دمشق: انسانی حقوق کا دعویٰ کرنے والے امریکا نے شام میں تباہ کن زلزلے سے متاثرین کے لئے کسی بھی قسم کی امداد دینے سے انکار کردیا ہے۔ امریکی وزیرخارجہ انٹونی بلینکن نے بدھ کو نامہ نگاروں سے گفتگوکرتے ہوئے کہا کہ ہم شام میں جاری امدادی کارروائیوں کے دوران کسی بھی طرح کی مدد نہیں کریں گے۔ شام میں ہمارے انسان دوستانہ مراکز ہیں اور ہم انہیں بجٹ فراہم کرتے ہیں انہوں نے کہا کہ ہم ایک بار پھر یہ کہہ رہے ہیں کہ زلزلے سے متاثرین کو نجات دلانے کے عمل میں ہم شام کی کوئی مدد نہیں کریں گے۔ انٹونی بلنکن نے یہ ایسے وقت کہا ہے جب متاثرین کو فوری طور پر عالمی سطح کی انسان دوستانہ امداد کی اشد ضرورت ہے ۔

﴿1﴾ وَالْفَجْرِ
(1) قسم ہے فجر کی

﴿2﴾ وَلَيَالٍ عَشْرٍ
(2) اور دس راتوں کی

ایران کے تمام شہروں اور قصبوں و دیہاتوں میں گیارہ فروری کے جشن انقلاب کا ملین مارچ ہفتے کی صبح  شروع ہو جائے گا جس میں کروڑوں کی تعداد میں ایرانی عوام شرکت کرکے اسلامی انقلاب کی امنگوں اور اقدار سے اپنی وفادار کا بھر پور اعلان کریں گے 
اسلامی تبلیغات کی کوآرڈینیشن کونسل کے چیئرمین نے اعلان کیا ہے کہ جشن انقلاب کی ریلیاں  ایران کے ایک ہزار چار سو سے زائد شہروں اور اڑتیس ہزار قصبوں اور دیہاتوں میں نکالی جائیں گی۔
دارالحکومت تہران میں بھی ہمیشہ کی طرح عوام کی وسیع پیمانے پر شرکت سے ایک اور تاریخی کارنامہ رقم کیا جائے گا۔
اسلامی تبلیغات کی کوآرڈینیشن کونسل کے چیئرمین موسی پور نے کہا کہ جشن انقلاب کی ریلیوں  کے راستوں میں واقع اسٹالوں میں ایرانی ہنری اور دستکاری صنعتوں کی نمائش کا بھی اہتمام کیا جا رہا ہے۔
تہران میں جشن انقلاب کے  اجتماع سے صدر رئیسی  خطاب کریں گے 

سحرنیوز/عالم اسلام: شام کے صدر بشار اسد نے خاتون اول کے ساتھ حلب کا دورہ کیا جہاں انہوں نے حلب میڈیکل یونیورسٹی کے ہسپتال میں زلزلے میں زخمی ہونے والوں اور ان کے اہل خانہ سے ملاقات اور گفتگو کی۔
اس کے علاوہ انہوں نے امدادی کارروائی کا قریب سے جائزہ لیا اور ضروری اقدامات کی ہدایات دیں۔
اس درمیان، بشار اسد نے عراق کی عوامی رضاکار فورس حشد الشعبی کے سربراہ ابوفدک المحمداوی سے بھی ملاقات کی جو شامی زلزلہ زدگان تک امداد پہنچانے کے لئے پوری ٹیم کے ساتھ حلب پہنچے ہوئے ہیں۔
یاد رہے کہ دنیا بھر سے ترکی اور شام میں آنے والے زلزلے کے لئے تعزیتی پیغامات تو جاری ہو رہے ہیں لیکن امریکہ کے دباؤ اور عائد پابندیوں کے نتیجے میں دمشق تک امداد کا سلسلہ انتہائی محدود پیمانے پر انجام دیا گیا ہے۔ ایران، عراق لبنان  روس اور چند گنے چنے ممالک، ان تمام پابندیوں کے باوجود دمشق کو امدادی سامان فراہم کر رہے ہیں۔ اسلامی جمہوریہ ایران نے   ریسکیو اور میڈیکل ٹیمیں بھی شام کے مختلف شہروں کی جانب روانہ کر دی ہیں۔

قانونِ قدرت ہے کہ جب ظلم و ستم کا بے کراں سمندر اپنے کناروں سے بے کنار ہو جاتا ہے اور مظلوم کی داد و فریاد افلاک کے سینے کو چاک کرتے ہوئے عرشِ الٰہی کے زینے تک رساٸی حاصل کر لیتی ہے، تو ایسے میں اپنے بندوں پر حد سے زیادہ کریم ذاتِ خداوندِ متعال منصہء عالم پر اپنی کسی ایسی نشانی کو ظاہر کرتی ہے، جس کی ضیاء بار شعاٶں میں شب گزیدہ انسانیت اپنی نجات کی راہیں تلاش کرتی ہے۔ گردشِ زمانہ پر نظر رکھنے والے صاحبانِ نظر مدتِ دراز سے چودھویں صدی کے اختتام پر دنیا میں کسی بہت بڑی جوہری تبدیلی کا امکان دیکھ رہے تھے۔ بعض نے تو اس تبدیلی کو قیامت کا نام دے رکھا تھا۔ آخر چشمِ فلک نے دیکھا کہ افقِ عالم پر کوٸی ایسی شخصیت جلوہ گر ہوٸی ہے، جس نے عالمی کفر کے ایوانوں میں واقعی قیامت برپا کر دی ہے اور عالمی سیاست کے دھارے کو یکسر بدل کر رکھ دیا ہے۔ روح اللہ کے نام سے قم کی مقدس سرزمین سے قیام کرنیوالے رجلِ فارس نے عیسیٰ روح اللہ کی طرح ”قم باذن اللہ“ کہہ کر دنیا کے مستضعفین کے بے جان پیکر میں ایسی روح پھونک دی، جس نے اڑھاٸی سو سالہ شہنشاہیت کے بت کو سرنگوں کرکے اس کی جگہ اسلامِ نابِ محمدی کا پرچم لہرا دیا۔

شاعرِ مشرق علامہ اقبال کی چشمِ ادراک نے اس انقلابِ حقیقی کا مشاہدہ ایک صدی قبل کر لیا تھا اور اپنے ایک الہامی شعر میں اس بات کا اشارہ کر دیا تھا کہ ایران کی سرزمین سے ایک ایسا مردِ کامل ظہور کرے گا، جو اہلِ ایران کی غلامی کی زنجیروں کو کاٹ کر رکھ دے گا۔
می رسد مردی کہ زنجیر غلامان بشکند
دیدہ  ام  از  روزنِ  دیوارِ  زندانِ  شما
امام خمینی نے جب ایران کی سرزمین پر اپنا قدمِ مبارک رکھا تو اس کے نتیجے میں نہ صرف عالمی سامراجی نظام کے وجود میں دراڑیں پڑنا شروع ہوگٸیں بلکہ لادینی نظریات پر مبنی کمیونزم کی ہڈیوں کے چٹخنے کی آوازیں بھی دنیا کے گوش و کنار میں سنی جانے لگیں۔ امام خمینی کی پیغمبرانہ قیادت میں برپا ہونیوالا یہ انقلاب ایک ایسا نظریاتی انقلاب ہے، جو محض ایک خطے تک محدود نہیں بلکہ اس کی خوشبو ہوا کے دوش پر سفر کرتی ہوٸی جغرافیاٸی حدود سے بالا تر سوچ کی وادیوں کی پیماٸی کر رہی ہے۔

آج دنیا کی مستضعف، مظلوم اور آزادی پسند اقوام اسی انقلاب کو اپنی مقاومت کا محور بناٸے ہوٸے دنیا کے ہر میدان میں سرگرم عمل ہیں۔ شام، عراق، لبنان، فلسطین، یمن اور کشمیر، جہاں بھی مظلوم و مہقور عوام دہشتگردوں، انتہا پسندوں، تکفیریوں اور ان کے سرپرستوں کیخلاف نبرد آزما ہیں، وہ سب خمینیء بت شکن کے افکار کو عمل کے سانچے میں ڈھال رہے ہیں۔ یہی وجہ ہے کہ آج صیہونیوں کے حاشیہ بردار اور آل سعود کے نمک خوار امام خمینی کے نقش قدم پر چلنے والے پیروانِ ولایت کے قدموں کی دھول کو اپنی جانب امڈتا ہوا ایک ایسا طوفان سمجھ رہے ہیں، جو ان کے تخت و تاج کو خس و خاشاک کی طرح بہا لے جائے گا۔ ایران کا اسلامی انقلاب تقریباً اپنے نصف صدی کے سفر کے بعد آج پہلے سے زیادہ مضبوط اور توانا ہے۔

ایران آج زندگی کے مختلف شعبوں میں ترقی کی منازل طے کر رہا ہے۔ دفاعی شعبے میں اس کی ترقی حیرت انگیز ہے۔ فضاٸی برتری کو قاٸم رکھنے والی آج کی جدید ٹیکنالوجی، ڈرون ٹیکنالوجی ہے۔ جنرل قاسم سلیمانی ایک امریکی ڈرون کا ہی نشانہ بنے تھے۔ آج ایرانی ڈرونز نے امریکہ اور اسراٸیل کی نیندیں حرام کی ہوٸی ہیں۔ روس جیسی اسلحہ ساز طاقت بھی آج ایرانی ڈرونز کی خریدار ہے۔ پاکستان میں آج کل معاشی ایمرجنسی کے نفاذ کی باتیں ہو رہی ہیں۔ ایسے میں ہمارے حکمرانوں کو چاہیئے کہ وہ ملکی حالات کی نزاکت کا ادراک کرتے ہوئے ایران سے فوری نوعیت کے معاہدے کریں۔ تیل کی ترسیل ہو، گیس کی فراہمی ہو یا اقتصادی اور دفاعی تعاون، اس وقت جغرافیاٸی اور تزویراتی اعتبار سے ایران ہی وہ واحد ملک ہے، جو ان تمام میدانوں میں بغیر کسی کے دباٶ کے پاکستان کی مدد کرسکتا ہے۔
تہران ہو گر عالمِ مشرق کاجنیوا
شاید کرہءارض کی تقدیر بدل جاٸے
                                           (اقبالؒ)

تحریر: سید تنویر حیدر

مہر خبر رساں ایجنسی کی رپورٹ کے مطابق، ایران کی اعلی قومی سلامتی کونسل کے سیکریٹری ایڈمرل علی شمخانی نے بدھ کے روز افغانستان اور علاقائی سلامتی کے بارے میں ماسکو فارمیٹ مشاورت 2023 میں خطاب کیا۔ علاقائی سلامتی کے لئے مشاورت کے اس پانچویں اجلاس میں جو ماسکو میں ہو رہا ہے، افغانستان کے ہمسایہ ممالک کی قومی سلامتی کے سیکرٹریز اور مشیر شرکت کر رہے ہیں۔ اجلاس میں افغانستان کے موجودہ حالات اور اس کی سلامتی اور استحکام کو یقینی بنانے کی ضرورت پر تبادلہ خیال کیا جا رہا ہے۔

اجلاس روسی قومی سلامتی کونسل کے سیکریٹری نکولائی پیٹروشیف کی تقریر سے شروع ہوا جبکہ روس، ایران، بھارت، چین، تاجکستان، کرغزستان، ازبکستان اور ترکمانستان کی قومی سلامتی کے اداروں کے سیکریٹری، مشیر اور نمائندے اجلاس میں شرکت کر رہے ہیں۔

ایرانی قومی سلامتی کے سیکریٹری نے اپنی تقریر میں کہا کہ افغان شہری طویل عرصے سے جس عدم تحفظ کا شکار ہیں اسے خطے سے باہر کی ریاستوں کی مداخلت کی وجہ سے خطے کے تمام لوگوں کے لیے مشترکہ مصیبت نہیں بننے دیا جانا چاہیے۔

ایڈمرل علی شمخانی نے کہا کہ گزشتہ چار دہائیوں کے دوران اور افغانستان کے بدترین حالات میں اسلامی جمہوریہ ایران ہمیشہ افغان عوام کے ساتھ کھڑا رہا ہے اور اس وقت ایرانی حکومت اور عوام رہبر معظم انقلاب اسلامی کی ہدایت پر اور امریکہ کی طرف سے ایرانی عوام پر عائد کی گئی سخت، یکطرفہ اور غیر قانونی پابندیوں کی وجہ سے پیدا ہونے والے مسائل کے باوجود بھی افغان عوام کی مدد اور میزبانی جاری رکھے ہوئے ہیں۔

انہوں نے افغانستان میں سلامتی کی صورتحال کے اس کے پڑوسیوں پر براہ راست اثرات کا حوالہ دیا اور کہا کہ افغانستان میں سلامتی، امن، استحکام اور ترقی کا حصول ہماری اہم ترجیحات میں شامل ہے۔

ایرانی قومی سلامتی کونسل کے سیکریٹری نے زور دیا کہ صرف پڑوسیوں کی اجتماعی کوششیں افغانستان میں پائیدار امن و استحکام کی ضمانت نہیں دے سکتیں بلکہ بد امنی، عدم تحفظ اور عدم استحکام کے شیطانی دائرے سے نکلنے کے لیے افغان گورننگ باڈی اور دیگر مقامی اسٹیک ہولڈرز کے عزم و ارادہ اور ٹھوس اقدامات کی ضرورت ہے۔ 

شمخانی نے کہا کہ افغانستان کے قومی اتحاد کو فرقہ وارانہ اور نسلی تعصب کے بغیر سیاست اور حکومت میں اس ملک کے تمام لوگوں کی شرکت کے لیے زمین فراہم کر کے مضبوط کیا جاسکتا ہے۔ ساتھ ہی اس میں مختلف شعبوں بالخصوص پڑوسیوں کے حوالے سے افغانستان کی اپنے ذمہ داریوں اور وعدوں پر مکمل وابستگی اور دہشت گرد گروہوں کو قابو کرنے کے لیے سنجیدہ کوششوں کے ساتھ ساتھ افغانستان میں استحکام کے حصول کے لیے ضروری اقدامات بھی شامل ہیں۔

شمخانی نے اس بات پر زور دیا کہ اسلامی جمہوریہ ایران اس بات پر یقین رکھتا ہے کہ کسی بھی قسم کے سیاسی نظام کا نفاذ اور بیرونی مداخلت صرف افغانستان میں عدم استحکام اور عدم تحفظ کو بڑھا دے گی اور وہاں ایک جامع حکومت کی تشکیل میں رکاوٹ بنے گی۔

انہوں نے اس بات پر زور دیا کہ کہ امریکہ افغانستان کو عدم تحفظ اور دہشت گردی کو فروغ دینے کے پلیٹ فارم میں تبدیل کرنے کی کوششیں کر رہا ہے۔

انہوں نے کہا کہ جن لوگوں نے افغانستان کی تباہی میں سب سے بڑا کردار ادا کیا وہ اب افغانستان کے اقتصادی ڈھانچے کی تعمیر نو کے اخراجات فراہم کرنے کے سب سے زیادہ ذمہ دار ہیں اور ہمیں انہیں اس ذمہ داری سے بچنے کی اجازت نہیں دینی چاہیے۔

شمخانی نے یہ بھی کہا کہ افغانستان کے منجمد اثاثے اس ملک کے عوام کے ہیں اور ان کی بحالی اس ملک کی تعمیر نو میں اہم کردار ادا کریں گے۔

شمخانی نے اپنی تقریر کے آخر میں ایک بار پھر افغانستان کی سیاسی، اقتصادی، ثقافتی اور سماجی تعمیر نو اور ترقی کے لیے اسلامی جمہوریہ ایران کی مکمل آمادگی کا اعلان کیا اور اجلاس میں شریک ممالک پر زور دیا کہ وہ ایک آزاد، محفوظ، مستحکم اور ترقی یافتہ افغانستان بنانے کے لیے زیادہ فعال کردار ادا کریں۔

شیعہ نیوز: حوزہ علمیہ جامعہ العروة الوثقیٰ لاہور میں امیر المومنین حضرت علی (ع) کی ولادتِ با سعادت اور جامعہ عروۃ الوثقی ٰکے تیرہویں یومِ تاسیس کی مناسبت سے عظیم الشان ملک گیر اجتماع بعنوان "وحدت و تفرقہ امام علی (ع) کی نگاہ میں” منعقد ہوا، جس میں ملک بھر سے ہزاروں فرزندانِ توحید، علماء اسلام اور دانشوران گرامی شریک ہوئے۔ اجتماع میں عالمی شہرت یافتہ انقلابی مداح اہلبیتؑ مہدی رسولی نے خصوصی شرکت کی، جبکہ پیر غلام رسول اویسی، مفتی زبیر فہیم، پروفیسر ظفر اللہ شفیق، ڈاکٹر فیاض احمد رانجھا، میر آصف اکبر، ڈاکٹر علی وقار قادری، پیرزادہ برہان الدین عثمانی، مفتی گلزار احمد نعیمی، پیر حبیب عرفانی، مولانا عاصم مخدوم، حافظ محمد حسین گولڑوی، پروفیسر ڈاکٹر محمود غزنوی و دیگر نے خطاب کیا۔ معروف منقبت خواں زین العابدین سعیدی اور علی دیپ رضوی نے بھی عقیدت کے پھول نچھاور کئے۔

اپنے خطاب میں علامہ سید جواد نقوی کا کہنا تھا کہ امت مسلمہ ڈیڑھ ارب جمعیت، دولت و ثروت، منابع و معادن ذخائر و خزائن رکھنے کے باوجود غلام، محکوم، محتاج اور کمزور ہے، اور شیطانوں کے سامنے تسلیم ہے۔ اس کی واحد اور اصلی وجہ بے شعوری اور تفرقہ ہے۔ اقوام متحدہ امت متفرقہ پر مسلط ہے۔ فلسطین اور قبلہ اول مسلمانوں کے تفرقے پر سسک رہا ہے۔ کشمیر کے لاکھوں شہداء اور ہزاروں تار تار دامن مسلمانوں کی بے حسی اور تفرقہ پر گواہی دے رہے ہیں۔ افغانستان، عراق، شام، لبنان تفرقے کی آگ کا نتیجہ بھگت رہے ہیں۔ ہندوستان کے مسلمان متشدد ہندوؤں اور مودی جیسے قصائی کے سامنے قربانی کے حیوانوں کی طرح سر جھکائے مسلمانوں کے اندر تفرقے کے عینی گواہ بنے ہوئے ہیں۔

انہوں نے کہا کہ فرقه بازی فرقہ پرستی اور تفرقے کو مٹانے کیلئے رسول اللہ کی امت رسول اللہ کی طرف پلٹے اور وحدت امت اور حفاظت دین کیلئے آل رسول کا دامن تھامے۔ انہوں نے کہا کہ امیر المؤمنین حضرت علی (ع) نے وحدت کیلئے قربانیاں دیں قیام و اقدام کیا اور توحید و وحدت کا عملی نقشہ پیش کیا۔ ان کا مزید کہنا تھا کہ زمین پر خالص قرآنی توحید کی تجلی وحدت امت کہلاتی ہے اور شرک تفرقہ و تکثر بن کر زمین میں ظاہر ہوتا ہے۔ وحدت پر کائنات کا نظام قائم ہے، وحدت پر ایمان استوار ہے اور وحدت کے ستون پر اسلام کا انحصار ہے۔

انہوں نے کہا کہ حوزہ علمیہ جامعہ عروۃ الوثقیٰ، پاکستان کے معتبر تعلیمی اداروں میں ایک نمایاں مقام رکھتا ہے، جو ٢٠١٠ میں اپنی تاسیس کے بعد سے خدا کے لطف سے پاکستان میں قابل دید خدمات پیش کر رہا ہے اور مجمع المدارس تعلیم القرآن والحکمہ پاکستان میں ایک تعلیمی انقلاب کی بنیاد بن رہا ہے۔ انہوں نے کہا کہ وہ تعلیمی اخلاق کا ارتقاء چاہتے ہیں اور تعلیمی نظام میں دو بنیادی اراکین قائم کرنے کیلئے کوشاں ہیں، جن میں سے ایک تعلیمی عمل میں تحقیق کا فروغ ہے، اور دوسرا پاکستانی مدارس کے افکار کی تعمیر نو ہے۔

اس موقع پر مقررین کا کہنا تھا کہ امیر المومنین حضرت علی علیہ السلام کی شخصیت مسلمین کیلئے نقطہ اتحاد ہے جن کے گرد سب جمع ہو کر ہم اپنے دامن کو الٰہی حکمتوں سے بھر سکتے ہیں ۔ان کا مزید کہنا تھا کہ اہلِ بیت علیہم السلام کی تعظیم اور پیروی ہی مسلمین کی پراگندہ جمیعت کو امتِ واحدہ میں تبدیل کر سکتی ہے۔

8 فروری 1979 کے واقعے اور سابق شاہی فضائيہ کے ایک خصوصی دستے 'ہمافران' کی جانب سے امام خمینی رحمۃ اللہ علیہ سے تاریخی بیعت کی سالگرہ کے موقع پر بدھ کی صبح فضائيہ اور ایئر ڈیفنس کے سیکڑوں کمانڈروں اور جوانوں نے رہبر انقلاب اسلامی اور مسلح افواج کے سپریم کمانڈر آيت اللہ العظمی سید علی خامنہ ای سے ملاقات کی۔

اس ملاقات میں رہبر انقلاب اسلامی نے مومن، انقلابی، عزیز، عوامی اور بہت بڑے اور حیرت انگیز کارنامے کرنے والی فوج کو سراہتے ہوئے 8 فروری 1979 کے واقعے کو اسی سال 11  فروری کے دن اسلامی انقلاب کی کامیابی کا اہم عنصر قرار دیا۔

آيت اللہ العظمی خامنہ ای کا کہنا تھا کہ دشمن اس کوشش میں ہے کہ اسلامی جمہوریہ کو گھٹنے ٹیکنے پر مجبور کر دے اور اختلاف و عدم اعتماد پیدا کرکے اسے ختم کر دے۔ انہوں نے کہا کہ اس مذموم سازش کے مقابلے میں سب سے اہم ذمہ داری، اتحاد کی اسٹریٹیجی کی حفاظت ہے اور خداوند عالم کی توفیق سے اس سال کی 11 فروری، قومی اتحاد و اعتماد کا مظہر بنے گی اور عوام تمام بدخواہوں کو یہ واضح پیغام دیں گے کہ بے اعتمادی پیدا کرنے اور قومی اتحاد کو ختم کرنے کی ان کی کوشش ناکام ہو چکی ہے۔

انھوں نے 8 فروری 1979 کے واقعے کو 11 فروری کے دن اور ایرانی قوم کی عظمت و عزت کے اظہار کے لیے ایک مؤثر اور حوصلہ افزا واقعہ قرار دیا اور کہا: 11 فروری، ایرانی قوم کی پرافتخار تحریک کا نقطۂ عروج ہے اور اس کی تاریخ کے سب سے پرشکوہ دن کی یاد دلاتی ہے کیونکہ اس دن عوام نے، اپنی عزت، عظمت اور طاقت کو حاصل کیا۔

رہبر انقلاب اسلامی نے مختلف میدانوں میں ایرانی قوم کی جدت عمل، پیشرفت، بھرپور صلاحیت اور مضبوط بیانیے کی طرف اشارہ کرتے ہوئے اس سال کے اعتکاف کے پروگرام میں سنہ دو ہزار کے عشرے کے نوجوانوں کی بھرپور شرکت کو، قومی پیشرفت کا ایک نمونہ بتایا۔ انھوں نے کہا کہ آپ نے دیکھا کہ سنہ دو ہزار کے عشرے میں پیدا ہونے والے نوجوانوں کے بارے میں کس قدر استہزائيہ لطیفے بنائے گئے لیکن اس سال کے اعتکاف کے اعداد و شمار اور رپورٹوں میں بتایا گيا کہ اعتکاف کرنے والوں کی بڑی تعداد اسی عشرے میں پیدا ہونے والے نوجوانوں کی تھی۔

انھوں نے کہا کہ انقلاب کو شکست دینا اسلامی نظام کے خلاف دشمن کی واضح چال اور ہدف ہے، آپ کا مزید کہنا تھا کہ وہ اس سلسلے میں جھوٹ بولتے ہیں جیسا کہ تقریبا پندرہ سال پہلے امریکا کے اس وقت کے صدر نے مجھے ایک خط میں صاف طور پر لکھا تھا کہ ہم آپ کے نظام کو بدلنے کا ارادہ نہیں رکھتے لیکن اسی وقت ہمارے پاس ایسی رپورٹیں تھی کہ وہ لوگ اپنے یہاں اسلامی جمہوریہ کو ختم کرنے کی سازشیں تیار کر رہے تھے۔

آيت اللہ العظمی خامنہ ای نے کہا کہ ان کی اسٹریٹیجی اختلاف پیدا کرنا ہے کیونکہ اگر ایسا ہوا تو مستقبل کے سلسلے میں امید ختم ہو جائے گي۔

انھوں نے کہا کہ سیاسی حلقوں کے درمیان بدگمانی پیدا کرنا، لوگوں کے آپسی اور حکومت پر پائے جانے والے اعتماد کو ختم کرنا اور اداروں کے درمیان بدگمانی پیدا کرنا، ایران کا برا چاہنے والوں کے اہداف کو عملی جامہ پہنانے کی چالوں میں شامل ہے۔

رہبر انقلاب اسلامی نے کہا کہ فطری طور پر پائے جانے والے آراء میں اختلاف اور سیاسی اختلاف میں کوئي برائي نہیں ہے لیکن یہ اختلاف آپسی ٹکراؤ اور ایک دوسرے پر الزام تراشی پر منتج نہیں ہونے چاہیے اور دشمن کی چال کے سامنے سب کو اتحاد کی حکمت عملی اختیار کرنی چاہیے۔

انھوں نے 8 فروری کی امام خمینی کی تصویر کو، کوہ دماوند کی چوٹی کی طرح طاقت، عزت اور پختہ ایمان کا مظہر اور اسی کے ساتھ شاہی حکومت کی فوج کے جوانوں کے سلسلے میں پیار بھری اور پدرانہ شفقت کی تصویر بتایا۔

انھوں نے کہا کہ فوج، امام خمینیؒ کے ساتھ کھڑی ہو گئي اور انقلابی بنی رہی اور یہ انقلابی باقی رہنا اہم مسئلہ ہے کیونکہ کچھ لوگ انقلابی تو بن جاتے ہیں لیکن انقلابی باقی نہیں رہ پاتے لیکن اسلامی جمہوریہ کی فوج آج پہلے دن سے کہیں زیادہ انقلابی، مومن اور مخلص ہے اور جہاں بھی ضرورت پڑی اس نے جوانمردی اور ایثار کے ساتھ عوام کے کندھے سے کندھا ملا کر کردار ادا کیا اور ملک کے دفاع کے لیے بھرپور استقامت دکھائي ہے۔

رہبر انقلاب اسلامی نے آج کی فوج کو خودمختاری و ثبات کا مظہر اور عوام و حکام کے درمیان ہر دلعزیز اور قابل اعتماد قرار دیا اور کہا: آج فوج، عوام کے ساتھ، عوام کے شانہ بہ شانہ اور عوام کا حصہ ہے اور اگر ماضی میں اسے امریکیوں سے خریدے گئے طیارے کے پرزوں کو ہاتھ تک لگانے کا حق نہیں تھا تو آج وہ پابندیوں کے باوجود طیارے بنا رہی ہے اور عوام کے لیے بڑے بڑے، حیرت انگيز اور پرافتخار کام انجام دے رہی ہے جس کے کچھ نمونوں کا کل مظاہرہ کیا گيا۔

آیت اللہ العظمی خامنہ ای نے کہا کہ ان کوششوں کا معنوی نتیجہ، سب سے بڑے افتخار یعنی پروردگار عالم کے قرب کا حصول ہے۔ انھوں نے فوجیوں کو مخاطب قرار دیتے ہوئے کہا کہ عزیزو! آپ کو فخر ہونا چاہیے کہ آپ اسلامی جمہوریہ کی فوج کا حصہ ہیں۔ قوم بھی اور عہدیداران بھی فوج کی قدروقیمت سمجھتے ہیں اور آپ بھی اپنے کمزور پہلوؤں کی تقویت کرکے اور اپنے ادارے کی کمزوریوں کو دور کر کے، اپنی قدر کیجیے۔

انھوں نے اپنے خطاب کے آخر میں شام اور ترکیہ میں آنے والے حالیہ زلزلے کے متاثرین سے ہمدردی کا اظہار اور جاں بحق ہونے والوں کے لیے رحمت و مغفرت طلب کرتے ہوئے کہا: بحمد اللہ ہمارے ملک کے عہدیداران نے بھی کچھ مدد کی ہے اور مزید مدد کریں گے۔

اس ملاقات کے آغاز میں فضائيہ کے کمانڈر جنرل واحدی نے، مختلف سائنسی میدانوں، نالج بیسڈ شعبوں، پرزوں اور آلات کی تیاری، دفاعی آمادگی، ٹریننگ، تعمیرات اور امدادی کارروائيوں کے میدان میں فضائیہ کے امید بخش پروڈکٹس اور مؤثر اقدامات کے بار ے میں ایک رپورٹ پیش کی۔

پوری دنیا حیران ہے کہ امن پسند ایرانیوں نے سینکڑوں سالہ شہنشاہیت کی پر شکوہ حکومت کی اینٹ سے اینٹ کیوں بجادی ؟ اس شاہ ایران کا تختہ کیوں الٹ پلٹ دیا