ناوابستہ تحريک، عالمي نظام ميں اصلاح ،خودسرانہ اقدامات اور توسيع پسندي کي مخالف ہے -

صدر ڈاکٹر محمود احمدي نژاد نے جمعے کي رات ناوابستہ تحريک کے سولہويں سربراہي اجلاس کے اختتامي سيشن سے خطاب ميں کہا کہ تحريک کے تمام اراکين عالمي نظام ميں اصلاح چاہتے ہيں –

انہوں نے کہا کہ تحريک کے تمام اراکين انساني کرامت، انسانوں کے حقوق ،خدائي اور انساني اقدار ، عدل و انصاف ، پاکيزگي اور دوستي کے تحفظ پر زور ديتے ہيں-

صدر مملکت نے کہا کہ تحريک کے تمام اراکين دوستي وبرادري کے فروغ اور اخلاقي اصولوں کي پابندي نيز خودپرستي ، خودسري اور توسيع پسندي کے مقابلے کي ضرورت پر تاکيد کرتے ہيں-

ڈاکٹر محمود احمدي نژاد نے کہا کہ تحريک کے رکن تمام اراکين اسي طرح جنگ و تشدد کي حوصلہ افزائي سے پرہيز اور عدل و انصاف نيز دوستي کي اساس پر گفتگو کے ذريعے بين الاقوامي مسائل و مشکلات حل کئے جانے پر زور ديتے ہيں - انہوں نے کہا کہ تمام اراکين تحريک کے اہداف کي تکميل پر تاکيد کرتے ہيں - صدر مملکت نے کہا کہ تمام اراکين تحريک کي پوزيشن مضبوط کئے جانے نيز اراکين کي توانائي ميں اضافے اور بين الاقوامي امور و معاملات ميں سب کي مشارکت کے اسباب فراہم کئے جانے کے خواہشمند ہيں-