کرمان میں سپاہ اسلام کے عظیم شہید میجر جنرل قاسم سلیمانی کی تشییع جنازہ میں شرکت کے لئے کئی ملین افراد حاضر ہوئے ہیں ، عوامی رش اور اژدہام کی بنا پر حکام نے تدفین کے پروگرام کو مؤخر کردیا ہے۔۔ اطلاعات کے مطابق شہید میجر جنرل قاسم سلیمانی کی تشییع جنازہ میں سیکڑوں افراد نے کفن بھی پہن رکھا ہے اور وہ شہید کا ناحق خون بہانے پر امریکہ کو سخت سزا دینے کا مطالبہ کررہے ہیں۔ شہید میجر جنرل سلیمانی کو 41  ثار اللہ  بریگیڈ کے ساتھی شہیدوں کے ساتھ سپرد خاک کیا جائےگا۔  اس سے قبل شہید میجر جنرل قاسم سلیمانی اور شہید ابو مہدی مہندس اور ان کے شہید ساتھیوں  کی کاظمین، بغداد، کربلائے معلی، نجف اشرف، اہواز، مشہد مقدس ، تہران ، قم میں تشییع جنازہ میں کئی ملین افراد نے شرکت کی اورعوام نے شہیدوں کو خراج عقیدت اور خراج تحسین پیش کیا اور دشمنان اسلام سے ان کے خون کا سخت بدلہ لینے کا مطابلہ کیا ۔

ذرائع کے مطابق کرمان میں غیر ملکی مہمان بھی شہید سلیمانی کی تشییع جنازہ میں شریک ہیں جن میں شام کے اہلسنت علماء کا وفد بھی شامل ہے جبکہ شامی حکومت کے وزیر اوقاف بھی ایک اعلی وفد کے ہمراہ کرمان میں موجود ہیں۔ حضرت زینب سلام اللہ علیھا کے حرم کا پرچم بھی شہید قاسم سلیمانی کے خاندان کو عطا کیا جائےگا ۔ کرمان میں عوام کا بیشمار اژدہام اور رش ہے جس کی وجہ سے تدفین کے پروگرام کو کچھ وقت کے لئے مؤخر کردیا گیا ہے ۔ کرمان کے تمام مدارس اور مساجد کے دروازے عوام کے لئے کل رات سے کھول دیئے گئے تھے۔ سپاہ اسلام کے عظیم اور بے نظیر جنرل کو الوداع کرنے کے لئے خلق خدا امڈ آئی ہے ۔ عوام شہید قاسم سلیمانی کا سخت بدلہ لینے کا مطالبہ کررہے ہیں ہزاروں جوان کفن پوش ہیں۔ جنھوں نے شہید قاسم سلیمانی کے خون کا سخت بدلہ لینے کا عزم کررکھا ہے۔ اطلاعات کے مطابق شہید سلیمانی اور شہید پور جعفری کے پیکر پاک کی تشییع 11 کلو میٹر راستہ پر مشتمل ہے اور 11 کلومیٹر راستہ میں سے صرف 2 کلو میٹر راستہ 4 گھنٹوں میں طے ہوا ہے راستے میں ایک ملین سے زائد افراد موجود ہیں جس کی وجہ سے اس گاڑی کی حرکت متوقف ہوگئی جس میں شہید سلیمانی اور شہید حسین پور جعفری کے پیکر موجود ہیں۔

شہید قاسم سلیمانی کی تشییع جنازہ میں شرکت کرنے والے غیر ملکی مہمانوں میں لبنان ، یمن، افغانستان، پاکستان، ہندوستان، عراق، شام، فلسطین اور بعض دیگر عرب اور افریقی ممالک کے مہمان موجود ہیں۔ واضح رہے کہ شہید سلیمانی اور شہید ابو مہدی مہندس کو بغداد ايئر پورٹ کے قریب 3 جنوری بروز جمعہ  امریکہ نے ایک بزدلانہ ، مجرمانہ اور بہیمانہ ہوائی حملے میں شہید کردیا تھا اور حملے کی ذمہ داری بھی امریکہ نے قبول کرتے ہوئے کہا کہ میجرجنرل سلیمانی کو امریکہ کے خبیث ترین اور اس دور کے یزید صدر ٹرمپ کے حکم پر شہید کیا گيا ہے۔

 شہر بصرہ میں کئی لاکھ افراد نے سپاہ اسلام کے غیور اور بہادر کمانڈر شہید ابو مہدی مہندس کی تشییع جنازہ میں بھر پور شرکت کی اور عراق سے امریکی فوجیوں کو فوری طور پر نکالنے کا مطالبہ کیا۔ اطلاعات کے مطابق شہید ابو مہدی مہندس اپنے عظیم مہمان  شہید میجر جنرل سلیمانی کو تہران پہنچاکر اپنے وطن واپس پہنچ گئے ہیں جہاں بصرہ میں لاکھوں عراقیوں نے  ان کی تشییع جنازہ میں بھر پور شرکت کی اور عراق سے امریکی دہشت گردوں کے خاتمہ کے سلسلے میں ان کی کوششوں پر انھیں خراج عقیدت پیش کیا۔واضح رہے کہ شہید سلیمانی اور شہید ابو مہدی مہندس کو بغداد ايئر پورٹ کے قریب 3 جنوری بروز جمعہ  امریکہ نے ایک بزدلانہ ، مجرمانہ اور بہیمانہ ہوائی حملے میں شہید کردیا تھا ۔ شہید ابو مہدی مہندس بغداد ايئر پورٹ پر اپنے مہمان جنرل سلیمانیکو لینے کے لئے آئے تھے ۔ اور سپاہ اسلام کے دونوں اہم کمانڈر امریکی ہوائی حملے میں شہید ہوگئے اور حملے کی ذمہ داری بھی امریکہ نے قبول کرتے ہوئے کہا کہ میجرجنرل سلیمانی کو امریکہ کے خبیث ترین اور اس دور کے یزید صدر ٹرمپ کے حکم پر شہید کیا گيا ہے۔

 اسلامی جمہوریہ ایران کی سپاہ پاسداران انقلاب اسلامی کے سربراہ نے امریکہ سے شہید قاسم سلیمانی کے خون کا سخت بدلہ لینے پر تاکید کرتے ہوئے کہا ہے کہ امریکہ کے لئے شہید سلیمانی ،میجر جنرل سلیمانی سے کہیں زیادہ خطرہ بن گيا ہے۔

میجر جنرل حسین سلامی نے کرمان کے آزادی اسکوائر پرشہید میجر جنرل سلیمانی کی تشییع میں شریک کئی ملین افراد کے عظیم الشان اجتماع سے خطاب کرتے ہوئے کہا کہ ایرانی عوام اطمینان رکھیں ہم شہید میجر جنرل سلیمانی کے خون کا سخت انتقام لیں گے ۔

میجر جنرل سلامی نے شہید میجر جنرل قاسم سلیمانی کو اسلامی ، اخلاقی اور انسانی اقدار اور اصولوں کا حامل بے مثال کمانڈر قراردیتے ہوئے کہا کہ شہید میجر جنرل سلیمانی فداکار،شجاع ، حکیم، مدیر اور مدبرکمانڈر تھے اور انھوں نے اپنی حکمت عملی کے ذریعہ خطے میں امریکہ کی دہشت گردانہ پالیسیوں کو ناکام بنانے اور شکست سے دوچار کرنے میں بنیادی اور اساسی کردار ادا کیا۔ جنرل سلامی نے کہا کہ عراق اور شام میں داعش کی شکست درحقیقت امریکہ اور اس کے اتحادیوں کی شکست تھی۔ کیونکہ امریکہ نے داعش کو شام میں بشار اسد کی حکومت گرانے اور عراق میں عدم استحکام پیدا کرنے کے لئے تشکیل دیا اور اسے پیشرفتہ ترین فوجی ہتھیار فراہم کئے اور داعش کی تربیت کے لئے بعض علاقائی ممالک میں ٹریننگ سینٹربھی قائم کئے۔

میجر جنرل حسین سلامی نے کہا کہ میجر جنرل سلیمانی پر امریکہ کا بزدلانہ اور بہیمانہ حملہ بھی امریکہ کی شکست کا مظہر ہے کیونکہ سلیمانی آج بھی زندہ ہے اور وہ ہمیشہ کے لئے زندہ ہیں اور شہید سلیمانی امریکہ کے لئے میجر جنرل سلیمانی سے کہیں زیادہ خطرناک ثابت ہوں گے اور ہم شہید سلیمانی کے خون کی بدولت خطے میں امریکہ کی فوجی موجودگی کا خاتمہ کرکے دم لیں گے۔  انھوں نے کہا کہ دنیائے اسلام سے امریکی فوجیوں کا انخلا وقت کی اہم ضرورت ہے۔ اسلامی ممالک کو امریکی فوجیوں کی کوئی ضرورت نہیں اور اسلامی ممالک  سے امریکی فوجیوں کا خاتمہ بہت ضروری ہے امریکہ مسلم ممالک کو آپس میں لڑا کر ان پر اپنی گرفت مضبوط کئے ہوئے ہے ان کے مالی اور اقتصادی وسائل کو لوٹ رہا ہے۔ ہمیں امریکہ کی اس پالیسی کو ناکام بنا پر امریکہ کو خطے سے فرار ہونے پر مجبور کرنا ہے۔ انھوں نے کہا کہ شہید قاسم سلیمانی نے افغانستان، شام ، عراق ، لبنان اور فلسطین میں شیعوں سے زیادہ سنیوں کی مدد کی ہے ہمارے لئے شیعہ یا سنی معیار نہیں ہم  مسلمان ہیں اور ہم نے مظلوموں کی ہرجگہ مدد کی ہے اورہم  مستقبل میں بھی مظالوموں کی  مدد کریں گے۔ انھوں نے کہا کہ امریکہ مسلمانوں اور غیر مسلمانوں کی نظر سے گر گیا ہے اور آج دنیا بھر میں امریکہ کو نفرت کی نگاہوں سے دیکھا جاتا ہے۔

الجزیرہ نے لکھا ہے کہ شہید جنرل قاسم سلیمانی کی تشیع کی تقریب میں رہبر معظم انقلاب اسلامی حضرت آیت اللہ العظمی سید علی خامنہ ای نے خطاب کیا اور کہا کہ امریکہ کا علاقے سے اخراج یقینی ہے۔

الجزیرہ نے اجتماع میں اسماعیل ہانیہ کے خطاب کو بھی پیش کیا اور اور جنرل سلیمانی کی بیٹی کے خطاب کو کوریج دی۔

عربی نیوز چینل «BBC NEWS » نے بھی زینب کی دھمکی کو اجاگر کیا ہے اور کہا کہ امریکہ و اسرائیل کا برا وقت قریب تر ہوچکا ہے۔

الجزیرہ نے لکھا ہے کہ شہید جنرل قاسم سلیمانی کی تشیع کی تقریب میں رہبر معظم انقلاب اسلامی حضرت آیت اللہ العظمی سید علی خامنہ ای نے خطاب کیا اور کہا کہ امریکہ کا علاقے سے اخراج یقینی ہے۔

الجزیرہ نے اجتماع میں اسماعیل ہانیہ کے خطاب کو بھی پیش کیا اور اور جنرل سلیمانی کی بیٹی کے خطاب کو کوریج دی۔

عربی نیوز چینل «BBC NEWS » نے بھی زینب کی دھمکی کو اجاگر کیا ہے اور کہا کہ امریکہ و اسرائیل کا برا وقت قریب تر ہوچکا ہے۔