آیت 13، سورہ مبارکہ اسراء کی مجموعی آیات میں سے ہے، جس میں اللہ تعالیٰ فرماتا ہے:«وَ كُلَّ إِنسانٍ أَلْزَمْناهُ طائِرَهُ فِي عُنُقِهِ وَ نُخْرِجُ لَهُ يَوْمَ الْقِيامَةِ كِتاباً يَلْقاهُ مَنْشُوراً اقْرَأْ كِتابَكَ» اور ہم نے ہر انسان کے اعمال کو اس کے گلے کا طوق بنا دیا ہے، اور قیامت کے دن ہم اس کے لیے ایک کتاب نکالیں گے جو وہ کھلی ہوئی پائے گا۔ (اس سے کہا جائے گا:) 'اپنی کتاب پڑھو۔'
 
اس سے یہ سمجھا جاتا ہے کہ ہر انسان کے تمام اعمال، تفصیلات کے ساتھ، ایک کتاب میں درج کیے گئے ہیں، اور قیامت کے دن اگر وہ نیکوکار ہے تو اس کا نامۂ اعمال اس کے دائیں ہاتھ میں دیا جائے گا، اور اگر بدکار ہے تو بائیں ہاتھ میں دیا جائے گا۔
 
یہ کتاب عام کتاب یا دستاویز نہیں ہے، اسی لیے کچھ مفسرین کا کہنا ہے کہ نامۂ اعمال دراصل "انسان کی روح" ہے جس میں تمام اعمال کے اثرات ثبت ہوتے ہیں۔ کیونکہ ہم جو بھی عمل انجام دیتے ہیں، اس کا ہماری روح اور شخصیت پر اثر ضرور ہوتا ہے۔
 
قرآنی آیات اور روایات میں نامۂ اعمال کی تفصیل اور تشریح کا بنیادی مقصد تربیتی اثرات پیدا کرنا ہے۔ جس شخص کو یہ علم ہو کہ ہر وقت ایک ریکارڈر اور کیمرہ اس کے اعمال اور اقوال کو ریکارڈ کر رہا ہے، چاہے وہ خلوت میں ہو یا جلوت میں، اس کے باطن اور ظاہر کو محفوظ کر رہا ہے اور بالآخر قیامت کے دن یہ تمام ریکارڈز ایک عظیم عدالت میں پیش کیے جائیں گے، تو یقیناً ایسا شخص اپنی زندگی میں احتیاط کرے گا اور تقویٰ اختیار کرے گا۔
 
نامۂ اعمال پر ایمان، جس میں ہر چھوٹا اور بڑا عمل درج ہے، اور ان فرشتوں پر ایمان جو دن رات انسان کے اعمال کو ریکارڈ کرتے ہیں، قیامت کے دن جب یہ نامہ اعمال سب کے سامنے کھول دیا جائے گا اور تمام چھپے گناہ ظاہر ہو جائیں گے، یہ سب باتیں گناہوں سے باز رکھنے میں اہم کردار ادا کرتی ہیں۔
 
اسی طرح نیکوکاروں کا نامۂ اعمال ان کے لیے باعثِ عزت اور فخر ہوگا، اور اس کا اثر عام ریکارڈنگ یا فلم سے بھی زیادہ ہوگا، اور یہی چیز نیکی کے اعمال کی ترغیب دیتی ہے۔ البتہ بعض اوقات ایمان کی کمی یا غفلت کے حجاب کی وجہ سے انسان ان حقائق سے دور ہو جاتا ہے، ورنہ اس قرآنی حقیقت پر ایمان ہر انسان کی تربیت کے لیے کافی ہے۔

ایکنا نیوز، نیوز عرب 48 کے مطابق، اسرائیل کی چینل 12 کے سروے کے نتائج سے معلوم ہوتا ہے کہ طویل جنگ کے باعث صہیونی شہریوں کی ترجیحات تبدیل ہو رہی ہیں۔
 
اس سروے کے مطابق، 69 فیصد صہیونیوں کا ماننا ہے کہ اس وقت سب سے اہم مقصد غزہ میں قید اسرائیلی قیدیوں کے تبادلے کے لیے کسی معاہدے تک پہنچنا ہے، جبکہ 20 فیصد کا خیال ہے کہ غزہ میں جنگ کو جاری رکھنا سب سے اہم مقصد ہے۔
 
جب بات نیتن یاہو اور سابق اسرائیلی وزیراعظم نفتالی بینیٹ کے موازنے کی آتی ہے، تو بینیٹ نے سروے میں شامل افراد میں سے 37 فیصد ووٹ حاصل کیے، جبکہ صرف 35 فیصد نے نیتن یاہو کو وزیراعظم کے عہدے کے لیے بہتر انتخاب سمجھا۔
 
نیتن یاہو کو اسلامی مزاحمت کا سامنا کرنے میں ناکامی اور غزہ اور لبنان میں سنگین جرائم کے ارتکاب کے باعث ایک طرف صہیونیوں کی جانب سے مخالفت کا سامنا ہے، اور دوسری طرف غزہ اور لبنان میں جنگی جرائم کے ارتکاب کے سبب انہیں بین الاقوامی عدالت کی طرف سے بھی مذمت کا سامنا ہے۔/

 
ان دنوں جنوبی لبنان میں غاصب صیہونی رژیم کے میدان جنگ سے بہت کم خبریں موصول ہو رہی ہیں اور اگرچہ جھڑپیں بدستور جاری ہیں لیکن صیہونی فوج کے زمینی حملوں کی شدت میں کمی واقع ہوئی ہے اور اسرائیلی ذرائع ابلاغ میں جنوبی لبنان میں زمینی کاروائی ختم ہونے کی قیاس آرائیاں ہو رہی ہیں۔ حال ہی میں صیہونی ٹی وی چینل 13 نے ایک رپورٹ شائع کی ہے جس میں کہا گیا ہے کہ جنوبی لبنان میں زمینی کاروائی شروع ہونے کے ایک ماہ بعد اسرائیل یہ کاروائی اختتام پذیر ہونے کا اعلان کرنے والا ہے۔ اسی طرح اسرائیل کے چند دیگر میڈیا ذرائع نے بھی سیکورٹی ذرائع کے بقول ایسی رپورٹس شائع کی ہیں جن میں لبنان میں فوجی کاروائی ختم ہو جانے کا امکان ظاہر کیا گیا ہے۔ عالمی سطح پر بھی لبنان میں جنگ بندی کے لیے سفارتکاری جاری ہے۔
 
عام طور پر فوجی کاروائی کا اختتام پذیر ہونا دو اصولوں کے تابع ہوتا ہے: یا تو جارح قوت اپنے مطلوبہ اہداف حاصل کر چکی ہو اور مزید جنگ جاری رکھنے کی کوئی معقول وجہ نہ پائی جاتی ہو، یا اس کے برعکس، جارح قوت شکست کا شکار ہو چکی ہو اور مطلوبہ اہداف کے حصول میں کامیابی کی بھی کوئی امید دکھائی نہ دے رہی ہو۔ جنوبی لبنان میں ان دونوں احتمالات میں سے کون سا احتمال حقیقت کے زیادہ قریب ہے؟ کیا غاصب صیہونی رژیم اپنے اعلان کردہ اہداف حاصل کرنے میں کامیاب ہو چکا ہے؟ ان سوالات کا جواب پانے کے لیے درج ذیل نکات پر غور کریں:
1)۔ صیہونی حکمرانوں کو توقع تھی کہ حزب اللہ لبنان کے اعلی سطحی سیاسی و فوجی کمانڈرز، خاص طور پر سید حسن نصراللہ اور سید ہاشم صفی الدین کی شہادت کے بعد اس تنظیم کا شیرازہ بکھر جائے گا اور اس کے بعد ایک مختصر فوجی کاروائی کے ذریعے حزب اللہ کو مطلوبہ شرائط مان کر جنگ بندی پر مجبور کر لیا جائے گا۔
 
لیکن میدان جنگ اور میدان سیاست کے زمینی حقائق سے ظاہر ہوتا ہے کہ غاصب صیہونی رژیم لبنان میں مطلوبہ اہداف حاصل نہیں کر پائی ہے۔ مغربی اور صیہونی تجزیہ کاروں کی بڑی تعداد اس بات پر زور دے رہی تھی کہ شہید سید حسن نصراللہ کی شہادت کے بعد حزب اللہ لبنان کی کمر ٹوٹ چکی ہے اور یوں وہ فتح کے گن گانے میں مصروف تھے۔ لیکن یہ تاریخ میں پہلی مرتبہ نہیں ہوا کہ اسلامی مزاحمت کی کوئی اہم اور بڑی شخصیت ٹارگٹ کلنگ یا اغوا کے ذریعے میدان سے باہر نکال دی گئی ہو۔ امام موسی صدر سے لے کر سید عباس موسوی تک اور اب سید حسن نصراللہ اور عظیم فوجی کمانڈرز جیسے عماد مغنیہ، فواد شکر اور ابراہیم عقیل کی شہادت نے حزب اللہ لبنان کی کارکردگی پر کوئی اثر نہیں ڈالا اور نہ ہی اس کے مجاہدین کا ایمان اور عزم راسخ کمزور کیا ہے۔
 
2)۔ میدان جنگ کی صورتحال سے ظاہر ہوتا ہے کہ لبنان سے مقبوضہ فلسطین پر جاری میزائل حملے نہ صرف تعطل کا شکار نہیں ہوئے بلکہ روز بروز ان کی شدت میں اضافہ ہوتا جا رہا ہے اور آئے دن نئی یہودی بستیوں اور نئے فوجی اڈوں کو نشانہ بنایا جا رہا ہے۔ اب تو تل ابیب اور حیفا جیسے بڑے شہر بھی ان حملوں کی زد میں ہیں۔ یہ وہ چیز ہے جس نے غاصب صیہونی حکمرانوں کے تمام اندازوں کو غلط ثابت کر دیا ہے اور وہ اس کی بالکل توقع نہیں رکھتے تھے۔ دو دن پہلے عبری زبان میں شائع ہونے والے صیہونی اخبار یدیعوت آحارنوت نے ایک رپورٹ شائع کی جس میں کہا گیا تھا: "فوج کی جانب سے سرحد پر حزب اللہ کے ٹھکانے تباہ کر دینے اور اس کے میزائل نابود کر دینے کے اعلان کے باوجود حزب اللہ کی فورسز بدستور انہی سرحدی علاقوں سے شمالی اسرائیل کو میزائل اور راکٹ حملوں کا نشانہ بنا رہے ہیں۔"
 
یہ اخبار مزید لکھتا ہے: "اس کی ایک مثال ہفتے کے دن ایون مناخم یہودی بستی پر حملہ ہے۔ مزید برآں، اسرائیلی فوج کو لبنان میں 40 روزہ زمینی کاروائی کے دوران شدید جانی نقصان ہوا ہے اور کم از کم 100 اسرائیلی فوجی ہلاک اور 1000 سے زیادہ زخمی ہوئے ہیں۔"
3)۔ ایک طرف حزب اللہ لبنان اپنے مرکزی رہنماوں اور کمانڈرز کی شہادت کے صدمے سے باہر آ چکی ہے جبکہ دوسری طرف اس کی طاقت بھی مکمل طور پر بحال ہوتی جا رہی ہے۔ دوسری طرف غاصب صیہونی رژیم اندرونی طور پر سیاسی اور اقتصادی لحاظ سے شدید بحرانی حالات سے روبرو ہے اور یہ بحران دن بدن مزید شدید ہوتا جا رہا ہے۔ کابینہ میں جاری اقتدار کی جنگ کے نتیجے میں وزیر جنگ یوآو گالانت کو اس کے عہدے سے ہٹا دیا گیا ہے اور نیتن یاہو کے مخالفین بھی اس کے خلاف اپنا دباو بڑھاتے جا رہے ہیں۔
 
4)۔ اگرچہ کچھ حلقے امریکہ کے صدارتی الیکشن میں ڈونلڈ ٹرمپ کی جیت کو بنجمن نیتن یاہو کے حق میں مفید سمجھتے ہیں لیکن یہاں اس نکتے پر توجہ ضروری ہے کہ ڈونلڈ ٹرمپ کی کامیابی کی ایک اہم وجہ وہ وعدے تھے جو انہوں نے الیکشن مہم کے دوران مغربی ایشیا اور یوکرین میں جنگ بند کروانے کے بارے میں دیے تھے۔ اسی طرح کملا ہیرس کی شکست کی ایک بنیادی وجہ غزہ اور لبنان میں جنگ بندی کے قیام میں ڈیموکریٹک حکومت کی ناکامی تھی۔ لہذا امریکہ میں مقیم مسلمان اور عرب شہریوں نے کملا ہیرس کو ووٹ دینے سے گریز کیا تھا اور ڈیموکریٹس کا ووٹ بینک بری طرح متاثر ہوا تھا۔ اسرائیلی میڈیا نے اعلان کیا ہے کہ ڈونلڈ ٹرمپ کی آئندہ کابینہ جنگ بندی کے لیے نیتن یاہو پر دباو ڈالے گی۔
5)۔ لہذا غاصب صیہونی حکمرانوں کے پاس اس کے سوا کوئی چارہ نہیں کہ وہ کوئی کامیابی حاصل کیے بغیر ہی لبنان کے محاذ سے پیچھے ہٹ جائیں اور یہ نیتن یاہو حکومت کے لیے ذلت آمیز شکست ثابت ہو گی۔

تحریر: محمد شریفی

قرآن و عترت فاطمہ زہراء سلام اللہ علیہا کی زبانی

خدا کا نور اور کائنات کی روشنی
حديث- ۱ - مِن دُعاءِفاطِمَةَ الزَّهراءعليهاالسلام:بِسْمِ اللّهِ الرَّحْمنِ الرَّحيمِ بِسْمِ اللّهِ النُّورِ بِسْمِ اللّهِ نُورِ النٌّورِ بِسْمِ اللّهِ نُورٌ عَلى نُورٍ بِسْمِ اللّهِ الَّذى هُوَ مُدَبِّرُ الأُمُورِ بِسْمِ اللّهِ الَّذى خَلَقَ النُّورَ مِنَ النُّورِ اَلْحَمْدُلِلّهِ الَّذى خَلَقَ النُّورَ مِنَ النُّورِ وَاَنْزَلَ النُّورَ عَلَى الطُّورِ فى كِتابٍ مَسْطُورٍفي رَقٍّ مَنْشُورٍ بِقَدَرٍ مَقْدُورٍ عَلى نَبِىٍّ مَحْبُورٍ[مهج الدعوات۷]
بنام خدائے رحمن رحیم، خدا کے نام سے جو نور ہے، وہ خداجس کے اسم گرامی نور ہی نور ہے، خدا کے نام سے جو نور کے اوپر نور ہے، خدا کے نام سےجو تمام امور کےمدبرہےوہ خدا جس نےنور کو  نور سے نور خلق کیا۔
پروردگار عالم کی حمد و ثنا اور خدا کاشکر ہے جس نے نور سے نور خلق فرمایا اوركوه(پہاڑ)طور پر نور نازل کیا، (اس کے اندر ایک ) کتاب تحریر ہے،بنی اکرم صلی اللہ علیہ و آلہ و سلم پر ایک مبارک وسیع طومار میں تقدیر و نعمت کے مطابق لکھا ہواہے۔

میں فاطمه ہوں
 حديث-۲- مِن خُطبَتِها عليهاالسلام: اَيُّهَا النّاسُ اِعْلَمُوا اَنّى فاطِمَةُ وَاَبى مُحَمَّدٌ اَقُولُ عَوْدا وَبَدْءا وَلا اَقُولُ ما اَقُولُ غَلَطا وَلا اَفْعَلُ ما اَفْعَلُ شَطَطا « لَقَدْ جاءَكُمْ رَسُولٌ مِنْ اَنْفُسِكُمْ عَزيزٌ عَلَيْهِ ما عَنِتُّمْ حَريصٌ عَلَيْكُمْ بِالْمُؤمِنينَ رَؤُوفٌ رَحيمٌ» [بخشى از خطبه بزرگ، احتجاج، ج1: 134]

حضرت فاطمہ زہراء سلام اللہ علیہا اپنےمشہورخطبہ فدکیہ کے ایک حصہ میں فرماتی ہیں:
اے لوگو!

جان لو میں فاطمہ ہوں، میرے باپ حضرت محمد مصطفی صلی اللہ علیہ و آلہ و سلم تھے، میری پہلی اور آخری بات یہی ہے،جو میں کہہ رہی ہوں وہ غلط نہیں ہےاور جو میں انجام دیتی ہوں بے ہودہ نہیں ہے۔
“خدانے تم ہی میں سے پیغمبر کو بھیجاتمھاری تکلیف سے انہیں تکلیف ہوتی تھی وہ تم سے محبت کرتے تھے اورمومنین کے حق میں دل سوز وغفورورحیم تھے” ۔

قرآن كريم
حديث-۳ - مِن خُطبَتِها عليهاالسلام:  كِتابُ اللّهِ النّاطِقُ وَالْقُرْانُ الصّادِقُ وَالنُّورُ السّاطِعُ وَالضِّياءُ الّلامِعُ، بَيِنَّةً بَصائِرُهُ، مُنْكَـشِفَـةً سَرائِرُهُ، مُنْجَلِيَةً ظَواهِرُهُ، مُغْتَبِطَةً بِهِ اَشْياعُهُ، قائدا اِلَى الرِّضْوانِ اِتِّباعُهُ، مُؤَدٍّ اِلَى النَّجاةِ اِسْتِماعُهُ [بخشى از خطبه بزرگ، احتجاج، ج 1: 134]
اس کے بعدآپ نے مجمع کو مخاطب کرکے فرمایا:
۔۔۔ حالانکہ ہم بقیة اللہ اور قرآن ناطق ہیں وہ کتاب خدا جو صادق اور چمکتا ہوا نور ہے جس کی بصیرت روشن ومنور اوراس کے اسرار ظاہر ہےں، اس کے پیرو کارسعادت مندہیں،اس کی پیروی کرنا ،انسان کوجنت کی طرہ ھدایت کرتاہے ،اس کی باتوں کوسننا وسیلہ نجات ہے۔۔۔

قرآن کی پناہ میں
حديث-۴ - مِن خُطبَتِها عليهاالسلام:  وَ کِتابُ اللهِ بَیْنَ اَظْهُرِکُمْ اُمُورُهُ زاهِرَةٌ [ظاهِرَةٌ]، وَ اَعْلامُهُ باهِرَةٌ، وَ زَواجِرُهُ لائِحَةٌ، وَ اَوامِرُهُ واضِحَةٌ، قَدْ خَلَّفْتُمُوهُ وَراءَ ظُهُورِکُمْ، اَرَغْبَةً عَنهُ تُرِیدُونَ؟ اَمْ بِغَیْرِهِ تَحْکُمُونَ؟ «بِئْسَ لِلظّالِمِینَ بَدَلا» [بخشى از خطبه بزرگ، احتجاج، ج 1: 137]
حضرت فاطمہ زہراء سلام اللہ علیہا اپنےمشہورخطبہ فدکیہ کے ایک حصہ میں فرماتی ہیں:

۔۔۔حالانکہ اللہ کی کتاب تمہارے درمیان موجود ہے اوراس کے احکام واضح اوراس کے امرنہی ظاہرہیں تم نے قرآن کی مخالفت کی اور اسے پس پشت ڈال دیا، کیا تم قرآن سے روگردانی اختیارکرنا چاہتے ہو؟

یا قرآن کے علاوہ کسی دوسری چیز سے فیصلہ کرنا چاہتے ہو؟۔۔۔

مقام عترت
حديث- ۵ – قالَتْ فاطِمَةُ الزَّهْراء عليهاالسلام فى خُطبَتِها:  وَاحْمِدُوا اللّهَ الَّذى لِعَظَمَتِهِ وَنُورِهِ يَبْتَغى مَنْ فِى السَّماواتِ وَالْأرَضِ اِلَيْهِ الْوَسيلَةَ وَنَحْنُ وَسیلَتُهُ فى خَلْقِهِ، وَ نَحْنُ خاصَّتُهُ وَ مَحَلُّ قُدْسِهِ، وَ نَحْنُ حُجَّتُهُ فى غَیْبِهِ، وَ نَحْنُ وَرَثَةُ انْبیائِهِ
 (شرح نهج البلاغه ابن ابى الحدید: ج ۱۶، ص ۲۱۱)
حضرت فاطمہ زہراء سلام اللہ علیھا اپنے مشہورخطبہ کے آخر میں فرماتی ہے:

۔۔۔اےمسلمانو!

پروردگار عالم کا شکر ادا کرو، اس پروردگار عالم کے وجود کی عظمت اور نور نیت کی جلوے کی وجہ سےجوکچھ زمین و آسمان میں موجود ہیں ہر ایک اس کی طرف جانےکی راہ کے متلاشی ہیں۔
ہم پیغمبر(ص) کے اہل بیت ہیں، جو پروردگارکے تقرب اور مخلوق کے درمیان رابطے کا ذریعہ۔

ہم اللہ کے محلِ پاک و مقدّس،خالص اور چنے ہوئے ہستیاں ہیں، ہم ہی غیبت کے دوران حجت الہی اور رہنماء ہیں۔اور ہم ہی  پروردگارعالم کے نبیوں کے وارث ہیں۔

ارنا کے مطابق انصاراللہ یمن کے رہبر سید عبدالملک الحوثی نے جمعرات کو اپنے خطاب میں کہا ہے کہ امریکا جس صیہونی سیناریومیں ہمارا ساتھ چاہتا ہے، وہ ہماری ہی ملت کے خلاف جارحانہ پروجکٹ ہے۔

انصاراللہ یمن کے رہبر نے کہا کہ اگر آپ یہ چاہیں کہ امت اسلامیہ کے مقدسات پر حملہ نہ ہو تو آپ امریکا اور اسرائیل کے  مخالف ہیں۔

انھوں نے کہا کہ اکثر عرب حکام امریکا کے کہنے پرصیہونی پروجکٹ میں شامل ہوگئے ہیں۔ 

سید عبدالملک الحوثی نے کہا کہ افسوس کہ عرب حکومتیں یہ جانتے ہوئے کہ خود ان کے عوام نشانہ بن رہے ہیں، امریکا اور صیہونی حکومت کی ہمراہی کے سسٹم میں شامل ہیں اور انھوں نے  اپنے ملکوں کے دروازے امریکی فوجی اڈوں کے لئے کھول دیئے ہیں۔

 انھوں نے کہا کہ جن لوگوں نے اعلان کیا کہ وہ امریکا کے ساتھ  اور اس کے اتحادی ہیں، اس کا ساتھ اختیار کیا اور ہر چیز اس کے لئے کھول دی اور امریکی فوجی اڈوں کے اختیار میں دے دی ۔

 انصاراللہ یمن کے رہبر نے کہا کہ بعض ملکوں نے خود کو جو امریکا سے وابستہ کرلیا ہے، یہ وابستگی ان کی حفاظت نہیں کرے گی اور انہیں اس سے کوئی فائدہ نہيں ہوگا۔

بعض گھروں میں بچوں کے حقوق کا خیال نہیں رکھا جاتا، بچوں کے حقوق کی پامالی صرف یہ نہیں ہے کہ انسان اُن کے ساتھ محبت نہ کرے، جی نہیں! غلط تر تیبت اور ان کے لیے مناسب اہتمام و انتظام سے کام نہ لینا، ان کی ضرورتوں کا خیال نہ رکھنا، لطف و محبت میں کمی اور اسی قسم کے دوسرے امور بھی ان پر ظلم کے دائرے میں آتے ہیں۔

امام خامنہ ای

 گذشتہ سال 7 اکتوبر کو حماس کے طوفان الاقصی نے گذشتہ 75 سالوں کے دوران خطے میں صہیونی حکومت کی طاقت کا بھرم توڑ دیا اور اس کے ناپاک وجود کی بنیادیں ہلادیں۔ یہ واقعہ اس وقت وقوع پذیر ہوا جب صہیونی حکومت عرب خطے کی قیادت کے خواب دیکھ رہی تھی۔ طوفان الاقصی نے صہیونی حکومت کی طاقت اور اس کے مستقبل کے بارے میں سوالات ایجاد کیے۔

واشنگٹن اور مغربی ممالک صہیونی حکومت کی پشت پناہی کررہے ہیں۔ ان ممالک نے فلسطینیوں سے انتقام لینے کے لئے پوری کوشش کی لیکن مقاومتی تنظیموں اور فلسطینی عوام کی مقاومت صہیونی حکومت اور اس کے حامیوں کو اسٹریٹیجک شکست سے دوچار کیا۔

غزہ کے محاذ پر ناکامی کے بعد صہیونی حکومت نے لبنان کا رخ کیا تاکہ اس محاذ پر کامیابی کے ذریعے اپنی شکست کی تلافی کرسکے۔ صہیونی حکومت نے حزب اللہ پر کاری وار کا فیصلہ کیا اور پیچیدہ کاروائی کے تحت مقاومتی تنظیم کی اعلی قیادت کو نشانہ بنایا۔ ان حملوں کا ایک ہدف لبنانی مقاومتی تنظیم کو غیر مسلح کرنا تھا تاکہ بعد میں آسانی کے ساتھ لبنان کو فتح کرلے۔

حزب اللہ کے خلاف حملوں سے ملنے والی وقتی کامیابی جلد ہی اپنا اثر کھونے لگی کیونکہ تنظیم نے مختصر وقت میں خود سنبھال لیا اور دوبارہ تنظیم اپنے پاوں پر کھڑی ہوگئی۔ حزب اللہ نے جوابی وار میں صہیونی فوج کو شدید نقصان پہنچایا۔ بڑی تعداد میں صہیونی افسران اور اہلکاروں کو ہلاک اور زخمی کردیا اس کے نتیجے میں جنوبی لبنان صہیونی فوج کے لئے ایک دلدل بن گیا۔

26 اکتوبر کو صہیونی حکومت نے اپنی سابقہ دھمکیوں کے برعکس ایران کے خلاف محدود پیمانے پر کاروائی کی۔ ایک مہینے تک تیاریوں کے بعد امریکہ کے ساتھ ہماہنگی کے بعد تل ابیب نے ایران کی ایٹمی اور تیل کی تنصیبات پر حملے کا منصوبہ ترک کردیا اور اپنے حملے کا دائرہ بہت مختصر کردیا تاکہ ایران کے جوابی حملے سے بچ جائے۔ دوسری بات یہ کہ امریکہ میں ہونے والے صدارتی انتخابات بھی متاثر ہونے سے بچ جائیں۔

صہیونی حکومت کی امریکہ کے ساتھ ہماہنگی کی کچھ اور وجوہات بھی ہیں؛

اول: جوابی حملے کے بارے میں ایران کی سنجیدگی کی وجہ سے صہیونی حکومت کے ایٹمی منصوبے یا اقتصادی اور توانائی کی تنصیبات کو ہدف بنائے جانے کے زیادہ امکانات ہیں۔ گذشتہ حملے میں ایران نے صہیونی تنصیبات پر کامیاب حملہ کرکے اس کا ثبوت بھی دیا ہے۔

دوم: اعلی قیادت کی شہادت کے بعد حزب اللہ نے دوبارہ خود کو سنبھال لیا اور صہیونی حکومت کے زمینی حملوں کا منہ توڑ جواب دیا جس سے صہیونی فوج کو سنگین نقصان ہوا۔

گذشتہ کچھ عرصے میں پیش آنے والے واقعات کی وجہ سے نتن یاہو اور ان کی انتہا پسند کابینہ نے ایران کے ساتھ کشیدگی بڑھانے کا ارادہ ترک کیا۔ اس کے بجائے اپنی دفاعی طاقت کو حزب اللہ اور حماس کے ساتھ شمالی اور سرحدوں پر جنگ میں استعمال کرنا شروع کیا بنابراین آئندہ چند مہینوں کے دوران صہیونی حکومت اور مقاومتی تنظیموں کے درمیان جنگ میں شدت آسکتی ہے مخصوصا اگر ٹرمپ انتخابات میں کامیاب ہوجائیں تو اس کے امکانات زیادہ ہیں۔

وعدہ صادق آپریشن اور صہیونی حملوں کو کامیابی کے ساتھ روکنے کے بعد ایران کا کردار مزید اہمیت اختیار کرگیا ہے۔ اسی طرح حزب اللہ نے بھی اپنی طاقت کو دوبارہ بحال کیا ہے۔

امریکہ کی تمام تر حمایت کے باوجود صہیونی حکومت کئی محاذوں پر جنگ لڑنے کی صلاحیت نہیں رکھتی ہے اسی لئے اپنے دشمنوں اور دوستوں کو گمراہ کرنے کے لئے نفسیاتی جنگ لڑنے میں مصروف ہے۔ صہیونی حکومت اب بھی دنیا کی آنکھوں میں دھول جھونکتے ہوئے خود کو خطے کی طاقت کے طور پر پیش کرنے کی کوشش کررہی ہے۔

حقیقت یہ ہے کہ گذشتہ سال 7 اکتوبر کے واقعات میں صہیونی حکومت کی زمین بوس ہونے والی خیالی طاقت دوبارہ بحال نہیں ہوسکی ہے۔ لبنان، فلسطین، عراق اور یمن کی مقاومتی تنظیموں کے ساتھ وسیع نبرد کے بعد صہیونی حکومت کی دفاعی طاقت میں شدید کمی آئی ہے۔ حالیہ جنگ کی مدت بڑھنے کے ساتھ صہیونی حکومت کے زخم مزید گہرے ہوں گے۔

الجزیرہ کی رپورٹ کے مطابق شکستوں کا سلسلہ برقرار رہے تو صہیونی حکومت کی افسانوی طاقت مزید کم ہوگی اور دوستوں کی نگاہ میں اس کی اہمیت ختم ہوجائے گی۔ دوسری جانب دائیں بازو کی جماعتوں اور اپوزیشن کو نتن یاہو کے خلاف مہم چلانے کے مواقع میں اضافہ ہوگا۔

اگر یہی شکستوں اور بحران کا یہ سلسلہ جاری رہا تو صہیونیوں کی معکوس ہجرت میں مزید تیزی آئے گی۔ لیبرل، دولت مند اور دانشور طبقہ بدامن اور جنگ زدہ اسرائیل میں رہنا نہیں چاہتا ہے۔ ایران اور مقاومتی تنظیموں کے حملوں میں صہیونی حکومت کی دفاعی طاقت کا پول کھل گیا ہے لہذا صہیونی آبادکار آبائی ممالک واپس جاکر اپنا مستقبل محفوظ بنائیں گے۔

ارنا نے پیر کی رات اسلام آباد سے اپنے نامہ نگار کے حوالے سے  رپورٹ دی ہے کہ اسلام آباد کے نورخان فضائی اڈے پر ایران کے وزیر خارجہ سید عباس عراقچی کا پاکستان کے علاقائی امور کے وزیر نسیم وڑائج اور ایران کے سفیر نے استقبال کیا۔  

 وزیر خارجہ سید عباس عراقچی اپنے دورہ اسلام آباد میں پاکستان کے نائب وزیر اعظم اور وزیر خارجہ محمد اسحاق ڈار سے ملاقات کریں گے۔

اسی کے ساتھ دونوں ملکوں کے وزرائے خارجہ کی صدارت میں ایران اور پاکستان کے وفود کی نشست ہوگی ۔

 وزیر خارجہ سید عباس عراقچی اسلام آباد میں پاکستان کے وزیر اعظم میاں شہباز شریف سے بھی ملاقات اور گفتگو کریں گے۔