ہم خوش قسمت ہیں کہ ہمارے رہبر و رہنماء معصومین ہیں، یعنی ایسی ہستیاں اور شخصیات جن کا کردار و عمل، جن کا سونا جاگنا، جن کا کھانا پینا، جن کا چلنا پھرنا، جن کا بولنا اور چپ رہنا، جن کا ہر ہر عمل رہتی دنیا تک اسوہ کی حیثیت سے موجود رہیگا اور کسی کو جراءت نہ ہوگی کہ وہ ان کے کسی بھی عمل پہ انگلی اٹھائے۔ پروردگار عالم نے یہ کائنات خلق کی، اس میں انسانوں کی رہنمائی کیلئے اپنے پسندیدہ بندوں کو بھیجا، انبیاء، اوصیاء، آئمہ، اولیاء کا ایک سلسلہ قائم کیا۔ ہماری خوش بختی ہے کہ ہم نے اس دامن کو پکڑا، جو کامل و اکمل اسوہ کی صورت ہمارے رہبر و رہنماء اور منتخب ہیں۔ رسول خدا ؐکی ذات اقدس اور ان کے بعد امیر المومنین علی ابن ابی طالب ؑ کی ہستی، جن کے فضائل و مناقب اور عظمت و بلندی کا اندازہ لگانا ممکن نہیں۔

ان کی ذات گرامی کیساتھ ہم خود کو مربوط و منسلک کرتے ہیں، ان سے محبت کے دعوےدار ہیں، ان سے حب اور عقیدت کا اظہار کرتے ہیں، بالخصوص جب ان کے ایام ہائے ولادت و شہادت ہوتے ہیں تو ہم اپنے اپنے انداز سے محبت کا اظہار کرتے ہیں۔ ہمیں معصومین ؑ کی سیرت و کرادر کو نمایاں کرنا چاہیئے۔ نئی نسل تک ان کی زندگیوں کے روشن پہلوئوں کو عملی شکل میں دکھانا چاہیئے کہ عمل ہی اصل تبلیغ و ترویج ہوتا ہے، زبانی کلامی باتوں کا اثر وقت ہوتا ہے۔ رسول اللہ ؐکے فرامین کی روشنی میں یہ امر مسلم ہے کہ قرآن اور اہل بیت ؑایک دوسرے سے جدا نہیں ہیں اور دونوں مل کر انسانوں کی ہدایت و راہنمائی کے لئے مینارہ نور ہیں۔

ان کے دامن سے تمسک ہی ابدی سعادت و کامیابی کی ضمانت ہے، کیونکہ آنحضرتؐ نے اپنی مشہور حدیث ثقلین میں ارشاد فرما دیا: "انی اوشک ان ادعی فاجیب، وانی تارک فیکم الثقلین: کتاب اللہ، وعترتی، کتاب اللہ حبل ممدود من السماالی الارض، وعترتی اھل بیتی، وان اللطیف الخبیر اخبرنی انہما لن یفترقا حتی یردا علی الحوض فانظرونی بما تخلفونی فِیھِما" یعنی: "مجھے جلدی دعوت دی جانے والی ہے اور میں اس پر لبیک کہنے والا ہوں، میں تمہارے درمیان دو گرانقدر چیزیں چھوڑے جا رہا ہوں، ایک اللہ کی کتاب اور دوسری میری عترت، کتاب الہیٰ آسمان سے زمین تک لٹکی ہوئی رسی ہے۔ میری عترت، میرے اہل بیت ہیں اور لطیف و خبیر اللہ نے مجھے خبر دی ہے کہ یہ دونوں ہرگز جدا نہ ہوں گے، یہاں تک کہ میرے پاس حوض (کوثر) تک پہنچ جائیں۔ پس تم دیکھنا میرے بعد ان کے ساتھ کیا سلوک کرو گے۔"

علی علیہ السلام اہل بیتؑ کی اہم شخصیت ہیں، اس حدیث میں انہیں اور قرآن کو لازم و ملزوم اور علی ؑکو قرآن کے ہم پلہ قرار دیا گیا ہے۔ اِسی مطلب کو پیغمبر اسلامؐ نے اپنی ایک اور حدیث میں یوں بیان فرمایا ہے: "علی مع القرآن، والقرآن مع علی، لا یفترقان حتی یردا علی الحوض" یعنی: "علی ؑ قرآن کے ساتھ ہیں اور قرآن علیؑ کے ساتھ ہیں، یہ دونوں آپس میں جدا نہ ہوں گے، یہاں تک کہ میرے پاس حوض پر پہنچ جائیں۔" وصی رسول، امیر کائنات امام علی علیہ السلام کا جتنا بھی مقام و منزلت ہے، وہ ہم سب جانتے ہیں، پہچانتے ہیں۔ ان کی طرف رجوع کریں تو آپ ؑ اپنی ساری عزت اور شرف کو اس طرح سے بیان کر رہے ہیں آپ فرماتے ہیں: "إِلَهِی کَفَی بِی عِزّاً أَنْ أَکُونَ لَکَ عَبْداً وَ کَفَی بِی فَخْراً أَنْ تَکُونَ لِی رَبّاً أَنْتَ کَمَا أُحِبُّ فَاجْعَلْنِی کَمَا تُحِبُّ"، "اللہ میری عزت کے لئے کہ بس یہی کافی ہے کہ میں تیرا بندہ ہوں اور میرے فخر کے لئے یہی بہت ہے کہ تو میرا رب ہے تو ویسا ہی ہے، جیسا میں چاہتا ہوں اور مجھے بھی ویسا قرار دے جیسا تو چاہتا ہے۔"

امام نے ہمیں یہ بتا دیا کہ ساری عزت خدا کا بندہ ہونے میں ہے، اس سے بڑھ کر کوئی عزت نہیں ہے اور ہمارا سب سے بڑا فخر یہی ہے کہ خدا ہمارا رب ہے، مولائے کائنات کے فضائل کو آپ کی شجاعت و سخاوت وغیرہ کے بارے میں ہم بہت پڑھتے اور سنتے ہیں، لیکن اگر ہمیں موقع اور فرصت ملے تو آپ کی عبادت کے بارے میں بھی غور کریں تو سمجھ میں آئے گا کہ آپ سے بڑا کوئی عابد نہیں ہے، زین العابدین اور سید الساجدین اگرچہ چوتھے امام کا لقب ہے، لیکن جب آپ عبادت کرتے کرتے تھک جاتے تھے اور آپ کے چہرے کا رنگ بدل جاتا تھا، آپ سے کہا جاتا تھا کہ آخر آپ اتنی عبادت کیوں کرتے ہیں تو آپ فرماتے تھے: "من یقوی علی عبادة علی (ع)"، "علی علیہ السلام کی طرح کون عبادت کرسکتا ہے۔" اگرچہ آپ ہر لحظہ بارگاہ خداوندی میں خود کو حاضر پاتے تھے، مگر نماز کے وقت بارگاہ خداوندی میں جاتے ہوئے ان کے چہرے کا رنگ بدل جاتا تھا۔

ایک روایت کہیں پڑھی ہے کہ اصبغ ابن نباتہ بیان کرتے ہیں کہ ضرار بن ضمرہ معاویہ کے پاس گئے تو اس نے کہا کہ علی کی تعریف کرو، ضرار تعریف کرنا شروع کرتے ہیں اور تعریف کرتے کرتے کہتے ہیں: "رَحِمَ اَللَّهُ عَلِيّاً كَانَ وَ اَللَّهِ طَوِيلَ اَلسَّهَادِ قَلِيلَ اَلرُّقَادِ يَتْلُو كِتَابَ اَللَّهِ آنَاءَ اَللَّيْلِ وَ أَطْرٰافَ اَلنَّهٰارِ وَ لَوْ رَأَيْتَهُ إِذْ مُثِّلَ فِي مِحْرَابِهِ وَ قَدْ أَرْخَى اَللَّيْلُ سُدُولَهُ وَ غَارَتْ نُجُومَهُ وَ هُوَ قَابِضٌ عَلَى لِحْيَتِهِ يَتَمَلْمَلُ تَمَلْمُلَ اَلسَّلِيمِ وَ يَبْكِي بُكَاءَ الحزین قَالَ فَبَكَى مُعَاوِيَةُ وَ قَالَ حَسْبُكَ يَا ضِرَارُ كَذَلِكَ كَانَ وَاَللَّه عَلِيٌّ رَحِمَ اَللَّهُ أَبَا اَلْحَسَنِ" (امالی صدوق ص 625 ناشر- کتابچی تہران): "خدا علی پہ رحمت نازل کرے، وہ رات کو زیادہ جاگتے تھے اور کم سوتے تھے۔ پوری رات اور دن میں بھی قرآن کی تلاوت کرتے تھے، اگر علی کے اوپر نظر ڈالتے تو وہ محراب میں نظر آتے اور جب رات ہو جاتی تھی تو اپنی ریش مبارک کو ہاتھوں میں لئے ہوئے ایسے تڑپتے تھے، جس طرح سانپ کا کاٹا ہوا تڑپتا ہے اور کوئی غم رسیدہ گریہ کرتا ہے، ضرار تعریف کرتے جا رہے تھے کہ ایک مرتبہ معاویہ رونے لگا اور کہتا ہے کہ ضرار بس کرو، خدا کی قسم علی ایسے ہی تھے۔ خدا ابوالحسن کے اوپر رحمت نازل کرے۔"

مولائے متقیان امام علی ابن ابی طالب ؑ کی زندگی کے جس گوشے پر بھی نظر دوڑائیں ہم حیرت کدہ میں داخل ہو جائیں گے۔ آپ کی ہستی ہی ایسی ہے، جس پر لوگوں نے خدا ہونے کا گمان کیا، جبکہ بندگی و اطاعت ایسی کہ خود آئمہ طاہرین بیان کرتے ہوئے یہ فرماتے ہیں کہ کوئی ان کی عبادت تک نہیں پہنچ سکتا۔ اگرچہ آپ نے فرمایا کہ: "میں نے تیری عبادت نہ ہی جنت کے لالچ میں کی ہے اور نہ ہی جہنم کے خوف سے بلکہ تجھے لائق عبادت پایا، اس لئے تیری عبادت کی۔" افسوس کہ ایسی ہستی سے خود کو منسوب کرنے والے، امیر المومنین ؑسے نسبت کی بنا خود کو مومنین میں شمار کرنے کے دعویدار اس قدر گمراہی کے راستے پر چلتے دکھائی دیتے ہیں کہ دشمنان تشیع، دشمنان اہلبیت کو انگلیاں اٹھانے کا موقعہ ملتا ہے۔

دشمنان مکتب و مذہب جعفریہ کو طعن دیں، مذہب پر سوال اٹھائیں، جشن کے نام پر رجب و شعبان میں اب بہت زیادہ بے ہودگی، غیر اسلامی، غیر قرآنی امور سرانجام پاتے ہیں، ایسے امور جن کا کسی امام، کسی معصوم، کسی ہستی کے اسوہ زندگی میں سوچنا بھی گناہ کے زمرے میں آتا ہے۔ آخر ایسا مکتب جعفری کے نام پر کیوں کیا جاتا ہے۔ اپنے ذاتی خیالات، ذاتی انداز، ذاتی عقیدت کے انداز کو مکتب سے منسوب کرکے کیوں پیش کیا جاتا ہے۔ کیا اس کی اجازت ہونا چاہیئے، میں تو کہوں گا کہ ہرگز نہیں۔ ایسے لوگوں کو ملت سے کھل کر جدا کرنا چاہیئے، ان سے لاتعلقی سامنے لائی جائے، تاکہ دشمن کو زبان درازی کا موقعہ نہ ملے اور جہاں کہیں بھی جشن برپا کیا جائے، اس میں اسلامی، امامی، جعفری ثقافت کو نمایاں کیا جائے، بالخصوص آئمہ کی سیرت و کردار کو اجاگر کیا جائے۔

اہل علم، اہل محراب و منبر کو چاہیئے کہ وہ میدان میں نکلیں، ایسے معاملات میں جتنی تاخیر کریں گے، معاشرے میں خرابیاں جڑ پکڑیں گی اور بدعات، خرافات قوی ہو جائیں گی۔ جن کو وقت گزرنے کیساتھ دین کا حصہ بنا لیا جائے گا، تب جو نسل ہوگی، وہ کسی کی بھی نہیں سنے گی۔ لہذا آج کردار ادا کرنا ہوگا، میدان میں نکلنا ہوگا، معاشرہ کو آلودہ ہونے سے بچانے کیلئے وقت، مال، توانائی، خرچ کرنا پڑے تو گریز نہیں کرنا چاہیئے۔ یہی اسوہ امیر المومنین و آؑئمہ طاہرین ؑہے۔

ایکنا نیوز- رہبری ویب سائٹ کے مطابق رہبر انقلاب اسلامی آیت اللہ العظمیٰ خامنہ ای نے انقلابی تحریک اور مسلط کردہ جنگ کے دوران جانوں کا نذرانہ پیش کرنے والے تہران کے شہدا کی یاد میں کانفرنس منعقد کرنے والی کمیٹی کے ارکان سے خطاب کرتے ہوئے غزہ جیسے انتہائی اہم مسئلے پر اسلامی ملکوں کے رویہ اور کارکردگی پر تنقید کی۔

رہبر انقلاب اسلامی نے فرمایا کہ اسلامی ممالک کے حکام نامناسب رویہ اور غزہ کے باشندوں کے سامنے تمام تر مشکلات اور مصائب و آلام کے باوجود، جیسا کہ قرآن کریم میں ارشاد ہوتا ہے، اللہ صاحبان ایمان کے ساتھ ہے اور جہاں بھی ہوں گے وہ فاتح اور کامیاب رہیں گے۔

رہبر انقلاب اسلامی آیت اللہ العظمیٰ سید علی خامنہ ای نے فرمایا کہ غزہ کے عوام کی فتح اور کامیابی یقینی ہے اور خداوند عالم عنقریب یہ فتح و کامرانی امت مسلمہ کو دکھائے گا اور پوری دنیا کے مسلمان اور خاص طور پر فلسطین اور غزہ کے عوام کے دل خوش ہوجائیں گے۔

سحرنیوز/ ایران: ہمارے نمائندے کی رپورٹ کے مطابق تہران چیمبر آف کامرس اینڈ انڈٹسٹریز اور کراچی چیمبر آف کامرس اینڈ انڈسٹری نے ایک مشترکہ بیان میں اعلان کیا ہے کہ وہ ایران اور پاکستان کے درمیان کشیدگی کو کم کرنے کے لیے سفارتی اقدامات کی حمایت کرتے ہیں۔

اس مشترکہ بیان میں کہا گیا ہے کہ تاریخی پرامن بقائے باہمی کے ساتھ ساتھ دونوں ہمسایہ ممالک کی باہمی اور مسلسل حمایت خطے کی مشترکہ خوشحالی اور ترقی کی راہ ہموار کرے گی۔

اسلام نے عورت کو  بہت اعلي مقام عطا کيا ہے اور آج کے جديد دور ميں مغربي خواتين کي حالت زرا ديکھ کر بخوبي اندازہ لگايا جا سکتا ہے کہ اسلام نے عورت کو کس قدر تحفظ فراہم کيا ہے - مسلمان عورتوں کو اللہ کا شکر ادا کرنا چاہئے کہ ہمارے مذہب اسلام نے جو عزت دي ہے غير مسلم معاشرے اسکا تصور بھي نہيں کرسکتے يہاں ہر حيثيت ميں عورتوں کي عزت کي جاتي ہے چاہے ماں ہو يا بيوي،بيٹي يا بہن- جب ہم مغرب ميں عورت کي بے بسي ديکھتي ہيں تو اسلام ميں اسکي حيثيت پر رشک کرتي ہيں-اسي طرح مسلم عورت کو عزت و آبرو کي حفاظت کا حق، نکاح سے گلو خلاصي کا حق اور علم حاصل کرنے کا حق ہے جس کے تحت عورت مذہبي اور عصري تعليم اسي طرح حاصل کرسکتي ہے، جس طرح مرد حاصل کرتے ہيں ، اسلام جہيز دينے کي حوصلہ افزائي نہيں کرتا پھر بھي جو لوگ ديتے ہيں وہ لڑکي کے لئے ہوتا ہے جبکہ دوسرے سماجوں ميں جہيز مردوں کا حق ہو جاتا ہے، اسلام نے عورتوں کي جسماني (فزيکلي) کمزوري کا اندازہ لگا کر انہيں خاوند اور اولاد کے علاوہ، خاندان کے دوسرے افراد کي خدمت سے مبرا رکھا ہے، يہاں تک کہ عورت پر گھر کے کام و کاج کي ذمہ داري بھي عائد نہيں ہوتي، ايسے مثالي حقوق و اختيارات کے باوجود مسلم عورتيں اگر آج پسماندگي کا شکار ہيں اور ان سے ہمدردي کے جاوبے جا اظہار کي ضرورت پيش  آ رہي ہے تو اس کي ايک وجہ تو وہي ہے جو پہلے بيان کي گئي يعني مسلم قوم کي عام غريبي، مسلم عورتوں کو با اختيار و طاقتور بنانے کے ساتھ ساتھ عام مسلم مردوں کي بدحالي کي فکر بھي ہونا چاہئے، ان کے بھوکے پيٹ، کمزور جسم اور تعليم سے محروم بچوں کا خيال بھي ضروري ہے کيونکہ اس سچائي سے انکار نہيں کيا جا سکتا کہ جب تک عام مسلمانوں کا حال درست نہيں ہو گا، ان کا معيار زندگي بہتر نہ بنے گا، نہ ان کي عورتوں کي حالت سدھرے گي ، نہ وہ اپنے بال بچوں کو پڑھا لکھا سکيں گي-

’ مسلمان عورتوں کو ايک بنيادي فيصلہ کرنا ہے کہ کيا ہم مغربي معاشرت اور اسکے زير اثر پروان چڑھنے والے حقوقِ نسواں کي عالمي تحريکوں کا حصہ بننا چاہتي ہيں يا اسلام کے عطا کردہ حقوق کے حصول کيلئے تحريک بپا کرنا ہے؟‘‘اس کيلئے ضروري ہوگا کہ ہم ان نظريات ،تخيلات سے اپنے دماغوں کو خالي کرليں جو ہم نے مغرب سے مستعار لے رکھے ہيں- ہميں اسلامي تصورات کو غير اسلامي تصورات ميں خلط ملط ہونے سے بچانا ہوگا- اور اپنے معاشروں اور آئندہ نسلوں کو بگاڑ سے بچانے کيلئے عورتوں اور مردوں کو اپنا کردار ادا کرنا ہو گا-

غزہ کے خلاف صیہونی حکومت کی جنگ کو سو سے زیادہ دن گزر چکے ہیں، لیکن ابھی تک اس جنگ کے خاتمے کا کوئی امکان نظر نہیں آرہا ہے۔ کینیڈا کے مفکر مائیکل بریچر اپنی کتاب "کرائسز ان ورلڈ پولیٹکس" میں بحران کی تعریف کرتے ہوئے لکھتے ہیں، ایک ایسی صورت حال جس میں ممالک کی اہم اقدار اور مفادات کو خطرہ لاحق ہو جاتا ہے۔ اسی طرح جب کوئی بحران آتا ہے تو حکومتوں کو غیر متوقع صورت حال کا سامنا کرنا پڑتا ہے۔ مائیکل بریچر بحران کی شدت اور حد کا تعین کرنے کے لیے درج ذیل چھ عوامل کو بیان کرتے ہیں۔
1۔ جغرافیائی اہمیت
2۔ بحران کا موضوع
3۔ فریقین کے درمیان تشدد کی سطح
4۔ فریقین کی تعداد،
5۔ طاقت کا موازنہ
6۔ بڑی طاقتوں کی مداخلت کی سطح

آیئے غزہ جنگ کے بارے میں مائیکل بریچر کے مندرجہ بالا نظریئے کی روشنی میں یہ تجزیہ کرتے ہیں کہ یہ جنگ کیوں جاری ہے اور اس کے خاتمے کا کتنا امکان ہے۔ پہلا عامل غزہ کی جغرافیائی اہمیت ہے۔ غزہ ایک چھوٹی سی پٹی ہے، لیکن یہ مقبوضہ فلسطین کے قرب و جوار میں واقع ہے اور اسے مغربی ایشیائی خطے میں مزاحمت کے اہم مراکز میں سے ایک سمجھا جاتا ہے۔ اس لیے غزہ میں صیہونی حکومت کی شکست اس حکومت کے لیے ناقابل قبول ہے۔

دوسرا عامل بحران کا موضوع ہے۔ حقیقت یہ ہے کہ غزہ کی حالیہ جنگ کا اصل مسئلہ و موضوع صیہونی حکومت کی کھوئی ہوئی ساکھ ہے۔ اس حکومت کے پاس فوجی اور انٹیلی جنس کے حوالے سے مجموعی طور پر اعلیٰ سطح کی ڈیٹرنس ساکھ تھی، لیکن طوفان الاقصیٰ نے ان سب کو تباہ کر دیا۔ صیہونی حکومت کی کمزوری کا اندازہ اس بات سے لگایا جاسکتا ہے کہ وہ گذشتہ 100 دنوں میں حماس سے اپنے قیدیوں کو بھی رہا کروانے میں ناکام رہی، جس نے تل ابیب کی انٹیلی جنس کی ساکھ پر مزید سوالیہ نشان لگا دیا ہے۔

تیسرا عامل اداکاروں کے درمیان تشدد کی سطح ہے۔ طوفان الاقصیٰ آپریشن میں 1500 سے زائد صہیونی مارے گئے۔ یہ مسئلہ صیہونی حکومت کے لیے اس لئے بھی قابل قبول نہیں ہے، کیونکہ اسے آبادی کے مسائل کا سامنا ہے اور اس نے مقبوضہ علاقوں میں آبادی کی حمایت کو اپنے فوجی نظریئے کے ستونوں میں سے ایک بنا دیا ہے۔ اس کے ساتھ ساتھ صیہونی حکومت نے غزہ کے خلاف جس قدر تشدد کا استعمال کیا ہے، وہ غیر معمولی سطح ہے، جس کی وجہ سے وہ عملی طور پر تشدد اور نسل کشی کے جاری رہنے سے خوفزدہ نہیں ہے۔

چوتھی وجہ یا عامل فریقین کی کثرت ہے۔ اگرچہ اس جنگ کے دو اہم فریق صیہونی حکومت اور تحریک حماس ہیں، لیکن صرف ان کو اس جنگ کے فریقین نہیں سمجھا جاسکتا۔ امریکہ اور بعض یورپی ممالک نے سرکاری طور پر صیہونی حکومت کا ساتھ دیا ہے۔ دوسری طرف یمن اور لبنان کی حزب اللہ نے بھی اس جنگ میں غزہ اور حماس کی حمایت کی ہے۔ جب کسی بحران میں فریقین کی تعداد زیادہ ہوتی ہے، تو بحران کے خاتمے کے لیے کسی معاہدے تک پہنچنے کا امکان کم ہو جاتا ہے۔ تاہم غزہ جنگ کے طویل ہونے کی اصل وجہ فریقین کی تعداد نہیں ہے بلکہ صیہونی حکومت اور امریکہ کی اپنے فوجی اہداف کو حاصل کرنے میں ناکامی ایک اہم عنصر ہے۔

پانچویں وجہ عدم مطابقت یا غیر مساوی ہونا ہے۔ صیہونی حکومت اور حماس کی فوجی طاقت نہ صرف برابر نہیں بلکہ اس کا موازنہ تک نہیں کیا جاسکتا ہے۔ صیہونی حکومت کو امریکہ اور کئی یورپی ممالک کی مکمل فوجی و سیاسی حمایت حاصل ہے، جبکہ حماس کے پاس فوجی لحاظ سے کچھ بھی نہیں ہے۔ جنگ کو طول دینے کے لیے فریقین کی فوجی طاقت کی عدم مطابقت ایک اہم عنصر ہے۔

آخر میں چھٹا عنصر بڑی طاقتوں کی مداخلت کی سطح ہے۔ غزہ کی جنگ میں بڑی طاقتوں کی مداخلت صرف اعلانیہ اور سیاسی حمایت تک محدود نہیں ہے بلکہ امریکہ، انگلستان، جرمنی اور فرانس نے غزہ کے خلاف جنگ میں ایک فریق بن کر غزہ کے خلاف صیہونی حکومت کے جرائم کو جائز دفاع کا ایک نمونہ بنا کر پیش کیا ہے۔ مغرب کا یہ طرز عمل غزہ کی جنگ کو طول دینے کا ایک اہم اور بنیادی عنصر ہے اور ایسا لگتا ہے کہ غزہ کے خلاف صیہونی حکومت کی جنگ اس وقت تک ختم نہیں ہوگی، جب تک یہ طاقتیں جنگ کے خاتمے کے لیے سنجیدہ عزم کا مظاہرہ نہیں کریں گی۔

تحریر: سید رضی عمادی

رہبر معظم انقلاب اسلامی حضرت آیت اللہ العظمٰی سید علی خامنہ ای نے  ملک بھر کے ائمہ جمعہ کے ساتھ ملاقات میں "لوگوں کی موجودگی، خواہش اور عمل" کو اسلام کا بنیادی اصول قرار دیا اور ان کی وفاداری، صبر، دلچسپی، ذہانت اور لگن کو سراہا۔حضرت آیت اللہ العظمٰی سید علی خامنہ ای نے مزید کہا کہ اس مہینے میں انسان جو سب سے زیادہ شائستہ عمل انجام دیتا ہے وہ استغفار ہے۔ ہم سب کو واقعی استغفار اور اللہ تعالیٰ کی بارگاہ میں پناہ حاصل کرنے کی ضرورت ہے۔

انہوں نے غزہ کے مظلوم عوام کی استقامت اور توکل کو بھی دنیا کی طرف سے قابل تعریف قرار دیا، اسلام کی ترویج اور قوموں کی قرآن کی طرف توجہ دلائی اور یمنی قوم اور انصار اللہ کی حکومت کی سرگرمی کو بھی قابل تعریف قرار دیا۔ غزہ کے لوگوں کا دفاع جہاد فی سبیل کی واضح مثال ہے۔

اس ملاقات کے آغاز میں آیت اللہ العظمٰی سید علی خامنہ ای نے ماہ رجب کو سال کے افضل ترین دنوں میں سے ایک قرار دیا اور عوام اور مومنین کو اس عظیم الہی نعمت اور اس کی خیر خواہی اور دعاؤں اور استغفار سے زیادہ سے زیادہ استفادہ کرنے کی تلقین کی۔

رہبر انقلاب اسلامی آیت اللہ العظمٰی سید علی خامنہ ای نے جمعہ کی امامت کو مشکل ترین کاموں میں سے ایک قرار دیا۔ کیونکہ نمازِ جمعہ کے الٰہی فریضے سے اما جمعہ کو  آگاہ ہونا چاہیے اور اس کے اطمینان کے ساتھ ساتھ لوگوں کے مفادات اور ان کے اطمینان کو بھی مدنظر رکھنا چاہیے۔

آیت اللہ العظمٰی سید علی خامنہ ای نے نماز جمعہ میں لوگوں کی توجہ کو اسلام میں لوگوں کے بنیادی مقام اور اسلامی زندگی اور تحریک میں ان کے نمایاں کردار کی نشانی قرار دیا اور مزید کہا: اسلامی نظام میں لوگوں کا کردار اور حق ایسا ہے کہ امیر المومنین (ع) کے پاس اگر لوگ نہ چاہیں اور اگر وہ نہ آئیں تو ان جیسا حق رکھنے والے کی ذمہ داری ختم ہوجاتی ہے۔ لیکن اگر لوگ چاہیں تو اس پر ذمہ داری قبول کرنا واجب ہو جاتا ہے۔

رہبر معظم انقلاب اسلامی آیت اللہ العظمٰی سید علی خامنہ ای نے پیغمبر اکرم(ص) کی مدد کے بارے میں قرآن کریم کی ایک آیت کا حوالہ دیتے ہوئے مزید فرمایا: خدا پیغمبر کی مدد و نصرت کے سلسلہ میں مومنین کی مدد کا اظہار کرتا ہے اور اس سے ظاہر ہوتا ہے کہ ہر کوئی کسی بھی درجہ میں ہے۔ ۔

آیت اللہ العظمٰی سید علی خامنہ ای نے لوگوں کو متوجہ کرنے اور اسٹیج پر لانے کے لیے معاشرے میں حکام اور بااثر افراد کے مختلف فرائض کا ذکر کرتے ہوئے کہا: نماز جمعہ کی الہی حکمت لوگوں کی موجودگی کے اصول کو یقینی بنانا اور اس موجودگی کو فروغ دینا اور وسعت دینا ہے۔ اسی وجہ سے امام جمعہ کا فرض ہے کہ وہ اپنے خطبوں میں نمازیوں سے گفتگو کرے اور انہیں خیالات، طریقے اور منصوبے پیش کرے۔

آیت اللہ العظمٰی سید علی خامنہ ای نے وسیع تر معنوں میں تبلیغ کو نماز کے خطبوں کا بنیادی محور قرار دیا اور مزید فرمایا: تبلیغ صرف روحانی اور اخلاقی مسائل سے ہی مخصوص نہیں ہے بلکہ اس میں سیاسی اور سماجی حوالے بھی شامل ہیں۔

حضرت آیت اللہ العظمٰی سید علی خامنہ ای نے خطبات کے مواد کے تقاضوں میں سے "ملکی اور عالمی مسائل، دشمنوں کی سازشوں اور منصوبوں اور معاشرے کی ضروریات اور حقائق" کے بارے میں لوگوں کو آگاہ کرنا درج کیا اور سماجی خطبات کی مثالیں دیتے ہوئے کہا: اس میں اضافہ کرنے کی ضرورت ہے۔ آبادی کو بڑھانا اور ملک کی افرادی قوت کو مضبوط کرنا، کم عمری میں شادی کے مسئلے کی مناسبیت اور بہت سے معاملات میں واقعی نقصان دہ اسراف سے بچنے کی ضرورت کی وضاحت کرنا ان شعبوں میں سے ایک ہے جس میں سماجی تبلیغ کی ضرورت ہے۔

رہبر معظم انقلاب حضرت آیت اللہ العظمٰی سید علی خامنہ ای نے بہت سے اخلاقی خطبوں کو ضروری اور روحانی نرمی کا باعث قرار دیا اور اپنی تقریر کے اس حصے کو خلاصہ کرتے ہوئے فرمایا: سیاسی، سماجی اور اخلاقی خطبات و تقریتوں کا مقصد سامعین کے ذہنوں کو منور کرنا ہے۔ کہ انفرادی اور معاشرتی زندگی کے مسائل اور ان کے حل کے بارے میں ان کے ذہن مضبوط ہوتے ہیں۔

رہبر معظم انقلاب اسلامی حضرت آیت اللہ العظمٰی سید علی خامنہ ای نے نماز جمعہ کے خطبوں کے تقاضوں کو بیان کرتے ہوئے "ضروریات کی تشخیص اور سامعین کی آگاہی" کے موضوع پر زور دیا اور فرمایا: نماز جمعہ کے سامعین مردوں اور عورتوں، بوڑھوں اور جوانوں کے درمیان خواندگی کے مختلف درجات ہیں اور آگہی، اور جمعہ کے امام کا فن اس مواد کا اظہار کرنا ہے جس سے ہر ایک سامعین اس سے مستفید ہو سکے۔

اس بات کا تذکرہ کرتے ہوئے کہ آج کے نوجوانوں کے ذہن مختلف قسم کے خیالات اور الفاظ کی کثرت سے آشنا ہیں، حضرت آیت اللہ العظمٰی سید علی خامنہ ای نے ان کے ذہنی مسائل کے علم کو ان کی ضروریات کا صحیح جواب دینے کے لیے ضروری سمجھا اور مزید کہا: ضرورتوں کا اندازہ لگانے اور صحیح طریقے سے سمجھنے کے لیے سامعین کے ذہن کے لیے ضروری ہے کہ لوگوں کے ساتھ مل جل کر رہیں اور ایک عوامی شخص بنیں۔

حضرت آیت اللہ العظمٰی سید علی خامنہ ای نے قرآن، حدیث اور تعلیمی کتب کے مطالعہ اور اس سے واقفیت کو نماز جمعہ کے خطبوں کو تقویت دینے اور حاضرین کی ضروریات کا صحیح جواب دینے کے لیے ایک اہم ضرورت قرار دیا اور فرمایا: امام جمعہ کے اہم مشن کی تکمیل کے لیے ایک اور ضرورت ہے۔ 

حضرت آیت اللہ العظمٰی سید علی خامنہ ای نے ایرانی عوام کی گہری محبت کرنے والے لوگوں کی منفرد خصوصیات کو بیان کرتے ہوئے کہا: ہمارے لوگ بہت اچھے اور دیانت دار لوگ ہیں اور وہ لوگ بھی جو کچھ عملی ظہور کے پابند نہیں ہیں ان کے دل خدا اور روحانی معانی اور تصورات کے ساتھ ہیں۔ اس کے علاوہ، عملی طور پر عدم عزم ہم سب کے کچھ طرز عمل میں کسی نہ کسی طرح موجود ہے۔

رہبر انقلاب حضرت آیت اللہ العظمٰی سید علی خامنہ ای نے شرپسندوں کے ہر قسم کے پروپیگنڈے، عملی، سیاسی اور اقتصادی حملوں کے مقابلے میں ایران اور اسلامی نظام کے دفاع کے مختلف میدانوں میں شرکت کی وفاداری اور تیاری کو عوام کی ایک اور ممتاز خصوصیت قرار دیا اور فرمایا: عوام جس بھی حالات میں ملک اور انقلاب کی ضرورت ہو انہوں نے سڑکوں پر آکر، صبر و تحمل، نعرے اور حمایت سے اپنا دفاع کیا اور میدان جنگ میں جا کر بھی اپنی وفاداری کا ثبوت دیا۔

حضرت آیت اللہ العظمٰی سید علی خامنہ ای نے مزید کہا: حقیقی معنوں میں ہمیں ایران کے وفادار، دلچسپی رکھنے والے، وفادار اور ذہین لوگوں کی قدر کرنی چاہیے اور ان سے گہری محبت کرنی چاہیے۔ اس کے علاوہ لوگوں سے محبت ایک امرت کی مانند ہے جو آپ کی باتوں کو لوگوں کے دلوں میں موثر بنا دے گی۔

حضرت آیت اللہ العظمٰی سید علی خامنہ ای نے نماز جمعہ کے خطبوں میں تقویٰ کی دعوت کو انفرادی مسائل تک محدود نہیں سمجھا اور فرمایا: قرآن میں نیک کاموں میں تعاون و تعاون اور تقویٰ کا حکم دیا گیا ہے۔ 

اس بات پر تاکید کرتے ہوئے کہ اسلام ایک سیاسی مذہب ہے اور تمام مسلمانوں کو سیاسی منظر نامے میں موجود ہونا چاہیے، حضرت آیت اللہ العظمٰی سید علی خامنہ ای نے مزید کہا: بلاشبہ سیاست کا میدان ایک پھسلن والا میدان ہے اور پھسلنے سے بچنے کے لیے ضروری ہے کہ "سیاسی تقویٰ، خود غرضی" سے لیس ہونا ضروری ہے۔ تحمل اور کھلی آنکھیں" اس صورت میں دشمن کی نفسیاتی جنگ بے اثر ہو جاتی ہے۔

حضرت آیت اللہ العظمٰی سید علی خامنہ ای نے نماز جمعہ کے خطبوں میں مختلف سیاسی اور سماجی میدانوں میں لوگوں کی شرکت کی ترغیب دینا ضروری قرار دیا اور فرمایا: لوگوں کو سماجی نیک کاموں کی ترغیب دینا جیسے کہ اسکولوں اور اسپتالوں کی تعمیر میں حصہ لینا اور ضرورت مند قیدیوں کی رہائی میں مدد کرنا یا ان کی حوصلہ افزائی کرنا۔ میدان سیاست میں حصہ لینا الیکشن کی طرح ایک ضروری چیز ہے۔

حضرت آیت اللہ العظمٰی سید علی خامنہ ای نے انتخابات میں شرکت کو عوام کا فرض اور حق دونوں میں شمار کیا اور کہا: انتخابات میں عوام کی شرکت حقیقی معنوں میں ضروری ہے۔ بلاشبہ انتخابات صرف ایک فرض نہیں بلکہ عوام کا حق ہے کہ وہ قانون ساز، قانون نافذ کرنے والے اداروں یا ماہرین کی اسمبلی کے ارکان کا انتخاب کرسکیں۔

رہبر معظم انقلاب اسلامی حضرت آیت اللہ العظمٰی سید علی خامنہ ای نے اس بات پر تاکید کرتے ہوئے کہ فصاحت کا جہاد لوگوں کو اسٹیج پر آنے کی ترغیب دینے میں کارگر ہے، انہوں نے محض تقریر کی دعوت کو کافی نہیں سمجھا اور فرمایا: عمل، اچھا چہرہ، جوابدہ زبان اور لوگوں کے مختلف اجتماعات میں موجودگی بالخصوص نوجوانوں کے اجتماعات ضروری ہیں۔

حضرت آیت اللہ العظمٰی سید علی خامنہ ای نے اپنے خطاب کے آخری حصے میں اس بات پر تاکید کی کہ آج غزہ کے بین الاقوامی مسئلے میں خدا کا ہاتھ نمایاں اور نظر آرہا ہے اور فرمایا: غزہ کے مظلوم اور طاقتور لوگ اپنی جدوجہد سے دنیا پر اثر انداز ہونے میں کامیاب ہوئے اور آج غزہ کے عالمی مسائل میں خدا کا ہاتھ نمایاں ہے۔ دنیا ان لوگوں اور جنگجوؤں کی مرہون منت ہے اور ان کا مزاحمتی گروپ ہیرو کی آنکھوں میں آنکھیں ڈال کر دیکھتا ہے۔

حضرت آیت اللہ العظمٰی سید علی خامنہ ای نے ظلم و ستم کی برتری اور اس کے ساتھ ہی اہل غزہ کی فتح کو دنیا کی نظروں میں ان کے صبر اور توکل کا کارنامہ اور برکات قرار دیا اور مزید کہا: دوسری طرف آج دنیا میں کوئی بھی اس پر یقین نہیں رکھتا۔ غاصب صیہونی حکومت کی جنگ میں فتح اور دنیا اور سیاست دانوں کی نظر میں یہ حکومت ایک ظالم، بے رحم، خونخوار بھیڑیا، شکست خوردہ اور ٹوٹ پھوٹ کا شکار ہے۔

رہبر معظم انقلاب اسلامی حضرت آیت اللہ العظمٰی سید علی خامنہ ای نے اس بات پر تاکید کرتے ہوئے کہ غزہ کے عوام نے اپنے موقف سے اسلام کو پھیلایا اور قرآن کو دنیا کے متلاشی لوگوں کی نظروں میں مقبول بنایا، رہبر انقلاب نے خدا سے مزاحمتی محاذ کے جنگجوؤں بالخصوص عوام کے بڑھتے ہوئے فخر کے لیے دعا کی۔

حضرت آیت اللہ العظمٰی سید علی خامنہ ای نے غزہ کے عوام کی حمایت میں یمنی قوم اور انصار اللہ حکومت کے عظیم کام کی بھی تعریف و توصیف کی اور کہا کہ یمنی عوام نے صیہونی حکومت کے اہم چینلز کو نشانہ بنایا اور وہ امریکہ کی دھمکیوں سے نہیں ڈرے کیونکہ ایک خدا ترس ہے۔ انسان خدا کے سوا کسی سے نہیں ڈرتا اور یہ ان کا کام ہے، سچی بات یہ ہے کہ یہ اللہ کی راہ میں جہاد کی ایک مثال ہے۔

حضرت آیت اللہ العظمٰی سید علی خامنہ ای نے اس امید کا اظہار کیا: خدا کے حکم سے یہ جدوجہد، مزاحمت اور سرگرمیاں فتح تک جاری رہیں گی اور خدا ان تمام لوگوں کی مدد اور مدد فرمائے جو اس کی رضا کے راستے پر چلتے ہیں۔

رہبر انقلاب اسلامی حضرت آیت اللہ العظمٰی سید علی خامنہ ای کے بیانات سے قبل جمعہ کے اماموں کی پالیسی کونسل کے سربراہ حجۃ الاسلام حاج علی اکبری نے ملک بھر کے اماموں کے چھبیسویں اجلاس میں تقریباً 900 جمعہ کے اماموں کی حاضری کی رپورٹ پیش کی۔

حال ہی میں سپاہ پاسداران انقلاب اسلامی ایران نے کرمان میں دہشت گردانہ اقدامات کی انتقامی کاروائی کے طور پر عراق کے علاقے کردستان میں موساد کے جاسوسی مرکز اور شام کے شہر ادلب میں تکفیری دہشت گرد گروہ داعش کے ہیڈکوارٹر کو بیلسٹک میزائلوں سے نشانہ بنایا ہے۔ اربیل میں اسرائیل کی جاسوسی ایجنسی موساد کے اس مرکز اور ادلب میں داعش کے ہیڈکوارٹر پر یہ میزائل حملے کئی لحاظ سے منفرد اور بے مثال ہیں۔ ایک طرف ان حملوں کی شدت بہت زیادہ تھی اور مطلوبہ اہداف کو ٹھیک ٹھیک نشانہ بنایا گیا جبکہ دوسری طرف ان حملوں میں استعمال ہونے والے بیلسٹک میزائلوں کی نوعیت بھی جدید طرز کی تھی۔ یہ جدید ترین ٹیکنالوجی والے ٹھوس ایندھن سے چلنے والے میزائل تھے۔ ان میزائل حملوں میں کچھ اہم پیغامات پوشیدہ ہیں اور چند اہم نکات پائے جاتے ہیں۔
 
1) سپاہ پاسداران انقلاب اسلامی ایران نے پہلی بار ٹھیک نشانے پر مار کرنے والے لانگ رینج میزائل استعمال کئے ہیں جنہوں نے ادلب میں داعش کے ٹھکانوں کو تقریباً 1230 کلومیٹر کا فاصلہ طے کر کے نشانہ بنایا ہے۔ اسی طرح عراق کے کردنشین علاقے اربیل میں موساد کے جاسوسی مرکز کو بھی گائیڈڈ میزائلوں سے نشانہ بنایا گیا ہے۔
2) سپاہ پاسداران انقلاب اسلامی ایران کے بقول یہ میزائل حملے ایران کے اندر اور باہر ایرانی شہریوں کے خلاف انجام پانے والے دہشت گردانہ اقدامات کے انتقام کے طور پر انجام پائے ہیں۔ کچھ ہفتے پہلے ایران کے شہر کرمان میں شہید قاسم سلیمانی کی برسی کے موقع پر دہشت گردانہ خودکش بم دھماکے ہوئے جن میں تقریباً 84 ایرانی شہری شہید ہو گئے تھے۔ ان حملوں کے انتقام میں اربیل میں موساد کے جاسوسی اڈے کو نشانہ بنایا گیا ہے۔
 
اسی طرح شام کے شہر ادلب میں داعش کے علاوہ ھیئت تحریر الشام نامی دہشت گرد گروہ کے ٹھکانوں کو بھی میزائل حملوں کا نشانہ بنایا گیا ہے۔ یہ حملے شام میں ایران کے فوجی مشیروں کی ٹارگٹ کلنگ کے انتقام کے طور پر انجام پائے ہیں۔ یاد رہے کچھ ہفتے پہلے شام کے دارالحکومت دمشق میں شہید قاسم سلیمانی کے دیرینہ ساتھ جنرل سید رضی الموسوی کو شہید کر دیا گیا تھا۔
3) اس بار سپاہ پاسداران انقلاب اسلامی ایران نے اعلانیہ طور پر ان میزائل حملوں کی ذمہ داری قبول کی ہے جو ایک اہم نکتہ ہے۔ اس سے پہلے اکثر مواقع پر سپاہ پاسداران یا تو خاموشی اختیار کرتی تھی یا مختصر بیانیہ جاری کر دیتی تھی۔
4) یہ میزائل حملے معمول سے ہٹ کر دہشت گردانہ اقدامات کے بعد مختصر مدت میں ہی انجام پائے ہیں جبکہ اس سے پہلے اعلان کیا جاتا تھا کہ مناسب وقت اور جگہ پر جوابی کاروائی کی جائے گی۔
 
5) سپاہ پاسداران انقلاب اسلامی ایران نے اعلان کیا ہے کہ یہ انتقامی کاروائی صرف ایرانی شہریوں کے خلاف دہشت گردانہ اقدامات کیلئے انجام نہیں پائی بلکہ یہ شام، لبنان، فلسطین اور عراق کے اسلامی مزاحمتی کمانڈرز کی شہادت کے انتقام میں بھی انجام پائی ہے۔ اس بات سے ظاہر ہوتا ہے کہ مختلف اسلامی مزاحمتی محاذوں کے درمیان ایک اتحاد تشکیل پا چکا ہے اور یہ ایک نئی تبدیلی ہے۔ لبنان میں فلسطین کی اسلامی مزاحمتی تنظیم حماس کے اعلی سطحی رہنما صالح العاروری کی ٹارگٹ کلنگ کی گئی تھی۔ اسی طرح جنوبی لبنان میں حزب اللہ لبنان کے اعلی سطحی کمانڈر وسام الطویل اسرائیل کے ڈرون حملے میں شہید ہوئے تھے جبکہ عراق میں امریکہ کے دہشت گردانہ اقدام کے نتیجے میں اسلامی مزاحمتی گروہ النجباء کے اعلی سطحی کمانڈر ابوتقوی العراقی شہید ہو گئے تھے۔
 
مذکورہ بالا پانچ نکات کی روشنی میں یہ نتیجہ اخذ کیا جا سکتا ہے کہ اسلامی جمہوریہ ایران براہ راست طور پر امریکہ اور خطے میں اس کے اتحادیوں کے خلاف میدان میں اتر آیا ہے اور شام اور عراق کے محاذوں کو بھی کھول دیا گیا ہے۔ لہذا ایران کا واضح اور براہ راست پیغام یہ ہے کہ وہ "مناسب جگہ اور وقت پر جواب دینے" کے مرحلے سے عبور کر چکا ہے اور دوسرے الفاظ میں یہ کہ اس کے بعد ایران کی جانب سے فوری ردعمل سامنے آئے گا اور موجودہ حالات ہی اسرائیل یا امریکہ کو منہ توڑ جواب دینے کیلئے مناسب وقت اور جگہ ہیں۔ اسلامی جمہوریہ ایران امریکہ اور اسرائیل کے خلاف براہ راست میدان جنگ میں آنے اور غزہ جنگ کو وسعت دینے کا فیصلہ کر چکا ہے۔
 
ہم اس وقت مشرق وسطی میں مختلف طاقتوں کے درمیان ٹکراو کے نئے مرحلے کا مشاہدہ کر رہے ہیں۔ اسلامی مزاحمتی محاذ ان مراحل کو آگے لے جا رہا ہے اور اسٹریٹجک صبر اپنے اختتام کے قریب پہنچتا جا رہا ہے۔ اس نئے مرحلے کی علامات امریکہ اور اسرائیل کے ٹھکانوں پر میزائل اور ڈرون حملوں اور بحیرہ احمر میں مزید کشتیوں کو روکے جانے کی صورت میں یمن، جنوبی لبنان، شام اور عراق کے محاذوں پر جھڑپوں میں شدت کے طور پر قابل مشاہدہ ہے۔ یہ اسلامی جمہوریہ ایران کا واشنگٹن اور تل ابیب کیلئے ایک طاقتور پیغام ہے۔ آیا وہ اس پر توجہ دیں گے اور اس سے اچھی طرح عبرت حاصل کریں گے یا اپنی حماقت جاری رکھیں گے اور آخرکار اس کا بہت بھاری تاوان ادا کریں گے؟

اسلام ٹائمز۔ ایران اور پاکستانی وزرائے خارجہ نے گفتگو کے دوران باہمی تعلقات کی اہمیت پر زور دیا اور مختلف امور میں ایک دوسرے کے ساتھ تعاون کی اہمیت پر تاکید کی خود مختاری اور سلامتی ایران کے لئے قابل احترام ہے۔ ایرانی وزیر خارجہ حسین امیر عبداللہیان نے کہا کہ جیش العدل ایک ایرانی دہشت گرد تنظیم ہے جو دونوں ممالک کی سیکیورٹی سیکیورٹی کے لئے خطرے کا باعث ہے۔ حسین امیر عبداللہیان نے کہا کہ اس دہشت گرد ایرانی تنظیم نے پاکستانی سرحد کے اندر سے کئی مرتبہ ایران کے خلاف دہشت گردانہ اقدامات کیے اور دہشت گرد حملوں کی ذمہ داری قبول کی ہے۔ انہوں نے دوبارہ تاکید کی کہ ایرانی حملوں کے دوران پاکستان کا کوئی شہری نشانہ نہیں بنا بلکہ ان حملوں کا ہدف ایرانی دہشت کر تنظیم گروہ کے ارکان تھے۔ ایرانی وزیر خارجہ نے کہا کہ پاکستان اور ایران کے درمیان اعلیٰ سطح پر رابطے اور مذاکرات ہوتے رہتے ہیں جس میں سلامتی اور سیکیورٹی سمیت باہمی تعلقات اور تعاون پر زور دیا جاتا ہے۔

اس موقع پر پاکستانی وزیر خارجہ نے کہا کہ دہشت گردی دونوں ملکوں کا مشترکہ مسئلہ ہے، ایران کی سلامتی پاکستان کی سلامتی ہے، اگر پاکستان کے اندر سے ایران کے لئے کوئی خطرہ محسوس ہوا تو حکومت پاکستان نے اس کے خلاف کاروائی کی ہے۔ انہوں نے دہشت گردی کے خلاف کاروائی کے حوالے سے کہا کہ ایران دہشت گرد تنظیموں کے خلاف معلومات حکومت پاکستان کے حوالے کرے تاکہ حکومت پاکستان ان کے خلاف کاروائی کرسکے، اسلام اباد کو امید ہے کہ دہشت گرد گروہوں کے خلاف کاروائی کے لئے پاکستانی سیکیورٹی اداروں کو اعتماد میں لیا جائے گا۔