اسلامی جمہوریہ ایران کے دارالحکومت تہران میں کل  بروز بدھ ماہرین اور یونیورسٹیوں کے بعض اساتید کی موجودگی میں افغانستان کی موجودہ صورتحال کے بارے میں ایک خصوصی اجلاس منعقد ہوگا۔

اطلاعات کے مطابق یہ اجلاس افغانستان کی موجودہ صورتحال کے بارے میں تہران میں مقامی وقت کے مطابق بعد از ظہر 14 بجے سے 16 بجے تک منعقد ہوگا ۔ اس اجلاس میں افغانستان کی قومی کانگرس پارٹی کے سربراہ اور افغان پارلیمنٹ کے سابق رکن پدرام عبداللطیف بھی شرکت کریں گے۔ ایرانی وزارت خارجہ کے مغربی جنوب ایشیاء کے ڈائریکٹر ڈاکٹر سید روسل موسوی بھی شرکت کریں گے ۔ دیگر ماہرین اور اساتید میں جناب محمد حسن جعفری، ڈاکٹر سید رضا صدر الحسینی ، ڈاکٹر منیرہ راہ نجات ۔ ڈاکٹر محمود مہدوی ، ڈاکٹر سمیہ مرونی، ڈاکٹر سید لطف اللہ جلالی، جناب محمد عارف ، ڈاکٹر حسین جعفری اور جناب سعید قدیری شامل ہیں۔

آيه ولايت:

{إِنَّمَا وَلِيُّكُمُ اللَّهُ وَرَسُولُهُ وَالَّذِينَ ءَامَنُوا الَّذِينَ يُقِيمُونَ الصَّلَوةَ وَيُؤْتُونَ الزَّكَوةَ وَهُمْ رَ كِعُونَ} .

المائدة : 55.

ایمان والو بس تمہارا ولی اللہ ہے اور اس کا رسول اور وہ صاحبانِ ایمان جو نماز قائم کرتے ہیں اور حالت رکوع میں زکوِٰ دیتے ہیں۔

  اهل سنت کے بزرگ علماء نے مجاهد سے یہ روایت نقل کی ہے {إِنَّمَا وَلِيُّكُمُ اللَّهُ وَرَسُولُهُ} نَزَلَتْ فِي عَلي بن أبي طالب تَصَدَّقَ وَهُوَ راكِعٌ. جس وقت علی ابن ابی طالب حالت رکوع میں تھے اور آپ نے حالت رکوع میں صدقہ دیا تو یہ آیت آپ کی شان میں نازل ہوئی  تفسير الطبري ج 6 ص 390

اسی طرح  ابن ابي حاتم از عتبه بن ابي حکيم نے اسی مطالب کو نقل کیا ہے .تفسير ابن أبي حاتم ج 4 ص1162 .

ابن تيميه ان دو تفاسیر کے بارے میں کہتا ہے : تفاسيرهم متضمّنة للمنقولات التي يعتمد عليها في التفسير  طبري اور ابن ابي حاتم کی تفاسیر  ایسی تفاسیر میں سے ہیں کہ کہ جن میں ایسی احادیث اور باتیں موجود ہیں کہ جن پر قرآن کی تفسیر کے لئے اعتماد کیا جاسکتا ہے ۔

آلوسي سلفي کہتا ہے: « وغالب الأخباريّين على أنّ هذه الآية نزلت في ‌علي‌» اکثر اخباریوں کا یہ نظریہ ہے کہ یہ آیت حضرت علی علیہ السلام کے بارے نازل ہوئی ہے .تفسير روح المعاني ج6ص167.

اسی طرح آلوسی کہتا ہے: «والآية عند معظم المحدثين نزلت في علي» اکثر محدثین کا یہ نظریہ ہے کہ آیت، علي بن ابي طالب کے بارے نازل ہوئی ہے .

تفسير روح المعاني ج6ص186.

آيه ابلاغ:

{يَا أَيُّهَا الرَّسُولُ بَلِّغْ مَا اُنزِلَ إِلَيْكَ مِن رَّبِّكَ وَإِن لَّمْ تَفْعَلْ فَمَا بَلَّغْتَ رِسَالَتَهُ وَاللَّهُ يَعْصِمُكَ مِنَ النَّاسِ} المائدة: 67.

اے پیغمبر ! آپ اس حکم کو پہنچادیں جو آپ کے پروردگار کی طرف سے نازل کیا گیا ہے اور اگر آپ نے یہ نہ کیا تو گویا اس کے پیغام کو نہیں پہنچایا اور خدا آپ کو لوگوں کے شر سے محفوظ رکھے گا کہ اللہ کافروں کی ہدایت نہیں کرتا ہے۔

اھل سنت کے بڑے عالم ابن ابي حاتم نے ابو سعيد خُدْرِي سے نقل کیا ہے  : «نزلت هذه الآية . . . في علي بن أبي طالب» یہ آيه ابلاغ حضرت علی ابن ابی  طالب علیہ السلام کے بارے میں نازل ہوئی ہے۔

تفسير ابن أبي حاتم ج 4 ص1172.

آلوسی کہ جو اھل سنت ہی بڑے علماء سے ہیں۔ انہوں نے عبد الله بن مسعود کی یہ روایت نقل کی ہے کہ ہم  رسول الله صلي الله عليه وآله کے زمانے میں  اس آیت کی اس طرح سے تلاوت کرتے تھے : «بَلِّغْ مَا اُنزِلَ إِلَيْكَ مِن رَّبِّكَ إنّ عليّاً وليُّ المؤمنين وَإِن لَّمْ تَفْعَلْ فَمَا بَلَّغْتَ رِسَالَتَهُ» یہ جو چیز آپ کے پروردگار کی طرف سے نازل ہوئی ہے "علی مومنوں کے ولی ہیں " اس کو لوگوں تک پہنچائے اگر ایسا نہیں کیا تو گویا آپ نے رسالت کے کام کو نہیں پہنچایا۔

روح المعاني ج6 ص193

سيوطي ،شوكاني ، محمد رشيد رضا وغیرہ نے بھی اس حدیث کو نقل کیا ہے .

الدر المنثور ج2ص298 و فتح القدير ج 2 ص60 والمنار: ج 6ص463 .

آيه اکمال دين:

{أَكْمَلْتُ لَكُمْ دِينَكُمْ وَأَتْمَمْتُ عَلَيْكُمْ نِعْمَتِي وَرَضِيتُ لَكُمْ الاِسْلاَمَ دِيناً}. المائدة: 3

-آج میں نے تمہارے لئے دین کو کامل کردیا ہے اور اپنی نعمتوں کو تمام کردیا ہے اور تمہارے لئے دین اسلام کو پسندیدہ بنادیا ہے.

خطيب بغدادي کہ جو اهل سنت کے بڑے علماء میں سے ہیں ،انہوں نے ابوهريره سے نقل کیا ہے : غدير خم کے دن رسول اللہ صلی اللہ علیہ و آلہ وسلم نے علي بن ابي طالب علیہ السلام کے ہاتھ کو پکڑ کر فرمایا : «أَلَسْتُ وَلِيَّ المُؤْمِنِين؟» کیا میں مومنوں کے ولی اور ان کا سرپرست نہیں ہوں؟ سب نے کہا جی ہاں یا رسول اللہ صلی اللہ علیہ و آلہ وسلم! ۔ اس وقت آپ نے فرمایا : «مَنْ كُنْتَ مَوْلَاهُ فَعَلِيٌّ مَوْلَاهُ» جس کا میں مولی ہوں علی اس کا مولا ہیں  . اس کے بعد عمر بن خطاب نے کہا  : اے ابو طالب کے فرزند مبارک ہو مبارک ہو ، آپ میرے اور سارے مسلمانوں کے ولی بن گئے  اور پھر یہ آیت نازل ہوئی "آج آپ کے دین کو ہم نے کامل کیا (اس روایت کی سند معتبر ہے )

تاريخ بغداد ج8 ص284

ابن کثير کی نقل کردہ روایت کے مطابق عمر بن خطاب نے کہا : «أَصْبَحْتَ الْيَومَ وَلِيَّ كُلِّ مُؤْمِنٍ» يا علي! آج کے بعد آپ تمام مومنوں کے ولی بن گئے.

البداية والنهاية ج 7 ص350 .

سنت اور ادله امامت الهي و خلافت بلا فصل علي عليه السلام ۔

حديث ولايت:

حاكم نيشابوری کہ جو اھل سنت کے بڑے علماء میں سے ہیں،انہوں نے  پیغمبر صلي الله عليه وآله کی یہ روایت نقل کی ہے : «إنَّ عَلِيّاً مِنِّي وَأَنَا مِنْهُ وَهُوَ وَلِيُّ كُلِّ مُؤْمِنٍ بَعْدِي» علی مجھ سے ہیں اور میں علی سے ، علی میرے بعد تمام مومنین کے ولی ہیں ۔

یہ روایت مسلم کی شراط کے مطابق صحیح ہے اسی طرح ذھبی نے بھی اس کو صحیح قرار دیا یے .

مستدرك ج 3 ص 110

وهابي فکر والے بڑے عالم آلبانی نقل کرتا ہے کہ پیغمبر صلی الله عليه وآله نے  اميرالمؤمنين عليه السلام سے خطاب میں فرمایا : «أَنْتَ وَلِيُّ كُلِّ مُؤْمِنٍ وَمُؤْمِنَةٍ» تم میرے بعد تمام مومنین مرد اور عورتوں کے ولی ہیں. حاکم  اور ذهبي نے اس  روايت کو صحیح قرار دیا ہے  جب ان دو نے کہا ہے تو اس روایت کی سند صحیح ہے۔

السلسلة الصحيحة ، ج 5 ص263 . المستدرك ج3 ص133.

حديث الخلافة :

ابن أبي عاصم کہ جو اھل سنت کے بڑے علماء میں سے ہیں،انہوں نے پیغمبر صلی الله عليه وآله کی اس حدیث کو نقل کیا ہے کہ آپ نے اميرالمؤمنين سے خطاب میں فرمایا : «وَأنْتَ خَلِيفَتِي فِي كُلِّ مُؤْمِنٍ مِنْ بَعْدِي» آپ میرے بعد میرا جانشین اور تمام مومنوں کے ولی ہیں ۔

 كتاب السنة 551 .

وھابی عالم آلبانی نقل کرتا ہے : پیغمبر صلی الله عليه وآله نے اميرالمؤمنين سے خطاب میں فرمایا : «لَا يَنْبَغِي اَنْ اَذْهَبَ اِلَّا وَأَنْتَ خَلِيفَتِي» سزاوار نہیں ہے کہ میں جاوں مگر یہ کہ آپ میرا جانشین ہو ۔  الباني کہتا ہے کہ : حاکم اور ذهبي نے اس روایت کو صحیح قرار دیا ہے ۔جس طرح سے ان دو نے اس کو صحیح قرار دیا ہے ،یہ صحیح ہے ۔

سلسلة الصحيحة ج 5 ص263 .

حديث امامت:

حاكم نيشابوري نے نقل کیا ہے کہ پیغمبر صلی الله عليه وآله نے فرمایا : مجھ پر وحی نازل ہوئی ہے کہ «علي إمام المتقين» علی متقین کے امام ہیں. اس روايت کی سند بھی صحیح ہے .

مستدرك حاكم ج3 ص133 .

خوارزمي کہ جو اهل سنت کے علماء میں سے ہے ،انہوں نے رسول اللہ  صلی ‌الله عليه وآله، سے نقل کیا ہے کہ آپ نے حضرت علی علیہ السلام سے فرمایا : «أَنْتَ إِمَامُ كُلِّ مُؤْمنٍ وَمُؤْمِنَةٍ» آپ تمام مومن مردوں اور مومنہ عورتوں کے امام ہیں .  مناقب ص 61.

امام باقر عليه السلام نے آیت ولاية ، آیت ابلاغ  اور آیت  اكمال کے ذریعے سے امام علی علیہ السلام کی ولایت اور خلافت پر استدلال کیا ۔

كليني نے صحیح سند نقل کیا ہے کہ امام باقر عليه السلام نے فرمایا : اللہ نے رسول اكرم صلی الله عليه وآله کو ولايت علي عليه السلام کے اعلان کا حکم دیا ، سوره مائده آيه 55 ، {إِنَّما وَلِيُّكُمُ‏ اللَّهُ...} کو نازل کیا «وفَرَضَ وَلَايَةَ أُولِي الْأَمْرِ» اور اولی الامر کی ولایت کو ضروری قرار دیا۔

اسی طرح سوره مائده کی آيه 67 میں فرمایا  «يا أَيُّهَا الرَّسُولُ بَلِّغْ ما أُنْزِلَ إِلَيْكَ‏ مِنْ رَبِّكَ» اس میں آپ کو یہ حکم دیا کہ آپ جو بات آپ پر وحی ہوئی ہے وہ آپ لوگوں تک پہنچائے اور  رسول اللہ صلی ‌الله عليه وآله نے بھی اللہ کے حکم کو عملی جامعہ پہنایا « فَقَامَ بِوَلَايَةِ عَلِيٍّ × يَوْمَ غَدِيرِ خُمٍّ» اور غدیر کے دن علي عليه السلام کی ولایت کا اعلان فرمایا اور یہ حکم دیا کہ اس حکم کو جو غائب ہیں ان تک پہنچائے .

پھر امام باقر عليه السلام نے فرمایا : اور اس آخری واجب کو کہ جو حضرت علي عليه السلام کی ولایت تھا، سوره مائده کی آیت نمبر ۳ کی نزول کے بعد کامل کیا ،{الْيَوْمَ أَكْمَلْتُ لَكُمْ دِينَكُمْ‏ وأَتْمَمْتُ عَلَيْكُمْ نِعْمَتِي} آج آپ کے دین کو کامل کیا اور آپنی نعمتوں کو آپ پر کامل کیا «قَدْ أَكْمَلْتُ لَكُمُ الْفَرَائِضَ» در حقیقت سارے واجبات کو آپ پر مکمل کیا ۔كافي، ج1، ص 289 ح 4.

4 - اگر حضرت علي عليه السلام خليفه بلافصل ہوتے تو کیا ہوتا؟

علي عليه السلام كتاب اور  سنت پر عمل کرنے کا زمینہ فراہم کرتے :

اهل سنت کے علماء میں سے ابن شُبّه نُمَيري نے خليفه دوم سے نقل کیا ہے  ابن عباس نے نقل کیا ہے : إنَّ أَحْراهُمْ إنْ وَلِيَهَا أَنْ يَحْمِلَهُمْ عَلَى كِتَابِ اللّهِ وَسُنَّةِ نَبِيِّهِمْ صَاحِبُكَ، يَعِنِي عَلِيّاً. جو شخص مسلمان کو قرآن اور سنت کے مطابق عمل کرانے کے لئے سب سے زیادہ مناسب اور اھلیت رکھتا ہے ، وہ آپ کے  دوست علی ابن ابی طالب ہیں ،

تاريخ المدينة المنورة ج 3 ص 883.

لوگوں کو صراط مستقم کی طرف دعوت دینے کا باعث بنتے :

حنبلي فرقے کے بڑے امام ، احمد بن حنبل نے رسول اللہ صلی الله عليه وآله سے صحیح سند روایت نقل کیا ہے : واِن تُؤَمِّرُوا عَلِيًّا رضي الله عنه وَلاَ أُرَاكُمْ فَاعِلِينَ يَأْخُذُ بِكُمُ الطَّرِيقَ الْمُسْتَقِيمَ.

اگر علي کو  امير (المؤمنين) قرار دئے تو { اگرچہ میں جانتا ہوں ایسا نہیں کروگے  }  تو آپ سب لوگوں کو ہدایت کی راہ پر لے جاتے ۔

مسند أحمد ج 1 ص 537.

ابو نعيم اصفهاني کہ جو اهل سنت کے بڑے علماء میں سے ہے انہوں نے  رسول اللہ  صلی الله عليه وآله سے نقل کیا ہے : «إِنْ تَسْتَخْلِفُوا عَلِيّاً وَمَا أَرَاكُمْ فَاعِلِينَ تَجِدُوهُ هَادِياً مَهْدِيّاً ، يَحْمِلُكُمْ عَلَى الْمَحَجَّةِ الْبَيْضَاءِ». آگر علی کو اپنا خلیفہ قرار دئے آگرچہ میں جانتا ہو تم لوگ ایسا نہیں کرو گے، تو تم لوگ ان کو ہدایت کرنے والے اور اھل ہدایت پاتے یہ  تم لوگوں کو روشن اور سیدھے راستے پر چلاتے ۔

حلية الأولياء ج 1 ص 64.

اسلامی اتحاد کا موجب بنتے :

حاكم نيشابوري نے رسول اللہ صلی الله عليه وآله سے نقل کیا ہے کہ علي عليه السلام سے فرمایا : «أَنْتَ تُبَيِّنُ لِأُمَّتِي مَا اخْتَلَفُوا فِيهِ بَعْدِي». تم ای علی میرے بعد، جو فتنہ اور اختلاف ہوگا، تم اس کو صاف اور روشن کرو گے.

 آپ میرے بعد میری امت کو اس چیز کو بیان کریں گے جس میں وہ لوگ اختلاف کرئے ۔ یہ روایت صحیح اور صحیح بخاری اور مسلم کی شرائط کے مطابق صحیح ہے ۔

المستدرك: ج 3 ص 122.

ایک اور حدیث میں آپ نے فرمایا : «وَأَهْلُ بَيْتِي أَمَانٌ لِأُمَّتِي مِنَ الْاِخْتِلافِ» میرے اھل بيت امت کے لئے اختلافات سے آمن اور  امنیت  کا باعث ہے اور جو بھی قبیلہ ان سے اختلاف کرئے وہ شیطان کے گروہ سے ہے۔

یہ حدیث بھی صحیح ہے ۔

مستدرك ج 3 ص 149.

لوگوں کی دنیوی زندگی میں آسائش اور رفاہ کا باعث :

حضرت صديقه طاهره سلام اللہ علیہا نے اپنے مشہور خطبے میں ارشاد فرمایا : «يَالَلّهِ لَوْ تَكَافَؤُا عَلِي زِمَامٍ نَبَذَهُ رَسُولُ اللهِ صلی الله عليه وآله ...لَفُتِحَتْ عَلَيْهِمْ بَرِكَاتٌ مِنَ السَّمَاءِ وَالْأَرْضِ» اللہ کی قسم ! اگر زمام خلافت کو اسی کے حوالے کرتے جس کو رسول اللہ صلی اللہ علیہ و آلہ وسلم نے معین فرمایا تھا تو زمین اور آسمان کی برکتوں کے دروازے ان پر کھل جاتے .

بلاغات النساء، ص24 .

سلمان نے فرمایا : «لَوْ بَايَعُوا عَلِيّاً لَأَكَلُوا مِنْ فَوقِهِمْ وَمِنْ تَحْتِ أَرْجُلِهِمْ» اگر علی کی بیعت کرتے تو آسمان اور زمین کی برکتوں سے استفادہ کرتے ۔

أنساب الأشراف ج 2 ص 274. مصنف ابن أبي شيبة ج 7 ص 443.

حضرت امير عليه السلام نے فرمایا : «وَلَو أَنَّ الْأُمَّةَ مُنْذُ قَبَضَ اللهُ نَبِيَّهُ، اِتَّبَعُونِي وَأَطَاعُونِي لَأَكَلُوا مِنْ فَوقِهِمْ وَمِنْ تَحْتَ أَرْجُلِهِم رَغَداً إِلَى يَوْمِ الْقِيَامَةِ». اگر امت پیغمبر صلی الله عليه وآله کی رحلت کے وقت میری اتباع اور اطاعت کرتے تو زمین اور آسمان کی نعمتوں سے فائدہ اٹھاتے اور قیامت تک خوش اور آسائش کے ساتھ زندگی گزارتے۔ .

كتاب سليم بن قيس ج 1 ص 658 و احتجاج طبرسي ج 1 ص 223.

اخروی زندگی میں سعادت کے ضامن :

عبد الرزاق صنعاني نے عبد الله بن مسعود کے توسط سے  رسول اكرم صلی الله عليه وآله سے نقل کیا ہے : «أَمَا وَالَّذِي نَفْسِي بيده، لَئِنْ أَطَاعُوهُ لَيَدْخُلَنَّ الْجَنَّةَ أَجْمَعِينَ أَكْتَعِينَ». اگر لوگ میرے بعد علي عليه السلام کی اطاعت کرئے تو سب کے سب ایک ساتھ جنت میں داخل ہوجاتے ۔

المصنف، ج 11، ص 317.

مہر خبررساں ایجنسی نے فلسطین الان کے حوالے سے نقل کیا ہے کہ فلسطینی مزاحتمی تنظیموں کے رہنماؤں نے علیحدہ علیحدہ رابطوں میں اسلامی جمہوریہ ایران کے نئے صدر آیت اللہ سید ابراہیم رئیسی کو مبارکباد پیش کی ہے۔

اطلاعات کے مطابق فلسطینی تنظیم حماس کے سیاسی شعبہ کے سربراہ اسماعیل ہنیہ اور فلسطینی تنظیم جہاد اسلامی کے سکریٹری جنرل زیادہ النخالہ نے ایران کے نئے صدر کے ساتھ ٹیلیفون پر گفتگو کی اور انھیں ایران کا صدر منتخب ہونے پر مبارکباد پیش کی۔

اسماعیل ہنیہ نے اسلامی جمہوریہ ایران کی طرف سے فلسطینیوں کے بے لوث مدد اور حمایت پر شکریہ ادا کرتے ہوئے سید ابراہیم رئیسی کو ایران کا نیا صدر منتخب ہونے پر انھیں مبارکباد پیش کی۔

فلسطینی تنظیم جہاد اسلامی کے سربراہ نے زيادہ النخالہ نے بھی ٹیلیفون پر گفتگو کرتے ہوئے آیت اللہ رئيسی کو ایران کا صدر منتخب ہونے پر تبریک اور تہنیت پیش کی۔

ایران کے نئے صدر آیت اللہ سید ابراہیم رئیسی نے بھی سیف القدس جنگ میں فلسطینی عوام  کی فتح پر مبارکباد پیش کرتے ہوئے کہا کہ بیت المقدس کی آزادی تک ایران کی طرف سے فلسطینیوں کی حمایت کا سلسلہ جاری رہےگا۔

گذشتہ تین ماہ سے افغانستان میں طالبان نے تیزی سے پیشقدمی کا سلسلہ شروع کر رکھا ہے۔ دوسری طرف اگرچہ امریکہ نے افغان حکومت کو بہت سے وعدے دے رکھے تھے لیکن مشکل وقت آنے پر یہ تمام وعدے بھلا کر افغانستان کو طالبان کے رحم و کرم پر چھوڑ کر جا چکا ہے۔ یوں افغانستان کا مستقبل بہت زیادہ مبہم اور پیچیدہ ہو گیا ہے۔ موجودہ صورتحال یہ ہے کہ افغانستان کے کل 370 صوبوں میں سے 160 سے زائد صوبوں پر طالبان کا قبضہ برقرار ہو چکا ہے۔ دوسری طرف افغانستان کے صدر اشرف غنی کا دورہ امریکہ بھی ناکامی کا شکار ہو چکا ہے جس میں انہوں نے امریکی حکام سے فوجی انخلاء میں تاخیر کرنے کی درخواست کی تھی۔ امریکی حکام نے ماضی میں بے شمار وعدوں کے باوجود طالبان کے مقابلے میں افغان حکومت کی کوئی مدد نہیں کی۔
 
امریکہ نے قطر کے دارالحکومت دوحہ میں طالبان سے خفیہ مذاکرات بھی انجام دیے۔ ان مذاکرات میں امریکی حکام نے نہ صرف افغان حکومت کو اعتماد میں نہیں لیا بلکہ حتی انہیں اطلاع دینے کی ضرورت بھی محسوس نہیں کی۔ اسی طرح ٹھیک اس وقت جب طالبان نے اپنی پیشقدمی تیز کی ہوئی تھی اور تیزی سے مختلف صوبوں پر قابض ہوتے جا رہے تھے امریکہ نے مکمل طور پر اپنی فوجیں افغانستان سے واپس بلا لیں۔ لہذا یہ کہنا بجا ہو گا کہ امریکہ دوحہ مذاکرات میں طالبان کو اس بارے میں سبز جھنڈی دکھا چکا تھا۔ دیگر اہم نکتہ یہ ہے کہ افغانستان کے اندر ذرائع ابلاغ بھی متضاد صورتحال کا شکار ہیں۔ ایک طرف طالبان کو شدت پسند گروہ قرار دیا جا رہا ہے جبکہ دوسری طرف یہ تاثر دیا جا رہا ہے کہ طالبان عوام کی مرضی سے مختلف صوبوں پر قابض ہوتے جا رہے ہیں۔
 
حقیقت یہ ہے کہ ابھی تک طالبان نے عام شہریوں خاص طور پر ہزارہ، اہل تشیع اور تاجک اقوام کے ساتھ شدت پسندانہ رویہ اختیار نہیں کیا اور ان کے تمام تر فوجی اقدامات حکومتی فورسز کے خلاف انجام پائے ہیں۔ لہذا افغانستان کے مستقبل سے متعلق واضح تصویر نظر نہیں آ رہی۔ البتہ طالبان کی مختلف علاقوں پر قابض ہونے کی طاقت اور متعدد علاقوں کی عوام کا طالبان سے اظہار یکجہتی اس حقیقت کو ظاہر کرتا ہے کہ آئندہ تین سے چھ ماہ تک افغانستان میں اقتدار کی کیفیت یونہی رہے گی جیسی اس وقت پائی جاتی ہے۔ یہاں ایک اور اہم نکتہ بھی موجود ہے جس پر توجہ ضروری ہے۔ وہ یہ کہ امریکہ گذشتہ بیس برس میں اپنے فوجی قبضے کے دوران القاعدہ اور داعش سمیت کئی دہشت گرد گروہوں کو دوبارہ منظم کر کے انہیں کافی مقدار میں اسلحہ فراہم کر چکا ہے۔
 
اسی طرح امریکہ نے وہ فوجی سازوسامان بھی مختلف افغان گروہوں میں بانٹ دیا ہے جسے امریکی فوجی اپنے ساتھ واپس لے جانے سے عاجز تھے۔ البتہ یہ امریکی اسلحہ اور فوجی سازوسامان ہمسایہ ممالک خاص طور پر اسلامی جمہوریہ ایران کیلئے کوئی خطرہ قرار نہیں پا سکتا کیونکہ اب تک خود امریکی فوجی اس سے کہیں زیادہ جدید اور مہلک ہتھیاروں سے لیس وہاں موجود رہے ہیں لیکن ایران کے سرحدی علاقوں کو کوئی خطرہ پیش نہیں آیا۔ اس بارے میں اہم نکتہ یہ ہے کہ امریکہ نے یہ اسلحہ اور فوجی سازوسامان شدت پسند اور دہشت گرد گروہوں کو دیا ہے جس کا مقصد خطے میں بدامنی اور عدم استحکام برقرار رکھ کر امریکی اہداف اور مفادات کا حصول یقینی بنانا ہے۔ یوں یہ ظاہر کرنا مقصود ہے کہ امریکہ جس ملک سے باہر نکلتا ہے وہاں بدامنی اور عدم استحکام پیدا ہو جاتا ہے۔
 
موجودہ صورتحال میں بین الافغان مذاکرات بہت زیادہ اہمیت اختیار کر چکے ہیں۔ یہ مذاکرات مفید بھی ہیں اور افغانستان کی قومی سلامتی اور عوام کے مفادات کا تحفظ کرنے کی صلاحیت رکھتے ہیں۔ اسی طرح بین الافغان امن مذاکرات خطے میں قیام امن کا بھی باعث بن سکتے ہیں۔ یہی وجہ ہے کہ اسلامی جمہوریہ ایران نے ہمیشہ بین الافغان امن مذاکرات کی حمایت کی ہے اور ان کے انعقاد پر زور بھی دیا ہے اور ان کے انعقاد میں مدد بھی فراہم کی ہے۔ اشرف غنی کی سربراہی میں موجودہ افغان حکومت ملک میں موجود وسیع پیمانے پر انارکی اور بیرونی امداد پر حد سے زیادہ انحصار کے باعث زیادہ عرصے تک اقتدار میں باقی رہنے کی طاقت نہیں رکھتی۔ دوسری طرف افغان حکومت میں موجود سابقہ جہادی عناصر بھی عوام میں محبوبیت کھو چکے ہیں۔
 
ایسی صورتحال میں اسلامی جمہوریہ ایران خطے کے دیگر ممالک کے تعاون سے ممکنہ حد تک فوجی ٹکراو اور جنگ روکنے کی بھرپور کوشش میں مصروف ہے۔ اس مقصد کیلئے تمام گروہوں کو مذاکرات کی ٹیبل پر لانے کی تگ و دو جاری ہے۔ شدت پسندی اور قتل و غارت سے بچنے کا واحد راستہ گفتگو اور مذاکرات ہیں۔ افغانستان میں نئی جنگ کا آغاز اور بدامنی کا نیا سلسلہ شروع ہونا کسی کے فائدے میں نہیں ہے۔ اس کا نقصان سب سے پہلے افغان عوام کو ہو گا اور اس کے بعد ہمسایہ ممالک کو اس کے منفی اثرات بھگتنے پڑیں گے۔ اس وقت افغانستان میں کوئی ایسا گروہ یا طاقت موجود نہیں جو اکیلے اپنے سو فیصد اہداف اور مفادات کی تکمیل کرنے کی صلاحیت رکھتا ہو۔ لہذا بہترین راستہ یہی ہے کہ تمام گروہ مل کر قومی سلامتی اور عوامی مفادات کا تحفظ یقینی بنائیں۔

تحریر: ڈاکٹر سید رضا صدر الحسینی
 

 ہندوستان کے وزیر خارجہ سبرامنیم جیشنکر  تہران کے دورے پر ہیں جہاں انھوں نے آج ایران کے وزیر خارجہ محمد جواد ظریف کے ساتھ ملاقات اور گفتگو کی۔ اس ملاقات میں دو طرفہ تعلقات ، علاقائی مسائل اور عالمی امور کے بارے میں تبادلہ خیال کیا گیا۔ ذرائع کے مطابق بھارتی وزیر خارجہ ایران کے نئے صدر آیت اللہ سید ابراہیم رئیسی سے بھی ملاقات کریں گے اور اس ملاقات میں وہ  ہندوستان کے وزير اعظم نریندر مودی کا تہنیتی پیغام ایران کے نئے صدر آیت اللہ سید ابراہیم رئیسی کو پیش کریں گے۔

 افغانستان کے 4 سیاسی وفود تہران کے دورے پر ہیں جہاں اسلامی جمہوریہ ایران کی میزبانی میں مذاکرات کا آغاز ہوگيا ہے مذاکرات میں افغان حکومت اور طالبان کے نمائندہ  وفود بھی موجود ہیں۔

تہران میں بین الافغان مذاکرات کا آغاز ہوگیا ہے ۔ ایران کے وزیر خارجہ محمد جواد ظریف نے بین الافغان مذاکرات کے افتتاحی اجلاس سے خطاب میں  امریکہ کی افغانستان میں شکست کی طرف اشارہ کرتے ہوئے کہا کہ امریکہ دو دہائیوں سے زائد عرصہ تک افغانستان میں موجود رہا ، جہاں اس نے تباہی اور بربادی مچانے میں کوئی کسر باقی نہیں چھوڑی ۔

ایرانی وزیر خارجہ نے کہا کہ افغانستان کے روشن اور تابناک مستقبل کے لئے افغان رہنماؤں کو آج سخت او ردشوار فیصلے کرنا ہوں گے۔  محمد جواد ظریف نے کہا کہ افغان رہنماؤں کو اپنے تمام مسائل اور مشکلات کو مذاکرات کے ذریعہ حل کرنا چاہیے، جنگ و جدال کسی مسئلہ کا حل نہیں۔ انھوں نے کہا کہ افغانستان میں پائدار قیام امن کے لئے ایران ہر ممکن مدد کے لئے تیار ہے۔

واضح رہے کہ افغان حکومت کے وفد کی قیادت سابق وزیر خارجہ یونس قانونی کررہے ہیں جبکہ طالبان وفد کی قیادت طالبان دفتر کے معاون عباس استانکزی کررہے ہیں۔

حوزہ نیوز ایجنسی کی ریپورٹ کے مطابق، یمن کے المسیرا ٹی وی چینل سے گفتگو کرتے ہوئے جہاد اسلامی موومنٹ کے ترجمان، طارق سلمی نے کہا کہ 5 ہزار اسرائیلیوں کو متحدہ عرب امارات کی شہریت دینا قابل مذمت ہے اور یہ فیصلہ متحدہ عرب امارات کے حکمرانوں کے ماتھے پر ایک نیا کلنک ہے۔

انہوں نے اسرائیل سے وابستہ عرب حکمرانوں سے مطالبہ کیا کہ وہ اپنی پالیسی پر نظر ثانی کریں کیونکہ حالیہ غزہ اسرائیل جنگ میں صہیونی حکومت کی شکست واضح ہوچکی ہے۔

یاد رہے کہ حال ہی میں امارات لیکس نامی ایک ویب سائٹ نے انکشاف کیا ہے کہ پچھلے تین ماہ کے دوران متحدہ عرب امارات نے 5 ہزار اسرائیلیوں کو شہریت دی ہے۔

گذشتہ سال ستمبر میں ، متحدہ عرب امارات اور بحرین ، جو سابق امریکی صدر ڈونلڈ ٹرمپ کے ذریعہ پیوست ہوئے تھے، اسرائیل کے ساتھ تعلقات معمول پر لانے کے لئے ایک معاہدہ کر لیا تھا جس پر عالم اسلام کی طرف سے تنقید کی گئی اور فلسطینیوں نے اسے اپنی پیٹھ میں چھرا گھونپنے کے مترادف سمجھا تھا۔