مقبوضہ فلسطین کے بعض میڈیا چینلز صیہونی حکومت کی کابینہ کی خبریں نشر کر رہے ہیں جو کہ بنیامن نتن یاہو کی کابینہ کے سیاسی تحفظ کے حوالے سے تشویش اور بے چینی کی طرف اشارہ کرتے ہیں۔

اپنے متنازعہ اقدامات اور پالیسیوں سے داخلی اور غیر ملکی مخالفت اور احتجاج کو بھڑکانے والی نتن یاہو کی نئی کابینہ ’غیر ملکی دشمن‘ جیسے مسائل اٹھا کر اندرونی انتشار پر پردہ ڈالنے کی کوشش کر رہی ہے۔

اس سلسلے میں صیہونی حکومت کے ٹیلی ویژن چینل- 12 نے منگل کی شب کابینہ کے مسلسل اجلاسوں کے بارے میں بتایا تاکہ اس حکومت بالخصوص اس کی فوج کی تیاری کی سطح میں اضافہ کیا جائے۔

چینل-12 نے اطلاع دی ہے کہ نتن یاہو نے اب تک پانچ خفیہ ملاقاتیں کی ہیں اور ان ملاقاتوں کا نتیجہ، جس کی اطلاع امریکہ اور فرانس کو بھی دی گئی، اسرائیل میں آمادگی اور ہائی الرٹ کی سطح میں اضافہ تھا۔

ان ملاقاتوں میں حکومت کے عسکری اور سیکورٹی (انٹیلی جنس) سربراہان بشمول وزیر انٹیلی جنس یوو گیلنٹ، چیف آف جوائنٹ چیفس آف اسٹاف ہرتسی ہیلیوی، موساد کے چیف داؤد برنیا، قومی سلامتی کے مشیر زاہی ہینگبی اور متعدد دیگر افراد نے شرکت کی۔

ان ملاقاتوں میں ملٹری انٹیلی جنس برانچ اور آپریشنز برانچ کے سربراہ اور آپریشنل لیول کے کمانڈر فوجیوں نے بھی شرکت کی۔

صیہونی ٹیلی ویژن نے دعویٰ کیا کہ یہ ملاقاتیں ایران کے خلاف کسی بھی کارروائی کے لیے اسرائیل کی آمادگی کی سطح کو بڑھانے کرنے کے لیے ہیں کیونکہ یورینیم کو 90 فیصد تک افزودہ کرنا، تل ابیب کی ڈیڈ لائن ہے اور آنے والے مہینے "حساس اور پیچیدہ" ہیں اور اسرائیل ان سارے امکانات کے لئے تیار ہو رہا ہے۔

سحر نیوز/ ایران:  اسلامی جمہوریہ ایران کے وزیرخارجہ نے عراقی صدر  سے ملاقات کی ہونے والی ملاقات میں عراقی صدر نے ایران کا دورہ کرنے کے لئے صدر رئیسی کی دعوت کا شکریہ ادا کرتے ہوئے کہا کہ بغداد اور تہران کے تعلقات تمام شعبوں میں انتہائی مضبوط اور مستحکم ہیں ۔ ایرانی وزیرخارجہ نے بھی دونوں ملکوں کے تعلقات کو مثالی قرار دیتے ہوئے کہا کہ تہران اور بغداد کے تعلقات صرف حکومتی سطح پر مثالی نہیں ہیں بلکہ دونوں ملکوں کے عوام کے گہرے رشتوں نے تمام شعبوں میں تعلقات کو غیر معمولی بنادیا ہے۔
اس سے پہلے ایرانی وزیرخارجہ  امیر عبداللہیان نے اپنے عراقی ہم منصب کے ساتھ مشترکہ پریس کانفرنس میں کہا کہ اسلامی جمہوریہ ایران سفارتی طریقے سے مذاکرات کا خیر مقدم کرتا ہے اور ایٹمی معاہدے کی بحالی کے لئے ایک جامع اور اچھے اتفاق رائے تک پہنچنےکے لئے سنجیدہ گفتگو کے لئے تیار ہے۔
انہوں نے کہا کہ یہ بات کسی سے ڈھکی چھپی نہیں ہے کہ عراقی حکومت نے ایران مخالف ظالمانہ پابندیوں کے خاتمے کے لئے مذاکرات کے سلسلے میں مثبت اور تعمیری اقدامات انجام دیئےہیں - انہوں نے کہا کہ ایران آج بھی اپنے ریڈلائن کو مدنظر رکھتے ہوئے مذآکرات کے لئے تیار ہے لیکن امریکی حکام  کی طرف سے متضاد بیانات اور پیغامات موصول ہورہے ہیں ۔

عالمی چیمپئن شپ کے کراس کنٹری سکی مقابلے کا ابتدائی مرحلہ آج خواتین کے حصے میں منعقد ہوا اور اولمپک کا کوٹہ حاصل کرنے والی ایرانی خاتون "سمانہ بیرامی باہر" آٹھویں نمبر پر رہی اور فائنل میں پہنچ گئی۔

ایرانی اسکیئنگ کی تاریخ میں یہ پہلا موقع ہے کہ خواتین کے  حصے میں کوئی کیھلاڑی عالمی چیمپئن شپ کے فائنل میں حصہ لے جائے گی۔

ارنا رپورٹ کے مطابق، ناصر کنعانی نے آج بروز بدھ کو مغربی کنارے کے شہر نابلس پر قابض صہیونی افواج کے آج کے وحشیانہ اور دہشت گردانہ حملے کی شدید مذمت کی جس کے نتیجے میں درجنوں نہتے فلسطینی شہید اور زخمی ہوگئے۔

انہوں نے صہیونی غاصب ریاست اور اس کی نسل پرست اور انتہا پسند کابینہ کے ہاتھوں فلسطینیوں کی نسل کشی کو روکنے اور اس کی مذمت کے لیے عالمی برادری سے فوری اقدام اٹھانے کا مطالبہ کیا۔

کنعانی نے مغربی کنارے میں گذشتہ چند مہینوں کے دوران صیہونیوں کی مجرمانہ اور دہشت گردانہ کارروائیوں کے تسلسل اور اس میں اضافے کا ذکر کرتے ہوئے، جن میں نابلس اور جنین کے علاقوں پر حملے، بچوں، عورتوں اور بوڑھوں کا قتل اور فلسطینیوں کے گھروں کی تباہی شامل ہے، کہا کہ اس خطرناک عمل کے جاری رہنے، جو ذمہ دار بین الاقوامی اداروں اور مغرب میں انسانی حقوق کے جھوٹے دعویداروں کی خاموشی اور بے حسی کے سائے میں ہوتا ہے، ناقابل برداشت اور ان کے لیے باعث شرم ہے۔

انہوں نے اور یروشلم، جنین، نابلس اور مقبوضہ فلسطین کے تمام علاقوں میں عوام اور خصوصا فلسطینی نوجوانوں کی بہادرانہ مزاحمت کو سراہتے ہوئے فلسطینی قوم کی حمایت اور صیہونی نسل پرست ریاست کے انسانیت سوز اور دہشت گردانہ اقدامات کے خلاف، اسلامی حکومتوں کے درمیان اتحاد اور ان کیجانب سے مربوط اقدامات اٹھانے پر زور دیا۔

مقاومت و مزاحمت کے شہید کمانڈروں شہید شیخ راغب حرب، شہید سید عباس موسوی اور شہید حاج عماد مغنیہ کی برسی کے موقع پر اپنے خطاب میں حزب اللہ لبنان کے سیکرٹری جنرل نے مقاومت و مزاحمت کے دشمنوں کے مقاصد کی وضاحت و تشریح کی ہے۔ سید حسن نصر اللہ  کا پہلا نکتہ یہ تھا کہ دشمن کو ایران کے مقابلے میں شکست کا سامنا کرنا پڑا ہے۔ ایرانی بلوؤں اور فسادات میں دشمن کے مقاصد پورے نہ ہونے کے بعد اس نے انقلاب اسلامی ایران کی فتح کی سالگرہ میں لوگوں کی شرکت کو وسیع پروپیگنڈے کے ذریعے متاثر کرنے کی کوشش کی، لیکن لوگوں کی بے مثال حاضری دشمن کی شکست کا سبب بنی۔ سید حسن نصر اللہ نے اس سلسلے میں کہا: "جن لوگوں نے اسلامی جمہوریہ ایران کے نظام کو ختم کرنے کا حساب لگایا، ان کا حساب وہم و خیال پر مبنی تھا نہ کہ حقیقت پر، یہی وجہ ہے کہ ان کا حساب غلط اور اندازہ ناکام رہا اور ان کے تخمینوں پر اعتماد نہیں کیا جاسکتا۔"

سید حسن نصراللہ کے بقول ایران میں لاکھوں افراد پر مشتمل عوامی مظاہرے ملک کا شیرازہ بکھیرنے والوں کے دعویداروں کے جھوٹے دعؤوں کا سخت ردعمل اور عملی جواب تھا۔ سید حسن نصراللہ کی تقریر کا دوسرا نکتہ لبنان کے خلاف دشمن کے اہداف پر مرکوز تھا۔ صیہونی حکومت کا کاریش فیلڈ کا یکطرفہ اور غیر قانونی استعمال لبنان کے خلاف دشمن کے اقدامات میں سے ایک ہے۔ اسرائیل اور لبنان نے گذشتہ اکتوبر میں کاریش فیلڈ سے متعلق سمندری سرحدی معاہدے پر دستخط کیے تھے۔ تاہم نیتن یاہو کی کابینہ کی طرف سے تاخیر اور لیت و لعل اور اس معاہدے کو قبول نہ کرنے کی وجہ سے اس معاہدے سے لبنان کو اقتصادی میدان میں کچھ حاصل نہیں ہو رہا ہے۔

سید حسن نصر اللہ نے اس سلسلے میں کہا کہ اگر ہم پر ثابت ہو جائے کہ لبنان میں تیل اور گیس نکالنے کے معاملے میں تاخیر اور جھوٹے وعدے ہو رہے ہیں تو ہم صیہونی دشمن کو کاریش فیلڈ سے گیس نکالنے کی ہرگز اجازت نہیں دیں گے اور ہم اس حوالے سے کسی قسم کی تاخیر کے خلاف خبردار کرتے ہیں۔ حزب اللہ لبنان کے سیکرٹری جنرل کے خطاب کا ایک اور اہم محور لبنان میں افراتفری اور بدنظمی کا پیدا ہونا ہے۔ لبنان کی حزب اللہ کے سیکرٹری جنرل کا خیال ہے کہ امریکہ اور صیہونی حکومت لبنان میں افراتفری پھیلانے کی کوشش کر رہے ہیں، کیونکہ ایک طرف صیہونی حکومت کو اندرونی بحران کا سامنا ہے اور دوسری طرف لبنان کے اندرونی حالات میں واشنگٹن کی مداخلت کابینہ کی تشکیل اور نئے صدر کے تعارف میں سیاسی تعطل کا باعث بنی ہوئی ہے۔

اسی بنیاد پر سید حسن نصر اللہ نے لبنان میں افراتفری کے نتائج کے بارے میں خبردار کرتے ہوئے تاکید کی ہے کہ  "امریکیوں کو جان لینا چاہیئے کہ اگر وہ لبنان کو انتشار کی طرف لے جانا چاہتے ہیں تو اس کا مطلب یہ ہے کہ ہم بھی آرام سے نہیں بیٹھیں گے اور جہاں امریکہ کو تکلیف پہنچے گی، وہیں ضرب لگائیں گے۔" اور اگر ایسا ہوا تو ہم آپ کے پیارے "اسرائیل" کے ساتھ جنگ ​​کے آپشن پر جائیں گے۔ سید حسن نصر اللہ نے کہا ہے کہ میں امریکیوں سے کہتا ہوں کہ اگر آپ لبنان میں افراتفری اور گڑبڑ پھیلانا چاہتے ہیں تو آپ کو پورے خطے میں افراتفری کی توقع رکھنی چاہیئے۔ میرا مطلب ہے اسرائیل میں۔" سید حسن نصر اللہ کا کہنا ہے کہ لبنان کے خلاف دشمن کا ایک اور اہم ہدف عوام کو موجودہ حکام اور لبنان کی حزب اللہ سے بے اعتمادی پیدا کرنا ہے۔ ماضی میں اس مقصد کا تعاقب کیا گیا تھا اور اب بھی یہ ایک سنجیدہ ہدف کے طور پر ایجنڈے پر ہے۔

درحقیقت دشمن حزب اللہ کو لبنان میں مسلسل سیاسی تعطل اور اقتصادی مسائل کا باعث قرار دینے کی کوشش کر رہا ہے۔ اس تناظر میں حزب اللہ کے سیکرٹری جنرل نے تاکید کی ہے کہ "2019ء کے بعد سے لبنان کو کنٹرول کرنے کے لیے امریکہ کی نئی کوششوں کے بعد، ہمارے ملک کو ایک بار پھر نشانہ بنایا گیا ہے۔ اس وقت کے امریکہ کے صدر براک اوباما نے اس بات کا اعتراف کیا تھا کہ حکومتوں کا تختہ الٹنے کے لیے صرف تباہی اور بدعنوانی کی ضرورت ہوتی ہے۔ اس کے بعد رائے عامہ میں جوڑ توڑ پیدا کرنا ہوتا ہے، تاکہ لوگوں کا اپنے لیڈروں پر سے اعتماد اٹھ جائے اور آج یہی کام امریکہ کے موجودہ صدر جو بائیڈن لبنان میں کر رہے ہیں۔"

تحریر: سید رضی عمادی

دوسروں کے آئی ڈی کارڈ کا استعمال کرتے ہوئے افریقی یونین کے افتتاحی اجلاس میں شرکت کرنے والے صیہونی حکومت کے وفد کو انتظامیہ اور سکیورٹی اہلکاروں نے کانفرنس ہال سے نکال باہر کر دیا۔ اسرائیلی وفد کا دعویٰ تھا کہ اسے اجلاس میں شرکت کا دعوت نامہ دیا گیا ہے تاہم وہ اپنے اس دعوے کو ثابت نہیں کر پایا اور اُسے خفت و خواری اٹھاتے ہوئے مجمع کے درمیان سے باہر نکلنا پڑا۔ یہ وفد صیہونی دارالحکومت تل ابیب سے ایتھوپیا کے دارالحکومت ادیس آبابا پہنچا تھا۔

- رہبر معظم انقلاب اسلامی نے مظلوم فلسطینیوں کی حمایت میں اسلامی جمہوریہ کے واضح اور کھلے موقف کا ذکر کرتے ہوئے کہا ہے کہ ہم فلسطینی قوم سے واضح حمایت اور دفاع کے علاوہ فلسطینی عوام کی کسی مدد کو جاری رکھیں گے۔