مندرجہ بالا جملہ جب سے میں نے ایک عالم دین کی کتاب میں پڑھا تو ایک لگن پیدا ہو گئی کہ میں بھی امام کے بارے میں کچھ معلومات جمع کر کے مومنین کے بچوں کے لئے پیش کروں ۔آپ ؑ کے تمام اقدامات خواہ کسی صورت کے ہوں بالکل اسی طرح واجب الاحترام اورمطابق ِعقل و شرع ہیں جس طرح امام حسین ؑ کے تمام اعمال وافعال میزان ِ عقل و شرع میں نہایت موزوں اور قابل ِتعریف ہیں۔ صلح حسن نے دراصل امام حسین کی آنے والی قربانی اور ذبح عظیم کی گہری تاثیر کی داغ بیل ڈالی ۔ چنانچہ جب حسین ؑمظلوم کی شہادت عظمیٰ کا امام حسن ؑ کی شہادت کے دس سال بعد وقت آگیا تو امام حسین نے بڑی آن بان سے اس امتحان میں کامیابی حاصل کرلی تو اس درخت میں ثمر آیا جو امام حسن نے لگایاتھا۔اوراسلام کے بھیس میںاسلام کشی کا جو بھوت بنایا گیا تھا اس کا پردہ چاک ہو گیا۔اور دنیا والوں نے دیکھ لیا کہ محمد اور آل محمد ؑ کیا چاہتے ہیں اور سلطنتوں کا بہاو ¿ کس طرف تھا۔
امام حسن ؑ کی صلح شیعہ حضرات کے نزدیک کسی طرح بھی قابل اعتراض نہیں ۔وہ انہیں امام ۔جانشین رسول ۔ صاحب اعجاز ۔علم وہبی کے مالک مانتے ہیں۔ ایک بڑے عالم دین سے ان کے شاگردوں نے پوچھا کہ حسن ؑ اور حسین ؑ کی طرز زندگی بالکل مختلف بتائی جاتی ایک نے صلح اختیار کی اور دوسرے نے جنگ۔وہ بزرگ ایک موٹی سی چادر لے کر دریا پر گئے اور اس کو دریا کے پانی میں خوب اچھی طرح سے ڈبویا ۔اس کے بعد چونکہ پانی کے وزن سے چادر بہت بھاری ہو گئی تھی لہٰذا ایک شاگرد کو ایک سرا پکڑوایا اور خود دوسرا سرا پکڑا اور کہا اسے نچوڑو۔اب شاگر د ہاتھ دائیں طرف گھما کر پانی نچوڑ رہا تھا اور قبلہ کا ہاتھ ادہر سے اگر دیکھا جائے تو مخالف سمت میں چل رہا تھا تاکہ پانی نچوڑتا رہے ۔ جب چادر کا پانی نکل گیا تو مولانا نے شاگردوں سے پوچھا ۔کیا بات تم لوگوں کی سمجھ میں آئی۔ دیکھو چادر کو سکھانے کے لئے ایک کا ہاتھ CLOCKWISE اور دوسری سمت والے کا اس کی مخالف سمت میں چل رہا ہے مگر مقصد دونوں کا ایک ہی ہے کہ کپڑے سے پانی نکال دیا جائے۔اسی طرح سے دونوں شہزادوں کا ایک ہی مقصد تھا کہ نانا کے دین اسلام کو کسی طرح سے بچا لیا جائے ۔ایک نے صلح کا طریقہ استعمال کیا دوسرے نے کربلا میں روز عاشورہ جنگ کر کے اور قربانیاں دے کر اسلام کو بچایا۔ اور حسین ؑ بھی بھائی حسن ؑ کی ۰۵ ہجری میں شہادت کے بعد ۰۱ سال تک صبر کا مظاہرہ کرتے رہے۔
بحکم حق کہیں پر صلح کر لیتے ہیں دشمن سے کہیں پر جنگ ِ خاموشی جواب ِ جنگ ہوتی ہے
زمانہ یہ سبق لے فاطمہ ؑکے دل کے ٹکڑوں سے کہاں پر صلح ہوتی ہے کہاں پر جنگ ہوتی ہے
امام حسن ؑ ایک ایسے ہادی اور رہنما تھے کہ جنہوں نے بچپن ہی سے دین کی تبلیغ اور رہنمائی کا کا م شروع کر دیا تھا۔ آپ نے ایسے کارہائے نمایاں انجام دئیے کہ سرکار رسالت کو گود میں لے کر کہنا پڑا کہ یہ دونوں میرے فرزند امام ہیں چاہے کھڑے رہیں یا بیٹھ جائیں ۔ یہ دونوں جوانان ِ جنت کے سردار ہیںاور ان کا باپ ان سے بھی افضل ہے ۔ اب اگر امت کے بوڑھے بھی جنت میں جانے کے خواہش مند ہوں گے تو ان کو ان شہزادوں کو جنت کا سردار ماننا پڑے گا اور ان کے بابا کو افضل ماننا پڑے گا۔جنت ان کے قبضے میں ہے اور کوثر ان کے باپ کے قبضے میں ہے۔ ان کی ماں خاتون جنت ہے ۔ ان سے واسطہ رکھنا ہی پڑے گا. جب ہی تو اصحاب کبار اپنے بچوں کی شکایت کے جواب میں کہا کرتے تھے کہ اگر حسن ؑ ابن علی ؑ تم کو غلام زادہ کہتے ہیں تو ان سے لکھوا لاو ¿۔ہم ان کے غلام بن کر جنت میں چلے جائیں گے۔
شہزادہ ءصلح و امن ۔۔سردار جوانان ِ جنت ۔ سبط رسول ۔جانِ بتول۔ علی ؑ کا لاڈلا۔امام امت ۵۱ رمضان ۳ ہجری کو اس دنیا میں تشریف لائے۔۷ سال رسول کے زیر سایہ گزارا۔ نانا کے بعد ۰۹ دن یا ۵۷ دن خاتون جنت کا ساتھ رہا۔ماں کے بعد ۰۳ سال کا عرصہ بابا علی ِ ؑمرتضیٰ کے ساتھ گزارا۔ سنہ ۰۴ ہجری میں باپ کی شہادت کے بعد دس سال تک بیٹھ کر دین اسلام کی خدمت کی۔جن میں آپ کے چھوٹے بھائی امام حسین ؑ شریک کار رہے۔۷۴ سال کی عمر میںمعاویہ ابن سفیان نے جعدہ بنت اشعث کے ذریعے زہر دے کر آپ کو شہید کر دیا ۔آپ کی شہادت کی تاریخ وہی ہے جو نانا رسول خدا کی تھی یعنی ۸۲ صفر ۰۵ ہجری۔
رسول ٓللہ نے اپنے قول وفعل سے امام حسن ؑ کے فضائل بیان کئے ہیں۔نواسہ مسجد میں آجائے تو منبر سے اتر کر گودی میں بٹھا لیا کرتے تھے۔سجدے میں آجائے تو سر نہ اٹھاتے تھے۔عید کا دن تھا تو کاندھے پر بٹھا کر ناقہ بن گئے۔مباھلے کادن آیا تو انگلی پکڑ کر لے چلے۔تطہیر کی منزل آئی تو گلے سے لگا کر ضعف رسالت کو قوت میں تبدیل کر دیا۔ عید کا دن آیا تو بیٹی زہرا ؑ کی دہلیز پر بیٹھ کر امام حسن ؑ کے دہن اقدس کے بوسے لئے۔اور ہرنی کا بچہ آیا تو اسے شہزادے کے حوالے کر دیا۔
امیر امومنین ؑ علی ؑ ابن ابی طالب ؑ کے زمانے میں بھی اگر کوئی مسئلہ پوچھنے آتا تو آپ ؑ امام حسن ؑ سے ہی جواب دلواتے تھے۔سب ہی کی کتابوں میںہے کہ امام حسن ؑ گہوارہ سے ہی لوح محفوظ کا مطالعہ کیا کرتے تھے۔
امام حسن ؑ کے کردار پر نظر کی جائے تو اخلاق میں نبی کا انداز نظر آتا ہے ۔کردار میں علی ؑ کا انداز۔شجاعت میں ھاشم ؑ کا جلال ۔استقلال میں ابو طالب ؑ کے تیور ۔ ایمان و یقین میں عبدالمطلب ؑ کا نقشہ۔ خاندان کی عزت ۔ بزرگوں کی یادگار۔مذہب کا ذمہ دارا۔ اسلام کا خطیب۔صلح کا نقیب۔قرآن کامفسر۔اُمت کا مصلح۔کعبہ کا محافظ۔ اور سیرت رسول کا ایسا ورثہ دار کہ کہ ہجوم ِ مصائب میں طعن و طنز کے باوجود حدیبیہ کی تاریخ دہرا کر صلح کر لی اور اسلام کو ایک بڑے خطرے سے بچالیا۔قدرت کو یہ ادا اتنی پسند آئی کہ دونوں کی تاریخ وفات کو ایک کر دیا ۔ یعنی ۸۲ صفر۔ جس تاریخ کو پہلا مصلح دنیا سے گیا تھا اسی تاریخ کو دوسرا شہزادہ صلح بھی دنیا سے رخصت ہوا۔
قرآن مجید کی آیتیں اور مرسل اعظم ؑکے ارشادات امام حسن کی عظمت کی گواہی دے رہے ہیں ۔ آیة تطہیر عصمت کا اعلان کر رہی ہے۔ آیت مباھلہ صداقت کا اعلان کر رہی ہے۔ آیت صلح کردار پر روشنی ڈال رہی ہے ۔اور سورة دہر آپ کی سخاوت کا قصیدہ پڑھ رہی ہے ۔امام حسن امام معصوم ہیں ان کا ہر قول و فعل ، حرکت و سکون میزان عصمت میں تلا ہوا ہے۔، اور اعتراض سے بالا تر ہے۔ مستحق اتباع و تحسین ہے ممکن ہے کہ ہماری سمجھ میں کسی فعل کی مصلحت نہ آتی ہو۔
آئمہ علیہم السلام کے علم اللہ کے خاص عطا کردہ تھے انہوں نے کسی اسکول میں نہیں پڑھا تھا۔ ایک دفعہ بادشاہ روم نے حاکم ِ شام سے دو سوال کے جواب مانگے تھے وہ عاجز آگیا تو اس نے مسئلے کو امام حسن ؑ کے سامنے پیش کیا اور آپ نے بتا دیا کہ زمین پر وہ جگہ جو آسمان کے ٹھیک وسط میں واقع ہے وہ پشت ِ خانہ ءکعبہ ہے ۔ اور زمین کا وہ خطہ جس پر سورج کی روشنی صرف ایک بار پڑی وہ نیل کی گہرائی ہے جس پر ایک دفعہ حضرت موسیٰ کے گزرتے ہوئے سورج کی روشنی پڑی تھی اور اس کے بعد پھر دریا حائل ہوگیا۔
امام حسن ؑ کا دستر خوان مدینہ منورہ میں بہت مشہور تھا ۔ ایک شخص مہمان آیا اورجب وہ کھانے بیٹھا تو ایک لقمہ کھاتا تھا اور ایک لقمہ بچا کر رکھ لیتا تھا ۔امام نے فرمایا تو صاحب عیال ہے َ؟ اس نے کہا۔ نہیں ۔ میں نے مسجد میں ایک شخص کو جو کی سوکھی روٹیاں کھاتے دیکھا ہے چاہتا ہوں کہ اس کی بھی کچھ مدد کر دوں۔ امام نے فرمایا ۔ بھئی وہ میرے با با علی ؑ مرتضےٰ ہیں ۔ان کی زندگی کا یہی معمول ہے ۔ہم اہل بیت جو دنیا کو کھلاتے ہیں وہ اور ہوتا ہے اور جس پر خود اپنی زندگی گزارتے ہیں وہ اور ہوتا ہے۔ہمارے لئے نعمتوں کا دسترخوان اللہ نے آخرت میں بچھایا ہے۔
ایک دفعہ معاویہ نے مدینہ آکر اعلان کیا کہ لوگ بادشاہ کو آکر سلام کریں اور بادشاہ سب کو انعام و اکرام تقسیم کرے گا۔ یہانتک کہ امام حسن ؑ کو اس کے کارندے مجبور کر کے اس کے پاس لے آئے۔ امام حسن جب پہنچے تو اس نے ارکان سلطنت سے کہا کہ حسن اس لئے دیر سے آئے ہیں کہ میرا خزانہ ختم ہو جائے۔ لہذا میں نے بھی فیصلہ کیا ہے کہ صبح سے سارا دن جتنا مال ،سارا اہل مدینہ کو انعام دیا ہے اس سے زیادہ ان کو دوں۔ یہ کہہ کر اس نے خزانہ منگوایااور کہا یہ آپ کا حصہ ہے۔ امام جب جانے لگے تو معاویہ کے ایک ملازم نے آپ کی جوتیاں سیدھی کر دیں ۔مولا نے حکم دیا کہ یہ سب دولت میری جوتی سیدھی کرنے کے عوض اس ملازم کو دے دی جائے۔ مولا کی سخاوت پر حضرت معاویہ کا منہ حیرت سے کھلا کا کھلا رہ گیا۔

مؤلف: سید نزر عباس ذرائع: MATAMDARI.COM

شہادت امام حسن

 امام جعفر صادق سے روایت ہے کہ امام حسن اپنے اہلبیت سے فرمایا کرتے تھے کہ میں بھی زہر سے اسی طرح شہید کیا جاو ¿ں گا جس طرح رسول ِ خدا ۔ لوگوں نے پوچھا ایسا کام کون کرے گا ۔آپ نے فرمایا میری زوجہ جعدہ بنت اشعث بن قیس۔معاویہ اس کے پاس پوشیدہ طریقے سے زہر بھجوائے گا اور حکم دے گا کہ وہ مجھ کو کھلا دے۔۔۔۔۔(جلاءالعیون ۔قطب راوندی) ۔۔جعدہ سے یہ معاویہ نے وعدہ کیا تھا کہ تجھ کو ایک لاکھ درہم دوں گا اور اپنے بیٹے یزید سے تیری شادی کر دوں گا۔ (مروجالذہب مسعودی)
معاویہ نے امام حسن ؑ کو زہر دینے کے بعد علیٰ الاعلان خوشی منائی اور آواز ِ تکبیر بلند کی۔ امام کا جنازہ جب قبر رسولؑ پر لے گئے تو انتہائی دردناک منظر پیش آیا جس پر مومنین قیامت تک روئیں گے۔ بلکہ انسانیت ماتم کرے گی۔مردہ جسم پر تیروں کی بارش کی گئی حتیٰ کہ میت کے جسم سے متعدد تیر نکالے گئے۔امام کو اپنے نانا کے پہلو میں دفن نہیں کرنے دیا گیا ۔ اور آپ کو جنت البقیع میں دفن کیا گیا۔

ر

 ایک انٹرویو میں معروف امریکی سائنسدان اور تجزیہ کار نوم چومسکی نے امریکی قیادت میں 20 سال قبل شروع ہونے والی " دہشت گردی کے خلاف جنگ" کے تباہ کن اثرات پر زور دیا ۔

چومسکی نے نائن الیون کی 20 ویں برسی کے موقع پر ایک انٹرویو میں ٹراؤٹ آؤٹ (انٹرویو لینے والا) کو بتایا ، "9/11 پر واشنگٹن کا فوری جواب افغانستان پر حملہ کرنا تھا"۔

انہوں نے کہا کہ جب امریکہ نے افغانستان پر حملہ کیا تو بنیاد پرست دہشت گردوں (طالبان) کے ٹھکانے ایک کونے تک محدود تھے۔ اب یہ دھشتگردی پوری دنیا میں پھیل چکی ہے۔ وسطی ایشیا اور مشرق وسطیٰ کی زیادہ سے زیادہ تباہی نے امریکی طاقت میں کوئی اضافہ نہیں کیا۔

انٹرویو کے ایک اور حصے میں چومسکی نے کہا کہ سابق صدر ڈونلڈ ٹرمپ کے اقتدار سنبھالنے سے پہلے ہی امریکہ کی ’’ سافٹ پاور ‘‘ میں کمی آئی تھی۔

انہوں نے کہا کہ ایک اور جہت امریکہ کی نرم طاقت ہے۔ جس میں امریکہ شدید زوال کا شکار ہے، اور یہ ٹرمپ کی طرف سے ملکی ساکھ کو شدید نقصان پہنچانے سے بہت پہلے شروع ہو چکا تھا۔ کلنٹن کے دور میں بھی ، سیاسی سائنسدانوں نے محسوس کیا کہ دنیا کا بیشتر حصہ امریکہ کو دنیا کا سب سے باغی ملک اور ان کے معاشروں کے لیے سب سے بڑا بیرونی خطرہ سمجھتا ہے۔

چومسکی نے مزید کہا ، "اوباما کی صدارت کے دوران ، بین الاقوامی رائے عامہ کے جائزوں سے پتہ چلتا ہے کہ امریکہ بجائے اس کے کہ قریبی حریف ہو عالمی امن کے لیے سب سے بڑا خطرہ ہے۔"

اپنی گفتگو کے ایک اور حصے میں ، امریکی سائنسدان اور تجزیہ کار نے کہا کہ نائن الیون کے واقعات کے بعد عراق اور افغانستان میں امریکی جنگ کی وجہ سے امریکہ کو 8 ٹریلین ڈالر سے زائد کا نقصان اٹھانا پڑا۔

چومسکی نے یہ بھی نوٹ کیا کہ امریکہ کے 9/11 سے پہلے طالبان کے ساتھ نسبتا اچھے تعلقات تھے۔ انہوں نے کہا نائن الیون کے بعد ، امریکہ نے اسامہ بن لادن کی حوالگی کا مطالبہ کیا ، اور جب طالبان راضی ہوئے تو واشنگٹن نے یہ پیشکش مسترد کرتے ہوئے کہا ، 'ہم ہتھیار ڈالنے کے لیے مذاکرات نہیں کر رہے ہیں۔'

انہوں نے کہا کہ افغانستان پر حملہ نہ صرف بین الاقوامی قوانین کی خلاف ورزی تھی بلکہ اس کا کوئی معقول عذر بھی نہیں تھا۔ اس کے علاوہ ، اس بات کے کافی شواہد موجود ہیں کہ افغانستان اور القاعدہ بش ، ڈک چینی اور ڈونلڈ رمز فیلڈ کا بنیادی ہدف نہیں تھے۔ ان کے پیش نظر افغانستان سے بڑے اہداف تھے۔ "[افغانستان پر حملے کے بعد] عراق ان کا پہلا قدم تھا اور پھر پورا خطہ۔"

اس امریکی سائنسدان اور تجزیہ کار نے فروری 2020 میں طالبان کے ساتھ ڈونلڈ ٹرمپ کے معاہدے پر تنقید کرتے ہوئے کہا ، "افغانستان سے نکلنے کے اپنے یکطرفہ معاہدے میں ، ٹرمپ نے سرکاری افغان حکومت سے مشاورت کی زحمت بھی نہیں کی۔ اس سے بھی بدتر ، ٹرمپ نے افغان حکومت کو مجبور کیا کہ وہ پانچ ہزار طالبان عسکریت پسندوں کو رہا کرے اور ان کے خلاف اقتصادی پابندیاں کم کرے"۔

انہوں نے مزید کہا: "انہوں نے اس بات پر اتفاق کیا کہ طالبان ہماری مدد کرنے والی حکومت اور ان بے گناہ لوگوں کے خلاف تشدد کا استعمال کر سکتے ہیں جنہوں نے امریکیوں کو محفوظ رکھنے میں ہماری مدد کی۔ طالبان کو اہم کام جو انجام دینا تھا وہ امریکی یا اس کی اتحادی افواج کو نشانہ بنانا بند کرنا تھا اور القاعدہ یا دیگر دہشت گرد گروہوں کو اجازت نہ دیں کہ وہ افغان سرزمین کو، امریکہ کو دھمکی دینے کے لیے استعمال کریں۔

افغانستان کے سابق صدر اشرف غنی کے جانے کے بعد طالبان اتوار (15 اگست) کو کابل میں داخل ہوئے۔ تجزیہ کار طالبان کی افواج کی آمد کو امریکہ اور دیگر مغربی ممالک کی طرف سے افغانستان کی دوبارہ تعمیر کے لیے 20 سال کی کوشش کے اختتام کے طور پر دیکھتے ہیں جو مغربی طرز کے مطابق ہے۔

امریکہ اور طالبان کے درمیان فروری 2020 کے معاہدے اور دونوں فریقوں کے درمیان "امن معاہدے" پر دستخط کے بعد ، افغانستان سے امریکی فوجیوں اور اتحادیوں کا انخلا شروع ہوا۔

امریکہ اور نیٹو کے دیگر ارکان نے 2001 میں امریکہ پر نائن الیون حملوں کے جواب میں افغانستان پر حملہ کیا اور اس کے بعد سے افغانستان میں اپنی فوجی موجودگی اور قبضہ جاری رکھا ہوا ہے۔

امریکہ کے لیے طویل مدتی نتائج

ریپبلکن ریپبلک ہاؤس فارن افیئرز کمیٹی کے رکن مائیکل میک کویل نے چند روز قبل کہا تھا کہ افغانستان سے امریکی ناکام انخلا دنیا میں امریکی پوزیشن کے لیے طویل مدتی نتائج کا باعث بنے گا اور اس سے ایران ، روس اور چین کو فائدہ ہوگا۔

فاکس نیوز کو انٹرویو دیتے ہوئے میک کویل نے کہا کہ امریکہ کے پاس کابل ایئرپورٹ کے باہر کوئی معلومات نہیں ہے جو کہ طالبان ، روس ، چین اور ایران کی فتح ہے۔

انہوں نے کہا کہ ہمیں زمین پر ہونے والی پیش رفت کے بارے میں کوئی معلومات نہیں ہے۔ میں بالکل بے خبر ہوں۔ اگر ہم ہوائی اڈے [کابل] سے نکل جاتے ہیں تو ہم مکمل لاعلمی میں ہوں گے۔ یہ نہ صرف طالبان بلکہ روس ، چین اور ایران کی بھی فتح ہے کیونکہ ہم اب خطے میں ان کی سرگرمیاں نہیں دیکھ سکتے۔

مغربی اقدار مسلط کرنے کی کوشش

افغانستان میں ہونے والی پیش رفت نے دیگر ممالک پر مغربی اقدار اور طرز زندگی مسلط کرنے کی امریکی کوششوں پر بھی تنقید کی ہے۔ چین ان ممالک میں سے ایک ہے جنہوں نے اس حوالے سے امریکہ پر تنقید کی ہے۔

"امریکہ ، برطانیہ ، آسٹریلیا اور دیگر ممالک کو افغانستان میں انسانی حقوق کی خلاف ورزیوں کے لیے جوابدہ ہونا چاہیے ،" اقوام متحدہ میں چین کے نمائندے نے چند روز قبل افغانستان کے بارے میں اقوام متحدہ کی انسانی حقوق کونسل کے اجلاس میں کہا۔
انہوں نے مزید کہا ، "امریکہ اور دوسرے ممالک ، جمہوریت اور انسانی حقوق کے بہانے ، دوسرے آزاد ممالک میں عسکری طور پر مداخلت کر رہے ہیں ۔"

بہر حال ، جو بائیڈن نے افغانستان میں اپنے فیصلوں کا دفاع کیا ہے ، حالانکہ اس نے ملک میں جو کچھ ہورہا ہے اس کی ذمہ داری سے بچنے کی کوشش کی ہے اور اس ذمہ داری کو دوسروں پر منتقل کرنے کی کوشش کی ہے۔

جمعہ کی صبح (27 اگست) ایک تقریر میں امریکی صدر نے کہا کہ امریکی انٹیلی جنس نے اس طرح کے حملے کے امکان کی پیش گوئی کی تھی جب امریکی فوجیوں کو نکالا جائے گا۔ تاہم انہوں نے کہا کہ آنے والے دنوں میں انخلاء کی کارروائیاں جاری رہیں گی۔

گذشتہ منگل کو ، انہوں نے طالبان کے افغانستان کے تیزی سے اور مکمل تسلط کے لیے طالبان کو ذمہ دار ٹھہرایا ، ٹرمپ انتظامیہ کے طالبان کے ساتھ معاہدے کا حوالہ دیتے ہوئے ، اور مفرور افغان صدر اشرف غنی سے مایوسی کا اظہار کیا۔ بائیڈن نے گزشتہ منگل کی صبح ایک تقریر میں افغان نیشنل سکیورٹی فورسز کی کارکردگی پر بھی افسوس کا اظہار کیا ، جبکہ چند ہفتوں قبل انہوں نے کہا تھا کہ افغان سکیورٹی اسٹیبلشمنٹ طالبان کے ممکنہ حملے کے خلاف ملک کا دفاع کر سکے گی۔

ایسے حال میں کہ امریکہ 2001 میں "پائیدار آزادی" نامی مشن کے ایک حصے کے طور پر افغانستان میں داخل ہوا، بائیڈن نے یہ بھی دعویٰ کیا کہ افغانستان میں امریکہ کا مشن کبھی بھی ملک میں جمہوریت یا آزادی کے قیام کے لیے نہیں تھا۔

امریکی صدر کا عجلت میں افغانستان سے اپنی فوجیں واپس بلانے کا فیصلہ جو کہ کابل حکومت کے زوال اور طالبان کے قبضے کا باعث بنا ، امریکی عوام کی نظروں سے اوجھل نہیں رہا۔ ٹریفلگر گروپ کی جانب سے چند روز قبل کیے گئے ایک سروے سے پتہ چلا ہے کہ 69 فیصد امریکی بائیڈن کے افغانستان چھوڑنے اور انخلاء کے فیصلے سے مطمئن نہیں ہیں اور صرف 23 فیصد جواب دہندگان نے ان کے اقدامات کو منظور کیا ہے۔

۔۔۔۔۔۔۔۔۔۔۔۔

عراقی وزیر اعظم مصطفی الکاظمی کے ساتھ مشترکہ پریس کانفرنس سے خطاب کرتے ہوئے صدر ایران سید ابراہیم رئیسی نے ایران اور عراق کے تعلقات کو انتہائی دوستانہ اور برادرانہ قرار دیا۔ انہوں نے کہا کہ سیاسی، اقتصادی اور ثقافتی میدان میں دونوں ملکوں کے تعلقات کے فروغ کی بے پناہ گنجائشیں موجود ہیں جن سے فائدہ اٹھانے کی ضرورت ہے۔

صدر ابراہیم رئیسی کا کہنا تھا کہ ایران عراق تعلقات صرف دو ملکوں کے تعلقات کی طرح نہیں ہیں بلکہ، علاقائی اور عالمی سطح پر بھی دونوں ممالک مؤثر کردار کے مالک ہیں۔

ایرانی صدر نے کہا کہ دونوں ممالک باہمی تعلقات کے فروغ کا پختہ ارادہ رکھتے ہیں اور عراقی وزیراعظم نے اربعین حسینی کے لیے ایرانی زائرین کا کوٹہ بڑھانے کا وعدہ کیا ہے۔ انہوں نے عراق کی جانب سے ایرانیوں کے لیے ویزے کی شرط ختم کیے جانے کا بھی خیر مقدم کرتے ہوئے کہا کہ عراقی وزیراعظم نے یہ اچھی خبردی ہے۔

عراقی وزیر اعظم نے بھی اس موقع پر داعش کے خلاف جنگ میں مدد دینے پر اسلامی جمہوریہ ایران کا شکریہ ادا کیا۔ انہوں نے کہا کہ عراقی عوام اور ہماری حکومت تمام مشکلات کے مقابلے میں ایرانی عوام اور حکومت کے ساتھ ہیں۔ عراقی وزیر اعظم نے دونوں ملکوں کے درمیان چودہ سو کلومیٹر طویل سرحدوں کا ذکر کرتے ہوئے کہا کہ وہ باہمی تعلقات کی اہمیت کو ظاہر کرنے کے لیے دوسری بار ایران آئے ہیں۔

اہل بیت(ع) نیوز ایجنسی۔ابنا۔ صدر جمہوریہ ایران سید اہراہمی رئیسی شنگھايی تعاون تنظیم کے سربراہان مملکت کے اجلاس میں شامل ہونے کے ارادے سے تاجکستان کا دورہ کریں گے۔

وزارت خارجہ کے ترجمان سعید خطیب زادہ نے پیر کے روز ورچوئل پریس کانفرنس میں صدر جمہوریہ سید ابراہیم رئیسی کے تاجکستان دورے کی اطلاع دی ہے۔

سعید خطیب زادہ نے ایرانی وزیر خارجہ حسین امیر عبد اللھیان کے ہندوستان دورے کے بارے میں میڈیا میں آئی خبروں کے بارے میں کہا کہ یہ دورہ ایجنڈے میں تھا لیکن شنگھائی اجلاس، صدر جمہوریہ ایران کے دورہ تاجکستان اور خارجہ پالیسی سے مربوط کئی اہم اجلاس جیسے آپس میں مربوط کئی موضوعات ہونے کی بنا پر، یہ دورہ نہیں ہو پایا لیکن یہ دورہ جلد ہی نئے شیڈیول کے تحت انجام پائے گا۔

مہر خبررساں ایجنسی کے بین الاقوامی امور کے نامہ نگار کے ساتھ گفتگو میں امریکی یونیورسٹی مینہ سوٹا کے استاد ویلیم او بیمین نے 11 ستمبر 2001 کے واقعہ کی طرف اشارہ کرتے ہوئے کہا ہے کہ امریکہ نے کبھی بھی دہشت گرد گروہوں کا سنجیدگی کے ساتھ  مقابلہ نہیں کیا اور مشرق وسطی میں امریکہ کی لشکر کش کا مقصد خاص گروہوں کو سکیورٹی اور تحفظ فراہم کرنا تھا۔

امریکہ ہر سال گیارہ ستمبر کی سالگرہ کے موقع پر اس واقعہ کے پوشیدہ پہلوؤں کو آشکار کرنے کی بات کرتا ہے لیکن حقیقت یہ ہے کہ امریکہ  نے گذشتہ 20 برسوں میں کبھی بھی 11 ستمبر کے واقعہ کے مخفی پہلوؤں کو اجاگر نہیں کیا ۔ امریکہ نے 11 ستمبر کے واقعہ میں سعودی عرب کے کردار کو ہمیشہ پوشیدہ اور مخفی رکھنے کی تلاش و کوشش کی ہے۔

11 ستمبر سن 2001 میں امریکی سرزمین پر بظاہر دہشت گردانہ حملہ ہوا  جس کے نتیجے میں امریکہ اور عالمی سطح پر عوام کو اس کے سیاسی، اقتصادی  اور سکیورٹی نتائج کا سامنا رہا ، بعض تجزيہ نگاروں کا کہنا ہے کہ یہ واقعہ بھی امریکہ کی فوجی بندرگاہ پرل ہاربر پر حملے جتنا مہم تھا۔ امریکہ کی فوجی بندرگاہ پرل ہاربر پر حملہ امریکہ کی دوسری عالمی جنگ میں مداخلت کا سبب بن گیا۔

اطلاعات کے مطابق 11 ستمبر کے واقعہ میں 19 افراد ملوث تھے جن میں سے 15 کا تعلق سعودی عرب ، 2 کا تعلق متحدہ عرب امارات ، 1یک کا تعلق مصر اور ایک کا تعلق لبنان سے تھا۔ 11 ستمبر کی دہشت گرد ٹیم کا تعلق عرب ممالک اور القاعدہ سے تھا۔ لیکن امریکی صدر جارج بش نے افغانستان اور عراق کو نشانہ بنایا ، جن کا کوئی بھی فرد اس حملے میں ملوث نہیں تھا۔ امریکی صدر نے افغانستان اور عراق کو شرارت کا محور قراردیا اور انھیں عالمی امن کے لئے بہت بڑا خطرہ بنا کر پیش کیا۔

11 ستمبر کے کمیشن نے اپنی رپورٹ میں سعودی عرب کے سیاسی عناصر کی مداخلت کے واضح ثبوت پیش کئے اور بعد میں مائیکل مور نے اپنی دستاویزی فلم میں بھی اس کی طرف اشارہ کیا ۔

مینہ سوٹا یونیورسٹی کے استاد نے  دہشت گردی کے سلسلے میں امریکہ کی کوششوں کی ناکامی کے بارے میں مہر نیوز کے نامہ نگار کے سوال کا جواب دیتے ہوئے کہا کہ 11 ستمبر کے واقعہ کا منصوبہ القاعدہ نے بنایا تھا  اور القاعدہ کے اصلی عناصر کا تعلق سعودی عرب سے تھا نہ افغانستان ، عراق یا ایران سے تھا۔ القاعدہ کو امریکہ نے سویت یونین کی روک تھام کے لئے تشکیل دیا تھا اور سویت یونین کے ٹوٹنے کے بعد امریکہ نے اس گروہ کو رہا کردیا۔ القاعدہ کا امریکہ پر حملے کا مقصد اسے مشرق وسطی اور خاص طور پر سعودی عرب سے نکالنا تھا ۔ القاعدہ کا سعودی عرب کے شاہی خاندان سے اختلاف تھا اور آج بھی ہے لیکن اس حقیقت کو امریکہ اور سعودی عرب دونوں نے چھپا رکھا ہے۔ امریکہ نے 11 ستمبر کے واقعہ میں کبھی سعودی عرب کی مذمت نہیں کی بلکہ اس کے عوض اس نے سعودی عرب سے خطے کی جغرافیائی صورتحال اور حکومتوں کی تبدیلی کا معاملہ شروع کیا جس میں سعودی عرب نے امریکہ کے نقشے کو عملی جامہ پہنانے کی کوشش کی، سعودی عرب نے 11 ستمبر کے واقعہ میں کلیدی نکات کو چھپانے کے سلسلے میں امریکہ کو بھاری مقدار میں تاوان ادا کیا ہے۔ باراک اوبامہ کی حکومت تک امریکہ نے القاعدہ کے خلاف کوئي سنجیدہ اقدام انجام نہیں دیا۔ امریکہ اب بھی طالبان، القاعدہ اور داعش کے خطرے کو سنجیدگي کے ساتھ نہیں لے رہا ہے کیونکہ یہ تنظیمیں امریکہ نے خود تشکیل د ی ہیں اور ان تنظیموں میں امریکہ کے اہم جاسوس موجود ہیں۔

مینہ سوٹا یونیورسٹی کے استاد نے امریکہ کے افغانستان سے 20 سال بعد خارج ہونے کے بارے میں مہر نیوز ایجنسی کے سوال کا جواب دیتے ہوئے کہا کہ افغانستان میں امریکہ نے کوئی خاص کام انجام نہیں دیا۔ اور طالبان کی پورے افغانستان پر کنٹرول کی کوشش ناکام ہوجائےگی۔

 عرب ویب سائٹ البوابہ الاخباریہ الیمنیہ کی رپورٹ کے مطابق ریاض نے صوبہ مارب سے پسپائی کے دوران بھاری ہتھیاروں و جنگی ساز و سامان کو نکالنا شروع کر دیا ہے۔ اس صوبہ میں صنعاء کی فورسز نے مضبوط دفاع کےساتھ اسنیپ اٹیکس کا عمل شروع کر رکھا ہے۔

حالیہ دنوں میں یمنی فوج اور صنعاء میں نیشنل سالویشن گورنمنٹ سے وابستہ عوامی افواج نے سعودی اتحادی افواج سے صوبہ مارب کے جنوب مغرب میں واقع رحبہ شہر کو صاف کرانے میں کامیابی حاصل کر لی تھی اور صوبہ مارب کے دارالحکومت مارب کو مکمل طور پر آزاد کرانے کی پوزیشن میں ہیں۔

مارب میں قبائلی ذرائع نے البوابہ الاخباریہ کو بتایا کہ جن مسلح افراد نے سعودی فورسز پر گھات لگا کر کاروائی کی ہے وہ غالبا صنعا کی مسلح افواج کے ہی مختلف گروپس تھے۔

یاد رہے اس سعودی قافلے میں سعودی فوجی افسر، سپاہی اور فوجی سازوسامان شامل تھا جو القرون علاقے کو عبور کرتے ہوئے وادی عبیدہ میں الرویک اور غوبریان کیمپوں کے نزدیک مسلح فورسز کا نشانہ بنا۔

ان ذرائع کے مطابق، اس حملہ میں جو گھات لگا کر کیا گیا ہے متعدد سعودی فوجی ہلاک اور زخمی ہوئے ہیں جبکہ قافلہ میں موجود فوجی سازوسامان تباہ ہو گیا۔

اس رپورٹ میں کہا گیا ہے کہ یہ فوجی کاروائی مارب کی آزادی کے لیے جنگ کی شدت کو ظاہر کرتی ہے کیونکہ صنعا افواج نے آخری جنگی معرکہ کے قریب ہوتے ہوئے مختلف جنگی حربے استعمال کرنا شروع کر دیئے ہیں۔

پچھلے چند گھنٹوں میں، صنعاء کی افواج مختلف اطراف سے صوبہ مارب کے دارالحکومت کے قریب پہنچ چکی ہیں اور موجودہ صورتحال کے تناظر میں صنعاء کی افواج جلد ہی اس صوبے پر قبضہ مکمل کر لیں گی۔ یمن کا یہ صوبہ گیس اور تیل کے ذخائر سے مالا مال ہے۔

بحرین نے اسرائیلی ریاست کےساتھ نام نہاد امن معاہدے کے بعد اسرائیلیوں کے لیے اپنے دروازے کھول دیے ہیں۔

جمعرات کو بحرینی وزارت خارجہ کی طرف سے جاری ایک بیان میں کہا گیا ہے کہ منامہ نے اسرائیلی شہریوں کے لیے ویزے جاری کرنے کا فیصلہ کیا ہے۔

عبرانی ریڈیو کی رپورٹ میں کہا گیا ہے کہ اسرائیلیوں کے ویزوں کے اجرا کا فیصلہ ایک ایسے وقت میں کیا گیا ہے جب دونوں ملکوں کی جانب سے ایک دوسرے کے لیے فضائی سروس شروع کرنے کا بھی فیصلہ کیا گیا ہے۔

دوسری طرف سے بحرین نے باضابطہ طورپر اسرائیلیوں کے لیے ویزے جاری کرنے کی خبر پرکوئی تبصرہ نہیں کیا گیا۔

خیال رہے کہ خلیجی ریاست بحرین نے اکتوبر 2020ء کو اسرائیل کے ساتھ امریکہ کی ثالثی کے تحت امن معاہدے کا اعلان کیا تھا۔ بحرین کی طرف سے اسرائیل کو تسلیم کیے جانے پر فلسطین میں شدید رد عمل سامنے آیا اور اس اقدام کو فلسطینی قوم کی پیٹھ میں خنجر گھونپنے کے مترادف قرار دیا تھ

 صیہونی وزیر خارجہ کی بکواس پر اسلامی جمہوریہ ایران کی وزارت خارجہ کے ترجمان نے کہا ہے تہران جواب کا حق اپنے لئے محفوظ رکھتا ہے۔

ایران کی وزارت خارجہ کے ترجمان سعید خطیب زادہ نے جمعہ کو ایک ٹویٹ میں کہا: قوانین کی دھجیاں اڑانے والی صیہونی حکومت اپنے ایٹم بم سے ایران کو ایسی حالت میں دھمکی دے رہی ہے کہ وہ این پی ٹی میں شامل نہیں ہے جبکہ ایران این پی ٹی کا رکن اور اسکی جوہری تنصیبات معائنہ شدہ ہیں۔

ایرانی وزارت خارجہ کے ترجمان نے کہا کہ مغرب کے اس منھ لگے کو پھروتی کی عادت پڑ گئی ہے لیکن اب دنیا اسکی اصلیت کو سمجھ چکی ہے۔ دنیا سمجھ گئی ہے کہ وہ اس وقت عالمی سطح پر عدم استحکام کا باعث ایک عنصر ہے۔

سعید خطیب زادے نے کہا کہ ایران کے پاس جواب دینے کا حق محفوظ ہے۔