محسن انسانیت ، رسول مقبول ، حضرت محمد ۖانسانیت کے لیے واحد سہارا ہیں جن کی تعلیمات اور اسوۂ حسنہ کو مشعل راہ بنا کر عصر حاضر میں انسان انفرادی اور سماجی مشکلات پر قابو پا سکتے ہیں اس مقصد کے لیے آپۖکی عظمت و رفعت ،برتری و بزرگی کو دل وجان سے تسلیم کر نے کے ساتھ ساتھ آپۖ کی حقوقی شخصیت کی معرفت حاصل کرنے اور اس کے تقاضوں کو پورا کرنے کی ضرور ت ہے ۔ مقامہ بعنوان ''حقوق النبی ۖ ''میں قرآن و سنت اور عقل کی روشنی میں ان حقوق نبی ۖکا جائزہ لیا گیا ہے جن کی ادائیگی تمام انسانوں پر با لعموم اور امت مسلمہ پر بالخصوص لازم ہے ان میں سے بعض اہم حقوق زیر بحث لا ئے گئے ہیں :

١۔معرفت نبی ۖ، ٢۔حّب نبی ۖ، ٣۔اطاعت و اتباع نبی ۖ ،

٤۔توقیر واکرم نبی ۖ ٥۔ آپۖ پر جھوٹ نہ بولنا، ٦۔آپ ۖ پر درود بھیجنا ،

قرآن و سنت کی رو سے انسانوں پر بالعموم اور امت مسلمہ پر بالخصوص محسنِ انسانیت ،رسول مقبول ،خاتم النبین ، رحمة للعالمین حضرت محمد ۖ کے کچھ حقوق ثابت ہیں جن کی ادائیگی ان پر لازم ہے اور یہ عقیدہ تو حید اور عقیدۂ رسالت کا بنیادی تقاضا بھی ہے ، یہ آپ ۖ کی خصوصیت ہے کہ اللہ تعالیٰ نے قرآن مجید میںجہاں آپۖ کی عظمت اور آپۖ کے خلق عظیم کو بیان کیا ہے وہاں حقوق نبی کا بھی تذکر ہ کیا ہے ،ان میں سے بعض اہم حقوق درج ذیل ہیں ۔

١۔معرفت نبی ۖ ٢۔حّب نبی ۖ ٣۔اطاعت و اتباع نبی ۖ

٤۔تعظیم واکرم نبی ۖ ٥۔آپۖ پر جھوٹ نہ بولنا ٦۔آپ ۖ پر درود بھیجنا

پہلا حق :

معرفتِ نبی ۖ :

سب سے پہلے ضروری ہے کہ پیغمبر ِاسلام کی معرفت حاصل کی جائے کیونکہ باقی حقوق کی ادائیگی اسی پر موقوف ہے جیسے کسی کے بارے میں معرفت ہوتی ہے اس طرح اس کے بارے میںعقیدہ اور عمل ہو تا ہے ،البتہ اس مقام پر اس بات کا اعتراف کیے بغیر کوئی چارہ نہیں ہے کہ ا گر رسول گرامی ۖکی معرفت کا ملہ کا حصول نا ممکن نہیں تو مشکل ضرور ہے ۔

ا س کی وجہ یہ ہے کہ آپۖ کی معرفت کا ملہ اس وقت حاصل ہو گی جب آپ ۖ کے تما م شؤون (حیثیتوں ) سے پوری آگاہی حاصل ہو جو کہ اگر ناممکن نہیں تو مشکل ضرور ہے ،بعض شؤون نبی درج ذیل ہیں ۔

دنیوی ۔اخروی ظاہری ۔باطنی

جسمانی ۔عقلانی ۔روحانی قرآن مجید اور باقی آسمانی کتب میں

یہی وجہ ہے کہ کوئی بھی انسان آپۖ کی معرفت کا ملہ کا دعوایدار نہیں ہے۔معرفت نبی ۖکے (Sources)درج ذیل ہیں :

١۔قرآن مجید ٢۔دیگر آسمانی کتب ٣۔سنت رسول ۖ ٤۔اقوال اہل بیت

٥۔اقوال امھات المومنین ٦۔اقوال صحابہ کرام رضی اللہ عنہ٧۔مسلمان مفکرین کی آراء ٨۔غیر مسلم مفکرین کی آرائ

قرآن وحدیث کی روشنی میں آپۖ کی اجمالی معرفت کے درج ذیل پہلو ہیں ۔

(الف )ختم نبوت :

آپۖ اللہ تعالیٰ کے آخری نبی ورسول ہیں۔ ختم نبوت پر امت مسلمہ کا اجماع ہے ،ارشاد الٰہی ہے :

''مَا کَانَ مُحَمَّد اَبَآ اَ حَدٍمِّنْ رِّجَالِکُمْ وَلٰکِنْ رَّسُوْلَ اللّٰہِ وَخَاتَمَ النَّبِينَ '' ١

''(محمد ۖ)تمہارے مردوں میں سے کسی کے باپ نہیں ہیں مگر وہ اللہ کے رسول ۖ اور خاتم النبین ہیں ''

خاتم یعنی مہر جیسے خط کے آخر میں اس کے اختتام کی نشاہدہی کر تی ہے اسی طرح آپۖ وجودِ مبارک تمام انبیاء عظام کے صحیفہ نبوت کے ختم ہو جانے کی گواہی دیتا ہے ،اب اور قیامت تک نہ کو ئی نبی آئے گا اور نہ کو ئی رسول ۖ ، آپۖ کے بعدنزولِ وحی کا سلسلہ ختم ہو گیا ،البتہ نازل شدہ وحی کی تشریح و تفسیر اور تبیین کی ضرورت کا انکار نہیں کیا جا سکتا ہے ۔

ختم نبوت کا عقیدہ امت مسلمہ پر یہ ذمہ داری بھی عائد کر تا ہے کہ وہ اب انسانی معاشرہ میں نبوت کا پیغام دوسروں تک پہنچائے اور اپنے قول وفعل سے دوسروں کو ہدایت کر ے ۔علامہ محمد اقبال نے کتنے خوبصورت انداز میں اس ذمہ داری کی تشریح کی ہے ۔

پس خدا برما شریعت ختم کرد بر رسول ما رسالت ختم کرد

رونق از مامحفل ایام را او رسل راختم وما اقوام را

خدمت ساقی گری با ما گذاشت داد ما آخریں جامے کہ داشت

ترجمہ :

خدا نے ہم پر شریعت ختم کر دی ہے (جیسے )رسول اللہ ۖپر رسالت ختم کر دی ہے ، محفلِ ایام (دنیا )کی زینت و رونق ہماری وجہ سے ہے (آپۖ تما م نبیوں اور رسولوں میں سے اکرم و افضل ہیں اور ہم امت مسلمہ تمام امتوں میں سے افضل ہیں)اب اللہ تعالیٰ نے ساقی گری کی خدمت ہم پر چھوڑ دی ہے (اب ہمارا فریضہ دوسری امتوں تک پیغام ہدا یت پہنچانا ہے)اللہ تعالیٰ (ہدایت )کا جو آخری جام بنی نوع انسان کو عطا کرنا چاہتا تھا وہ اس نے ہمیں(قرآن مجید کی شکل میں ) عطافرما دیا ۔

(ب)انسان کامل :

آپ صورت وسیرت ،خلق وخُلق کے لحاظ سے تمام بنی نوع انسان میںبے مثل ہیں ،اللہ تعالیٰ نے آپۖ کو ہر قسم کے عیوب سے پاک و پا کیزہ پیدا کیا ہے ۔

اس واقعیت کا اظہار شاعر ِرسول ۖ ،ثنا خوان نبی حضرت حسان بن ثابت نے یہ کہہ کر کیا ہے :

خُلِقْتَ مُبَرَّأً مِنْ کُلِّ عَيبٍ کَأَنَّکَٔ قَدْ خُلِقْتَ کَمَا تَشَآئُ

آپۖ ہر عیب سے خالی پیدا کیے گئے ہیں گویا آپ ۖکی تخلیق آپ کے منشاء کے مطابق کی گئی ہے

وَاَحْسَنَ مِنْکَ لَمْ تَرَقَطُّ عَينِیْ وَاَجْمَلَ مِنْکَ لَمْ تَلِدِ النِّسَائُ

اور آپۖ سے زیادہ حسین میری آنکھ نے کبھی نہیں دیکھا اور آپۖ سے زیادہ جمیل، عورتوں نے کبھی جنا

شیخ سعدی نے آپ کی اعلیٰ وبرتر شخصیت اور خوبصورت شمائل کے بارے میں فرمایا ہے :

بَلَغَ الْعُلٰی بِکَمَالِہ کَشَفَ الدُّجٰی بِجَماَلِہ

آپۖ اپنے کمال کی طاقت سے بلندیوں پر پہنچے آپۖ کے حسن و جمال سے تاریکیاں چھٹ گئیں

حَسُنَتْ جَمِيعُ خِصَالِہ صَلُّوْ عَلَیہْ وَآلِہ

آپ ۖکے شمائل بہت خوبصورت تھے آپ ۖپر اور آپ ۖکی آل پر درود بھیجو

اس ذیل میں عظیم شاعر حافظ شیرازی نے فرمایا ہے

یاَ صَاحِبَ الْجَمَالِ وَيا سَيدَ البَشَرِ مِنْ وَجْھِکَ الْمُنْیرِ لَقَدْ نُوِّرَ الْقَمَرُ

اے صاحب جمال ،اے سیدالبشر! آپ کے چہرہ پر نور سے ہی چاند منورہوا

لاَ ےُمْکَنُ الثَنآ ئُ کَمَا کَانَ حَقُّہ بعد از خدا بزرگ، توئی قصہ مختصر

آپۖ کی ثنا اور نعت کا حق ادا کرنا ممکن نہیں مختصر یہ کہ اللہ تعالیٰ کے بعد بزرگتر آپۖ ہی کی ذات ہے

(ج)افضل الا نبیا ء والمرسلین :

آپۖ تمام انبیا ء و المرسلین میں سے افضل ہیں اور ا س فضلیت کے کئی اسباب ہیں :

(١)حضرت عیسیٰ ـ نے آپۖ کی آمد کی بشارت دی ہے ،ارشاد ربانی ہے

''وَمُبَشِّرًا بِرَسُوْلٍ ياتِیْ مِنْ بَعْدِی اسْمُہ اَحْمَدُ ''٢

''جناب عیسیٰ نے بنی اسرائیل کو مخاطب کر کے کہا کہ اے بنی اسرائیل میں تمہاری طرف اللہ کا بھیجا ہوا رسول ہو ں تصدیق کرنے والا ہوں اس تورات کی جو مجھ سے پہلے آئی ہوئی موجود ہے اور بشارت دینے والا ہوں ایک رسول کی جو میرے بعد آئے گا جس کانام احمد ہے''

اگر پیغمبر اسلام اور دیگر انبیا ء عظام یا حضرت عیسیٰ ـ آپۖکے ہم رتبہ ہو تے تو اس بشارت کی کیا اہمیت رہتی ہے ؟ اسی طرح قرآن مجید میں کئی مقامات پر اور زبور میں بھی آپۖ کی آمد کی بشارت دی گئی ہے ۔

(٢)مخلوق اوَّل :

روایات کی روشنی میں آپ خلقت نوری کے اعتبار سے اولین مخلوق ہیں ،فرمان نبویۖ ہے :

''اول ماخلق اللہ نوری ''

''سب سے پہلے اللہ تعالیٰ نے میرے نو ر کو خلق کیا ہے ''

یہ مضمون متعدد، روایات میں آیا ہے ۔٣

(٣)صاحبِ لولاک:

مشہور حدیث قدسی میں ارشاد ربانی ہے :

''لولاک لما خلقت الا فلاک''٤

''اے حبیب اگر آپ نہ ہو تے تو ہم افلا ک یعنی کائنات کو خلق نہ کرتے ''

اس حدیث قدسی کے مطابق آپ وجہِ تخلیق کا ئنات ، مقصودِ کائنات اور اصلِ وجان کائنات ہیں ۔کائنات کی رونق اور عظمت آپۖ کی تشریف آوری کی بدولت ہے ۔علامہ محمد اقبال بھی اسرار و رموز میں فرماتے ہیں

اے ظہور تو شباب زندگی جلوہ ات تعبیر ِخواب زندگی

آپۖ کی تشریف آوری سے زندگی کوشباب نصیب ہوا اورآپۖ کا ظہور خوابِ زندگی کی تعبیر ہے۔

اگر آپۖ کا ظہور نہ ہو تا تو حیات ِکا ئنات کا خواب شرمندۂ تعبیر نہ ہو تا۔

(٤)مقام نور ی میں پہلے نبی ۖ :

آپۖ مقام نوری میںاس وقت بھی نبی تھے جب حضرت آدم ـ تخلیق کے عمل سے گزر رہے تھے

ارشاد نبوی ہے:

''کُنْتُ نَبِياً وَآدَمُ بَينَ الْمآ ئِ وَالطِّينِ ''

''میں اس وقت نبی تھا جب آدم ـ پانی اور مٹی کے درمیان تھے ''

علامہ اقبال نے بھی کہا ہے :

جلوہ او قدسیاں راسینہ سوز بود اندر آب و گل آدم ہنوز

آپۖ کا جلوہ اس وقت بھی فرشتوں کے سینو ںکو گرما رہا تھا جب حضرت آدم ـپانی اور مٹی کے درمیان تھے

(٥)گزشتہ شرائع منسوخ:

آپۖ کی شریعت کے بعد تمام گزشتہ شرائع منسوخ کی گئیں اور نزول قرآن کریم کے بعد تمام گزشتہ آسمانی کتابیں منسوخ ہو ئیں ،قیامت تک شریعت محمدیہ اور قرآن کی تعلیمات حاکم ہیں۔

دوسرا حق ۔

حبّ نبی ۖ:

امت مسلمہ پر آنحضرت ۖ کا ایک حق آپ ۖ سے حّب اور عشق کا جذبہ ہے ،حّب خدا کے ساتھ حّب نبیۖ ایمان کا تقاضا ہے ، اس کے بغیر ایمان کا مل ہے نہ اتباع ممکن ہے ،حّب نبیۖ دنیا اور آخرت میںکا میابی کا راز ہے،حّب نبی ۖملت مسلمہ کی اجتماعیت کا ایک اہم عامل ہے ،علامہ اقبال نے اس ضمن میںکہا ہے :

دل بہ محبوب حجازی بستد ایم زیں جہت بایک دگر پیوستہ ایم

رشتہ مایک تولایش بس است چشم ما راکیف صہبا یش بس است

عشق او سرمایہ جمعیت است ہمچوں اندر عروق ملت است

عشق درجاں و نسب در پیکر است رشتہ عشق از نسب محکم تر است

ہم نے حجازی محبوب (سرکار دو جہاں حضرت محمد مصطفی ۖ)سے دل لگایا ہے

اسی سبب سے ایک دوسرے کے ساتھ ہمارا (ایمانی ،روحانی) رشتہ جڑگیا ہے

صرف آپۖ کی محبت ہی سے ہمارا باہمی رشتہ ہے

ہماری آنکھ صرف آپۖ کی (محبت )کی شراب سے مست ہے

آپۖ کا عشق ملت کی جمعیت کا سرما یہ ہے

وہ ملت کی رگوں میں خون کی مانند دوڑ رہا ہے

عشق کا تعلق جان سے ہے اور نسب کا بدن سے

اس لیے عشق کا رشتہ نسب سے زیادہ پختہ ہے

حّب نبیۖ سنت الہیہ اور حکم ِ خدا ہے ،ارشاد باری تعالیٰ ہے ۔

''قُلْ اِنْ کَانَ اٰبَآ ؤُ کُمْ ۔۔۔۔۔۔وَاللّٰہُ لاَ ےَھْدِی الْقَوْمَ الْفٰسِقِےْنَ ''٥

''اے نبی کہہ دو کہ اگر تمہارے باپ اور تمہارے بیٹے اور تمہارے بھائی اور تمہاری بیویاں اور تمہارے عزیز و اقارب اور تمہارے وہ مال جو تم نے کمائے ہیں اور تمہارے وہ کاروبار جن کے ماند پڑجانے کا تم کو خوف ہے اور تمہارے وہ گھر جو تم کو پسند ہیں ،تم کو اللہ اور اس کے رسول اور اس کی راہ میں جہاد سے عزیز تر ہیں تو انتظا ر کرو یہاں تک کہ اللہ(تعالیٰ) اپنا فیصلہ تمہارے سامنے لے آئے اور اللہ فاسق لوگوں کی رہنمائی نہیں کرتا ''

اس آیت کریمہ میں زیادہ حبّ کو اللہ تعالیٰ اس کے رسول ۖاور جہاد فی سبیل اللہ سے متعلق قرار یا گیا ہے کہ ان تینوں سے مومنین کے دلوں میں محبت زیادہ ہونی چاہیے ،نیز حّب خدا کے ساتھ حّب نبی کا تذکرہ کیا گیا ہے ،اس سے یہ ثابت ہو تا ہے کہ یہ بھی ایک بہت بڑا حق ہے۔

اسی طرح ارشاد نبوی ہے :

''عن انس قَال رَسُوْلُۖ اللِٰہ لَا يومِنُ اَحَدُکُمْ حَتّٰی اَکُوْنَ اَحَبَّ اِلَيہِ مِنْ وَالِدِہ وَوَلَدِہ وَالنَّاسِ اَجْمَعِينَ ''٦

''حضرت انس بن مالک سے روایت ہے کہ حضور ۖ نے فرمایا : تم میں سے کو ئی مومن نہیں ہو سکتا جب تک میں اُس کو اس کے باپ اور اولاد اور تمام انسانوں سے بڑھ کر محبوب نہ ہوں ''

اس مضمون کی حدیث صحیح مسلم میں بھی ہے ۔

حّب رسول کا حق تب ادا ہو گا جب وہ دنیا کی تمام محبتوں پر غالب آجائے اور آپۖ کو اپنی جان ،اپنی اولاد ہی نہیں بلکہ تمام انسانوں سے مقدم جانے ۔

ارشاد خداوندی ہے :

''اَلنَّبِیُّ اَوْلٰی بِالْمُؤْمِنِينَ مِنْ اَنْفُسِھِمْ''٧

''نبی اہل ایمان کے لیے ان کی جانوں پر مقدم ہیں ''

اہمیت :

حبّ رسول ۖ کی اہمیت میں یہی کافی ہے کہ یہ حکم خدا،حکم رسول ۖہو نے کے ساتھ ساتھ سیرت اہل بیت ، سیرت صحابہ رضی اللہ عنہم اور سیرت مسلمین بھی ہے ،یہ وہ نسخہ کیمیا ہے جو مسلمان کو سلمان میں بدل دیتا ہے ۔اسی جذبہ محب نبیۖ کی بدولت صدر اسلام کے عرب کس قدر تیزی سے ''اولئک کا لا نعام '' کے مرحلے سے '''کنتم خیر امة'کی منزل پر فائز ہو ئے ،علامہ اقبال نے اسرار و رموزمیں کیا خوب فرمایا ہے :

دل زعشق او توانا میشود خاک ھمدوش ثریا مشود

خاکِ نجد از فیض او چالا ک شدآمد اندر وجد، وبرافلاک شد

در دل مسلم مقام مصطفی است آبروئے مازِ نام مصطفی است

دل آپ ۖ کے عشق وحّب سے قوی ہو تا ہے (یہی وجہ ہے کہ صدر اسلام کے مسلمانوں نے کس قدر حیران کن کا ر نامے سر انجام دئیے) حّب نبی کی بدولت خاک بھی ثریا کے ہمدوش وہم پلہ ہو جاتی ہے ۔نجد کی خاک آپ ۖ کے فیض و برکت سے بلند ہو گئی ۔اس خاک پر وجد کی کیفیت طاری ہو ئی اور وہ آسمان پر جا پہنچی (حقیقی )مسلمان کے دل میں حضرت مصطفی ۖ ہی بستے ہیں ۔ہماری عزت و آبرو آپ ۖ کے نام گرامی کی بدولت ہے (کہ اہم امت محمد یہ کہلا تے ہیں اور امت محمد ۖ کی قرآن کریم میں کس قدر عظمت بیان کی گئی ہے )

قرآن وحدیث کے مطابق کسی بھی شخصیت سے حب رکھنے کے جتنے اسباب ہو سکتے ہیںوہ تمام آپ ۖ کی شخصیت میں موجود ہیں :

صدر ِ اسلام میں حّب نبی ۖ کے بے مثال نمونے :

صدرِ اسلام سے حبّ نبی بے مثال نمونے تاریخ اسلام میں ثبت ہیں کفیل نبی اکرم ۖ حضرت ابو طالب نے حّب نبی ۖ کے سلسلہ میں اپنی،اپنے بیٹوں ،بھائیوں،اور بھتیجوں کی جان پر بھی نبی ۖ کو مقدم رکھا ،آپ ۖ کو اپنی اولاد سے بھی زیادہ عزیر رکھا ۔حّب نبی ۖ کا یہ جذبہ منفرد و بے مثال ہے اسی طرح صحابہ کرام نے بھی حبّ نبی ۖ کی بمثال تاریخ رقم کی ہے۔صلح حدیبہ کے موقع پر عروہ بن مسعود ثقفی جو قریش کی جانب سے آپ ۖ کے پاس سفیر بن کر آئے تھے اور ابھی وہ مسلمان نہیں ہو ئے تھے انہوں نے حضور ۖسے صحابہ کرام کی محبت وعقیدت کے جو مظاہر دیکھے وہ انہوں نے یوں بیان کیے ہیں ،اے میری قوم ،بخدا میں قیصر وکسریٰ اور نجاشی جیسے بادشاہوں کے پاس جا چکا ہوں ،بخدا میں نے کسی بادشاہ کو نہیں دیکھا کہ اُس کے ساتھی اتنی تعظیم کر تے ،جتنی محمد ۖ کے ساتھی محمد ۖ کی

کر تے ہیں ،خدا کی قسم ان کے ساتھی محمد ۖ کا لعابِ دہن نیچے نہیں گرنے دیتے بلکہ وہ کسی نہ کسی کی ہتھیلی پر گرتا تھا اور وہ شخص اسے اپنے چہرے اور جسم پر مل لیتا تھا اور جب وہ انہیں کوئی حکم دیتے تھے تواس کو بجالا نے کے لیے سب دوڑ پڑتے تھے توسب اپنی آوازیں پست کر لیتے تھے اور زیادہ تعظیم کے سبب وہ آپ کی جا نب نظر اٹھا کر نہیں دیکھتے تھے ۔٨

اے کاش ! حبّ مصطفی ۖکا یہ جذبہ اگر آج بھی مسلمانوں کے دلوں میں متحرک ہو جائے توشاید امت مسلمہ کی تقدیر بدل جائے ۔

(١)حسن وجمال:

آپ کے حسن و جمال کی کیا تفسیر کی جا ئے کہ آپۖ ہر قسم کے ظاہری اور باطنی عیب سے پاک ہیں ،جب آپۖ نور ہیں تو نور میں عیب کا تصور ہی کیونکر ہو سکتا ہے ۔

(٢)اخلاق حسنہ :

آپۖ کا اخلاق حسنہ کے مالک تھے آپ ۖ نے اپنی بعثت کامقصد ہی مکارم اخلاق کی تکمیل بتایا ہے ۔

ارشاد نبوی ۖ ہے :

''انما بعثت لا تمم مکارم الاخلاق''

''مجھے اخلاق کر یمہ وحسنہ کی تکمیل کے لیے مبعوث کیا گیا ہے ''

یقینا آپ ۖ سے پہلے کے انبیا ء عظام نے بھی انسانی اخلاق کے عمدہ نمونے پیش کیے ہیں لیکن اخلاق محمد یہ سے اُن کی تکمیل ہو ئی ہے ،اب آپ ۖ کے اخلاق سے بڑھ کرخلق کی کو ئی مثال پیش نہیں کی جا سکتی ہے ۔

غور طلب یہ کہ خلق محمدی ۖکی مثالیں بعثت کے بعد کی نہیں ہیں بلکہ بعثت سے پہلے بھی اس وقت کے انسانی معاشرے میں اخلاق حسنہ میں آپ سے بڑھ کر کو ئی نہ تھا ،آپ ۖ کے حسن اخلاق کی شہرت تھی چنانچہ اہل مکہ آپۖ کے اخلاق اور بلند کردار سے متاثر ہو کر آپۖ کو الصادق اور الا مین کے القابات سے پکارتے تھے ۔

آپۖ کے خُلق کی گواہی قرآن مجید نے دی ہے ۔ارشاد الٰہی ہے :

''وَاِنَّکَ لَعَلٰی خُلُقٍ عَظِےْم '' ٩

''اور بے شک تم اخلاق کے بڑے مرتبے پر ہو ''

(٣)احسان اور حسن سلوک :

آپ ۖ صرف محسن انسانیت نہیں بلکہ رحمة للعالمین ہیں ۔ارشاد ربانی ہے

''وَمَآ اَرْسَلْنٰکَ اِلَّا رَحْمَةً لِّلْعٰلَمِےْنَ ''١٠

''ہم نے آپ کو دنیا والوں کے لیے رحمت ہی بنا کر بھیجا ہے ''

رحمة للعالمین ۖ آپ کی خاص صفت ہے ۔آپۖ یقینا عالمین کے لیے سر چشمہ رحمت ہیں ،آپۖ کی رحمت انسانوں میںسے ہر طبقہ کو شامل تھی اورآپ ۖ کا مشہور خطبہ ''حجة الوداع ''آپۖ کے رحمة للعالمین ہو نے کا بین ثبوت ہے یہ انسانی حقوق (Human Rights )کا ایک عالمگیر ،جامع اور اکمل منشور ہے ،مرد،عورتیں ،بچے ،بوڑھے ،یتیم ، مسکین ، آزاد ، غلام ،مسلم یہاں تک کہ غیر مسلم بھی آپ کی رحمت سے محروم نہ رہے ۔غیر ذوی العقول حیوانات ،درخت پرندے ، بھی رحمت محمد ۖیہ سے محروم نہ رہے۔ آپۖ نے انسانوں کے علاوہ جنوں اور ملائکہ کی طرف بھی نظر کرم فرمائی،قرآن مجیدنے (القرآنُ يفَسَّرُ بَعْضُہْ بَعْضًا )کے اصول کے مطابق رحمة للعالمین کی اس طرح تفسیر کی ہے

ارشاد ربانی ہے :

''لَقَدْ جَآ ئَ کُمْ رَسُوْل مِّنْ اَنْفُسِکُمْ عَزِيز عَلَيہِ ۔۔۔۔بِالْمُؤْمِنِينَ رَئُ وْف رَّحِيم '' ١١

''دیکھو تمہارے پاس ایک رسول آیا ے جو خود تم ہی میں سے ہے ۔تمہارا نقصان میں پڑنا اس پر شاق ہے تمہاری فلاح کا وہ حریص ہے ،ایمان لا نے والوں کے لیے وہ شفیق اور رحیم ہے ''

حضو ر ۖ کس قدر امت کے لیے شفیق و مہربان تھے کہ ہمیشہ امت کی فلاح اور راہ ہدایت پر باقی رہنے کی آپۖ کو فکر رہتی ،اس مقصد کے لیے آپ ۖ نے کتنی تکالیف اٹھائیں ،غار حرا میں خلوت نشینی ،اللہ تعالیٰ کے ''قول ثقیل '' (بھاری کلام ) یعنی قرآن کا بار اٹھانا ،ہجرت ،غزوات و سرایا ،یہ سب کچھ آپ نے ہدایت ِامت کے لیے انجام دیا پھر آپۖ نے اپنے عمل اور وحی خداوندی کے ذریعے ایک ایسی ملت کی تربیت کی جو ''خیر الامم ''کا مصداق بنی ۔

علامہ محمد اقبال نے

مصطفٰی اندر حرا خلوت گزید مدتی جز خویشتن کسی را ندید

نقش مادر دل او ربخشند ملتے از خلو نتش انگیختند

حضرت محمد مصطفٰی ۖنے غار حرا میں خلوت اختیار کی اور ایک مدت تک اپنے سوا کسی کو نہ دیکھا

ہمارا نقش قدرت کی طرف سے حضور اکرم ۖ کے دل میں ڈالا گیا آپ کی خلوت کے اندر سے ایک نئی ملت ابھر ی آپ ۖ کو حیات کے آخری لمحات تک اگر فکر رہی تو امت کی رہی ،اس کے معنی یہ ہیں کہ روحانی ودینی قیادت کو اپنی نہیں بلکہ امت کی فکر رہتی ہے ،صرف موجودہ نہیں بلکہ بعد میں آنے والی نسلوں کی فکر اُسے تڑپاتی ہے آپ ۖ نے وفات سے چار دن پہلے جب کہ آپ سخت تکلیف میں تھے ،اس وقت بھی ہدا یت امت کے سلسلہ میں صحابہ کرام کو حکم دیا ۔

''ھَلُمَّ أَکْتُبْ لَکُمْ کِتَاباً لَا تَضِلُّوْا بَعْدَہُ ''١٢

'لائو میں تمھیں ایک تحریر لکھ دو ں جس کے بعد تم لو گ گمراہ نہ ہو گے ''

رحمت محمدیہ ۖ سے آپ کے دشمن بھی محروم نہ رہے چنانچہ جنہوں نے آپۖ کے مشن کو قبول نہ کیا ان کے لیے بھی آپ شفیق ورحیم تھے ،یہی وجہ ہے کہ آپۖ نے دشمنوں تک کو بد دعا نہ دی بلکہ اُنہیں ہدایت کی دعا دی ہے ،جنگ اُحد کے موقع پر آپۖنے آپۖ کوزخمی کرنے والوں ،آپۖ کے ایک دانت کو شہید کر نے والوں کے بارے میں بھی بارگاہ خداوندی سے درخواست کی ۔

''اَللّٰھُمَّ اھْدِ قَوْمِیْ فَاِنَّھُمْ لَا يعْلَمُوْنَ '' ١٣

''اے اللہ میری قوم کو ہدایت دے وہ نہیں جانتی ''

علامہ اقبال نے اسرار و رموز میں رحمت محمدیہ ۖ کی وضاحت میں کہاہے :

لطف و قہر او سراپا رحمتے آں بیاراں ایں باعِدا رحمتے

آں کہ بر عِدا دررحمت گشاد مکہ را پیغام لا تثریب داد

''آپ کی مہربانی اور سختی اور دونوں سراپا رحمت ہیں اور ان کا سر چشمہ رحمت ہے (جیسا کہ اولاد پر والدین کی مہربانی اورسختی ان پر شفقت کی وجہ سے ہو تی ہے) (وہ لطف ومہربانی )دوستوں (صاحبان ایمان )کے لیے اور یہ (سختی و قہر)دوشمنوں کے لیے وہ ذات گرامی کہ جس نے دشمنوں کے لیے بھی رحمت کا دروازہ کھول دیا (فتح مکہ کے موقع پر دشمنوں سے انتقام لینے کی بجائے )مکہ والوں کو لاتثریب علیکم (تمہارے لیے کو ئی سزا نہیں )کا پیغام دیا ''۔

آپۖ کا وجودمقدس صرف مسلمان نہیں بلکہ کفار کے لیے بھی رحمت کا سر چشمہ تھا۔ کفار آپ کی بدولت اجتماعی عذاب سے محفوظ رہے ،ارشاد الٰہی ہے :

''وَمَا کَانَ اللّٰہُ لِيعَذِّبَھُمْ وَاَنْتَ فِيھِمْ '' ١٤

''جب تک آپ ان میں موجود ہیں اللہ (تعالی)ان پر عذاب نہیں بھیجے گا ''

اتنے رحیم ،شفیق ومہربان لیڈر کی محبت و عشق کے جذبہ کا تمام انسانوں اور بالخصوص مسلمانوں کے دلوں میں پیدا ہو نا فطری ہے ۔مسلمان تو آپۖ کے نام پر جان چھڑکتے ہیں ۔

تیسرا حق۔

اطاعت و اتباع نبی ۖ:

حق معرفت کا تعلق ذہنیت(Mentality) سے ہے۔ حق حّب کا تعلق احساس (Feeling)سے ہے اورحق اطاعت و اتباع کا تعلق عمل (Practice) سے ہے ،پہلے د و حقوق اس لیے ضروری ہیں کہ مومن کے دل میں اطاعت واتباع نبی کامحرّک پیدا ہو ،اگر ایسا محرّک پیدا ہو تا ہے تو معرفت اور حب نبی Activeہیں ورنہ Passiveہیں ۔

اہمیت :

اطاعت اور اتباع نبی ۖ کے بغیر دین خداوندی پر عمل کرنا ممکن نہیں ہے کیونکہ اللہ تعالیٰ واجب الوجود ہے اور انسان ممکن الوجود ،ممکن الوجود کس طرح بلا واسطہ واجب الو جود سے ہدا یت لے سکتا ہے ،لہذا درمیان میں ایسی ہستیوں کا ہونا ضروری ہے جو اللہ تعالیٰ سے پیغام ہدایت لے کر انسان تک پہنائیں یہ انبیاء ورسل کہلاتے ہیں ،یہ معصوم ہو تے ہیں اور اپنے قول وفعل سے مرضی خدا کی خبر دیتے ہیں اور انسانوں کو اللہ کی طرف سے مقرر کر دہ راستے پر چلنے کی ہدایت و رہنمائی کر تے ہیں۔ نبوت کا سلسلہ حضرت آدم ـ سے شروع ہوا،حضور ۖ پر ختم کر دیا گیا۔ آپۖ کی ذات و گرامی صفات میں آدمیت اور رسالت دونوں اپنے کمال کو پہنچ گئیں ،کیا عظمت ہے ذات ِ مصطفی کی جن کا قول اور فعل اس قدر مرضی خدا کا عکاس اور وحی خداوندی سے متصل ہے کہ خود آپۖ کے قول اور فعل سے دین کی حدود متعین ہو تی ہیں

بہ مصطفی بر ساں خویش را کہ دیں ھمہ است

تو حضرت مصطفیٰ تک خود کو پہنچا (ان کی اطاعت و اتباع کر) کہ حضور ہی مکمل دین ہیں

اگر بہ اومزیدی تمام ابو لبھی است ١٥

اگر تو آنحضرت تک نہیں پہنچتا تو تیرا سارا دین ابو لہب کا دین ہے

طاعتے سر مایہ جمعیتے زحدود مصطفیٰ بیرون مرو١٦

اطاعت شعاری جمعیت (Society)کا سرمایہ ہے آپۖ کے مقرر

کر دہ آئیں کی حدود سے با ہر نہ نکل

اطاعت اور اتباع میں فرق :

اطاعت کا تعلق اللہ تعالیٰ اور رسول اللہ ۖ دونوں سے ہو سکتا ہے جب کہ اتباع کا تعلق صرف رسول اللہ ۖسے ہے۔قرآن مجید میں اتباع نبی کا حکم تو ہے مگر اتباع خدا کا حکم نہیں ہے ، اس کی وجہ یہ ہے کہ اتباع نقش قدم پر چلنے کا نام ہے جب اللہ تعالیٰ جو جسم و جسمانیات سے منزہ ہے اس کا قدم ہی نہیں تو نقش قدم اس کے لیے ناقابل تصور ہے ۔ اطاعت نبی ۖکے باب میں ارشاد ربانی ہے ۔

''ياٰ اَيھَاالَّذِينَ اٰمَنُوْااَطِيعوُاللّٰہَ وَاَطِيعُواالرَّسُوْلَ وَاُولِی الْاَمْرِمِنْکُمْ ''٧ ١

''اے صاحبان ایمان ،اطاعت کر و اللہ کی اور اطاعت کرو رسول کی اور تم میں سے صاحبان امر کی ''

دوسرے مقام پر ارشادفرمایا کہ اطاعت نبی در حقیقت اطاعت خدا ہے ۔

''مَنْ يطِعِ الرَّسُوْلَ فَقَدْ اَطَاعَ اللَّہَ ''١٨

''جس نے رسول کی اطاعت کی بے شک اس نے اللہ کی اطاعت کی ''

اتباع نبی کی اہمیت یہ ہے کہ یہ محبت خدا کی دلیل ہے ۔ارشاد خداوندی ہے

''قُلْ اِنْ کُنْتُمْ تُحِبُّوْنَ اللّٰہِ فَاتَّبِعُوْ نِیْ '' ١٩

''اے نبی کہہ دو کہ اگر تم اللہ سے محبت رکھتے ہو تو میری اتباع کرو اللہ تم سے محبت کر ے گا ''

دوسرا فرق اطاعت اور اتباع میں یہ ہے کہ اطاعت اقوال میں ہو تی ہے اور اتباع افعال میں ، اطاعت و اتباع نبی ۖ کے معنی یہ ہیں کہ نبی ۖ کے اقوال (حدیث )اور افعال دونوں حجت ہیں ،اس لیے سنت رسول ۖ میں قول نبی ، فعل نبی اور تقریر نبی ۖ تینوں شامل ہیں ۔آپ ۖ کا قول اور فعل دونوں با ب ہدا یت میںحجت ہیں،اسی لیے اللہ تعالیٰ نے ان دونوں کی صحت کی ضمانت دی ہے ۔اللہ تعالیٰ کا ارشاد ہے۔

''وَمَا ينْطِقُ عَنِ الْھَوٰیO اِنْ ہُوْ اِلَّا وَحْی يوْحٰی''٢٠

''اور رسول اپنی خواہش سے کچھ نہیں بولتا سوائے وحی کے جو اس پر کی جاتی ہے''

اس آیت کریمہ میں نطق نبیۖ کو وحی خداوندی میں محدودکیا گیا ہے اور یہ اللہ کی طرف سے کلام ِنبی ۖ کی صحت کی سند ہے اسی طرح فعل نبی کی صحت کے بارے میں فرمایا

''وَمَا اٰتٰکُمُ الرَّسُوْلُ فَخُذُوْہُ وَمَا نَھٰکُمْ عَنْہُ فَانْتَھُوْا''١ ٢

''اورجو کچھ رسول تمہیں د ے اسے لے لو اور جس سے منع کرے اس سے باز رہو ''

نیز ارشاد فرمایا :

''لَقَدْ کَانَ لَکُمْ فِیْ رَسُوْلِ اللّٰہِ اُسْوَة حَسَنَة '' ٢٢

''بے شک آپ ۖ کی ذات میں تمہارے لیے بہترین نمونہ موجود ہے ''

اس آیت کریمہ کا تعلق اگرچہ جنگ احزاب سے ہے مگر اس کے الفاظ میں اطلاق ہے کہ اللہ تعالیٰ نے اسوہ نبی کو مطلقا نمونہ قرار دیا ہے ،لہذآپ ۖ کی حیات طیبہ (جس میں آپ ۖ کا فعل بھی شامل ہے )زندگی کے ہر شعبہ میںنمونہ عمل ہے۔ ہم مسلمانوں کو چاہیے کہ ہر شعبہ حیا ت میں آپ کی زندگی کو نمونہ قرار دیں ۔

اطاعت و اتباع نبی کے تقاضے:

١۔ زندگی کے تمام انفرادی ،اجتماعی ،اقتصادی ،سیاسی ،عسکری ،ملکی اور بین الاقوامی مسائل میں آپ ۖ کی تعلیمات پرخلوص دل سے عمل کیا جائے ۔

٢۔ حیات نبی ۖ اور اس کے بعد پیش آنے والے تمام نزاعات اور اختلافات میں تعلیماتِ نبی ۖ کی طرف رجوع کیاجائے اورآپۖ کے حکم کو بلا چوں وچرا مانا جائے ۔

ارشاد ربانی ہے ۔

''فَاِنْ تَنَازَعْتُمْ فِیْ شَیْ ئٍ فَرُدُّوْہُ اِلَی اللّٰہِ وَالرَّسُوْلِ '' ٣ ٢

''پھر اگر تمہارے درمیان کسی معاملہ میںنزاع ہو جائے تو اسے اللہ اور رسول ۖ کی طرف پھیر دو ''

اسی طرح ایک اور مقام پر ارشاد الٰہی ہے :

''فَلاَ وَرَبِّکَ لاَ ےُؤْ مِنُوْنَ حَتّٰی يحَکِّمُوْکَ فِےْمَا شَجَرَ بَےْنَھُمْ ثُمَّ لَا يجِدُوْا فِیْ اَنْفُسِھِمْ حَرَجًا مِّمَّا قَضَيتَ وَيسَلِّمُوْا تَسْلِيمًا ''٢٤

''(اے محمد ۖ )تمہارے رب کی قسم یہ کبھی مومن نہیں ہو سکتے جب تک باہمی اختلافات ہیں یہ تم کو فیصلہ کرنے والا نہ مان لیں ،پھر جو کچھ تم فیصلہ کرو اس پر اپنے دلوں میں بھی کوئی تنگی محسوس نہ کریںبلکہ سر بسر تسلیم کر لیں ''

ایک اور مقام پر ارشاد الٰہی ہے :

''وَمَا کَانَ لِمُؤْمِنٍ وَّلَا مُؤْمِنَةٍ اِذَا قَضَی اللّٰہُ وَ رَسُوْلُہ اَمْرًا اَنْ يّکُوْنَ لَھُمُ الْخِيرَةُ مِنْ اَمْرِ ہِمْ وَمَنْ يعْصِ اللّٰہَ وَرَسُوْلَہ فَقَدْ ضَلَّ ضَلٰلاً مُّبِينًا''٢٥

''کسی مومن مرد اور مومن عورت کو یہ حق نہیں ہے کہ جب اللہ اور اس کا رسول کسی معاملے کا فیصلہ کردے تو پھر اسے اپنے اُس معاملے میں خود فیصلہ کر نے کااختیار باقی رہے ،جو کو ئی اللہ اور اس کے رسول کی نافرمانی کرے وہ صریح گمراہی میں پڑگیا ''

٣۔ آپ ۖ کو (Role Model)اور اسوہ قرار دیا جائے ،اسوہ نبی ہی وہ نسخہ کیمیا ہے جس پر عمل کر کے مسلمان خیر الامم اور دنیا کی سب سے بڑی قوت بن گئے اور اسی کو چھوڑ کر آج مسلمان و افر وسائل ہونے کے باوجود ذلت وخواری میں گرئے ہو ئے ہیں ،آپ ۖ کے اسوہ حسنہ کی پیروی ہی امت مسلمہ کی عظمت رفتہ لو ٹا سکتی ہے۔

تاشعارمصطفی از دست رفت قوم را رمز بقا از دست رفت

حضرت مصطفی ۖکاشعار (شریعت )ہاتھ سے نگل گیا تو قوم حقیقت بقا سے بھی محروم ہو گئی ۔٢٦

٤۔ فہم دین میںحدیث نبوی کو قرآن مجید کے بعد دوسرا مصدر شریعت تسلیم کیا جا ئے جیسا کہ متفق علیہ بین المسلمین ہے کہ قرآن مجید کے بعد دوسرا ماخذ شریعت سنت رسول ۖہے ۔

٥۔ اہل بیت ،امہات المومنین رضی اللہ عنھن اور صحابہ کرام رضی اللہ عنھم کے بارے میں آپۖ کی تعلیمات اور ارشادات پر عمل کیا جائے ۔

نبی کریم ۖ کا احترم دراصل اللہ تعالیٰ کا احترام ہے ،توہین رسالت دراصل توہین توحید و توہین خدا ہے جو کہ یقینا حرام ہے ۔

چوتھا حق ۔

تعظیم و اکرم نبیۖ :

مسلمانوں پر لازم ہے کہ وہ پیار ے نبی ۖکی عزت ،توقیر اور اکرام کو ہرحال میںمدنظر رکھیں اور ہر ایسے قول وفعل سے اجتناب کریں جس سے تصریحا یا اشارة ً و کناےة آپ ۖ کی توہین کاکوئی پہلو نکلتا ہو ،نبی ۖ کا احترام در اصل اللہ تعالیٰ کا احترام ہے۔ تو ہین رسالت در اصل توہین خدا ہے جو کہ یقینا حرام ہے ۔

ناموس رسالت کے سلسلے میں قرآن مجید میں کئی مقامات پر راہنمائی کی گئی ہے ،ارشاد باری تعالیٰ ہے ۔

''يا اَيھَا الَّذِينَ اٰمَنُوْا لَا تُقَدِّمُوْا بَينَ يدَیِ اللّٰہِ وَرَسُوْلِہ وَاتَّقُوا اللّٰہَ ط اِنَّ اللّٰہَ سَمِيع عَلِيم ''٢٧

''اے لوگو جو ایمان لا ئے ہو ،اللہ اور اس کے رسول کے آگے پیش قدمی نہ کرو اور اللہ سے ڈرو ،اللہ سب کچھ سننے اور جاننے والا ہے ''

اس آیت کریمہ میں امت مسلمہ کونہی کی صورت میںحکم دیا جا رہا ہے کہ ہر معاملہ میں اللہ تعالیٰ اور رسول اللہ ۖ کے حکم اور فیصلہ کو مقدم رکھے، کبھی اپنی رائے اور خیال کو اس پر مقدم نہ رکھے اور نہ ہی حکم خداوحکم رسول کو چھوڑ کر از خود فیصلہ کرے ۔

''یہ حکم مسلمانوں کے محض انفرادی معاملات تک ہی محدود نہیں ہے بلکہ ان کے جملہ اجتماعی معاملات پر بھی اس کا اطلاق ہو تا ہے۔ درحقیقت یہ اسلامی آئین کی بنیادی دفعہ ہے جس کی پابندی سے نہ مسلمانوں کی حکومت آزاد ہو سکتی ہے ،نہ ان کی عدالت اور پا رلیمنٹ ''٢٨

اللہ تعالیٰ نے بار گا ہ رسالت میں حاضر ہونے کا ادب بھی سکھایا ہے ،ارشاد خداوندی ہے :

''يا اَيھَا الَّذِينَ اٰمَنُوْا لَا تَرْفَعُوْا اَصْوَاتَکُمْ فَوْقَ صَوْتِ النَّبِیِّ وَ لَا تَجْھَرُوْ ا لَہ بِالْقَوْلِ کَجَھْرِ بَعْضِکُمْ لِبَعْضٍ اَنْ تَحْبَطَ اَعْمَالُکُمْ وَاَنْتُمْ لَا تَشْعُرُوْنَ ''

''اے صاحبان ایمان اپنی آواز نبی کی آواز پر بلند نہ کرو اور نہ نبی کے ساتھ اونچی آواز سے بات کیا کرو جس طرح تم آپس میں ایک دوسرے سے کرتے ہو ،کہیں ایسا نہ ہو کہ تمہارا کیا کرایا سب غارت ہو جا ئے اور تمہیں خبر بھی نہ ہو''٢٩

مولانا مودوی اپنی تفسیر میں بیان کر تے ہیں :

'' دین میں ذات مصطفی کی عظمت کا کیا مقام ہے ،رسول پاک ۖکے سوا کو ئی شخص ، خواہ بجائے خود کتنا ہی قابل احترام ہو ،بہر حال یہ حیثیت نہیں رکھتا کہ اس کے ساتھ بے ادبی خدا کے ہاں اُس سزا کی مستحق ہو جو حقیقت میں کفر کی سزا ہے،وہ زیادہ سے زیادہ ایک بد تمیزی ہے ،خلاف تہذیب حرکت ہے مگر رسول اللہ ۖ کے احترام میں ذرا سی کمی بھی اتنا بڑا گناہ ہے ،کہ اس سے آدمی کی عمر بھر کی کمائی غارت ہو سکتی ہے '' ٣٠

اس کے بر عکس جو صاحبان ایمان مجلس رسول ۖمیں اپنی آواز پست رکھتے ہیں اُن کی قرآن کریم نے مدح کی ہے اور اُن سے اللہ تعالیٰ نے مغفرت واجر کا وعدہ کیا ہے ،ارشاد الٰہی ہے :

''اِنَّ الَّذِينَ يغُضُّوْنَ اَصْوَاتَھُمْ عِنْدَ رَسُوْلِ اللّٰہِ اُولٰئِکَ الَّذِينَ امْتَحَنَ اللَّہُ قُلُوْبَھُمْ للِتَّقْوٰی لَھُمْ مَّغْفِرَة وَّاَجْر عَظِيم ''٣١

''جو لو گ رسول خدا ۖکے حضور بات کرتے ہو ئے اپنی آواز پست رکھتے ہیں و ہ در حقیقت وہی لو گ ہیں جن کے دلوں کو اللہ (تعالی )نے تقوی کے لیے جانچ لیا ہے ،اُن کے لیے مغفرت ہے اور اجر عظیم ''

اس ارشاد ربانی کامفہوم یہ ہے کہ جو شخص رسول اللہ ۖ کے حضور میں اونچی آواز سے بولتا ہے ،اپنی آواز پست نہیں رکھتا یہ اس بات کی نشانی ہے کہ اس کے دل میں رسول اللہ ۖ کا احترام نہیں ہے اور جو دل آپ ۖ کے احترام سے خالی ہے وہ در حقیقت تقویٰ سے خالی ہے ،درحالیکہ تقویٰ ہی قبولیت اعمال کا معیار ہے ۔ارشاد ربانی ہے :

''اِنَّمَا يتَقَبَّلُ اللّٰہُ مِنَ الْمُتَّقِينَ '' ٣٢

اللہ تعالیٰ نے توقیرِ نبی ۖ کے باب میں لوگوں کو آپۖ سے ملاقات کے طریقہ کی بھی تعلیم دی ہے کہ جب وہ آپ ۖ سے ملنے کے لیے آئیں اور آپ کو موجود نہ پائیں تو پکار پکارآپ ۖ کو بلانے کے بجائے صبر کے ساتھ بیٹھ کر اس وقت کا انتظار کریں جب آپ خود ان سے ملاقات کے لیے باہر تشریف لائیں اور اگر کو ئی اس طریقہ کی خلاف ورزی کر تا ہے تو وہ بے عقل ہے ،ارشاد خداوندی ہے :

''اِنَّ الَّذِينَ يَادُوْنَکَ مِنْ وَّرَآئِ الْحُجُرٰاتِ اَکْثَرُ ہُمْ لاَ يعْقِلُوْنَO وَلَوْاَنَّھُمْ صَبَرُوْاحَتّٰی تَخْرُجَ اِلَےْھِمْ لَکَانَ خَيرً الَّھُمْ وَاللّٰہُ غَفُوْر رَّحِيم '' ٣٣

''اے نبی جو لوگ تمہیں حجروں کے باہر سے پکارتے ہیں ان میں سے اکثر بے عقل ہیں ، اگر وہ تمہارے برآمد ہونے تک صبر کر تے تو انہی کے لیے بہترتھا اللہ در گزر والا رحیم ہے ''

اکرام نبیۖ کے باب میں اللہ تعالیٰ نے نبی کے گھر میں داخل ہو نے کا ادب بھی بیان کیا ہے،ارشاد خداوندی ہے :

''يا اَ يھَا الَّذِينَ اٰمَنُوْا لَا تَدْخُلُوْا بُيوْتَ النَّبِیِّ اِلاَّ اَنْ يؤْذَنَ لَکُمْ اِلٰی طَعَامٍ غَيرَ نٰظِرِينَ اِنٰہُ وَلٰکِنْ اِذَا دُعِيتُمْ فَادْخُلُوْا فَاِذَا طَعِمْتُمْ فَانْتَشِرُوْا وَلَا مُسْتَاْ نِسِينَ لِحَدِيثٍ اِنَّ ذٰلِکُمْ کَانَ يؤْ ذِی النَّبِیَّ فَےَستَحْی مِنْکُمْ وَاللّٰہُ لَا يسْتَحْیی مِنَ الْحَقِّ ''٣٤

''اے صاحبان ایمان! نبی کے گھروں میںبلا اجازت نہ چلے آیا کرو ،نہ کھانے تاکتے رہو ،ہاں اگر تمہیں کھانے پر بلا یا جائے تو ضرور آئو مگر جب کھانا کھا لو تو منتشر ہوجائو ، باتیں کرنے میں نہ لگے رہو، تمہاری یہ حرکتیں نبی کو تکلیف دیتی ہیں مگر وہ شرم کی وجہ سے کچھ نہیں کہتے اور اللہ حق بات کے کہنے میں نہیں شرماتا ''

اس آیت سے بیوت نبی ۖ کی بابت چند آداب ثابت ہو تے ہیں ، ان آداب کا تعلق اگر چہ آپکی حیات مبارکہ سے ہے مگر اس سے آپ ۖ اورآپ ۖ کے متعلقات کی ہر دور میں عزت وتکریم ثابت ہو تی ہے وہ آداب درج ذیل ہیں :

(١) مومنین بلا اجازت نبی ۖ کے گھروں میں داخل نہ ہوں ،اذن لینا ضروری ہے چاہے انفرادی غرض کے لیے کو ئی

آنا چاہے یا دینی مسئلہ پو چھنے کے لیے

(٢) اگر نبی خدا ۖ کھانے پر بلائیں تو ضرور آئیں مگر جلدی نہ آئیں کہ بیٹھ کرکھانا پکنے تک انتظار میں بیٹھے

رہیں ۔

(٣) پیارے نبی ۖ کی دعوت پر آئیں تو کھانے سے فارغ ہونے کے بعد دھرنا مارکر نہ بٹھیں بلکہ منتشر ہو

جائیں تاکہ خانوادہ رسول ۖکو زحمت نہ ہو ۔

(٤) جب تک بیت نبی ۖ میں آنحضرت ۖ کے ہاں حاضر ہیں تو ایسی گفتگو نہ کریں (گپ شپ نہ لگائیں)

جس سے وہ لوگ مانوس ہو ں جس کا دنیوی فائدہ ہے نہ اُخروی بلکہ معلّم انسانیت کے حضور میں مفید گفتگو کریں

گفتگو میں حضور ۖکے ادب و احترام کا لحاظ رکھنے کے ذیل میںیہ بھی ارشاد خداوندی ہے کہ :

''لَا تَجْعَلُوْا دُعَآ ئَ الرَّ سُوْلِ بَينَکُمْ کَدُ عَآئِ بَعْضِکُمْ بَعْضًا ''٣٥

''رسول اللہ ۖ کو اس طرح نہ پکارو جس طرح تم آپس میں ایک دوسرے کو پکارتے ہو ''

''یعنی تم عام آدمیو ں کو جس طرح اُن کے نام لے کر باآواز بلند پکارتے ہو اُس طرح رسول اللہ ۖ کو نہ پکارو،اس معاملے میں اُن کا انتہائی ادب ملحوظ رکھنا چاہیے کیونکہ ذرا سی بے ادبی بھی اللہ کے ہاں مواخذے سے نہ بچ سکے گی ''٣٦

سوال: اگر کو ئی ناموس رسالت کی پرواہ نہیں کرتا اور (معاذ اللہ )قولا یا فعلا اھانت رسول ۖ کا مرتکب ہو تا ہے تو

اس کی سزا کیا ہے؟

جواب: (اولا )ایسا شخص عقل اور عقلا ئِ عالم کے نزدیک یقینا قابل مذمت ہے کیونکہ آپۖ محسن انسانیت ہیں ،

قیامت تک آنے والی ہر انسانی نسل اور بنی نوع انسان کے ہر فرد کے محسن ہیں اور احسان کا بدلہ تو عقل وشرع دونوں کی روسے احسان ہی ہے ۔

''ھَلْ جَزَآ ئُ الْاِحْسَانِ اِلَّاالْاِحْسَانُ ''٣٧ ''احسان کا بدلہ احسان ہی ہے ''

محسن کی توہین کرنا یقینا قابل مذمت ہے ۔

(ثانیا )اھانت رسول ۖ کرنے والا اللہ تعالیٰ اور رسول ۖ کو اذیت پہنچاتا ہے اور ایسا شخص ملعون ہے ۔

ارشاد خداوندی ہے

''اِنَّ الَّذِينَ يؤْذُوْنَ اللّٰہَ وَرَسُوْلَہ لَعَنَھُمُ اللّٰہُ فِی الدُّنيا وَالْاٰ خِرَةِ وَاَعَدَّلَھُمْ عَذَابًا مُّھِےْنًاً''٣٨

''بے شک جو لوگ اللہ اور اس کے رسول کو اذیت پہنچاتے ہیں اللہ ان پر دنیا اور آخرت میں لعنت کر تا ہے اور ان کے لیے ذلیل کرنے والا عذاب تیار رکھاہے ''

(ثالثا )فقہی اعتبار سے بھی اس کی سزا مقرر ہے

پانچواں حق ۔

نبی کریم ۖ پر عمداً جھوٹ نہ بولنا :

یہ حق (Nagtive)ہے مقصد یہ کہ کو ئی مسلمان آنحضرت ۖ پر عمداً جھوٹ نہ بولے اور جو کچھ آپ ۖ نے نہیں فرمایا ہے اسے آپ ۖ کی طرف نسبت نہ دے اور آپ پر بہتان نہ باندھے۔ نبی خدا ۖپر جھوٹ بولنا گناہ کبیرہ ہے ، جھوٹ بولنا ویسے بھی گناہ ہے مگر آپ پر جھوٹ بولنا اس لیے سنگین جرم ہے کہ جب کو ئی شخص کہتا ہے کہ حضور ۖ نے فرمایا ہے ،یہ کام جائز ہے درحالیکہ وہ شرعاً ایسا نہ ہو تو اس سے احکام خداوندی کی مخالفت لازم آتی ہے ،نیز اس سے تشریع لازم آتی ہے کہ جو حکم ،حکم ِشارع نہیں ہے وہ شریعت کا حکم ما نا جائے اور یہ عمل حرام ہے ، اس لیے اس کا حکم فقہی بھی عام کذب سے مختلف ہے کہ عام کذب مبطل صوم نہیں ہے جب کہ کذب علی الرسول مبطل صوم ہے ،اس ضمن میں متعدد روایات منقول ہیں ۔٣٩

کذب علی النبی کی حرمت پر ارشاد نبوی ۖ ہے :

''لاَ تَکْذِبُوْا عَلَیّ فَاِنَّہ مَنْ کَذِبَ عَلیّ فَلْيلِجِ النَّارَ '' ٤٠

''مجھ پر جھوٹ نہ بولو،بے شک جو مجھ پر جھوٹ بولے گا وہ آتش جہنم میں داخل ہو گا''

چھٹا حق۔

نبی کریم ۖپر درود بھیجنا:

حضرت محمد ۖ پر درود بھیجناحکمِ خدا ہے جس پر مسلمان عمل کر تے آرہے ہیں ، اللہ تعالیٰ نے ارشاد فرمایا ہے :

''اِنَّ اللّٰہَ وَمَلٰکَتَہ يصَلُّوْنَ عَلَی الَّنِبیِّ ياَ ايھَا الَّذِينَ اٰمَنُوْ اصَلُّوْا عَلَيہِ وَسَلِّمُوْ تَسْلِيًا '' ٤١

''بے شک اللہ اور اس کے ملائکہ نبی ۖپر درود بھیجتے ہیںاے صاحبان ایمان تم بھی ان پر درود و سلام بھیجو ''

(صلوة کا لفظ جب علی کے صلہ کے ساتھ آتا ہے تو اس کے تین معنی ہو تے ہیں ایک کسی پر مائل ہونا ،اس کی طرف محبت کے ساتھ متوجہ ہو نا اور اُس پر جھکنا ، دوسرے کسی کی تعریف کرنا، تیسرے کسی کے حق میں دعا کرنا ،یہ لفظ جب اللہ تعالیٰ کے لیے بولا ہوجائے یعنی اس کا فاعل اللہ ہو تو تیسرے معنی میں نہیں ہو سکتا کیونکہ اللہ کا کسی اور سے دعا کرنا قطعاً ناقابل تصور ہے اس لیے وہ پہلے دو مفعول میں ہو گا ۔ لیکن جب یہ لفظ بندوں کے لیے بولا جائے گا ،خواہ وہ فرشتے ہو ں یا انسا ن تو وہ تینوں معنوں میں ہو گا اس میں محبت کامفہوم بھی ہو گا ،مدح وثنا کا مفہوم بھی اور دعائے رحمت کامفہوم بھی، لہذا صلو علیہ کا مطلب یہ ہے کہ اے صاحبان ایمان تم حضور ۖ کے گرویدہ ہوجائو ،ان کی مدح وثنا کرو اور ان کے لیے دعا کرو سلام کالفظ بھی دو معنی رکھتا ہے ایک ہر طرح کی آفات اور نقائص سے محفوظ رہنا ،سلامتی ،دوسرے صلح اور عدم مخالفت پس نبی ۖ کے حق میں سلمو ، تسلیما کہنے کا ایک مطلب یہ ہے کہ تم ان کے حق میں کامل سلامتی کی دعا کرو اور دوسرا مطلب یہ ہے کہ تم پور ی طرح دل وجان سے ان کا ساتھ دو ،اُن کی مخالفت سے پرہیز کرو اور ان کے سچے فرمانبردار بن کر رہو ) ٤٢

اس آیت کریمہ میں '' صلو ا ''اور ''سلموا ''امر کے صیغے لا ئے گئے ہیں بغیر قرینہ کے جو فرض اور وجوب کو بتاتے ہیں یہی وجہ ہے کہ '' اس امر پر اجماع ہے کہ عمر میں ایک مرتبہ حضور پر درود بھیجنا فرض ہے''۔٤٣

اس کے علاوہ جب آپ ۖ کا مبارک نام آئے تو درود پڑھنا مستحب ہے ،بعض کے نزدیک واجب ہے ،نماز میں صلوة علی النبی کے بارے میں فقہی اختلافات ہیں ۔

امامیہ کے نزدیک محمد و آل محمد پر تشہد میں درود پڑھنا واجب ہے جتنی مرتبہ تشہد پڑھا جا تا ہے اتنی مرتبہ درود پڑھا جائے ۔ تشھد میں درود پڑھنے کے وجوب پر علماء امامیہ کے اجماع کا دعوی کیا گیا ہے ۔٤٤

''امام شافعی کے نزدیک نماز کے آخری تشہد میں درود پڑھنا فرض ہے اگر کو ئی شخص نہ پڑھے تو نماز نہ ہو گی ،امام احمد بن حنبل نے بھی آخرمیں اسی قول کو اختیار کر لیا تھا ۔امام ابو حنیفہ امام مالک اور جمہور علماء کا مسلک یہ ہے کہ درود عمر میں ایک مرتبہ پڑھنا فرض ہے جیسے کہ کلمہ شہادتین پڑھنا ایک مرتبہ فرض ہے '' ٤٥

صلوة النبی کا طریقہ :

قرآن مجید میںجب حضور ۖپر درود بھیجے کا حکم نازل ہوا تو صحابہ کرام نے رسول اللہ ۖسے عرض کیا کہ یا رسول اللہۖ آپ پر سلام کا طریقہ تو آپ ہمیں بتا چکے ہیں یعنی نماز میں السلام علیک ایھا النبی ورحمة اللہ وبرکاتہ اور ملا قات کے وقت السلام علیک یا رسول اللہ کہنا مگر آپ پر درود بھیجنے کا طریقہ کیا ہے ؟ آپۖ نے فرمایا کہو :

''اللھم صل علی محمد وعلی آل محمد کافضل ما صلیت ابراہیم وعلی آل ابراہیم انک حمید مجید ،اللھم بارک علی محمد وعلی آل محمد کما بارکت علی ابراہیم وعلی آل ابراہیم انک حمید مجید ''٤٦

تقریبا ً آٹھ احادیث میں صلوة علی النبی کا طریقہ بیان کیاگیا ہے ،ان تمام احادیث میں پیارے نبی ۖپر درود بھیجنے کا جو طریقہ آپ ۖ سے منقول ہے اس میں آپ ۖ کے ساتھ آپ ۖ کی آل اور ذریت کابھی ذکر آیا ہے ،اسی لیے درود پڑھنے کا جو مشہور طریقہ ہے اسمیں آپ ۖ کے ساتھ آل محمد ۖ کو بھی شامل کیا جا تا ہے ۔

٭٭٭٭٭٭

حوالہ جات

١۔ القرآن ،الاحزاب،٤٠

٢۔ القرآن، الصف،٦

٣۔ علامہ مجلسی ،بحار الا نوار ،ح١،ص٩٧،حدیث،٧،الشیخ محمد بن یعقوب الکلینی،الاصول من الکافی ،

کتاب الحجة باب مولد النبی ۖ ووفاتہ

٤۔ علامہ یوسف نبھانی :جواہر البحار٢/١٩٠،علامہ شعرانی،کشف الغمة:٢/٤٣،علامہ جلا ل الدین سیوطی ،

خصائص کبری:١/٧،الزرقائی : شرح مواھب اللدنية :١/٦٣،٢٤٢،عبد الحق محدث دھلوی:مدارج النبوة ،١/١١٦

٥۔ القرآن ،التوبہ ،٢٤

٦۔ صحیح بخاری ،کتاب الا یمان ،حدیث،١٥

٧۔ القرآن ،الاحزاب،٦

٨۔ صحیح بخاری ،باب الشروط فی الجھاد والمصالحة مع اہل الحرب وکتابة الشروط،حدیث :٢٧٣١،٢٧٣٢)

٩۔ القرآن ، القلم، ٤

١٠۔ القرآن ،الانبیا ء ،١٠٧

١١۔ القرآن ،التوبہ:١٢٨

١٢۔ صحیح بخاری ،کتاب المرض،حدیث ،٩ ٦ ٦ ٥

١٣۔ القاضی عیاض ،الشفابتعریف حقوق المصطفیٰ ص:٨١،ج١،چاپ عثمانیہ ،استنبول

١٤۔ القرآن الانفال،٣٣

١٥۔ علامہ محمد اقبال ،ارمغان حجاز

١٦۔ علامہ محمد اقبال ،اسرارور موز

١٧۔ القرآن ،النساء ،٥٩

١٨۔ القرآن ،النساء ،٨٠

١٩۔ القرآن، آل عمران، ٣١

٢٠۔ القرآن ،النجم ،٣۔٤

٢١۔ القرآن ،الحشر ،٧

٢٢۔ القرآن ، الاحزاب ،٢١

٢٣۔ القرآن ،النسا ئ، ٥٩

٢٤۔ القرآن ،النساء ،٦٥

٢٥۔ القرآن، الاحزاب، ٣٦

٢٦۔ علامہ محمد اقبال ،اسرار و رموز

٢٧۔ القرآن،الحجرات،١

٢٨۔ مولانا مودودی ،تفیہم القرآن ،جلد ٥،ص٧٠

٢٩۔ القرآن ،الحجرات،٢

٣٠۔ تفہیم القرآن ،ج،٥،ص٧٢

٣١۔ القرآن، الحجرات ،٣

٣٢۔ القرآن،المائدہ، ٢٧

٣٣۔ القرآن، الحجرت ،٥۔٤

٣٤۔ القرآن ،الا حزاب ،٥٣

٣٥۔ القرآن ،النورہ ،٦٣

٣٦۔ تفہیم القرآن ،ج ٣،ص٤٢٧

٣٧۔ القرآن ،الرحمن ،٦٠

٣٨۔ القرآن ،الاحزاب، ٥٧

٣٩۔ شیخ محمد بن الحسن الحر العاملی:وسائل الشیعہ ،کتاب الصوم ،چاپ پنجم ،١٩٨٣،مطبع احیاء التراث العربی،بیروت ، لبنا ن

٤٠۔ صحیح بخاری ،کتاب العلم ،باب اثم من کذب علی النبی،حدیث١٠٦

٤١۔ القرآن ۔ الاحزاب ،٥٦

٤٢۔ تفہیم القرآن ج ٤،١٢٤

٤٣۔ تفہیم القرآن ج ٤،ص١٢٧

٤٤۔ الشیخ محمد حسن نجفی ،جواہر الکلام فی شرح شرائع الا سلام ،ج ١٠ ،ص ٢٥٣ ،

چاپ داراحیا ء التراث ،العربی ،بیروت ، لبنان

٤٥۔ تفہیم القرآن ج ٤،١٢٧

٤٦۔ صحیح بخاری ،کتاب احادیث الانبیاء ، ح:٣٣٧٠

ڈاکٹر سبحانی - مجلہ نور معرفت

رہبر معظم انقلاب اسلامی حضرت آیت اللہ العظمی خامنہ ای نے پارلیمنٹ کے اسپیکر اور نمائندوں کے ساتھ ملاقات میں سامراجی محاذ کے ساتھ مقابلے کی فکر کے استمرار کو صرف استقامت اور پائداری میں مضمر قراردیا اور چھٹے منصوبے کی تدوین کے سلسلے میں تین ترجیحات " مزاحمتی اقتصاد، دینی و انقلابی ثقافت، اور برق رفتار علمی پیشرفت" پر حکومت اور پارلیمنٹ کی توجہ کو لازمی قراردیتے ہوئے فرمایا: ملک کی اقتصادی اور سیاسی مشکلات کا راہ حل ملک کے باہر تلاش نہیں کرنا چاہیے بلکہ ملک کی معاشی اور سیاسی مشکلات کا راہ حل ملک کے اندر موجود ہے اور ہمیں اپنی مشکلات کو حل کرنے کے سلسلے میں اندرونی توانائیوں اور ظرفیتوں سے بھر پور استفادہ کرنا چاہیے۔

رہبر معظم انقلاب اسلامی نے اس ملاقات میں حضرت امام موسی کاظم علیہ السلام کی شہادت کی مناسبت سے تعزیت پیش کی اور اسلامی نظام کی تشکیل اور اسی طرح اس کے بقا کو سامراجی طاقتوں سے مقابلہ کی فکر کی اساس و بنیاد پر استوار قراردیتے ہوئے فرمایا: ایرانی قوم کو گذشتہ 35 برس میں خردمندانہ ، صادقانہ اور سنجیدہ مقابلہ کی بدولت اسلامی جمہوریہ ایران کی پیشرفت نیز دیگر اہم و فیصلہ کن مرحلوں میں نمایاں کامیابی نصیب ہوئی ہے اور ایرانی قوم نے سخت اور حساس مرحلوں کو ہمت کے ساتھ پار کرلیا ،اور سامراجی و استکباری طاقتوں کے ساتھ مقابلہ کی فکر اس کی تمام خصوصیات کے ساتھ جاری رہنی چاہیے۔

رہبر معظم انقلاب اسلامی حضرت آیت اللہ العظمی خامنہ ای نے سامراجی محاذ کے ساتھ مقابلہ جاری رکھنے کے بغیر اسلامی نظام کے اعلی اہداف تک پہنچنے کو ناممکن قراردیتے ہوئے فرمایا: سامراجی نظام کے ساتھ مقابلہ کرنے کی تاکید کا مطلب اسلامی نظام کے جنگی عزائم نہیں ہیں بلکہ انسانی عقل و خرد اس بات کا حکم دیتی ہے کہ چوروں اور ڈاکوؤں کے علاقہ سے گزرنے کے لئے اپنے آپ کو دفاعی وسائل سے مسلح کرنا چاہیے اور اپنے دفاع کے سلسلے میں بھر پور طاقت اور توانائی سے استفادہ کرنا چاہیے۔

رہبر معظم انقلاب اسلامی نے فرمایا: آج دنیا انسانی قدروں ، اخلاق، حیثیت اور عزت و وقار کو تباہ و برباد کرنے والے ڈاکوؤں اور بحری قزاقوں سے بھری پڑی ہے جو علم و قدرت اور دولت و ثروت سے مسلح ہوکر اور بظاہر انسانی چھرہ دکھا کر آسانی کے ساتھ جرم و جنایت کا ارتکاب کرتے ہیں، انسانی اصولوں کے ساتھ خیانت کرتے ہیں اور دنیا کے مختلف علاقوں میں جنگ و جدال برپا کرتے ہیں۔

رہبر معظم انقلاب اسلامی نے فرمایا: اس صورت حال اور ان شرائط کے پیش نظر سامراجی محاذ کے ساتھ مقابلہ کرنے کے علاوہ کوئی اور چارہ کار نہیں ہے اور ملک کے تمام اداروں اور مراکز میں اور داخلی اور خارجی سطح پر سامراج کے ساتھ مقابلہ کرنےکی فکر حکمفرما ہونی چاہیے۔

رہبر معظم انقلاب اسلامی نے دشمن کے سامنے، سازش اور تسلیم ہوجانےکے بعض افراد کے نظریہ کی طرف سے اشارہ کرتے ہوئے فرمایا: جو لوگ سامراجی اور منہ زور طاقتوں کے سامنے سرتسلیم خم کرنے اور اسلامی نظام پر جنگی عزائم کا الزام عائد کرتے ہیں وہ درحقیقت خیانت کا ارتکاب کررہے ہیں۔

رہبر معظم انقلاب اسلامی نے فرمایا: اسلامی نظام در حقیقت انسانی شرافت، کرامت، عزت و شرف اور صلح و خیر کا نظام ہے۔

رہبر معظم انقلاب اسلامی نے فرمایا: ملک کے تمام حکام اور اقتصادی، علمی ، ثقافتی ، قانون اور پالیسی ساز اداروں، اور خارجی سطح پر مذاکرات کرنے والے حکام کو جان لینا چاہیے کہ وہ مقابلہ اور مجاہدت کی حالت میں ہیں اور اسلامی نظام کی تشکیل اور بقا مقابلہ کو جاری رکھنے میں مضمر ہے۔

رہبر معظم انقلاب اسلامی حضرت آیت اللہ العظمی خامنہ ای نے فرمایا: سامراجی طاقتوں کے ساتھ مقابلہ جاری رکھنے کی فکر ملک کے تمام اداروں اور مراکز پر حکمفرما ہونی چاہیے اور سامراجی محاذ کے مقابلے میں خود کو قوی اور مضبوط بنانا چاہیے۔

رہبر معظم انقلاب اسلامی نے اسی بحث کےبارے میں سوال بیان کرتے ہوئے فرمایا: یہ مقابلہ کب تک جاری رہےگا؟

رہبر معظم انقلاب اسلامی نے اس سوال کے جواب میں تاکید کرتے ہوئے فرمایا: جہاد اور مقابلہ کا سلسلہ تمام ہونے والا نہیں ہے کیونکہ شیطان اور شیطانی محاذ ہمیشہ موجود ہے لیکن ممکن ہے جہاد اور مقابلہ کی روشیں اور طریقے مختلف اور متفاوت ہوں۔

رہبر معظم انقلاب اسلامی نے تاکید کرتے ہوئے فرمایا: یہ مقابلہ اور جہاد اس وقت ختم ہو جائے گاجب انسانی معاشرہ سامراج کے شریر محاذ بالخصوص امریکہ کے ظلم و ستم سے آزاد ہوجائےگا جس نے اپنےخونخوار پنجے انسانیت کے جسم و روح اور فکر میں گاڑ رکھے ہیں۔

اور اس کام کے لئے بھی بلند قدم اٹھانے اور سخت و دشوار مقابلہ کرنے کی اشد ضرورت ہے۔

رہبر معظم انقلاب اسلامی نے ایران میں اسلامی نظام کی تشکیل کو اس مقابلہ کی راہ میں بہت بڑا قدم قراردیتے ہوئے فرمایا: گذشتہ 35 برس میں پارلیمنٹ کے مختلف ادوار کی تشکیل ، دینی عوامی نظام کے عنوان سے پارلیمنٹ میں نمائندوں کی موجودگی ایک جہاد اور مقابلہ ہے جس کی قدر کرنی چاہیے اور جسے آگے بڑھانا چاہیے۔

رہبر معظم انقلاب اسلامی نے رواں سال کے نام میں جہادی مدیریت کے موضوع کی طرف اشارہ کرتے ہوئے فرمایا: جہادی مدیریت کا تعلق صرف حکومتی امور سے نہیں ہوتا بلکہ پارلیمنٹ بھی اگر عوام کی خدمت اور سہولت کے جذبہ سےقانون وضع کرے اور نظارتی ذمہ داریوں پر عمل کرے تو یہ کام بھی بہت بڑا حہادی کام ہے۔

رہبر معظم انقلاب اسلامی نے بیرون ملک توقعات وابستہ نہ کرنے اور مزاحمتی اقتصاد کو ملک کی اقتصادی مشکلات کو حل کرنے کا واحد راستہ قراردیتے ہوئے فرمایا: میں ان تمام افراد کا دل کی گہرائی کے ساتھ دفاع کرتا ہوں جو مختلف شعبوں میں خلاقیت اور فعالیت انجام دے رہے ہیں لیکن اس بات پر اعتقاد رکھتا ہوں کہ مشکلات کا علاج ملک کے اندر موجود ہے۔

رہبر معظم انقلاب اسلامی نے فرمایا: مشکلات کو حل کرنے کے لئے صحیح حل کی شناخت ضروری ہے اور اس کام کو شجاعت اور دلیری کے ساتھ انجام دینا چاہیے اور اس میدان میں ایک اہم قدم پائدار اور مزاحمتی معیشت اور اقتصاد ہے۔

رہبر معظم انقلاب اسلامی نے مزاحمتی اقتصاد کے بارے میں حالیہ مہینوں میں تعریف و تمجید اور حمایت کی طرف اشارہ کرتے ہوئے فرمایا: مزاحمتی اقتصاد کے نفاذ اور اجرا کے لئے لفظی تعریف و تمجید کافی نہیں ہے بلکہ اس کے لئے عمل اور اقدام کی ضرورت ہے۔

رہبر معظم انقلاب اسلامی نے مقاومتی اور مزاحمتی اقتصاد کے بارے میں حکومت اور پارلیمنٹ کی کوششوں اور سرگرمیوں کی طرف اشارہ کرتے ہوئے فرمایا: پارلیمنٹ کو چاہیے کہ وہ قانون اور نظارت کے حوالے سے انجام پانے والی فعالیتوں اور سرگرمیوں کا سنجیدگی کے ساتھ پیچھا کرے۔

رہبر معظم انقلاب اسلامی نے مزاحمتی اقتصاد کے بارے میں مناسب قوانین کی منظوری اور متصادم اور متضاد قوانین کی منسوخی اور حکومتی کارکردگی پر نگرانی کو پارلیمنٹ کے اصلی فرائض اور وظائف میں شمار کرتے ہوئے فرمایا: پارلیمنٹ مزاحمتی اقتصاد کے سلسلے میں قانون وضع کرنے کے لئےصرف مسودوں کا سہارا نہیں لے سکتی بلکہ اس سلسلے میں حکومت کو پارلیمنٹ میں مناسب بل پیش کرنا چاہیے۔

رہبر معظم انقلاب اسلامی نے چھٹے پانچ سالہ منصوبہ کی تدوین کے سلسلے میں پارلیمنٹ کے آمادہ ہونے کی طرف اشارہ کرتے ہوئے فرمایا: اس منصوبہ میں تین اصلی ترجیحات " مزاحمتی اقتصاد، اسلامی ثقافت اور علمی ترقی" کو مد نظر رکھنا چاہیے۔

رہبر معظم انقلاب اسلامی نے ثقافت کے سلسلے میں فرمایا: ثقافت سے مراد اسلامی ، دینی،انقلابی ثقافت ہے اور اسلام کی بنیاد پر ثقافتی حرکت پیدا کرنے اور معاشرے میں اسلامی اخلاق، آداب اور اسلامی اقدار اور اعتقادات کو مضبوط بنانے پر توجہ مبذول کرنی چاہے۔

رہبر معظم انقلاب اسلامی نے فرمایا: معاشرے میں کسی ثقافتی وسیلہ کو فروغ اور توسعہ دینے سے یہ نہیں سمجھ لینا چاہیے کہ ثقافت کو فروغ مل رہا ہے بلکہ معاشرے میں ثقافتی پیشرفت اور ترقی اس وقت ہوگی جب دینی اور انقلابی ثقافت کو فروغ ملےگا۔

رہبر معظم انقلاب اسلامی نے فرمایا: انقلاب کے سرباز ہونے کے عنوان سے پارلیمنٹ کے نمائندوں سے میری توقع معاشرے میں اسلامی اور انقلابی ثقافت کے فروغ کی حمایت ہے۔

رہبر معظم انقلاب اسلامی نے علمی پیشرفت کو چھٹے منصوبہ کی تدوین کی تیسری ترجیح کے عنوان سے بیان کرتے ہوئے فرمایا: ملک کے اندر حالیہ بارہ برسوں میں علمی شعبہ میں جو پیشرفت اور ترقی حاصل ہوئی ہے اس کی رفتار و پیشرفت میں کسی قسم کی سستی اور کندی نہیں ہونی چاہیے بلکہ اس کا سلسلہ برق رفتار کے ساتھ آگے کی جانب رواں دواں رہنا چاہیے۔

رہبر معظم انقلاب اسلامی نے علم کے موضوع کو ملک کے لئےبہت ہی اہم قراردیتے ہوئے فرمایا: قومی افتخار، قومی عزت اور قومی ثروت و دولت کا عمدہ حصہ علم کی بدولت حاصل ہوتا ہے۔

رہبر معظم انقلاب اسلامی نے اپنے خطاب میں کرپشن اور بد عنوانی کے ساتھ مقابلہ کو پارلیمنٹ کی ایک اصلی نظارتی ذمہ داری قراردیتے ہوئے فرمایا: کرپشن اور بد عنوانی کے ساتھ مقابلہ کرنے کے سلسلے میں ابتدا ہی سے مفسد مراکز کو آگے بڑھنے اور رشد و فروغ پانے کی اجازت نہیں دینی چاہیے کیونکہ اس صورت میں یا مقابلہ ممکن نہیں ہے یا مقابلہ بہت سخت اور دشوار ہوجائےگا۔

رہبر معظم انقلاب اسلامی نے اسی طرح آبادی اور جمعیت کے بارے میں کلی پالیسیوں کے ابلاغ کی طرف اشارہ کیا اور پارلیمنٹ میں پیدائش بڑھانے اور آبادی میں کمی کی روک تھام کے لئے پیش کئے گئے منصوبہ کا خير مقدم کرتے ہوئے فرمایا: آبادی کے بارے میں ہمیں ہوشیار رہنا چاہیے تاکہ گذشتہ برسوں کی غلطی کو دہرایا نہ جائے کیونکہ دشمن کے لئے بہترین ایران کم آبادی والا اور بوڑھی اکثریت والا ایران ہے۔

رہبر معظم انقلاب اسلامی نے فرمایا: آبادی بڑھانے کے سلسلے میں منصوبے صحیح ،منطقی اور عالمانہ ہونے جاہییں ۔

رہبر معظم انقلاب اسلامی کے بیانات سے قبل اسلامی جمہوریہ ایران کی پارلیمنٹ کے اسپیکر جناب ڈاکٹر علی لاریجانی نے اپنے خطاب میں حضرت امام موسی کاظم علیہ السلام کی شہادت کی مناسبت سے تعزیت پیش کی اور خرم شہر کی فتح اور نبی کریم حضرت محمد مصطفی (ص) کی بعثت کی مناسبت سے مبارکباد پیش کرتے ہوئے کہا: پارلیمنٹ نے فلسطین، شام اور ایٹمی معاملے میں مضبوط اور مقتدر مؤقف اختیار کیا ہے۔

ڈاکٹر لاریجانی نے نویں پارلیمان کے دو سالہ دور میں 450 مسودوں اور بلز کے پیش کرنے کی طرف اشارہ کرتے ہوئے کہا: گذشتہ دو برسوں میں منصوبوں اور بلز میں سے 80 منظور ہوگئے ہیں جن میں صنفی نظام کا قانون ، بجٹ اور فوجداری ضابطے شامل ہیں۔

پارلیمنٹ کے اسپیکر نے کارو بار کے شعبہ میں تقویت،مزاحمتی اقتصاد کی پالیسیوں پر عمل درآمد، متعلقہ کمیشنوں کے ذریعہ پارلیمنٹ کے نظارتی پہلو کی تقویت یا اجرائی حکام سے سوال کے ذریعہ، یا آڈٹ کورٹ کے ذریعہ نظارتی عمل کی تقویت کو پارلیمنٹ کے اہم امور کے طور پر بیان کیا۔

امریکہ کے ایک مسلمان شاعر نے تہران میں منعقد ہوئے پیغمبر اعظم (ص) فیسٹیول میں اپنے اشعار پڑھنے کے بعد کہا: مجھے اس بات پر فخر محسوس ہو رہا ہے کہ میں آج پیغمبر اکرم(ص) کی بعثت کے مبارک ایام میں ایران میں ہوں اور ایرانیوں کے مجمع سے خطاب کر رہا ہوں۔

انہوں نے کہا: میڈیا جھوٹ کو حقیقت اور حقیقت کو چھوٹ بنا کر پیش کر سکتا ہے لیکن آپ لوگ یہ جان لیں کہ دنیا کے مختلف ممالک منجملہ امریکہ میں بہت سارے ایسے لوگ ہیں جو پیغمبر اسلام سے محبت کرتے ہیں۔

اس امریکی شاعر نے کہا: امریکہ میں غیر مسلمانوں کے درمیان بھی بہت سارے ایسے افراد موجود ہیں جو حضرت محمد(ص) سے عشق رکھتے ہیں اگر چہ میڈیا مغرب کو کسی اور رخ سے نمایاں کرتا ہے۔

پاکستان کےمذہبی اسکالر اور تجزيہ نگار راشد احد نے کہا ہے کہ اسرائیل کوتحریک حماس اور فتح کے اتحاد سے اس لئے تشویش لاحق ہوگئی ہے کہ وہ اپنے وجود کوخطرے میں محسوس کرنے لگا ہے۔ راشد احد نے آج ریڈیو تہران کو انٹرویودیتے ہوئے کہا کہ محمود عباس اسرائیل کی وعدہ خلافی اور حقیقت کو سمجھنے کے بعد اس نتیجے پر پہنچے ہيں کہ اسرائیل اس کا دوست نہيں بلکہ دشمن ہے اور حماس کے ساتھ مل کر ہی اسرائیل جیسے دشمن کو شکست دی جاسکتی ہے۔ پاکستان کےمذہبی اسکالرراشد احد نے کہا کہ اب اسرائیل کی ماہیت سب پر واضح ہوگئی ہے اور اس ملک کوصفحہ ہستی سے مٹنے سے کوئی نہیں روک سکتا۔انھوں نےکہا کہ تحریک فتح وحماس کا اتحاد وقت کی ضرورت ہے اور وہ اس طریقے سے مظلوم فلسطینیوں کےمسائل ومشکلات کوحل کرسکتی ہے۔ خلیج فارس تعاون کونسل، باہمی اختلافات ختم کرنے کے لئے کوشاں خلیج فارس تعاون کونسل کے وزراء خارجہ نے سعودی عرب اور قطر کےاختلافات ختم کرانے کے لئے ہنگامی اجلاس طلب منعقد کیا۔ رپورٹ کےمطابق خلیج فارس تعاون کونسل کے جنرل سیکریٹری عبداللطیف الزیانی نے اجلاس کے بعد اعلان کیا ہے کہ معاہدے کے مطابق سعودی عرب، متحدہ عرب امارات اور بحرین اپنے سفیروں کو دوبارہ دوحہ بھیجیں گے۔ الزيانی نے کہا کہ اجلاس کے شرکاء نے ریاض معاہدے پرعمل درآمد کرانے کی کوشش کی۔ خلیج فارس تعاون کونسل کے جنرل سیکریٹری نے کہا کہ سعودی عرب میں منعقدہ اس اجلاس کامقصد دوحہ کے ساتھ رکن ممالک کےاختلافات کا جائزہ لینا اور اس کے لئے مناسب راہ حل تلاش کرنا تھا۔ واضح رہے کہ سعودی عرب، متحدہ عرب امارات اور بحرین قطر پر اپنےداخلی امور میں مداخلت کرنے اور علاقے میں عدم استحکام پیدا کرنے کی پالیسی اختیار کرنے کا الزام لگاتے ہيں۔

سلمان فارسی المعروف سلمان محمدی ﴿ص﴾ کا مرقد مطہر شہر بغداد کے جنوب میں تیس کلومیٹر کے فاصلہ پر شہر مدائن میں ہے۔

یہ شہر دنیا کے قدیم اور تاریخی شہروں میں سے تھا کہ ساسانی بادشاھوں کی حکمرانی میں پیغمبر اسلام حضرت محمد رسول اللہ ﴿ص﴾ کی ولادت کے زمانہ میں ایران کا دارالخلافہ تھا۔ مدائن، ایک سر سبز شہر ہے، جو دریائے دجلہ کے ساحل پر واقع ہے اور وہاں تک پہنچنے کا راستہ بغداد ۔۔۔ کوت کی اصلی سڑک ہے۔

پیغمبر اسلام ﴿ص﴾ نے جناب سلمان سے فرمایا:“ آج کے بعد اپنا نام سلمان رکھنا ”، اس لئے وہ اسی سلمان ، نام سے معروف و مشہور ھوئے۔

جناب سلمان کی قبر کے پاس اصحاب رسول اللہ اور امام زادوں کی مزید تین قبریں بھی ہیں، جن میں حذیفہ بن یمان، عبداللہ بن جابر انصاری اور طاہربن امام محمد باقر ﴿ع﴾ مدفون ہیں۔

جناب سلمان فارسی کی قبر کے نزدیک “ ایوان مدائن” واقع ہے، جس میں پیغمبر اسلام﴿ص﴾ کی ولادت کے دن شگاف پڑگیا تھا اور یہ شگاف معجزہ کے طور پر ابھی بھی موجود ہے۔

ایوان مدائن

یہ وہ ایوان ہے، جس میں، میلادالنبی ﴿ص﴾ کی شب شگاف پڑا اور اس کا ایک حصہ زمین بوس ھوگیا۔

“ ایوان مدائن” یا “طاق کسری” یا “تیسفون” ، مملکت عراق کے شہر مدائن میں واقع ہے اور دورہ ساسانیان کی ایک تاریخی اور مشہور عمارت ہے۔

اس محل کا سب سے اہم حصہ، اس کا صدر دروازہ ہے، جو ایک عریض اور بلند ایوان کی شکل میں، محل کی باہر کی طرف تعمیر کیا گیا تھا اور اس کے پیچھے مستطیل شکل کا ایک ہال واقع تھا۔ اس کے مرکز میں ہلالی شکل کا ایک محراب ہے ۔ عمارت کے مرکزی حصہ، جو اس محل کا اصلی حصہ ہے، کے دونوں طرف، راہرو، کمرے اور ہال ہیں جن کی چھت گنبد اور گہوارہ کے مانند تھی۔

اس محل کے اصلی ہال کی روشنی کے لئے ایک سو پچاس روشن دان بنائے گئے تھے۔ ایوان مدائن کا بڑا محراب، ایک سرے سے دوسرے سرے تک بنائی گئی لمبی دیواروں پر ستونوں کے بغیر قرار پایا تھا۔ اس محل کا اگلا ہلالی شکل کا بڑا حصہ، اصلی محل کا ایک حصہ ہے اور اس وقت بھی موجود ہے۔

“ کاخ تیسفون” کا روشن دان کے بغیر والا رخ چار طبقوں پر مشتمل تھا، اس کے اطراف کو چھوٹے چھوٹے محرابوں اور نیم ستونوں سے مزین کیا گیا تھا۔ اس کے بیرونی حصہ پر آشوری معماری کے آثار نمایاں ہیں۔

اس تاریخ عمارت کی اس نام گزاری کی وجہ، اس کا ایک بڑا ہال ہے، جس کے ہلالی محراب کے آثار ابھی بھی نمایاں ہیں اور یہ اس عظیم و تاریخی عمارت کا سب سے اہم حصہ تھا، اس قسم کے ہالوں کو ایوان کہتے تھے۔

رسول اکرم حضرت محمد مصطفی صلی اللہ علیہ و آلہ وسلم کی ولادت وقت خسرو اول انو شیروان اس محل میں حکومت کرتا تھا اور آنحضرت ﴿ص﴾ کی ولادت کی شب اس محل میں ایک شگاف پڑا اور اس کا ایک حصہ زمین بوس ھوکر نابود ھو گیا۔

اس محل کے تخت پر بیٹھنے والا آخری بادشاہ، خسرو پرویز تھا کہ اسی محل میں رسول خدا صلی اللہ علیہ و آلہ وسلم کا خط اس کے ہاتھ میں پہنچا اور اس نے اس کے ٹکڑے ٹکڑے کر دئے۔ مدائن کو فتح کرنے کے بعد مسلمانوں نے اس محل کو نمازخانہ میں تبدیل کیا۔

یہ پختہ اور خام اینٹوں سے بنی عمارت کے کچھ آثار، ١۴۰۰ سال کے حوادث سے گزرنے کے باوجود اس وقت بھی عبرت کدہ کے طور پر موجود ہیں ۔

محراب کے نیچے اصلی ایوان میں اس وقت بھی مٹی، پختہ اور خام اینٹوں کی ایک بڑی مقدار ملبہ کے طور پر پڑی ہے، اس سے معلوم ھوتا ہے کہ محراب کا ایک حصہ حال ہی میں گر گیا ہے۔

اس علاقہ کے عراقی حکومت کے فوجی حاکم کا کہنا ہے کہ: محراب کا یہ حصہ ٹروریسٹوں کی توپ کے گولہ سے گر گیا ہے۔ اس نے محراب کی دیوار کا اصلی عمارت کی دیوار سے متصل ھونے کی طرف اشارہ کرتے ھوئے کہا: ایوان مدائن کی یہ عمارت، حالیہ برسوں کے دوران ہر سال پانچ سنٹی میٹر دھنس گئی ہے اور یہ جو شگاف نظر آرہا ہے اسی دھنس جانے کی وجہ سے ہے اور یہ شگاف ہر روز بڑھتا جا رہا ہے۔ اس وقت اس کا، خوف ہے کہ شگاف کے بڑھنے کی صورت میں کہیں محراب زمین بوس نہ ھو جائے۔

تین خرداد کو خرم شہر کی فتح اور کامیاب بیت المقدس فوجی کارروائیوں کی سالگرہ کی مناسبت سے مسلح افواج کے کمانڈر انچیف اور رہبر معظم انقلاب اسلامی حضرت آیت اللہ العظمی امام خامنہ ای کی موجودگی میں حضرت امام حسین (ع)کیڈٹ یونیورسٹی میں تربیت یافتہ سپاہیوں اور فوجی جوانوں کی ایک تقریب منعقد ہوئی۔

رہبر معظم انقلاب اسلامی نے گراؤنڈ میں پہنچنے کے بعد گمنام شہیدوں کے مزار پر حاضر ہوکر فاتحہ خوانی کی اور دفاع مقدس کے شہیدوں کو خراج تحسین پیش کرتے ہوئے ان کے درجات کی بلندی کے لئے دعا فرمائی۔

اس کے بعد فوجی جوانوں نے رہبر معظم انقلاب اسلامی کو سلامی پیش کی۔

رہبر معظم انقلاب اسلامی نے گراؤنڈ میں موجود جانبازوں کے ساتھ بھی محبت اور ہمدردی کا اظہار کیا۔

رہبر معظم انقلاب اسلامی حضرت آیت اللہ العظمی خامنہ ای نے اس تقریب سے اپنے خطاب میں حضرت امام حسین علیہ السلام کیڈٹ یونیورسٹی میں ماہر، محقق، انقلابی ،متعہد اور مؤمن جوانوں کی تربیت کو انقلاب اسلامی کی جدید نسل کا واضح نمونہ قراردیا اور دنیا کی تسلط پسند اور تسلط پذیر تقسیم اور تسلط پسند نظام کے مقابلے میں ایرانی قوم کی استقامت اور پائداری کی طرف اشارہ کرتے ہوئے فرمایا: آج ایرانی قوم اور اسلامی نظام کی پیشرفت اور ترقی پر امریکہ اور مغربی طاقتیں بہت زيادہ ناراض، برہم اور عصبانی ہیں کیونکہ ایرانی قوم نے امریکہ اور مغربی طاقتوں کے بعیر اپنی اندرونی توانائيوں کو بروی کار لاتے ہوئے خاطر خواہ پیشرفت حاصل کی ہے جس پر وہ سخت ناراض ہیں اور ہم ان کے جواب میں شہید بہشتی کے اس معروف جملے کو دہراتے ہیں کہ تم غصہ اور ناراضگی سے ہلاک جاؤ۔

رہبر معظم انقلاب اسلامی نے اسلامی جمہوریہ ایران میں جدید اور تازہ نسل کی بالندگی کو اساسی اور اہم مسائل میں شمار کیا اور گذشتہ برسوں میں انقلاب سے دور ہونےپر بعض افراد کی تشویش کی طرف اشارہ کرتے ہوئے فرمایا: جیسا کہ اس دور میں بھی بیان کیاگیا کہ اب انقلاب سے فاصلہ اختیار کرنے والوں پر، انقلاب کی جدید اور جوان نسل کا غلبہ پیدا ہوگیا ہے انقلاب اسلامی کی جدید نسل ملک بھر میں پیشرفت اور ترقی کے ہمراہ درخشاں مستقبل کی بہترین نوید ہے۔

رہبر معظم انقلاب اسلامی نے انقلاب اسلامی کے اصولوں پر معتقد جوان نسل کی ایک نکتہ کی طرف توجہ مبذول کرتے ہوئے فرمایا: اس نئی اور جدید نسل کو مستقبل میں اسلامی تمدن کی تشکیل پر اپنی توجہ کو مرکوز کرنی چاہیےاور صرف اپنے قریب اور اپنے پاؤں کے سامنے نگاہ نہیں کرنی چاہیے بلکہ دراز مدت افق پر توجہ مبذول کرنی چاہیے۔

رہبر معظم انقلاب اسلامی نے اسلام کو برسوں سے گوناگوں حوادث میں زخمی ہونے والی انسانیت کے لئے بہترین پناہگاہ قراردیا اور اسلامی کو انسانی کرامت کا علمبردار قراردیتے ہوئے فرمایا: مؤمن اور معتقد جوان اس ملک کے مستقبل کے معمار اور اسلام کے نئے تمدن کو خلق کرنے کا اصلی محور ہیں۔

رہبر معظم انقلاب اسلامی نے اسلامی نظام کو درپیش چیلنجوں کی طرف اشارہ کرتے ہوئے فرمایا: بصیر، آگاہ اور شجاع انسان کبھی چیلنجوں سے گھبراتے نہیں بلکہ وہ اپنی نگاہیں موجودہ ظرفیتوں اور بسا اوقات اندرونی سطح پر معطل شدہ ظرفیتوں پر مرکوز کرتے ہیں۔

رہبر معظم انقلاب اسلامی نے اسلامی نظام کی روزافزوں ترقی، پیشرفت، استحکام اور اقتدار کو چیلنجوں کا اصلی سبب قراردیتے ہوئے فرمایا: ایرانی قوم انقلاب اسلامی کی کامیابی کی بدولت 35 سال سے ترقی و پیشرفت کی شاہراہ پر گامزن ہے اور دنیا کے تسلط پسند اور تسلط پذير نظام کے مقابلے میں استقامت اور پائداری کا مظاہرہ کررہی ہے اور دنیا کی منہ زور طاقتوں منجملہ امریکہ کو باج دینے کے لئے تیار نہیں اسی لئے بین الاقوامی منہ زور طاقتیں ایران سے ناراض اور اس پر خشمگين اور برہم ہوگئی ہیں۔

رہبر معظم انقلاب اسلامی نے فرمایا: البتہ ایرانی قوم کی اسی پائداری کی وجہ سے دنیا کی دیگر اقوام ایرانی قوم کے ساتھ محبت اور پیار کا اظہار کرتی ہیں حتی بعض ایسی حکومتیں جو منہ زور اور تسلط پسند طاقتوں کے مقابلے میں کھڑا ہونے کی ہمت نہیں کرتیں وہ بھی ایرانی قوم کی پائداری اور استقامت سے خوشحال اور شاد و مسرور ہیں اور ایرانی قوم کے اس اقدام کی تعریف کرتی ہیں۔

رہبر معظم انقلاب اسلامی نے ایرانی قوم کی مخالف اور منہ زور اور دشمن طاقتوں کی جانب سے ایٹمی اور انسانی حقوق اور بعض دیگر موضوعات پیش کرنے کو محض بہانہ قراردیتے ہوئے فرمایا: دنیا کی منہ زور طاقتیں انسانی حقوق اور ایٹمی موضوعات کو بہانہ بنا کر اور ایرانی قوم پر دباؤ ڈالکر اسے استقامت اور پائداری کے جوہر دکھانے سے منصرف کرنے کی تلاش و کوشش میں مصروف ہیں لیکن ایسا ہر گز نہیں ہوگا۔

رہبر معظم انقلاب اسلامی نے فرمایا: ایرانی قوم نے مختلف میدانوں میں اپنی توانائيوں سے ثابت کردیا ہے کہ وہ امریکہ کے بغیر بھی عالمی سطح پر سیاسی عزت و کمال اور علمی ،سماجی اور سائنسی ترقیات میں آگے بڑھ سکتی ہے۔

رہبر معظم نے تاکید کرتے ہوئے فرمایا: ایرانی قوم نے درست اور صحیح راستہ کا انتخاب کیا ہے اور وہ اسی راستے پر گامزن رہےگی اور دنیا کی اکثریت بھی ایرانی قوم کے ساتھ ہے۔

رہبر معظم انقلاب اسلامی نے دنیا تک ایرانی قوم کی ترقی اور پیشرفت کی آواز کو پہنچنے سے روکنے کے لئے عالمی استعماری میڈیا کی کوششوں کی طرف اشارہ کرتے ہوئے فرمایا: ان تمام کوششوں کے باوجود دنیا کے بہت سے لوگوں کو ایرانی قوم پر اعتماد ہے اور وہ ایرانی قوم کی تعریف اور تمجید کرتے ہیں۔

رہبر معظم انقلاب اسلامی نے اسلامی جمہوریہ ایران کے مقابلے میں عالمی برادری کی تعبیر کو جھوٹ پر مبنی تعبیر اور اس پر تنقید کرتے ہوئے فرمایا: جو تعبیر دشمن استعمال کررہے ہیں ہمیں وہ تعبیر استعمال نہیں کرنی چاہیے کیونکہ حقیقت یہ ہے کہ وہ عالمی برادری نہیں ہیں بلکہ کچھ ایسی منفور اور مستکبرحکومتیں ہیں جو بدنام صہیونی کمپنیوں کے زیر اثر ہیں۔

رہبر معظم انقلاب اسلامی نے تاکید کرتے ہوئے فرمایا: عالمی برادری مظلوم قومیں اور مظلوم حکومتیں ہیں جو منہ زور سامراجی طاقتوں کے دباؤ کے سامنے مخالفت کا اظہار نہیں کرسکتی ہیں اور اگر انھیں ایسا موقع مل جائے تو وہ یقینی طور پر سامراجی اور منہ زور تسلط پسند طاقتوں کی مخالفت کھل کر کریں گی۔

رہبر معظم انقلاب اسلامی نے فرمایا: عالمی برادری دنیا کے دانشوروں، مفکروں ، نیک لوگوں اور حریت پسندوں پر مشتمل ہے۔

رہبر معظم انقلاب اسلامی اور مسلح افواج کے سربراہ نے اپنے خطاب کے دوسرے حصہ میں حضرت امام حسین (ع) کیڈٹ یونیورسٹی کو رزمی مہارتیں سیکھنے، معنویت اور بصیرت حاصل کرنے اور انقلابی ریسرچ و تحقیقات کا ایک اہم مرکز قراردیا اور اس یونیورسٹی کے جوانوں کو اس فرصت سے بھر پور فائدہ اٹھانے، یونیورسٹی کے حکام اور اساتید سے زیادہ سے زیادہ فیض حاصل کرنے کی سفارش فرمائي۔

رہبر معظم انقلاب اسلامی نے اپنے خطاب کے اختتام پر جوانوں کو مخاطب کرتے ہوئے فرمایا: یہ ملک اور اس کا مستقبل آپ کے ہاتھوں میں ہے اور آپ کو بلند ترین افق فتح کرنے اور عظیم کام انجام دینے کے لئے خود کو اچھی طرح آمادہ کرنا چاہیے۔

اس تقریب میں سپاہ پاسداران انقلاب اسلامی کے سربراہ میجر جنرل محمد علی جعفری نے سپاہ کی روزافزوں توانائیوں اور دفاعی صلاحیتوں اور انقلاب اسلامی کے دفاع کے سلسلے میں سپاہ کے دائمی پروگراموں کی طرف اشارہ کرتے ہوئے کہا: سپاہ پاسداران انقلاب اسلامی کے اقتدار کا اصلی سرچمشہ اندرونی اقتدار اور مؤمن ، معتقد اور انقلابی جوانوں پر مشتمل ہے۔

حضرت امام حسین (ع) یونیورسٹی کے کمانڈر جنرل پاسدار مرتضی صفاری نے بھی یونیورسٹی کے علمی اور ثقافتی پروگراموں کے بارے میں رپورٹ پیش کی۔

اس تقریب میں یونیورسٹی کے بعض کمانڈروں، اساتید، مدیروں، تربیت یافتہ فوجی جوانوں اور رتبہ حاصل کرنے والے جوانوں نے رہبر معظم انقلاب اسلامی کے ہاتھ سے تحفے اور ہدایا دریافت کئے اور یونیورسٹی کے نمائندہ جوانوں کو ترقی کے نشان سے نوازا گیا۔

امام حسین (ع) یونیورسٹی میں آج میثاق پاسداری تقریب کے دوران امت واحدہ کا پروگرام بھی پیش کیا گيا ۔

اسی طرح اس تقریب میں امام حسین (ع) یونیورسٹی کے فوجی جوانوں نے خود اعتماد رزمی نمائش کا بھی مظاہرہ کیا۔

تقریب کے اختتام پر گراؤنڈ میں موجود دستوں نے رہبر معظم انقلاب اسلامی کے سامنے شاندار پریڈ کا مظاہرہ کیا۔

تہران کی مرکزی نماز جمعہ آیت اللہ امامی کاشانی کی امامت میں ادا کی گئي۔ خطیب جمعہ تہران نے پانچ جمع ایک گروپ کے ساتھ ایٹمی مذاکرات میں ملت ایران کے ایٹمی حقوق کے تحفظ پر تاکید کی۔ آیت اللہ امامی کاشانی نے کہا کہ ملت ایران اور رہبرانقلاب اسلامی نے اس امر پر تاکید فرمائي ہے اور وزارت خارجہ کو ملت ایران کے ایٹمی حقوق کا تحفظ یقینی بنانا ہوگا۔ خطیب جمعہ تہران نے کہا کہ یورینیم کی افزودگی اور وہ تمام پرامن ایٹمی سرگرمیاں جن کے ذریعے طبی اور غیر طبی ضرورتیں پوری ہوتی ہیں جاری رہنی چاہیں اور ان کے سلسلے میں کسی طرح کی کوئي کوتاہی نہ ہو۔ آیت اللہ امامی کاشانی نے قوموں پر تسلط حاصل کرنے کی صیہونی حکومت کی سازشوں کی طرف اشارہ کرتے ہوئے کہا کہ امریکہ جو اس حکومت کو دوست کہتا ہے جان لے کہ صیہونی نہ صرف دوست نہیں ہیں بلکہ امریکہ سمیت تمام ملکوں کا استحصال کرنا چاہتے ہیں۔ انہوں نے علاقے میں صیہونیوں کے جرائم کی طرف اشارہ کرتے ہوئے کہا کہ مغرب کو چاہیے کہ صیہونی حکومت کو ترک کردے کیونکہ اس غاصب حکومت سے دوستی سے نقصان کے علاوہ کچھ نہیں ہوگا۔ آیت اللہ امامی کاشانی نے کہا کہ دنیا پر تسلط حاصل کرنے میں صیہونی حکومت کو کامیابی حاصل نہیں ہوئي ہے اور نہ ہوگي۔انہوں نے کہا کہ صیہونی حکومت کو الگ تھلگ کرنا اور اس سے دوری اختیار کرنا تمام حکومتوں اور قوموں کے حق میں ہے۔ خطیب جمعہ تہران نے آبادی کے تعلق سے رہبرانقلاب اسلامی کی ھدایات کی طرف اشارہ کرتے ہوئے کہا کہ اس اہم اقدام سے گھرانے کی بنیادیں مستحکم ہونگي۔ انہوں نے کہا کہ چونکہ اسلامی تہذیب و تمدن گھرانے کی بنیادوں پر استوار ہے لھذا مسلم جوان نسل کو اس بات پر فخر کرنا چاہیے کہ ان تہذیب نظام زندگي کو نہایت اہمیت دیتی ہے۔ آیت اللہ امامی کاشانی نے خرمشہر کی آزادی کی سالگرہ کی طرف اشارہ کرتےہوئے کہا کہ سپاہ اسلام نے یہ کامیابی حاصل کرکے اپنی بہادری کا ثبوت دیا اور بے پناہ فضلیتیں حاصل کیں۔

ہندوستان کے اقتصادی مسائل کے ایک ماہر نے مہنگائی سےمقابلے کو ہندوستان کی نئی حکومت کا اہم ترین چیلنج قرار دیا ہے۔ غیر ملکی ٹی وی چینل کی رپورٹ کے مطابق روچیر شرما نے کہا ہے کہ گذشتہ دس برسوں میں ہندوستان میں برسر اقتدار کانگریس حکومت نے مہنگائی میں بہت زیادہ اضافہ کیا جو درحقیقت آزادی کے بعد ملک کی تاریخ میں مہنگائی کا ایک ریکارڈ ہے۔ انہوں نے کہا کہ ہندوستان کے نو منتخب وزیر اعظم نریندر مودی کے سامنے ایک اہم مسئلہ یہ ہے کہ وہ مہنگائی سے مقابلے کے لئے ہندوستان کے مرکزی بینک کی کوششوں کی حمایت کریں اور ان کا دوسرا اہم کام یہ ہونا چاہیئے کہ حکومتی اخراجات میں کمی لائیں کہ جن پر گذشتہ چند برسوں ميں کنٹرول پانا مشکل ہوگيا ہے۔ اس وقت ہندوستان میں مہنگائی سے سب سے زیادہ غریب طبقہ متاثر ہوا ہے اور عوام اس سلسلے میں نئي حکومت سے ٹھوس اقدامات کے خواہاں ہيں۔

افریقن ٹائم نیوز نے اپنی ویب سائٹ میں لکھا ہےکہ وسطی افریقہ میں بحران کے خاتمے کے لئے اہم مسئلہ اقوام کے درمیان قومی آشتی کا فروغ ہے۔ وسطی افریقہ کے مغربی شہر بوآر میں بے شمار مسلمان مسجد میں پناہ لینے پر مجبور ہوئے ہیں اور کچھ ہی مسلمان اپنے گھروں کو لوٹے ہیں، لیکن یہ شہر ابھی بھی مسلمانوں کے لئے ناامن ہے۔ بوآر شہر کے مسلمانوں کی انجمن کے سربراہ آدامو جینگی بی بانو نے کہا ہے کہ شہر میں مسلمانوں کی آزادانہ رفت و آمد دشوار ہے اور شہر میں پائیدار امن قائم نہیں ہوسکا ہے۔ اس وقت بوآر شہر میں پندرہ سو کے قریب مسلمان موجود ہیں اور ہزاروں دیگر کیمرون ہجرت کرگئے ہیں اور بوآر شہر میں مکمل امن کی برقراری کے منتظر ہیں تاکہ اپنے گھروں کو واپس لوٹ آئیں۔

رہبر معظم انقلاب اسلامی حضرت آیت اللہ العظمی خامنہ ای نے بنیادی آئین کی دفعہ 110 کی شق ایک کے مطابق آبادی کی کلی پالیسیوں کو مجمع تشخیص مصلحت نظام کے اراکین کے ساتھ مشورے کے بعد ابلاغ کردیا ہے۔

رہبر معظم انقلاب اسلامی کے ابلاغیہ کا متن تینوں قوا کے سربراہان اور مجمع تشخیص مصلحت نظام کے سربراہ کے نام حسب ذيل ہے:

بسم اللہ الرحمن الرحیم

قومی اقتدار میں آبادی کی اہمیت کے پیش نظر؛ اور فرصت اور امتیاز کے عنوان سےملک کی موجودہ آبادی کی جوانی، بالندگی اور پرتحرک ہونے کے مد نظر اورگذشتہ برسوں میں آبادی کی شرح میں رونما ہونے والی کمی کو پورا کرنےکے سلسلے میں آبادی کی کلی پالیسیوں کو ابلاغ کیا جاتا ہے۔ ملک کی ترقی و پیشرفت میں آبادی کے ایجابی اور مثبت نقش کے پیش نظر ضروری ہے کہ آبادی کی پالیسیوں کے متناسب ملک کے ثقافتی، سماجی، اقتصادی رشد و نمو کے لئے جامع منصوبوں کو عمل میں لایا جائے۔اور اسی طرح ضروری ہے کہ اسلامی نظام اورمتعلقہ اداروں کے ارکان کام کی تقسیم اور ہمآہنگی کو دقت، سرعت اور قدرت کے ساتھ انجام دیں اور کلی پالیسیوں کےنفاذ کے سلسلے میں نگرانی کے بارے میں مسلسل رپورٹ فراہم کریں۔

سید علی خامنہ ای

30 / اردیبہشت /1393

بسم اللہ الرحمن الرحیم

" آبادی کی کلی پالیسیاں"

1۔ آبادی کےرشد و نمو کے ساتھ ، آبادی کی جوانی ، بالندگی اور تحرک کے ارتقاء پر توجہ ۔

2۔ شادی کے سلسلے میں حال رکاوٹوں کی برطرفی، خاندان کی تشکیل کی ترویج اور اس سلسلے میں سہولیات کی فراہمی، اولاد کے اضافہ، شادی کی عمر میں کمی اور شادی شدہ جوانوں کی حمایت، زندگی کے اخراجات کے سلسلے میں انھیں توانا بنانے اور کارآمد اور صالح نسل کی تربیت پر توجہ۔

3۔ ماؤں ، دودھ پلانے والی خواتین اور حاملہ خواتین کے لئے خصوصی سہولیات کی فراہمی، ولادت کے اخراجات کو بیمہ کرنے ، مردوں اور عورتوں کے بانجھ پن کے علاج اور حمایتی اداروں اور مراکز کی تقویت پر توجہ۔

4۔ خاندان اور اولاد کی تربیت کے سلسلے میں عام تعلیمات کی تکمیل اور اصلاح کے ساتھ خاندان کی پائداری اور استحکام پر تاکید، اسلامی و ایرانی اقدار اور ثقافت کی بنیاد پر مشاورت، ارتباطات اور زندگی کے فنون اور مہارتوں کی تعلیم پر تاکید، سوشل سلامتی نظام ، صحت کی دیکھ بھال، بچوں کی ولادت اور صحت کے بارے میں طبی دیکھ بھال اور نگرانی پر توجہ۔

5۔ اسلامی و ایرانی طرز زندگي کے فروغ اور مغربی طرز زندگی کے غیر پسندیدہ پہلوؤں کا مقابلہ کرنے پر تاکید۔

6۔ آبادی کی صحت مند زندگی اور سالم غذائیت ،امید افزا زندگی کے ارتقا، سماجی خطرات سے حفاظت بالخصوص منشیات، حوادث ، ماحولیات کی آلودگیوں اور بیماریوں سے بچاؤ پر توجہ۔

7۔ بزرگوں اور بوڑھوں کے احترام اور تکریم کے لئے ثقافت کے فروغ ، صحت و سلامتی کے لئے ضروری شرائط فراہم کرنے پر تاکید، بزرگوں کی خاندانوں میں موجودگی اور مختلف میدانوں میں ان کے تجربات سے استفادہ کرنے پر تاکید۔

8۔ ثقافتی اصلاحات کے ذریعہ کام کرنے والی آبادی کو بااختیار بنانے، تعلیمی نظام اور عوامی تعلیم، کاروبار، تکنیکی اور معاشرے کی پیشہ ورانہ ضروریات کے مطابق اور روزگار اور پیداوار کے سلسلے میں ان کی دلچسپی اور صلاحیتوں سے استفادہ کرنے پر تاکید۔

9۔ آبادی کی جغرافیائی اور کھلی فضا کی ظرفیت کے متناسب اور متعادل تقسیم اور آبادی پر کم دباؤ کے پیش نظر پانی کے وسائل کی فراہمی پر تاکید۔

10۔ دیہاتوں اور سرحدی اور کم آبادی والےعلاقوں میں آبادی کے جذب اور حفاظت پر تاکید، خلیج فارس اور دریائے عمان کے ساحلی علاقوں اور جزائر میں نئی بستیاں آباد کرنے اور ان کے لئے بنیادی وسائل کی فراہمی پر تاکید۔

11۔ مناسب اقدامات اور منصوبہ کی تدوین کے ذریعہ داخلی اور خارجی مہاجرت کی مدیریت پر تاکید۔

12۔ بیرون ملک ایرانیوں کی ملک میں موجودگی اور ملک میں سرمایہ کاری کے لئے ان کی تشویق اور ان کی ظرفیتوں اور توانائیوں سے استفادہ پر تاکید۔

13۔ اسلامی انقلابی اور ایرانی قومی تشخص کے اجزاء کی تقویت، ایرانی سرزمین بالخصوص سرحد نشینوں اور دیگر ممالک میں مقیم ایرانیوں کے درمیان سماجی اتحاد اور انسجام پر تاکید۔

14۔ کمیت اور کیفیت کے لحاظ سے آبادی کی کلی پالیسیوں پر مسلسل نگرانی، مقمی سطح پر انسانی فروغ کے معیاروں کی تدوین اور مناسب نظام کی تشکیل اور انسانی فروغ اور آبادی کے بارے میں تحقیقات انجام دینے پر تاکید ۔