ارنا رپورٹ کے مطابق، سید "ابراہیم رئیسی" نے  بروز بدھ کو اشک آباد میں منعقدہ کیپسین ساحلی ممالک کے چھٹے سربراہی اجلاس میں مختلف شعبوں میں اقتصادی تعاون بڑھانے پر شریک ممالک کے صدور کی حکمت عملیوں کا خیر مقدم کرتے ہوئے کہا کہ اسلامی جمہوریہ ایران، بحیرہ کیسپین کو امن اور دوستی اور علاقائی عوام کے درمیان گہرے قریبی تعلقات پیدا کرنے کا باعث سمجھتا ہے اور باہمی احترام پر مبنی ہمہ جہتی تعاون پر اپنی تیاری کا اظہار کرتا ہے۔

 انہوں نے مزید کہا کہ بحیرہ کیسپین؛ ہمارا مشترکہ ورثہ اور سرمایہ؛ جوڑنے اور دوستی کا مرکز اور اس کے ساحلی ممالک کے 270 ملین سے زیادہ لوگوں کے لیے خیر و برکت کا ذریعہ ہے، جو پانچ ممالک کو ایک آبی علاقے کے آئینے میں ظاہر کرتا ہے۔

صدر رئیسی نے اس بات پر زور دیا کہ ہم بحیرہ کیسپین کے ذریعے ایک دوسرے سے جڑے پڑوسی ممالک کے طور پر اور دوسرے ممالک اور خطوں تک رسائی حاصل کرنے کے لیے ایک دوسرے کی سرزمین استعمال کرتے ہیں، اس آبی علاقے کے ساتھ ساتھ اس کے ساحلی ممالک کے لیے ہمارے بہت سے حقوق اور ذمہ داریاں ہیں۔

انہوں نے اس بات پر زور دیا کہ ہم بطور بحیرہ کسپین کے ساحلی ممالک کے طور پر یکطرفہ اقدامات سے نمٹنے، پانچ جہتی تعاون پر زور دینے، موجودہ صلاحیتوں کو بروئے کار لانے اور تعاون بڑھانے سے بجیرہ کیسپین کے علاقے کو بطور " امن اور دوستی" کے علاقے کی حفاظت کرنی ہوگی اور خطے اور ساحلی ممالک کے طویل مدتی مفادات اور بحیرہ کیسپین سے متعلق تمام فیصلوں میں " اتفاق رائے کے اصول " کی پاسداری پر سنجیدگی سے توجہ دیںی ہوگی۔

ایرانی صدر نے کہا کہ عدل اسلامی جمہوریہ ایران کی خارجہ پالیسی کی تشکیل کی بنیادوں میں سے ایک ہے، اس کے مطابق عدل و انصاف کے باہمی تعلقات کا قیام اور ایک منصفانہ کثیرالجہتی نظام کی تشکیل؛ ایران کی خارجہ پالیسی کی اہم سمتوں میں سے ایک ہے۔

انہوں نے مزید کہا کہ منصفانہ نظام کے فائدوں میں سے ایک ہمسایہ ممالک کے درمیان دوستانہ تعلقات کا فروغ ہے جس سے باہمی مفادات کی فراہمی بھی ہوگی۔

ایرانی صدر نے اس عزم کا اعادہ کیا کہ ان کا ملک بحیرہ کیسپین کے ساحلی ممالک کے صدور کیجانب سے نقل و حمل، سرمایہ کاری، سیاحت اور دیگر شعبوں میں اقتصادی تعاون کی توسیع کی حکمت عملیوں کا خیر مقدم کرتے ہوئے ان کی حمایت کرتا ہے اورخاص طور ثقافتی تعلقات کو مضبوط بنانے اور بحیرہ کیسپین کے نازک ماحول کو محفوظ رکھنے کی ضرورت پر زور دیتا ہے۔

صدر رئیسی نے تقریر کے اختتام پر اس عزم کا اعادہ کیا کہ اسلامی جمہوریہ ایران بحیرہ کیسپین کے ساحلی ممالک کے ساتویں اجلاس کی میزبانی پر تیار ہے۔

اسرائیل کے صدر سے جب پوچھا گیا کہ اسرائیل کے تین بڑے دشمن کون ہیں تو اسرائیلی صدر نے تین بار کہا ایران، ایران، ایران۔ اسرائیل اس قدر ایران سے خوف زدہ کیوں ہے؟ آخر اسرائیل کو ایران سے کیسا خوف ہے؟ اسرائیل میں رہنے والے لاکھوں یہودی اپنے مسیحا یعنی دجال کا انتظار کر رہے ہیں۔ اسی طرح سے ایران بھی امام مہدی کا انتظار کر رہا ہے۔ سعودی عرب کے بادشاہ محمد بن سلمان سے صحافی نے پوچھا کیا سعودی عرب ایران سے مذاکرات کرے گا تو محمد بن سلمان نے کہا ہرگز نہیں، کیونکہ وہ امام مہدی کا انتظار کر رہے ہیں۔۔۔۔ محمد بن سلمان کا یہ مضحکہ خیز بیان دنیا بھر کے مسلمانوں کیلئے حیرت انگیز اور شرمناک تھا۔ امام مہدی کا انتظار تو دنیا بھر کے مسلمان کر رہے ہیں۔ اہل سنت کے مطابق وہ ابھی پیدا نہیں ہوئے، لیکن قیامت سے پہلے وہ آئیں گے۔ دوسری طرف اہل تشیع کا ماننا ہے کہ وہ کئی سو سال پہلے پیدا ہوچکے ہیں۔ پہلے وہ اپنے خلفاء سے ملتے تھے، ان کی رہنمائی کرتے تھے، لیکن خدا کے حکم سے وہ غائب ہوچکے ہیں اور جب خدا کا حکم ہوگا، وہ ظاہر ہوں گے۔

دنیا بھر کے اہل تشیع ہی وہ واحد طبقہ ہے، جو امام مہدی کا شدت سے انتظار کرتا ہے۔ دن رات ان کی سلامتی کی دعائیں کرتے ہیں اور ان کے جلد آنے کی دعا کرتے ہیں۔ اہل تشیع جمعرات اور جمعہ کو تمام مقدس مقامات پر اور روزانہ نماز کے بعد امام مہدی کے جلد آنے کی دعا کرتے ہیں، انہیں اپنی مدد کیلئے پکارتے ہیں۔ اہل تشیع کا یہ ماننا ہے کہ امام مہدی ہمارے اعمال سے واقف ہیں اور وہ دیکھ رہے ہیں۔ اہل تشیع امام مہدی کے آنے کی مکمل تیاری کر رہے ہیں، وہ اپنے بچوں کو بچپن میں ہی یہ سکھاتے ہیں کہ وہ بڑے ہو کر امام مہدی کے سپاہی بنیں گے، کیونکہ جب امام مہدی ظہور کریں گے تو دنیا بھر میں ایک حکومت بنائیں گے۔ وہ دجال سے جنگ کریں گے، ان کا ایک لشکر ہوگا، لشکر میں 313 کمانڈر اور ہزاروں سپاہی ہوں گے۔ ہر شیعہ مسلمان یہ دلی خواہش رکھتا ہے کہ جب امام مہدی دنیا میں خدا کے حکم سے ظاہر ہوں گے اور حکومت بنائیں گے تو وہ ان کی ملٹری کا حصہ بنے گا۔ جب تک امام مہدی دنیا میں ظاہر نہیں ہوتے اور وہ غائب ہیں، تب تک وہ اپنے نیک اعمال سے امام مہدی کی حکومت کے لئے زمینہ سازی کرتا رہے گا۔

ایران وہ واحد ملک ہے، جو امام مہدی کے ظہور سے پہلے ایک لشکر تیار کرچکا ہے، ہمہ وقت لاکھوں نوجوان کمربستہ ہیں۔ وہ امام مہدی کے ظہور کی کوششوں اور دعاوں کے ساتھ ساتھ مکمل تیاری کے ساتھ تیار ہیں۔ کچھ دستے تو ایسے بھی ہیں، جو صرف ایک اشارے، ایک حکم پر اپنی جان قربان کرنے اور امام مہدی کے لشکر میں شامل ہونے کو تیار بیٹھے ہیں۔ اب سوال یہ بھی ہے کہ اس لشکر کو کس نے بنایا اور کب سے یہ لشکر تیار ہو رہا ہے، اس لشکر میں کتنے سپاہی شامل ہیں، اُن کے پاس کونسا اسلحہ ہے۔ آپ کو یاد ہوگا 40 سال قبل ایران میں اسلامی انقلاب برپا کیا گیا اور یہ انقلاب کوئی اور نہیں امام خمینی لائے تھے۔ امام خمینی سے پوچھا گیا کہ ایران میں یہ حکومت کیوں بنائی گئی، انہوں نے فرمایا ہم ایک لشکر تیار کریںگے، جس میں دس کروڑ ایسے سپاہی ہوں گے، جو امام مہدی کی دنیا بھر میں عالمی حکومت بنانے کی کوشش کریں گے، اس لشکر میں، عراق، یمن، شام، ہندوستان، پاکستان، افریقہ، امریکہ سمیت دنیا بھر سے باعلم، بابصیرت اور مستعد جوان ہوں گے۔ اس کے بعد ہم پھر ایک اور لشکر بنائیں گے، جو ایران میں بنے گا، اس میں دو کروڑ سپاہی ہوں گے۔

امام خمینی نے کہا جب تک امام مہدی ظہور نہیں کریں گے، یہ کروڑوں جوان ان کی حکومت قائم کرنے کی زمینہ سازی کریں گے، جب امام مہدی آجائیں گے تو ہمارا یہ لشکر ان کے لشکر میں ضم ہو جائے گا، یوں دنیا میں امام مہدی کی حکومت قائم ہو جائے گی۔ ایران کے امام خمینی تو 30 سال پہلے وفات پا چکے ہیں، مگر یہ دونوں لشکر تیار ہو چکے ہیں، ان کی تعداد روز بروز بڑھتی چلی جا رہی ہے۔ یہ کروڑوں جوان دنیا کے کونے کونے میں آباد ہیں۔ سال میں ایک بار یہ جوان عراق کے شہر نجف میں جمع ہوتے ہیں اور امام حسین کے چہلم کے دن نجف سے کربلا 90 کلومیٹر کا سفر پیدل کرتے ہیں اور امام مہدی سے دعا کرتے ہیں کہ آپ آجائیں ہم تیار ہیں۔ اب سوال یہ بھی پیدا ہوتا ہے کہ کیا ایران میں امام مہدی کی مدد کیلئے بننے والے لشکر کا کوئی مستند حوالہ روایات سے بھی ملتا ہے؟ یا یہ صرف ایک خیال ہے۔؟

تمام مسالک کی معتبر کتابوں کی روایت مطابق ایک لشکر خراسان سے آئے گا، جن کے ہاتھوں میں کالے پرچم ہوں گے، وہ خراسان سے کوفہ پہنچیں گے اور جب امام مہدی کا ظہور ہو جائے گا، تو ان میں سے کچھ افراد کو ان کی بیعت کے لئے بھیجا جائے گا. یہ قافلہ خراسان سے کوفہ تک کا راستہ تھوڑی ہی مدت میں طے کرے گا۔ سید خراسانی وہ شخص ہے کہ جس کا ذکر امام مہدی کے ظہور کی نشانیوں سے متعلق روایات میں ہوا ہے اور وہ شخص امام مہدی کے چاہنے والوں میں سے ہے۔ مستند روایات کے مطابق اس کے دائیں ہاتھ پر علامت ہے اور اپنے لشکر کے ہمراہ شعیب بن صالح کی سپاہ سالاری میں، کوفہ کی طرف جائے گا اور سفیانی کے لشکر کو شکست دے گا۔ یہ خراسانی کون ہے؟ کہاں رہتا ہوگا؟ روایات کے مطابق وہ امام حسن اور امام حسین کی اولاد سے ہے کہ اسے ہاشمی خراسانی کے عنوان سے یاد کیا ہے اور اس کی جسمی صفات، نورانی صورت، گال پر ایک تل یا دائیں ہاتھ کی نشانی بتائی جاتی ہیں۔ سید خراسانی کا لشکر سفیانی سے جنگ کے بعد آخر میں امام مہدی سے بیعت کرے گا۔

قارئین کرام ایک اور مستند روایت کے مطابق خراسانی، سفیانی اور یمانی" تینوں ایک ہی سال، ایک ہی ماہ اور ایک ہی دن قیام کریں گے۔ ان روایات کو مدنظر رکھتے ہوئے آپ کو ایک دلچسپ بات بتاتے چلیں کہ چند سال قبل ایک فلم نشر کی گئی تھی، اس فلم کا نام "ظہور بہت نزدیک" ہے۔ اس فلم میں دکھایا گیا ہے کہ ایران کے سپریم لیڈر آیت اللہ خامنہ ای، سید خراسانی ہیں اور حزب اللہ لبنان کے سربراہ سید حسن نصراللہ، وہی یمانی ہے۔ کیا واقعی آیت اللہ خامنہ ای ہی وہ شخصیت ہیں، جنہیں روایات کے مطابق سید خراسانی کہا گیا۔ آیت اللہ خامنہ ای، ایران میں انقلاب کے بعد امام خمینی کے جانشین ہیں اور امام خمینی کے بنائے ہوئے دونوں بڑے لشکر جس میں کروڑوں جوان شامل ہیں، ان کے ایک حکم کے طابع ہیں۔ آیت اللہ خامنہ ای کا ایران میں جمعہ کے خطبہ کے دوران بم دھماکہ سے دایاں ہاتھ مفلوج ہوگیا تھا، اس نشانی سے بھی کہا جاتا ہے کہ یہ وہی سید خراسانی ہوسکتے ہیں۔

آپ یہ جان کر حیران ہوں گے کہ چند ماہ قبل آیت اللہ خامنہ ای نے ماہ رمضان میں دنیا بھر کے منقبت خواں اور شاعروں سے ملاقات کی اور ان سے امام مہدی کے بارے میں ایک ترانہ بنانے کی خواہش کا اظہار کیا۔ شاعروں اور منقبت خوانوں نے سر جوڑ لئے ایک ترانہ بنایا۔ یہ ترانہ تین ماہ پہلے نشر ہوا ہے، نشر ہوتے ہی یہ دنیا بھر میں وائرل ہوگیا۔ یہ پہلی بار تھا کہ کوئی ترانہ دنیا میں سنا گیا تھا۔ ایران کے 83 شہروں میں کروڑوں لوگوں نے مل کر یہ ترانہ پڑھا ہے۔ یہ ترانہ اب دنیا بھر میں پھیل چکا ہے۔ ہر ملک میں پڑھا جا رہا ہے۔ اس ترانہ میں امام مہدی کو سلام پیش کیا گیا اور کہا جا رہا ہے کہ دنیا میں مظالم بڑھ چکے ہیں، ہم آیت اللہ خامنہ ای کی صدا پر تیار ہیں۔ امام مہدی آپ آجائیں اور عالمی حکومت قائم کریں، ہم آپ پر جان قربان کر دیں گے۔ یہ ترانہ دنیا بھر کے شیعوں کے گھر گھر میں بچے بچے کی زبان پر ہے، ہر بچہ بوڑھا جوان اس ترانہ سے امام مہدی کو اپنی مکمل تیاری کے بارے میں بتا رہا ہے۔ آیت اللہ خامنہ ای بے قرار ہیں کہ امام مہدی ظہور فرمائیں اور وہ کروڑوں جوانوں پر مشتمل اس لشکر کو امام مہدی کے حوالے کر دیں، تاکہ دنیا بھر میں ایک عالمی حکومت قائم ہو جائے۔ امت مسلمہ مسائل کا شکار ہے، پوری امت عالمی کفر کے خلاف ایک ہو جائے گی اور پھر صرف عدل و انصاف ہوگا اور ہر طرف خدا والوں کی حکومت ہوگی۔

تحریر و تحقیق: توقیر کھرل

سحر نیوز/ عالم اسلام: طالبان حکومت کی آفات و بحران سے نمٹنے کی وزارت کے سربراہ نے کہا کہ افغانستان میں زلزلے کے بعد طالبان نے پڑوسی ممالک اور عالمی برادری سے رابطہ کیا تاکہ زلزلہ زدہ علاقوں میں فوری امداد بھیجی جا سکے۔

غلام غوث ناصری نے منگل کے روز کابل میں ایک پریس کانفرنس سے خطاب کرتے ہوئے کہا کہ اسلامی جمہوریہ ایران ان پڑوسی ممالک میں پہلا ملک ہے جنہوں نے افغانستان میں زلزلہ زدگان کے لیے امداد بھیجنے کے لیے اقدام کیا۔

گزشتہ بدھ کے روز جنوب مشرقی افغانستان کے پکتیکا اور خوست صوبوں میں 6.1 شدت کے زلزلے نے تباہی مچا کر رکھ تھی جس میں سیکڑوں افغان ہلاک اور زخمی ہوئے۔

ناصری نے مزید کہا کہ زلزلہ زدہ علاقوں میں تباہی کی شدت بہت وسیع ہے اور شروعات میں افغان عوام کی بنیادی ضروریات کو پورا کیا گیا اور اب جو چیز اہم ہے وہ مستقل پناہ گاہ ہے اور عالمی برادری کی اس سلسلے میں ذمہ داری ہے۔

طالبان عہدیدار نے واضح کیا کہ آئندہ چند مہینوں میں سردی کا موسم شروع ہونے کے ساتھ ہی زلزلہ زدہ علاقوں میں افغان عوام خیموں میں نہیں رہ سکتے اور ایسے حالات میں انسانی امداد پر سیاست نہیں کی جانی چاہیے تاہم مغرب نے اس معاملے کو سیاسی رنگ دے دیا ہے۔

غلام غوث ناصری نے زور دے کر کہا کہ اگر مغرب انسانی حقوق کا حامی ہونے کا دعویٰ کرتا ہے تو افغانستان میں انسانیت متاثر ہوئی ہے اور اسے مدد کی ضرورت ہے لیکن اگر مغرب مدد نہیں کرتا تو کم از کم افغان عوام کی روکے ہوئے اثاثے جو کہ  9 ارب ڈالر سے زیادہ ہے، آزاد کرے۔

ائد اسلامی انقلاب حضرت آیت اللہ خامنہ ای نے اس بات پر زور دیا کہ اسلامی جمہوریہ ایران کی عزت کا راز دشمنوں کے سامنے مزاحمت کرنے اور ان سے نہ ڈرنے کا ہے۔

ایرانی صدر مملکت نے عراقی وزیر اعظم سے ایک مشترکہ پریس کانفرنس کے دوران، اس بات پر زور دیا کہ تہران- بغداد مالیاتی تعلقات میں سہولتیں لانے پر نئے اقدامات اٹھائے جائیں۔

 ایرانی صدر سید "ابرہیم رئیسی" اور تہران کے دورے پر آئے ہوئے عراقی وزیراعظم "مصطفی کاظمی" نے آج بروز اتوار کو ایک ملاقات کے بعد مشترکہ پریس کانفرنس کی۔

اس موقع پر ایرانی صدر نے عراقی وزیر اعظم اور ان کے ہمراہ وفد کے دورہ ایران کی خوشامدید کہتے ہوئے کہا کہ ہمارے عراق سے تعلقات پڑوسی ملک سے کہیں زیادہ آگے ہیں اور دونوں ملکوں کے درمیان گہرے تعلقات ہیں جس سے تعاون کی توسیع میں مدد ملتی ہے۔

انہوں نے کہا کہ ہم نے پڑوسی ممالک سے تعلقات بڑھانے کی پالسی کے سلسلے میں عراق سے گہرے قریبی تعلقات قائم کیے ہیں۔

ایران-عراق مالیاتی تعلقات میں سہولتیں لانے پر نئے قدم اٹھانے ہوں گے

انہوں نے الکاظمی سے اپنی حالیہ ملاقات کے زیر بحث موضوعات سے متعلق کہا کہ شلمچہ اور بصرہ کو ریلوے کے ذریعے منسلک کرنے پر بات چیت ہوئی نیز اس بات سے اتقاق کیا گیا کہ دونوں ممالک کے درمیان مالیاتی تعلقات میں سہولتیں لانے پر نئے اقدامات اٹھائے جائیں۔

صدر رئیسی نے کہا پڑوسیوں سے تعلقات کی توسع کی پالیسی پر عمل پیرا ہونے کے سلسلے میں آج ہم عراق کو ایرانی قوم کے سب سے قریب دیکھتے ہیں اور ہمسابہ ممالک کے درمیان ہمارے عراق سے سب سے زیادہ تعلقات ہیں۔

انہوں نے کہا کہ دونوں ممالک کے درمیان سیاسی، اقتصادی اور تجارتی تعلقات پر بات چیت ہوئی اور اس بات کا فیصلہ کیا گیا کہ ایران اور عراق کے اقتصادی تعلقات کا فروغ ہوجائے۔

صدر رئیسی نے کہا کہ شلمچہ- بصرہ ریلوے لائن منصوبے پر مذاکرات کیے گئے اور دونوں ملکوں کے درمیان تعاون بڑھانے کے مقصد سے اس منصوبے کو جلد از جلد عملی جامہ پہنانے پر زور دیا گیا۔

عراق کیجانب سے زائرین کی آمد و رفت میں آسانی لانے کا اقدام قابل قدر ہے

ایرانی صدر نے ایرانی شہریوں کی عراق میں زیارت کے مقصد سے آمد و رفت سے متعلق گفتگو کرتے ہوئے کہا کہ ان کو ان مقدس مقامات کی زیارت کرنے میں بہت دلچسبی ہے اور عراق کیجانب سے زائرین کی آمد و رفت میں آسانی لانے کا اقدام قابل قدر ہے جس سے امام حسین علیہ السلام سے خراج عقیدت پش کرنے والے زمینی اور فضائی کے راستوں کے ذریعے اور بغیر ویزے کی ضرورت سے عراق جاکر آسانی سے زیارت کر سکتے ہیں۔

انہوں نے مزید کہا کہ یہ فیصلہ کیا گیا کہ عراق زائرین کیلئے مزید سہولیات کی فراہمی کرے اور اربعین حسینی کے زائرین زمینی اور فضائی سرحدوں سے عراق کی سفر کرسکیں اور گزشتہ سالوں میں موجودہ مسائل بھی حل ہوجائیں۔

صدر رئیسی نے کہا کہ عراق میں داخلے کے بعض مسائل کورونا پھیلاؤ کی وجہ سے تھے جو اب ایران اور عراق دونوں ممالک میں حل ہوچکے ہیں اور صورتحال مختلف ہوگئی ہے۔

انہوں نے علاقائی ممالک سے تعلقات سے متعلق کہا کہ دونوں فریقین نے ان تعلقات پر زور دیا اور ہمارا عقیدہ ہے کہ علاقائی حکام کے درمیان مذاکرات سے خطی مسائل کو حل کرسکتے ہیں اور ہم نے اس بات پر زور دیا کہ خطے میں اغیار کی موجودگی نہ علاقائی صورتحال میں بہتری لائے گی بلکہ مسائل میں بھی اضافہ کرے گی۔

ایرانی صدر نے کہا کہ اس ملاقات  خطی مسائل کے حل کیلئے علاقائی حکام اور عہدیداروں کے درمیان مذاکرات پر زور دیا گیا۔

یمنیوں کیخلاف ناکہ بندی کا اختتام اور یمن انٹراڈائیلاگ کے انعقاد پر زور دیا گیا

ایرانی صدر نے یمن می موجودہ مسائل اور مصائب پر گفتگو کرتے ہوئے کہا کہ ہم یمنیوں کیخلاف ناکہ بندی کا اختتام اور یمن انٹراڈائیلاگ کے انعقاد پر زور دیتے ہیں کیونکہ صرف ان طریقوں سے یمنی بحران کا حل ہوگا اور کئی سالوں سے دکھ درد کا شکار یمنی عوام کی صورتحال میں بہتری آئے گی۔

صدر رئیسی نے کہا کہ ہم بلاشبہ اس جنگ کے تسلسل کو لا حاصل سمجھتے ہیں اور ہمارا عقیدہ ہے کہ اس جنگ کا یمنی عوام کی دکھ درد میں اضافے کے سوا کچھ حاصل نہیں ہوگا لہذا اس جنگ کا جلد از جلد خاتمہ دنیا ہوگا اور اس حوالے سے جنگ بندی یمنی مسائل کا حل اور یمن انٹراڈائیلاگ کے انعقاد میں بہت مدد ملے گی۔

انہوں نے اس بات پر زور دیا کہ ناجائز صہیونی ریاست کی علاقائی ممالک سے تعلقات کو معمول پر لانے کی کوششیں اس ریاست کی سلامتی کو فراہم کرنے میں مدد نہیں ملے گی۔

ایرانی صدر نے کہا کہ ایران اور عراق خطے میں قیام امن اور سلامتی پر زور دیتے ہیں اور ہمارا عقیدہ ہے کہ یہ صرف اور صرف علاقائی ممالک کے حکام کے کردار ادا کرنے کی روشنی میں حاصل ہوجائے گا اور علاقے میں غیر ملکیوں کی موجودگی کے ساتھ صہیونی ریاست کے ساتھ تعلقات کو معمول پر لانا بھی خطے کے لیے پریشانی کا باعث بنے گا اور ہمارے علاقے کا کوئی مسئلہ حل نہیں ہوگا۔

انہوں نے کہا کہ ایران اور عراق کے درمیان اچھے تعلقات کو علاقائی اور بین الاقوامی سطح پر دونوں ممالک کے کردار ادا کرنے میں انتہائی موثر قرار دے دیا۔

صدر رئیسی نے کہا کہ  ہم  مشکل دنوں میں عراقی حکومت اور عوام کیساتھ شانہ بشانہ کھڑے رہے اور رہیں گے اور یہ تعلقات آئے دن بڑھتے جائیں گے۔

ایرانی صدر نے کہا کہ  عراقی وزیر اعظم کا حالیہ دورہ ایران، دونوں ممالک کے تعلقات کی توسیع کا اہم موڑ ہوسکتا ہے۔

ایران سے تعلقات انتہائی اہم ہے: الکاظمی

در این اثنا عراقی وزیر اعظم مصطفی الکاظمی نے کہا کہ ہمارا دورہ ایران کا مقصد باہمی تعلقات پر تبادلہ خیال ہے اور آج ہم نے اس ملاقات میں دونوں ملکوں کے درمیان تاریخی، ثقافتی، تہذیبی اور مذہبی تعلقات پر بات چیت بھی کی۔

انہوں نے کہا کہ ایران سے تعلقات انتہائی اہم ہے اور ہم دونوں ممالک کے مشترکہ مفادات کے فریم ورک کے اندر دونوں ممالک کے عوام کے مفادات کی فراہمی کی کوشش کریں گے تا کہ باہمی تجارتی تعلقات کو فروغ دے سکیں۔

عراقی وزیر اعظم نے کہا کہ ہمیں اربعین حسینی کے زائرین کے دورہ عراق کیلئے ایک ٹائم ٹیبل فراہم کرنے کا ارادہ ہے۔ اب تک ایرانی زائرین عراقی ہوائی اڈوں پر ویزا حاصل کر سکتے تھے لیکن حالیہ ہفتوں میں ہم نے ایرانی زائرین کو عراق میں داخل ہونے کے لیے ویزے کے حصول کے لیے سرحدی گزرگاہوں پر ایک پلیٹ فارم مہیا کیا ہے۔

الکاظمی نے کہا کہ اربعین حسینی کی زیارت کے دونوں آنے والے ہیں اور ہم ایرانی زائرین کی خدمات فراہم کرنے کی ہرممکن کوشش کریں گے۔

انہوں نے کہا کہ ہم خطے میں قیام امن اور سلامتی کی کوشش کریں گے اور اور ہم نے یمن میں جنگ بندی کی حمایت کا اعلان کرنے کے لیے ان اہم مسائل کے بارے میں بات کی جن کا خطے کی اقوام کو سامنا ہے۔

عراقی وزیر اعظم نے کہا کہ ہم نے اتقاق کیا کہ یمنی جنگ کے خاتمے کیلئے مذاکرات کی حمایت کریں اور یوکرین میں جنگی طرز کے سیکورٹی چیلنج سے نمٹنے کے لیے مشترکہ کوششیں کریں۔

ایرانی صدر حجۃ الاسلام والمسلمین سید ابراہیم رئیسی نے یمن کی سپریم پولیٹیکل کونسل کے چیئرمین مہدی المشاط کے ساتھ ٹیلی فونک گفتگو میں کہاکہ ہم یمنی مظلوم عوام کے لئے کورونا ویکسین بھیجنے کیلیے تیار ہیں۔

صدر رئیسی نے یمنی عوام کی مزاحمت کو سراہتے ہوئے یمن کی علاقائی سالمیت اور خودمختاری کے تحفظ کی ضرورت پر زور دیا۔

انہوں نے کہا کہ ایران اس جنگ بندی کی حمایت کرتا ہے جو مکمل امن اور یمنی عوام کے خلاف ظالمانہ اقتصادی ناکہ بندی کے مکمل خاتمے کا باعث بنے گی۔

تہران، ارنا – ایرانی صدر مملکت نے ایرانی موجودہ حکومت کی پہلی ترجیح پڑوسی ممالک کےساتھ تعلقات کو مزید بڑھانا ہے۔