقطہ نظر سے دیکھا جانا چاہیے، کیونکہ اس کا مقصد حکومت اور سیکیورٹی سروسز کو قانون کی چھتری میں مناسب فیصلے کرنے کا انتظامی اختیار دینا ہے۔
الجزیرہ نے مزید کہا کہ لندن یونیورسٹی میں قانون کے پروفیسر مازن المصری صباح المختار کے اس نظریے سے اتفاق کرتے ہیں کہ سیاسی جہت کو برطانوی فیصلے پر مرکوز رکھا جانا چاہیے۔ المصری نے کہا کہ حماس کے عسکری ونگ القسام کو طویل عرصے سے دہشت گرد تنظیم کہا جاتا ہے اور اس نئے قانون کا فلسطینی سیاسی سرگرمیوں پر مزید پابندیاں عائد کرنے کے علاوہ کوئی جواز نہیں ہے۔
انہوں نے مزید کہا کہ قانون کا یہ مطلب نہیں ہے کہ حماس میں رکنیت انسان کے لیے قانونی کارروائی اور اس کے خلاف مجرمانہ بل کا باعث بنے گی کیونکہ حمایت کا موضوع بہت کھلا ہوا ہے۔
المصری نے ایک مثال دیتے ہوئے کہا کہ برطانیہ میں فلسطین کی حمایت میں ہونے والے کسی بھی مظاہرے کو روکا جائے گا اگر حماس کا پرچم بلند کیا گیا یا حماس کی حمایت میں نعرے لگائے گئے تو اس کے منتظمین کے خلاف قانونی کارروائی کی جائے گی۔
انہوں نے پیش گوئی کی کہ قانون کی تشریح بہت سے قانونی تنازعات کو جنم دے گی، خاص طور وہ برطانوی تنظیمیں اور خیراتی ادارے جو غزہ میں کام کر رہے ہیں کیا ان تنظیموں کو حماس کی حمایتی تصور کیا جائے گا؟ یا وہ لوگ جو غزہ جاتے ہیں اور انہیں حماس کے سیکورٹی اداروں کی طرف سے جاری کردہ داخلی اور خارجی اجازت نامے کی ضرورت ہوتی ہے، ان سے کیسے نمٹا جائے گا؟
لندن میں التفکیر العربی ایسوسی ایشن کے چیئرمین محمد امین نے بھی الجزیرہ کو بتایا کہ اس فیصلے کا مقصد فلسطین کی مدد کے لیے کام کرنے والے کسی بھی فرد کو سزا دینا ہے۔ اور وہ تنظیمیں اور افراد جو صہیونی لابی کے خلاف کھڑے ہوتے ہیں ان پر الزامات لگائے جائیں گے اور ان کی لگام کسی جائے گی۔
انہوں نے مزید کہا کہ یہ فیصلہ خالصتاً سیاسی ہے اور اس سے انتخابی مہم کی بو آ رہی ہے۔ پٹیل نے برطانیہ میں وزارت عظمیٰ کے اگلے دور میں کینڈیڈیٹ ہونے کے لیے صہیونی لابی کو اپنی طرف متوجہ کرنے کی کوشش کی ہے اور یہ ایسے حال میں ہے کہ موجودہ وزیر اعظم جانسن دوسری مرتبہ اس عہدہ کے لیے بالکل دلچسپی نہیں رکھتے۔ پٹیل نے ایسا کر کے صہیونی لابی سے قبل از وقت منظوری حاصل کرنا چاہی ہے۔

اہل بیت(ع) عالمی اسمبلی کی سپریم کونسل کے رکن آیت اللہ "محسن مجتہد شبستری" 84 سال کی عمر میں انتقال کر گئے۔

مرحوم تہران کے ہسپتال امام حسین (ع) میں دل کا دورہ پڑنے سے رخصت ہو گئے۔
آیت اللہ مجتہد شبستری امام خمینی (رہ) کے شاگردوں میں سے تھے اور اسلامی انقلاب کی تحریک میں پیش پیش رہتے تھے انقلاب کی کامیابی کے بعد مجلس شورای اسلامی میں نمایندگی جیسی ذمہ دارویوں کو اپنے دوش پر لیا۔

1994 میں رہبر انقلاب اسلامی نے مرحوم شبستری کو تبریز کا امام جمعہ منصوب کیا اور تقریبا 25 سال تک اس منصب پر فائز رہے۔

آپ اہل بیت(ع) عالمی اسمبلی کی سپریم کونسل کے سربراہ، تبریز کے امام جمعہ، جامعہ روحانیت کے رکن، مجلس خبرگان رہبری کی نمایندگی اور مجمع تشخیص مصلحت نظام کے رکن جیسے مناصب پر رہ کر دین اور انقلاب کی خدمت کرنے میں مصروف رہے۔

اسلامی جمہوریہ ایران کے دارالحکومت تہران میں نماز جمعہ حجۃ الاسلام والمسلمین حاج علی اکبری کی امامت میں منعقد ہوئی ، جس میں طبی پروٹوکول کی رعایت کے ساتھ عوام کی بڑی تعداد نے شرکت کی۔ نماز جمعہ کے خطیب نے ایٹمی مذاکرات کی طرف اشارہ ہوئے کہا ہے کہ ہمارے مذاکرات کاروں کو  امریکہ اور تین یورپی ممالک کی منہ زوری اور بین الاقوامی ایٹمی ایجنسی کے بہانوں پر توجہ نہیں دینی چاہیے۔خطیب جمعہ نے ایرانی مذاکرات کاروں پر زوردیا کہ وہ ایرانی عوام کے حقوق کے حصول اور ظالمانہ پابندیوں کے خاتمہ کے سلسلے میں تلاش و کوشش جاری رکھیں۔

خطیب جمعہ نے رضاکار سوچ کو معجز نما قراردیتے ہوئے کہا کہ ملک میں رضاکار سوچ تک پہنچنے میں کافی فاصلہ موجود ہے اور ملک بھر میں رضاکار اور بسیجی سوچ کے فروغ کے سلسلے میں تلاش وکوشش کرنی چاہیے۔

انھوں نے کہا کہ رضاکار اور بسیجی سوچ کے ذریعہ ہم دشمن کے تمام منصوبوں کو ناکام بنا سکتے ہیں۔

خطیب جمعہ نے عوام کو درپیش معاشی مشکلات کی طرف اشارہ کرتے ہوئے کہا کہ متعلقہ حکام کو عوام کی معاشی مشکلات کو دور کرنے کے سلسلے میں اپنی تلاش و کوشش اور جد وجہد کو مضاعف کرنا چاہیے۔

حجۃ الاسلام حاج اکبری نے گذشتہ 40 سال کے عرضہ کی طرف اشارہ کرتے ہوئےکہا کہ بسیچی اور رضاکار سوچ جس میدان میں بھی وارد ہوئی وہاں اس نے انقلاب برپا کیا ہے لہذا ہمیں ملکی مشکلات کو دور کرنے کے لئے ملک بھر میں بسیجی اور رضاکار سوچ کو فروغ دینا چاہیے اور اس سلسلے میں باہمی اتحاد، یکجہتی اور تعاون کی سخت ضرورت ہے۔

مہر خبررساں ایجنسی نے فلسطین الیوم کے حوالے سے نقل کیا ہے کہ فلسطین کی تنظيم حماس کے بیرونی امور کے سربراہ خالد مشعل نے اسرائيل کے ساتھ سفارتی تعلقات قائم کرنے والے عرب اور مسلم حکمرانوں پر شدید تنقید کرتے ہوئے کہا ہے کہ اسرائیل کے ساتھ سفارتی تعلقات قائم کرنے والے عرب اور مسلم حکمراں خائن اور غدار ہیں۔

خالد مشعل نے کہا کہ غاصب صہیونی حکومت کے ساتھ صلح کے تمام اجلاس ناکام ہوگئے ہیں اور اسرائیل عرب ممالک کے ساتھ اب سفارتی معاہدے کرکے ان پر اپنا تسلط جمانے کی کوشش کررہا ہے اور نادان عرب حکمراں خطے میں دانستہ طور اسرائيل کو مدد فراہم کررہے ہیں۔ اس نے کہا کہ  امت مسلمہ اور فلسطینی عوام ، عرب حکمرانوں کی اس خيانت کو کبھی معاف نہیں کریں گے۔ حماس کے رہنما نے کہا کہ فلسطینی عوام اپنے حقوق کے حصول کی جد وجہد جاری رکھیں گے۔

افغانستان کے دارالحکومت کابل میں اسلامی جمہوریہ ایران اور طالبان کے ورکنگ گروپ کا اجلاس ہوا۔

ایران اور طالبان کے ورکنگ گروپ کے اجلاس میں ثقافتی، اقتصادی، سیاسی، سکورٹی، سرحدی، توانائی اور مہاجرت کے معاملوں سے متعلق سات کمیٹیاں تشکیل دے دی گئی ہیں۔

افغانستان کے معاملوں میں ایران کے نمائندے حسن کاظمی قمی اور کابل میں ایران کے سفیر بہادر امینیان ایران کے اقتصادی معاملوں کے عہدیداروں کے ساتھ اس اجلاس میں شریک ہوئے، جبکہ طالبان کی طرف سے زراعت، ہجرت، اقتصاد اور تجارت و صنعت کے وزراء شامل ہوئے۔

حسن کاظمی قمی پیر کی صبح ایک وفد کے ساتھ افغانستان پہونچے تھے۔