پاکستان کی فوج نے کہا ہے کہ اس ملک میں تیار کیے گئے بغیر پائلٹ اڑنے والے طیارے فوج اور فضائیہ میں شامل کرلیے گئے۔

ارنا کی رپورٹ کے مطابق پاکستان کی فوج کے ترجمان ادارے آئی ایس پی آر کا کہنا ہے کہ براق اور شہپر نامی طیاروں کے بیڑے افواج کے حوالے کیے جانے کی تقریب راولپنڈی میں ہوئی۔آرمی چیف جنرل اشفاق پرویز کیانی، ایئرچیف مارشل طاہر رفیق بٹ اور دیگر فوجی حکام نے تقریب میں شرکت کی۔ جنرل کیانی نے نیس کام کے سائنس دانوں اور انجینئروں کے کام کو سراہتے ہوئے کہا کہ ان طیاروں کی شمولیت سے پاکستانی افواج کی قوت و استعداد میں اضافہ ہوگا ان طیاروں کو سرویلنس کے لیے استعمال کیا جائے گا اور مستقبل میں ان سے ترقیاتی منصوبوں میں بھی مدد لی جاسکے گی