سلیمانی
دشمن کا ایک SDB 39 GBU بم ایران کے ہاتھ لگ گیا
سپاہ پاسداران نے بتایا ہے کہ صوبہ لرستان میں، دشمن کا گرایا ہوا ایک SDB 39 GBU بم جو گرنے کے بعد پھٹا نہیں تھا، صحیح و سالم سپاہ اسلام کے ہاتھ لگ گیا ہے۔
اس رپورٹ کے مطابق سپاہ پاسدران کے بموں کو ناکارہ بنانے والے دستے نے آج منگل 7 اپریل کو امریکا کا یہ بم جو نہیں پھٹ سکا تھا، ناکارہ بناکر صحیح و سالم حالت میں اپنے قبضے ميں لے لیا ہے۔
یہ ایسی حالت میں ہے کہ امریکیوں کو اس بات کی بہت زیادہ فکر تھی کہ اس بم کی ٹیکنالوجی کسی دوسرے ملک کے ہاتھ نہ لگ سکے۔
تہران کی شریف یونیورسٹی کے پروفیسر نے اپنے مسمار شدہ دفتر میں ہی اپنے اسٹوڈنٹس کو پڑھایا
شریف یونیورسٹی آف ٹیکنالوجی کے پروفیسر علی رضا زراعی نے آج منگل 7 اپریل کو اپنے اس دفتر سے آن لائن کلاس لی جو یونیورسٹی پر امریکا اور غاصب صیہونی حکومت کے حملے میں منہدم ہوگیا ہے ۔
انھوں نے اس آن لائن کلاس میں اپنے اسٹوڈنٹس سے کہا کہ میں آپ لوگوں کے لئے سلامتی اور وطن عزیز کی سربلند کی آرزو کرتا ہوں۔
پروفیسر علی رضا زراعی نے کہا کہ میں شریف یونیورسٹی کو اپنا گھر سمجھتا ہوں اور اس کی ترقی و سرافرازی میری آرزو ہے۔
انھوں نے اپنے اسٹوڈنٹس سے کہا کہ اس سے قبل اتوار کو آپ کی خدمت میں تھا اور جب میں آپ لوگوں سے آج کی کلاس کے بارے میں گفتگو کررہا تھا کہ اس کلاس میں کیا پڑھایا جائے گا، تو میرے دل میں یہ تمنا پیدا ہوئی کہ کاش اگلی کلاس یونیورسٹی میں، میرے اپنے دفتر میں ہو۔
پروفیسر زراعی نے کہا کہ اگرچہ اس وقت مجھے اپنی یہ آرزو پوری ہونے کا امکان نظر نہیں آرہا تھا، لیکن اس وقت فخر کے ساتھ اعلان کرتا ہوں کہ میں یونیورسٹی کے آئی ٹی سیکشن میں اپنے دفتر میں بیٹھ کر یہ کلاس لے رہا ہوں۔
پروفیسر زراعی نے کہا کہ ایک دن قبل دشمن نے یہاں بمباری کرکے اس کو منہدم کردیا اور یہ کام ان لوگوں نے کیا ہے جو خود کو انسان کہتے ہیں لیکن انسانیت کی بو بھی ان تک نہیں پہنچی ہے۔
تہران میں یہودی عبادتگاہ پہ حملہ
ایرانی پارلیمنٹ میں یہودی کلیمی برادری کے نمائندے ہمایون سامہیح نجفآبادی نے کنیسہ کی عمارت کو نقصان پہنچانے کی شدید مذمت کرتے ہوئے کہا ہے کہ اس طرح کے اقدامات ظاہر کرتے ہیں کہ صہیونی عناصر تمام مذاہب کے خلاف ہیں اور انہیں انسانی و مذہبی اقدار کی کوئی پروا نہیں۔
میڈیا کے ساتھ گفتگو میں انہوں نے کہا کہ اسرائیل اور امریکہ کو معلوم ہے کہ ایران کی کلیمی برادری کے مؤقف اور اسلامی جمہوریہ ایران کے مؤقف میں کوئی فرق نہیں۔ اسی وجہ سے ان قوتوں نے اپنی دشمنی کا اظہار مذہبی مقامات کو نشانہ بنا کر کیا ہے۔
انہوں نے مزید کہا کہ یہ عبادت گاہیں تاریخی اور مذہبی اعتبار سے بہت اہمیت رکھتی ہیں۔ اس مقام پر تورات کے کئی نسخے بھی موجود تھے جنہیں ملبے سے نکالنے کی کوشش کی جارہی ہے۔ ان کو نقصان پہنچنے سے ایران کی کلیمی برادری کو شدید افسوس ہوا ہے۔
ہمایون سامہیح نجفآبادی نے مزید کہا کہ جنگوں میں اکثر مذہبی مقامات کو نقصان پہنچتا رہا ہے، اور ماضی میں مساجد اور مسیحی عبادت گاہیں بھی متاثر ہوچکی ہیں۔ صہیونی نظام اپنے سیاسی مقاصد کے لیے یہودیت کا نام استعمال کرتا ہے، حالانکہ وہ دراصل ایک غیر مذہبی اور حتی کہ یہودیت مخالف طرز عمل رکھتا ہے۔
انہوں نے اس واقعے کی سخت الفاظ میں مذمت کرتے ہوئے امید ظاہر کی کہ جاری کشیدگی جلد ختم ہوگی۔
معروف عرب تجزیہ نگار: ایران نے طاقت کا توازن تبدیل کردیا
عبدالباری عطوان نے ایران کے خلاف امریکا اور صیہونی حکومت کی جنگ کے میدانی حقائق کا تجزیہ کرتے ہوئے کہا کہ امریکی صدر ڈونلڈ ٹرمپ نے بڑے فخر سے ایران کی فضائی اور بحری طاقت ختم کردینے کا دعوی کیا لیکن اس کے چند ہی روز بعد ایران نے امریکا کے تین ممتاز جنگی طیاروں، ایک F35، ایک F15 اور ایک A10 جنگی طیارے کو مار گرایا۔
انھوں نے کہا کہ ایران نے امریکا کے جن تین جدید ترین اہم جنگی طیاروں کو مارگرایا، ان کی قیمت سیکڑوں ملین بتائی جاتی ہے۔
معروف عرب تجزیہ نگار عبدالباری عطوان نے اپنی اس تجزیاتی گفتگو میں ایک ایندھن پہنچانے والے طیارے اور ایک جدید ترین آواکس طیارے کے مار گرائے جانے کا بھی ذکر کیا اور کہا کہ یہ جدید ترین اواکس طیارہ پیچیدہ ترین الیکٹرانک وسائل سے لیس تھا۔
ٹرمپ کی ہرزہ سرائیوں اور دھمکیوں پر رہبر انقلاب کے مشیروں کا ردعمل
ارنا کے مطابق رہبر انقلاب اسلامی آیت اللہ العظمی سید مجتبی حسینی خامنہ کے مشیر علی اکبر ولایتی نے سماجی رابطے کے ایکس پیج پر اپنے ایک پیغام میں لکھا ہے کہ استقامتی محاذ کا متحدہ آپریشن روم آبنائے باب المندب کو بھی آبنائے ہرمز کی طرح سمجھتا ہے ۔
انھوں نے اپنی اس پوسٹ میں لکھا ہے کہ اگر وائٹ ہاؤس نے اپنی احمقانہ غلطیوں کی تکرار کے بارے میں سوچا تو بہت جلد سمجھ جائے گا کہ توانائی کی سپلائی اور عالمی تجارت انگلی کے ایک اشارے پر رک جائے گی۔
ڈاکٹر علی اکبر ولایتی نے اپنی اس پوسٹ میں لکھا ہے کہ امریکا جس نے تاریخ ایران سے پڑھی ہے، اب تک طاقت کا جغرافیا نہیں سجھ سکا ہے۔
رہبر انقلاب اسلامی کے ایک اور مشیر محمد مخبر نے بھی سماجی رابطے کے ایکس پیج پر اپنی پوسٹ میں، ایک تصویرشیئر کی ہے جس میں واقعہ طبس میں امریکی افواج کی شکست اور شہر اصفہان کے مضافات میں امریکی طیاروں اور ہیلی کاپٹروں کے گرنے کی تصاویر ایک ساتھ شیئر کی ہیں۔
انھوں نے لکھا ہے کہ خدائے طبس زندہ ہے۔ آخر کار، امریکا کا کھوکھلا بھرم بھی ٹوٹ گیا۔
رہبر انقلاب اسلامی کے مشیر محمد مخبر نے اپنی پوسٹ میں لکھا ہے کہ امریکا کی شکستوں کی وجہ صرف اس کی افواج اور فوجی وسائل کا نقص ہی نہیں ہے بلکہ اس کی اصل وجہ، مجاہدین اسلامی کی علوی شجاعت کی طاقت اور دشمن میں عقل و تدبیر کا فقدان ہے۔
ایران کے میزائل حملے کے بعد حیفا سمیت متعدد شہروں میں وسیع تباہی
غاصب صیہونی حکومت کے میڈیا نے اتوار کی شام اعتراف کیا ہے کہ مقبوضہ فلسطین کے شہروں، بیئر السبع، النقب، دیمونا اور حیفا پر ایرانی میزائل گرے ہیں۔
اس رپورٹ کے مطابق ایران کا ایک 450 کلو وزن کا تباہ کن میزائل شہر حیفا میں ایک پانچ منزلہ عمارت پر گرا ہے۔
صیہونی میڈیا کی رپورٹ میں بتایا گیا ہے کہ صیہونی ڈیفنس سسٹم ایران کا یہ میزائل روکنے میں ناکام رہا ہے اور اس کے عمارت پر گرنے کے نتیجے میں پانچ منزلہ عمارت زمیں بوس ہوگئی۔
اس رپورٹ میں بتایا گیا ہے کہ اس عمارت کے ملبے سے ہلاک والوں کی لاشیں اور زخمیوں کو نکالنے کا سلسلہ آخری اطلاع ملنے تک جاری تھا۔
ایران بمقابلہ سپر پاور: اخلاقی فتح کس کی؟
موضوع: ایران بمقابلہ سپر پاور: اخلاقی فتح کس کی؟
مہمان تجزیہ کار: ڈاکٹر سید حسن رضا نقوی (تہران)
میزبان: سید انجم رضا
پیشکش: آئی ٹائمز ٹی وی اسلام ٹائمز اردو
خلاصہ گفتگو و اہم نکات:
جمہوری اسلامی ایران پہ ام ری ک ی جارحیت کسی بھی عالمی قاعدے پہ پوری نہیں اترتی
ثابت شدہ جنگی مجرم ص ے ہ ن ی وزیراعظم کے ساتھ مل کر جارحیت کرنا اس جنگ کے غیر اخلاقی و غیرقانونی ہونے واضح ثبوت ہے
مہذب دنیا میں کسی بھی ملک کی اعلی شخصیات کو نشانہ بنانا جنگی جرائم میں شمار کیا جاتا ہے
سو سے زائد اسکول کی بچیوں کے بہیمانہ قتل سے لیکر اب تک ا م ر ی ک ہ نے ایرانی آبادیوں ، ہسپتالوں ، تعلیمی اداروں کو سینکڑوں بار نشانہ بنایا ہے
جمہوری اسلامی ایران کی آثار قدیمہ کی تاریخی جگہوں تک نشانہ بنایا گیا ہے
اس وقت ا م ر ی ک ی فوج کی کیفیت شکست خوردہ بوکھلائے جتھے کی سی ہے
امریکی لیڈرشپ کو آج کے دن تک اپنی مقاصد واضح نہیں ہیں
ام ر ی ک ی صدر کے جھلائے ہوئے بیانات اس کے ذہنی خلجان کا واضح ثبوت ہیں
رجیم چینج سے لیکر آبنائے ہرمز تک قبضہ کے خواب سے لیکر ا م ر ی ک ی خواہشیں آرزوئے نا آسودہ بن چکی ہیں
دنیا میں جنگیں ختم کرانے کے انتخابی نعرے والا شخص حالات حاضرہ کی سب سے خوفناک جنگ کا باعث بنا ہے
مخبوط الحواس صدر بٗری طرح جنگ کے دلدل میں پھنس چکا ہے
اس جنگ میں ا م ر ی ک ہ کے سب اتحادی اس کا ساتھ چھوڑ چکے ہیں
ا م ر ی ک ہ کےاتحادیوں عرب ممالک اور خلیجی ممالک کو اس کی اوقات نظر آچکی ہے
حتی کہ خود ا م ر ی ک ہ میں اس جنگ کے خلاف عوامی مظاہرے شروع ہوچکے ہیں
امن نکے نوبل انعام کے خوا ہش مند ام ر ی کی تاریخ کا جھوٹا ترین صدر بن چکا ہے
واشنگٹن پوسٹ کے مطابق ہرورز کم ازکم پندرہ جھوٹ بولتا ہے
ام ر ی ک ی صدر بھی مخبوط الحواس اور ذہنی مریض فرد کا سا رویہ اپنائے ہوئے ہے
شدید جنگی جارحیت کے باوجود جمہوری اسلامی ایران کے دفاعی اثاثے محفوظ ہیں
جمہوری اسلامی ایران نے اس جنگ میں احکام اسلامی کی پاسداری کا مظاہرہ کیا ہے
جمہوری اسلامی ایران نے اس جنگ میں دشمن کے اسٹریٹجک اثاثوں کو نشانہ بنایا ہے
جمہوری اسلامی ایران نے دشمن کے اڈے جہاں سے جارحیت ہوتی کہیں بھی ہوں کو نشانہ ضرور بنایا ہے
جمہوری اسلامی ایران نے اپنی کاروائیوں کا برملا اعلان اور اعتراف کیا ہے
جمہوری اسلامی ایران نے کسی بھی جگہ شہری آبادی کو نشانہ نہیں بنایا سوائے ان جگہوں کے جہاں ا م ر ی ک ی جاسوس موجود ہیں
جمہوری اسلامی ایران نے چاہے خلیجی ممالک یا ا س ر ا ئ یل جہاں بھی دشمن کی جنگی تنصیبات کو نشانہ بنایا، اعلان کرکے کیا
جمہوری اسلامی ایران نے بہت ہوشیاری کے ساتھ دشمن کو کاری ضربیں لگائی ہیں
جنگ کے میدان میں جو ممالک عالمی قوانین کی پاسداری کرتا ہے وہی فاتح متصور ہوتا ہے
بین الاقوامی میڈیا مان چکا ہے کہ جمہوری اسلامی ایران اخلاقی طور یہ جنگ جیت چکا ہے
جمہوری اسلامی ایران نے س وقت تک 35 روزہ جنگ میں کسی ملک سے مالی مدد نہیں لی
ایک مہینے کی جنگ اور مسلسل پورے عالم کفر کی شب و روز بمباری کے باوجود ایک بھی ایرانی نے ملک سے ہجرت نہیں کی
بلکہ دوسرے ملکوں میں مقیم ایرانی وطن کے دفاع کے لیے واپس آ رہے ہیں
جموری اسلامی ایران کے غیور عوام47 سالہ پابندیوں اور جنگوں میں جکڑے ملک کی عوام پر سکون ہے۔
دنیا دیکھ رہی ہے کہ مسلط کردہ جنگ کے باوجود جمہوری اسلامی ایران میں نہ تو لاک ڈاون ہے، نہ بلیک آؤٹ ہے
جمہوری اسلامی ایران کے عوام اور حکومت پوری دلیری کے ساتھ دشمن کے حملوں کا سامنا کررہی ہے
دوسری طرف ام ر ی ک ہ روز بروز مہنگائی اور اقتصادی بد حالی کا شکار ہوتا جارہا ہے
امریکی ماہر اقتصادیات سٹیوو ہانک کے مطابق جب سے جنگ مسلط ہوئی ہے جمہوری اسلامی ایران کی کرنسی کی قدر گیارہ فیصد بہتر ہوئی ہے
جمہوری اسلامی ایران اپنا تیل اب بھی مہنگے کے بجائے مناسب نرخ پہ بیچ رہا ہے
ایران اور عمان آبنائے ہرمز پہ مل کر ٹیکس وصول کرنے کا میکینزم بنارہے ہیں
دنیا جانتی ہے کہ جمہوری اسلامی ایران دنیا کی اقتصادی شہ رگ پہ موجود ہے
ایرانی جنرل آغائے محسن رضائی کے مطابق " دنیا بھول جائے کہ آبنائے ہرمز اب جنگ سے پہلے والی حالت پہ جائیگی"
خبروں کے مطابق چالیس سے زائد ایران کو پروپوزل دے چکے ہیں کہ ہم ایران کی شرائط پہ آبنائے ہرمز سے تجارت کرنے کو تیار ہیں
ایرانی پارلیمنٹ نے بھی آبنائے ہر مز پہ ٹول پلازا بناکے ٹیکس وصول کرنے کا بل پاس کردیا ہے
آبنائے ہرمز کے انتظامات کے حوالے سے اسلامی ایران اور عمان مل کر ایک کمپنی بنارہے ہیں ، دیگر خلیجی ممالک کو بھی ساتھ ملانا چاہتے ہیں
مستقبل میں ایران خطے کی ایک اقتصادی طاقت بننے کی پوزیشن میں آجائیگا
چینی کرنسی یوآن میں تیل کی تجارت کرنا چین کو آن بورڈ لینے کی حکمت عملی ہے
آغائے عباس عراقچی کے مطابق یہ جنگ پورے خطے کے مفادات کے تحفظ کی جنگ ہے جو ہم لڑرہے ہیں
بلکہ جمہوری اسلامی ایران پورے مزاحمتی بلاک کی جنگ لڑرہا ہے
جمہوری اسلامی ایران کا انٹلی جین نظام س چند کمزوریوں کے باوجواب سنبھل چکا ہے
ص ے ہو ن ی ریاست کے جنگی مقامات اور ا م ر ی ک ی اڈوں کا بالکل صحیح نشانہ ایرانی انٹیلی جینس نظام کے بہتر ہونے کا واضح اظہار ہے
ا م ر ی ک ہ کےسات سو کے قریب فوجیوں کا مختلف مقامات پہ مارا جانا ایرانی انٹیلی جنس کی کارکردگی کا کمال ہے
ایران اب بھی ص ے ہو ن ی ریاست کے جنگی مقامات اور ا م ر ی ک ی اڈوں کو ٹارگٹ کررہا ہے
رہبر شہید کے فرمان کے مطابق ایران میں نظام ولایت فقیہ کی برکت سے وہ خطے کی قوت بن چکا ہے
امام زمانہ عج کے ظہور پہ ایمان اور ولایت فقیہ پہ یقین نے ہی ایران کے عوام کو حکومت اسلامی سے متصل کردیا ہے
جمہوری اسلامی ایران نے اس جنگ میں ا م ر ی ک ہ کے سپرپاور عفریت ہونے کے خوف سے دنیا کو آزادی دلادی ہے
یقینا کچھ وقت ضرور لگے کا مگر سپر پاور کا زوال شروع ہوچکا ہے
رہبر عظیم الشان آیت اللہ خامنہ ای کی شہادت نے تلوار پہ خون کی فتح کو ثابت کردیا ہے
اس جنگ میں ایرانی عوام پاکستانی عوام کی اپنی حمایت کے معترف ہیں
ایرانی عوام مختلف مواقع پہ تشکر پاکستان کے نعرے لگاتے ہیں
باوجودیکہ ایران نے اپیل نہیں کی مگر پاکستانی عوام کا ایران کے لئے مالی امداد دینا بہت قابل تعریف اقدام ہے
ایران پاکستان کی ثالثی اور جنگ رتکوانے کی کوششوں کو قدر کی نگا ہ سے دیکھتا ہے
پاکستان ایران بارڈر جنگ کے باوجود مسلسل کھلا ہے اور تجارت جارہی ہے
ایران کی طاقت اللہ پر بیقین و ایمان جو دشمن کو شکست دے کر فتح مبین کا علم بلند کرے گی
امریکا کے تباہ شدہ جنگی طیاروں اور ہیلی کاپٹروں کا ملبہ
تہران – ارنا – اپنے تباہ شدہ جنگی طیاروں کے پائلٹوں کو ریسکیو کرانے کے لئے اصفہان آنے والے امریکی جنگی طیارے اور ہیلی کاپٹر بھی تباہ ہوگئے۔
ارنا کے مطابق ایران میں مار گرائے جانے والے امریکی جنگی طیاروں کے پائلٹوں کو ریسکیوکرانے کے لئے امریکا نے جنگی طیاروں اور ہیلی کاپٹروں کا جو دستہ بھیجا تھا، وہ شہر اصفہان کے مضافات میں ایران کے ایئئر ڈیفنس کا نشانہ بنکر تباہ ہوگئے۔
ایران کی مسلح افواج کے خاتم الانبیا ہیڈکواٹر نے بتایا ہے کہ امریکی پائلٹوں کو ریسکیو کرانے کے آپریشن کے دوران اصفہان کے مضافات میں امریکا کے دو C130 کارگو فوجی طیارے اور دو بلیک ہاک جنگی ہیلی کاپٹر آج ایرانی ایئر ڈیفنس کی فائرنگ کا نشانہ بنکر تباہ ہوگئے۔
امریکا کے ان فوجی طیاروں اور ہیلی کاپٹروں کا ملبہ جہاں وہ گرکر تباہ ہوئے ہیں، بکھرا پڑا ہے۔
دشمن نے مزید حملے کئے تو دروازہ جہنم کھول دیں گے، جنرل عبداللہی کا انتباہ
خاتمالانبیا سینٹرل ڈیفنس ہیڈکوارٹر کے کمانڈر جنرل علی عبداللهی نے امریکہ اور صہیونی حکومت کو سخت وارننگ دیتے ہوئے کہا ہے کہ اگر دشمن نے ایرانی تنصیبات پر مزید جارحیت کی تو ایران کی مسلح افواج دشمن کے تمام بنیادی ڈھانچوں کو نشانہ بنائیں گی اور یہ حملے محدود نہیں ہوں گے۔
اپنے بیان میں انہوں نے کہا کہ ٹرمپ نے مسلسل ناکامیوں کے بعد بوکھلاہٹ، غصے اور غیر متوازن کیفیت میں ایران کے بنیادی ڈھانچوں اور قومی سرمایہ کو نشانہ بنانے کی دھمکی دی ہے۔
انہوں نے واضح کیا کہ ایرانی مسلح افواج ملت کے حقوق کے دفاع اور قومی سرمایہ کی حفاظت کے لیے ایک لمحہ بھی غفلت نہیں کریں گی اور ہر جارح کو منہ توڑ جواب دیا جائے گا۔
جنرل عبداللهی نے تاکید کی کہ اگر امریکی-صہیونی دشمن نے کوئی حملہ کیا تو ایران، امریکہ کی دہشت گرد فوج کے زیرِ استعمال تمام بنیادی ڈھانچوں کے ساتھ ساتھ صہیونی حکومت کے انفراسٹرکچر کو بھی بغیر کسی رحم کے تباہ کن اور مسلسل حملوں کا نشانہ بنائے گا۔
24 گھنٹوں میں 113 صہیونی زخمی، مقبوضہ علاقوں کے اسپتالوں میں ایمرجنسی نافذ
صہیونی حکومت کے طبی ذرائع نے اعلان کیا ہے کہ گزشتہ 24 گھنٹوں کے دوران مقبوضہ فلسطینی علاقوں پر ہونے والے حملوں کے نتیجے میں 113 صہیونی زخمی ہوئے ہیں۔
الجزیرہ کے مطابق صہیونی وزارت صحت نے جاری بیان میں کہا ہے کہ جنگ میں شدت آنے کے بعد گزشتہ 24 گھنٹوں کے دوران 113 زخمیوں کو مختلف علاقوں میں واقع اسپتالوں میں منتقل کیا گیا۔
بیان میں مزید کہا گیا ہے کہ صہیونی طبی مراکز میں زخمیوں کی مسلسل آمد کا سلسلہ جاری ہے اور اسپتالوں میں متاثرین کو طبی امداد فراہم کی جا رہی ہے۔
صہیونی وزارت صحت نے زخمیوں کے نئے اعداد و شمار کی تصدیق کرتے ہوئے کہا ہے کہ صورتحال کے باعث طبی مراکز پر دباؤ میں اضافہ ہوا ہے اور زخمیوں کے علاج کا عمل بدستور جاری رہے گا۔
![جناب خدیجہ کبری[س] کی سیرت](/ur/media/k2/items/cache/ef2cbc28bb74bd18fb9aaefb55569150_XS.jpg)
