ذرائع کے مطابق لاہور پولیس نے دہشتگردی کی وارداتوں کے خدشے کے پیش نظر علامہ اقبال انٹرنیشنل ایئرپورٹ کے اردگرد کی بستیوں میں مشکوک افراد کے خلاف سرچ آپریشن کیا۔ پولیس کے مطابق مختلف علاقوں میں مقیم کرائے داروں اور دیگر افراد کے کوائف چیک کئے گئے۔ سرچ آپریشن میں پولیس کی بھاری نفری نے حصہ لیا۔واضح رہے کہ پاکستان کے شہروں اسلام آباد اور کراچی میں بھی تولیس کا سرچ آپریشن جاری ہے جہاں سے درجنوں افراد کو گرفتار کیا جاچکا ہے۔

پاکستان کے وفاقی وزیر اطلاعات و نشریات پرویز رشید نے صحافیوں کے ساتھ گفتگو کرتے ہوئے کہا کہ سابق صدر پرویز مشرف بند گلی میں پھنس گئے ہیں ان سے درخواست ہے کہ خود کو قانون کے حوالے کر دیں، مشرف ڈاکٹروں کی چیر پھاڑ سے بچنا چاہتے ہیں تو عدالت کا سامنا کریں، انہیں آئینی حکومت پر قبضہ کرنے کا نتیجہ بھگتنا پڑ رہا ہے، جو لوگ پاکستان کے نظام کو ختم کرکے جبر کا نظام مسلط کرنا چاہتے ہیں ان سے ہمیشہ ہمیشہ کےلیے چھٹکارا پانا حکومت کی پالیسی کا حصہ ہے، حکومت کی رٹ کو چیلنج کرنے والوں کے خلاف طاقت سمیت کسی بھی آپشن سے گریز نہیں کیا جائے گا۔ ۔ سینیٹر پرویز رشید نے کہا ہے کہ حکومت پاکستان کے ایک ایک انچ پر قانون کی حکمرانی اورحکومت کی رٹ کےلیے پرعزم ہے، پاکستان کی خود مختاری اور سلامتی کو جو اندرونی چیلنجز ہیں ان کو ہمیشہ ہمیشہ کےلیے ختم کیا جائےگا تاکہ پاکستان پرامن ہو سکے اور لوگوں کی جان و مال محفوظ ہو، وہ کاروبار کر سکیں اور وہ اپنی تخلیقی صلاحیتوں کو بھی استعمال کریں، ہمارے بچے اسکولوں میں جائیں ہماری عبادت گاہیں آباد رہیں لیکن جو لوگ اس ماحول کو خراب کرتے ہیں اور پاکستان کے نظام کو ختم کرکے جبر کا نظام مسلط کرنا چاہتے ہیں ان سے ہمیشہ ہمیشہ سے چھٹکارا پانا ہماری پالیسی کا حصہ ہے اور حکومت اس طرف پیشرفت بھی کر رہی ہے۔

اور اُسی نے تمہارے لئے رات اور دن کو اور سورج اور چاند کو مسخر کر دیا، اور تمام ستارے بھی اُسی کی تدبیر (سے نظام) کے پابند ہیں، بیشک اس میں عقل رکھنے والے لوگوں کے لئے نشانیاں ہیں،[16:12]

گزشتہ چھ سالوں سے "مسلم ہینڈز " نامی آرگنائزیشن کی جانب سے غزہ اور فلسطینی بچوں کے ساتھ اظہار یکجہتی کے لیے منعقد ہونی والی ریلی حسب سابق اس دفعہ بھی لندن ، مانچسٹر ، برمنگھم اور لسٹر جیسے برطانیہ کے مختلف شہروں میں نکالی جائے گی جس کے دوران فلسطینی بچوں کے لے مالی امداد جمع کی جائے گی ۔

مذکورہ آرگنائزیشن نے اپنے ایک دعوت نامے میں برطانوی شہریوں سے اس ریلی میں شرکت کرنے اور فلسطینی شہریوں کی حمایت کے ساتھ ساتھ ان کے لیے مالی امداد جمے کرنے کی اپیل کی ہے۔

امریکی ریاست اوہایو کی مختلف یونیورسٹیوں کے طلبا نے "کلام رسول خدا(ص) ؛ آخری خطبہ" کے عنوان سے علمی کانفرنسوں کا سلسلہ شروع کیا ہے جن کے ذریعے وحدت اور مساوات پر مبنی رسول کریم (ص) کے آفاقی پیغام کواحیا کرنے کی کوشش کی جارہی ہے ۔

میچیگان یونیورسٹی کی مسلم طلبا یونین کے صدر "عبد الرحمان الوتار" نے خیال ظاہر کیا : اس سلسلے کی پہلی کانفرنس کو میچیگان یونیورسٹی میں منعقد ہونا تھا لیکن بعد میں اوہایو کی تمام یونیورسٹیوں کے مسلم طلبا پر مشتمل مختلف تنظیموں کے تعاون سے اس کانفرنس کو اوہایو میں منعقد کرنے کا فیصلہ کیا گیا ہے ۔

امریکہ، مشرق وسطی میں اپنی فوجی سرگرمیوں میں تیزی لانے کا ارادہ رکھتا ہے۔ ارنا کی رپورٹ کے مطابق اخبار (یو ، ایس ، اے) ٹو ڈے نے انکشاف کیا ہے کہ امریکہ ، اپنی نئ فوجی حکمت علمی کی بنیاد پر "فورسز کم توانائی زیادہ اور فوری ردعمل کی قابلیت اور انجام پانے والی کاروائی محدود" کے عنوان افغانستان میں اپنے فوجیوں کی تعداد کم کررہا ہے تاکہ اس کے ذریعے بدامن عرب ممالک میں فوری آپریشن کا آغاز کرے۔ "لکسین گٹون" انسٹیٹیوٹ کے تجزیہ نگار "لورین ٹومسن" نے کہا ہے کہ خلیج فارس میں امریکی فورسز کی موجودگی زمین سے سمندر میں منتقل ہوجائے گی اور اس لحاظ سے واشنگٹن ساحل میں ہر قسم کی فوری کاروائی انجام دینے کے لئے اپنے میرین فوجیوں سے استفادہ کرے گا۔اس رپورٹ کے مطابق مزکورہ فورسز امریکی مفادات اور اس ملک کے سفارت خانوں کی حفاظت پر مامور ہوگی۔ اس امریکی فورسز کی ذمہ داری یہ بھی ہوگی کہ بحرانی علاقوں سے امریکی شہریوں کو فوری باہرنکالیں۔

اسٹریلیا کے شہر سڈنی کی رہائشی نو مسلم جولیا مخللاتی نے خیال ظاہر کیا : خواتین کے بارے میں اسلام کے نقطہ نظر نے مجھے اس الہی دین کی طرف جلب کیا ہے کیونکہ اسلامی تعلیمات کی رو سے خواتین کو ایک انمول موتی کی حیثت حاصل ہے. چار سال پہلے اسلام قبول کرنے والی ۲۲ سالہ جولیا کو اپنے مسیحی والدین کی جانب سے شدید مخالفت کا سامنا ہے

جولیا کہتی ہیں کہ میرے والدین نے مجھے ارتھاڈوکس مذہب اپنانے پر مجبور کیا تھا لیکن یہ مذہب میرے ذہن میں موجود سوالوں کا جواب دینے میں ناکام رہا ہے.

انہوں نے مزید کہا :جب میں نے اسلام کے بارے میں مطالعہ شروع کیا تو خواتین کے بارے میں اسلام کے عظیم موقف نے مجھے سب سے زیادہ متاثر کیا ہے.

غزہ میں غاصب صہیونی حکومت کے فوجیوں کی فائرنگ کے نتیجے میں ایک فلسطینی شہید ہوگیا ہے۔ الرسالہ نیوز ویب سائٹ کی رپورٹ کے مطابق فلسطین کی منتخب حکومت کی وزارت صحت کے ترجمان "اشرف القدرۃ" نے اعلان کیا ہے کہ گذشتہ روز غزہ کے شمال میں غاصب صہیونی حکومت کے فوجیوں کی فائرنگ کے نتیجے میں 20 سالہ فلسطینی نوجوان "بلال سمیر" سینے میں گولی لگنے سے شہید ہوگیا ہے۔ فلسطین کی منتخب عوامی حکومت کی وزارت صحت کے ترجمان نے مزید کہا کہ غاصب صہیونی حکومت کے اس وحشیانہ حملے میں ایک فلسطینی جوان شدید زخمی بھی ہوا ہے جیسے فوری طور پر اسپتال منتقل کردیا گیا ہے۔ قابل ذکر ہے کہ غاصب صہیونی حکومت نے حالیہ دنوں میں فلسطینیوں کے خلاف اپنے حملوں میں اضافہ کردیا ہے اور گذشتہ ہفتے بھی فلسطینی علاقوں پر صہیونی حکومت کے جنگی طیاروں کے حملے میں کئی فلسطینی زخمی ہوئے تھے۔

دیوبندی مرکز میں سرچ آپریشن راولپنڈی کے دوران گرفتار دہشت گردوں کی نشاندہی پر کیا گیا۔ آپریشن کے دوران دیوبندی تبلیغی مرکز رائیونڈ سے 15 سے زائد دہشتگردوں کو گرفتار کیا گیا ہے۔ ایک حساس ادارے سے وابستہ بااعتماد ذریعے نے بتایا ہے کہ تحریک طالبان اور لشکر جھنگوی کے دہشت گرد رائیونڈ دیوبندی تبلیغی مرکز کو ایک مضبوط پناہ گاہ کے طور پر استعمال کرتے ہیں۔ علاوہ ازیں جیلوں پر حملوں کے خدشے کے پیش نظر مختلف حساس جیلوں اور ان کے گردونواح کی آبادیوں میں بھی خاموش سرچ آپریشن شروع کر دیا گیا ہے۔ سکیورٹی کے پیش نظر ہائی پروفائل دہشت گرد قیدیوں کو مختلف جیلوں میں منتقل کر دیا گیا ہے۔

ذرائع کے مطابق عالمی تبلیغی مرکز رائیونڈ میں سرچ آپریشن کا سبب پیر کی صبح راولپنڈی میں جی ایچ کیو کے قریب ہونے والا خودکش دھماکہ بنا ہے، جس میں 8 سکیورٹی اہلکاروں سمیت 14 افراد جاں بحق ہوئے تھے۔ حساس ادارے کے ذرائع کے مطابق مذکورہ خودکش حملے کے فورا بعد حملہ آور کے دو ساتھی راولپنڈی سے ہی پکڑے گئے، جن میں سے ایک زخمی حالت میں تھا۔ ان کی نشاندہی پر منگل کو راولپنڈی میں آپریشن کیا گیا اور مختلف مقامات سے درجن سے زائد لوگ گرفتار کیے گئے، جبکہ مذکورہ افراد سے ملنے والی اطلاعات پر رائے ونڈ مرکز میں سرچ آپریشن کا فیصلہ کیا گیا۔ ذرائع کے مطابق رائے ونڈ میں آپریشن کئی گھنٹے جاری رہا۔ دوران آپریشن حراست میں لیے گئے افراد کو فی الفور تفتیش کے لیے خفیہ مقامات پر منتقل کر دیا گیا۔ قانون نافذ کرنے والے اداروں کی حکمت عملی کے تحت حراست میں لیے گئے افراد کی شناخت کو مکمل طور پر خفیہ رکھا جا رہا ہے۔

ذرائع کے مطابق رائیونڈ مرکز کو پناہ گاہ کے طور پر استعمال کرنے والوں میں کالعدم لشکر جھنگوی سرفہرست ہے۔ اس کے علاوہ تحریک طالبان اور قانون نافذ کرنے والے اداروں کی ریڈ بک میں شامل اشتہاریوں کی بھی یہاں آمدورفت جاری رہتی ہے۔

حساس ادارے کے ذرائع کے مطابق مختلف دہشت گرد تنظیموں کے ارکان تبلیغی مرکز رائے ونڈ کو طویل عرصے سے محفوظ پناہ گاہ کے طور پر استعمال کرتے ہیں۔ یہ لوگ یہاں آکر طویل عرصے تک قیام کرتے ہیں۔ ملک بھر میں محفوظ آمدورفت کے لیے تشکیل کے وقت جماعتوں میں نام لکھوا کر شامل ہو جاتے ہیں۔ اپنے ساتھیوں سے میل ملاقات کے لیے بھی وہ اسے محفوظ خیال کرتے ہیں۔ علاوہ ازیں سالانہ اجتماع کے موقع پر بھی کالعدم فرقہ وارانہ وعسکری تنظیموں کے کارکنوں کی آمدورفت رہتی ہے۔ متعدد بار اجتماع گاہ سے بھاری تعداد میں اسلحہ بھی پکڑا گیا ہے۔ 5-2004ء میں اجتماع گاہ سے قانون نافذ کرنے والے اداروں نے کچھ مطلوب افراد کو گرفتار بھی کیا تھا۔ 7-2006ء میں قانون فافذ کرنے والے اداروں نے اجتماع کے موقع پر آپریشن کا فیصلہ کیا لیکن تبلیغی مرکز کے ذمہ داران اس میں حائل ہو گئے۔

پاکستان کے صوبے بلوچستان کی حکومت نے تفتان کوئٹہ شاہراہ پر دھشتگردانہ حملوں کے بعد اس راستے کو ناامن قرار دیتے ہوئے ، ایران سے بسوں کی آمدورفت معطل کردی ہے جبکہ ایران سے آنیوالے زائرین کی سیکورٹی کے انتظامات بھی سخت کرتے ہوئے دالبندین سے 150زائرین کو آرمی کے سی 130طیارے کے ذریعے کوئٹہ پہنچایا گیاجبکہ مزید 151زائرین کو آج خصوصی پروازکے ذریعے کوئٹہ لایا گیا۔ ارنا کی رپورٹ کے مطابق 150 زائرین کو انتہائی سخت سیکورٹی میں دالبندین سے آرمی کے سی 130طیارے کے ذریعے کوئٹہ منتقل کردیا گیا زائرین کی بسوں کو تفتان سے انتہائی سخت سیکورٹی کے حصار میں دالبندین پہنچایا گیا مزید 151زائرین کو ائیر پورٹ پر روک لیا گیا تھا ، جنہیں آج خصوصی پرواز کے ذریعے کوئٹہ منتقل دیا گیا ہے۔ دوسری جانب پاکستان کے صوبے بلوچستان میں دہشت گردی کے واقعات کی روک تھام کیلئے آپریشن کا آغاز ہوگیا ہے، پولیس‘ایف سی اور دیگر سیکیورٹی اداروں کے سیکڑوں اہلکاروں نے مستونگ اور ضلع پنجگور کے علاقوں میں ٹارگٹڈ آپریشن شروع کردیا،جس میں ہیلی کاپٹروں اوربکتربندگاڑیوں کی مددبھی لی گئی،آپریشن کے دوران 17مشتبہ افراد کو حراست میں لیکرکوئٹہ منتقل کردیاگیا۔ ادھر صوبے بلوچستان کےضلع پنجگور میں آپریشن کے دوران ایک اہم شدت پسند کمانڈر اوراس کے ساتھیوں کو گھیرے میں لئے جانے کی اطلاع ہے جہاں دونوں جانب سے وقفے وقفے کیساتھ فائرنگ کا تبادلہ جاری ہے۔