پروفيسر رفيق علي اف كہتے ہيں كہ امام خميني رح آخري دوصدي ميں عالم اسلام كي ايك بزرگ شخصيت ہيں كہ جنهوں نے ايك مفكر، سياست داں،عالم اور صاحب نظر ہونے كے عنوان سے جمهوري اسلامي كے لايحہ عمل كو تيار كيا اور اس كو ايراني قوم كے جوش و خروش كے ذريعہ شہنشاہي نظام كي جگہ قرار ديا۔ اس ميں كوئی شك نہيں ہے كہ ہم ايرانيوں كي نگاہ ميں امام ختمينيؒ كا ايك خاص مقام ہے ،كيوں كہ امام خميني رح ہمارے صرف سياسي قائد نہيں تهے بلكہ آپ ہمارے ديني اور الہي رہنما بهي تهے آپ وہ شخصيت تهے كہ جسے دوست و دشمن سب چاہتے تهے اور مستضعفين كے دلوں ميں آپ كا خاص مقام تها آپ كسي بات كي نصيحت كرنے سے پہلے خود اس پر عمل كرتے تهے آپ كي رہبري نے ايرانيوں كے زخمي غرور كے لئے مرحم كا كام كيااور ان كي عزت اور احترام اور خود اعتمادي واپس آگئي جتنا آپ كے بارے ميں كہا جائے كم ہے آپ پايداري،تقوي اور بہادري كا نمونہ تهے۔دلچسپ ہے كہ آپ كے سلسلہ ميں دنيا كے دانشمندوں كے نظريات سے آشنا ہوں۔

روس كے ايك قلمكار:

امام خميني رح ہميشہ انسان اور خدا كے رابطہ كے بارے ميں تاكيدكرتے تهے

روس كے فڈريشن كے سكريٹري كہتے ہیں كہ امام خميني رح دور حاضر كے سياسي قائدين كے بر خلاف، كہ جو مختلف زمينوں ميں سے كسي ايك خاص سياسي ،اقتصادي، سماجي ،ديني اور حقوقي زمینہ ميں استعداد ركهتے ہيں ،آپ ان تمام زمينوں ميں استعداد ركهتے تهے

پروفيسر ميخاييل لمشف مزيد فرماتے ہيں كہ امام خميني رح نے سياست كو دين كا جزو لا ينفك قرار ديا اور اپنے ديني اور الہي ارادہ كے ساته ظلم كے مقابلہ ميں كهڑے ہوگئے۔وہ کہتے ہيں كہ امام راحل نے معاشرہ كي سماجي اور سياسي زندگي كے مختلف حصوں ميں اسلام كو انقلابي تبديليوں ميں ايك بنيادي سبب اور انساني اقدار كا حامي قرار ديا۔ انهوں نے اس نكتہ كي طرف اشارہ كرتے ہوئے كہ امام خميني رح كي پوري كوشش يہ تهي كہ بيگانہ افكار سے دوري اختيار كريں،كہا:امام خميني رح ہميشہ انسان اور خدا كے نہ ٹوٹنے والے رابطہ پر تاكيد كرتے تهے آپ نے جوانوں كو عقل اور جذبات كے منبع كے عنوان سے حقيقي اسلام سے جوڑا اور ان كو انحراف سے نجات دي۔

ميخاييل لمشف كا کہنا ہے كہ بين الاقوامي نقطہ نظر سے امام كي فكر عالم اسلام پر چها گئي اور آپ اسلام كے سخت دشمن اسرائيل اور امريكا كے مقابلہ ميں كهڑے ہوگئے اور آپ نے ثابت كرديا كے ايران كا اسلامي انقلاب روس اور فرانس كے انقلاب سے الگ ہے اس نے تاكيد كي كہ امام خميني رح نے اسلام كي جاودانہ تعليمات اور اقدار كي پيروي كرتے ہوئے لوگوں كو ان كي سماجي موقعيت كو مد نظر نہ ركهتے ہوے برابر سمجها اور ان كے درميان صلح وبرابري اور ان كي آسائش كو اپنا ہدف قرار ديا۔

مفتي كرواسي:

امام خميني رح صدي كے عظيم مصلح مفتي كرواسي نے امام خميني رح كو آخري صدي ميں اسلام اور معاشرہ كے آزادي طلب لوگوں كے درميان عظيم مصلح كے طور پر ياد كيا شفكو عمر بشيچ نے جمهوري اسلامي ايران كے خبر نگار سے گفتگو كرتے ہوے كہا كہ امام خميني رح كا پورے عالم اسلام اور دنيا ميں ايك خاص احترام ہے امام خميني رح كي فكر فقط مسلمانوں كي بيداري كا سب نہيں بني بلكہ آپ نے دوسرے اديان كے پيروں كو بهي سماج ميں دين كے اہم كردار كے بارے ميں سوچنے پر مجبور كرديا۔.

وہ كہتا ہے كہ امام خميني رح كا انقلاب تاريخ كے اس دور ميں واقع ہوا كہ جب لوگ دين كو ناكارآمد سمجهتے تهے ليكن ايران كے اسلامي انقلاب نے اس نظريہ پر خط بطلان كهينچ ديا اور دين كو پہلے سے زيادہ كار آمد تر كرديا۔مفتي كرواسي نے آخر ميں كہا كہ امام خميني رح كے انتقال كو چند سال گذرنے كے باوجود دنيا ميں آج بهي آپ كے افكار كے قدرداں اور موافق موجود ہيں لہذا تمام اديان الہي كے پيروں كو چاہيئے كہ وہ آخري صدي كے عظيم مصلح يعني امام خميني رح كي قدر كريں۔

آذربائيجان كا ايك دانشمند :

امام خميني رح ايك ايسے دانشمند تهے كہ جو منحصر بہ فرد تهے

جمهوري آذربائيجان كے تحقيقاتي مركز كے رئيس نے امام خميني رح كو ايك صاحب نظر اور منحصر بہ فرد دانشمند كے عنوان سے ياد كيا پروفيسر رفيق علي اف نے جمهوري اسلامي كے خبر نگار سے گفتگو كرتے ہوے كہا كہ امام خميني رح نے اپني حكيمانہ رہبري اور ايران ميں انقلاب اسلامي كي كاميابي كے ذريعہ ان لوگوں كے دعوے كو كہ جو دين كو تخريبي عامل كے عنوان سے پہچنواتے تهے غلط ثابت كرديا اور اسلام كو ايك تعميري مذہب اور اخلاقي اقدار اور صلح و عدالت پر مشتمل مذہب كے عنوان سے دنيا كے سامنے پيش كيا جمهوري آذربائيجان كے تحقيقاتي مركز كے رئيس نے كہا كہ ايران ميں انقلاب اسلامي كي كاميابي اور اس ملك ميں اسلامي قانون كے نافذ ہونے كے بعد پڑوسي ممالك من جملہ آذربائيجان، قفقاز شمالي اور مشرق وسطي بهي اس انقلاب كي بركت سے بہرہ مند ہوے وہ كہتا ہے كہ اسلامي انقلاب كے اثرات جلدي ہي پوري دنيا پر ظاہر ہوگئے اور ان اثرات نے پوري دنيا كي بيداري ميں مناسب شرائط مہيا كئے پروفيسر رفيق علي اف كہتے ہيں كہ امام خميني رح آخري دوصدي ميں عالم اسلام كي ايك بزرگ شخصيت ہيں كہ جنهوں نے ايك مفكر، سياست داں،عالم اور صاحب نظر ہونے كے عنوان سے جمهوري اسلامي كے لايحہ عمل كو تيار كيا اور اس كو ايراني قوم كے جوش و خروش كے ذريعہ شہنشاہي نظام كي جگہ قرار ديا۔

مليشيا كي ايك ايم شخصيت:

امام خميني رح دور حاضر كي مادي پرست دنيا ميں اخلاق اور معنويت كے پرچمدار تهے

ڈاكٹر چاندرا مظفر مليشيا كي عدالت ملي پارٹي كے سربراہ نے كہا كہ امام خميني رح نے جس معاشرہ ميں مادي گري سماج كا جزو لا ينفك تهي ،اخلاق اور معنوي اقدار كے چہرہ كو ظاہر كيا مليشيا كي يونيورسٹي كے اس استاد اور سرگرم سياستداں نے كہا كہ امام خميني رح كو بيسوي صدي كے عظيم قائد كے طور پر ياد كيا جاے گا كيوں كہ آپ وہ تنہا رہبر ہيں كہ جس نے بيسوي صدي ميں اسلامي انقلاب برپا كيا۔چاندرا مظفر كہ جو مليشيا كي عدالت ملي پارٹي كے سربراہ بهي ہيں عدالت كے تحفظ ميں امام خميني رح كے اہم كردار كا ذكر كرتے ہوے كہتے ہيں كہ امام خميني رح ايك عظيم رہبر تهے كہ جنهوں نے اپني كوششوں سے عالم اسلام ميں اپنا خاص مقام بنايا۔

كولنمبيا كے ايك قلمكار:

امام خميني رح نے اسلام كي ضرورت كو دنيا ميں زندہ كيا

حوليان زاپاتا،محقق، اہل قلم اور كلمبيا كے اسلامي كلچر كے مركز كے سربراہ نے كہا: بيسوي صدي ميں دنيا ميں تين اہم شخصيتيں مطرح ہوئيں جو تمام سياسي معاشروں ميں سياست مدار حضرات كي توجہ كا مركز بنيں ان ميں سے ايك گاندهي دوسرے يحيي واتيكان كے لوگوں كے قائد اور تييسرے امام خميني رح ہيں ان تينوں ميں جس كا كلچر اور باتيں لوگوں پر اثر انداز ہوئيں وہ امام خميني رح ہيں امام خميني رح مسلمانوں كے قائد اور وہ آزاد انسان تهے كہ جنهوں نے ايك قيام كے ذريعہ اسلام كو ايران جيسے وسيع ملك ميں پهيلايا اور اسلام كي ضرورت كو دنيا ميں زندہ كيا۔امام خميني رح اسلامي حكومت كے سايہ ميں اپني درايت اور تدبير سے قائدين عالم كے لئے نموئہ عمل بن گئے۔

قرقيزستان يونيورسٹي كے ايك استاد:

امام خميني رح نے دين كے راستے كا انتخاب كيا آپ انسان اور اس كي روح كا عقيدہ ركهتے تهے

ساويت بيك تاكتامشيف قرقيزي يونيورسٹي ميں فيزيك كے پروفيسر معتقد ہيں كے امام خميني رح ايك عظيم قائد ہيں انهوں نے جديد نظريات كو پيش كيا اور انهوں نے اس زمانے ميں دين كو سماج كي ہدايت اور قيادت كے ميدان ميں داخل كيا اور اس كي ان طاقتوں كو كہ جو دنيا والوں كے سامنے نا آشنا تهي استعمال كيا اور انهيں زندہ كيا۔ اس نكتہ كي توضيح ميں يہ كہہ سكتے ہيں كہ امام خميني رح نے انقلاب اسلامي كے لئے بہترين وقت كا انتخاب كيا۔ جس وقت دنيا ميں سرمايہ دارانہ نظام كے ستون لرز رہے تهے اور كميونيزم اور سوشليزم سماج كے امور چلانے ميں ناكام تهے۔ اس دور ميں امام خميني رح كي شخصيت ايك منفرد اور مستثني شخصيت تهي۔نہ آپ نے سرمايہ دارانہ نظام كے راستہ كو انتخاب كيا اور نہ ہي ماركسيزم اور كميونزم جيسے نظاموں كے كهوكهلے پن كے سلسلے ميں اپنے اعتقاد و ايمان كو ذرہ برابر كم ہونے ديا۔آپ كي راہ ايك منفرد راہ تهي كہ جس كي عمر بشريت كي عمر كے برابر تهي آپ نے دين كے راستے كا انتخاب كيا اور اسلام كو وسيلہ بنايا۔ آپ انسان اور اس كي روح كي وسعت كا عقيدہ ركهتے تهے۔ آپ انسان كو فرزند طبيعت كي طرح سمجهتے تهے اور ان كے درميان صرف ديني ايمان كو ايك دوسرے پر برتري كا ذريعہ سمجهتے تهے۔

رہبر معظم انقلاب اسلامی حضرت آیت اللہ العظمی خامنہ ای نے قرآن کریم کے تیسویں بین الاقوامی مقابلوں میں شرکت کرنے والے قاریوں، حافظوں اور اساتید کے ساتھ ملاقات میں اتحاد اور یکجہتی کی حفاظت کو مسلمانوں کے لئے قرآن مجید کا ایک اہم حکم اور دستور قراردیتے ہوئے فرمایا: آج مسلمانوں کو اتحاد اور یکجہتی کی طرف دعوت دینے والی ہرآواز اور ہر زبان، الہی آواز اور الہی زبان ہے اور ہر زبان و ہر آواز جو مسلمانوں اور اسلامی مذاہب کے درمیان تفرقہ اور دشمنی پھیلائے وہ شیطانی آواز اور شیطانی زبان ہے۔

رہبر معظم انقلاب اسلامی حضرت آیت اللہ العظمی امام خامنہ ای نے اس ملاقات میں قرآن کریم اور اس کے عزت آفرین اور سعادت بخش معارف کے ساتھ مسلمانوں کی زیادہ سے زیادہ معرفت، انس اور آشنائی کے سلسلے میں تاکید کرتے ہوئے فرمایا: قرآن مجید کا مسلمانوں کو ایک حکم اور خطاب یہ ہے کہ وہ اللہ تعالی کی رسی کو مضبوطی سے تھام لیں اور اس کے ارد گرد سے متفرق نہ ہوں جبکہ اللہ تعالی کے اس حکم کے خلاف استعماری طاقتوں کی مسلمانوں کے درمیان نفاق ، اختلاف اور قومی و مذہبی تعصب پھیلانے کی تلاش و کوشش اور و جد وجہد جاری ہے۔

رہبر معظم انقلاب اسلامی نے بعض اسلامی ممالک اور حکومتوں کا دشمن کے مکر و فریب میں آنے اور ان کی دشمن کے حق میں بازی کرنے کی طرف اشارہ کرتے ہوئے فرمایا: مسلمانوں کے درمیان اتحاد و اتفاق ایک فوری فریضہ ہے۔

رہبر معظم انقلاب اسلامی نےقتل و غارت، خونریزی، اندھی دہشت گردی اور اس سے متعلق دردناک واقعات اور غاصب صہیونی حکومت کو آرام و سکون کا موقع فراہم کرنے کو امت اسلامی کے درمیان اختلاف اور تفرقہ کے نتائج قراردیتے ہوئے فرمایا: آج مسلمانوں اور اسلامی حکومتوں کے لئے امتحان کا وقت ہے اور مسلمانوں کو مکمل طور پر ہوشیار رہنا چاہیے۔

رہبر معظم انقلاب اسلامی نے مغربی ممالک میں اسلامی موج اور عالم اسلام کا مقابلہ کرنے کے سلسلے میں کوششوں کی طرف اشارہ کرتے ہوئے فرمایا: مغربی دشمنوں نے مسلمانوں کے سرپر شمشیر کھینچ رکھی ہے، لہذا مسلمانوں کو اپنے اندرونی اقتدار اور توانائیوں کے عوامل کو مضبوط بنانا چاہیے اور ان عوامل میں مشترکہ نقاط پر توجہ اور اتحاد و یکجہتی سب سے اہم عوامل ہیں۔

رہبر معظم انقلاب اسلامی نے عالم اسلام کو قرآنی حقائق کے لئے تشنہ قراردیتے ہوئے فرمایا: ماضی میں عالم اسلام کی ممتاز شخصیات اپنی حریت پسند آواز کو دوسروں تک پہنچانے کے لئے سوشلسٹ اور کمیونسٹ کےنعروں سے استفادہ کرتی تھیں لیکن اس کے برعکس آج عالم اسلام کے مشرق سے لیکر مغرب تک اگرمسلمان آزادی، استقلال ، عزت اور عدل و انصاف کے نعرے لگائیں تو وہ قرآنی نعرے لگاتے ہیں۔

رہبر معظم انقلاب اسلامی نے قرآنی مقابلوں کے انعقاد کو قرآنی معانی و مفاہیم اور قرآنی حقیقت سے بہتر آشنا ہونے کا ایک وسیلہ قراردیتے ہوئے فرمایا: قرآنی معارف یاد کرنے اور قرآنی تعلیمات کے سائے میں مسلمان عزت ، عظمت ، امن و سلامتی کی سربلندی تک پہنچ سکتے ہیں۔

اس ملاقات کے آغاز میں ادارہ اوقاف و امور خیریہ کے سربراہ اور نمائندہ ولی فقیہ حجۃ الاسلام والمسلمین محمدی نے اس ادارے کی طرف سے قرآنی معارف کو فروغ دینے اور اسی طرح قرآن مجید کےتیسویں بین الاقوامی مقابلوں کے انعقاد کے بارے میں رپورٹ پیش کی۔

حجۃ الاسلام والمسلمین محمدی نے 70 ممالک کے قاریوں، حافظوں اور اساتید کی ان مقابلوں میں شرکت کی طرف اشارہ کرتے ہوئے کہا: ادارہ اوقاف نے ملک میں قرآنی سرگرمیوں کو فروغ دینے کے سلسلے میں مختلف پروگراموں کو مرتب کررکھا ہے

القاعدہ گروپ سے تعلق رکھنے والے سعودی عالم دین سعد الدریہم جو عراق میں مبلغ دین کے طور پر سرگرم فعالیت ہیں نے فیس بک پر اپنے خصوصی پیچ پر لکھا ہے کہ عراقی شیعہ عورتوں اور بچوں کا قتل کر کے لوگوں کے دلوں میں دھشت پیدا کرو۔

ریاض کی یونیورسٹی ’’ امام محمد بن سعود‘‘ کے شعبہ شریعت اسلامی کے استاد سعد الدریہم نے عراق میں القاعدہ کے دھشتگرد عناصر کو مجاہد کہتے ہوئے انہیں تاکید کی ہے کہ اگر مجاہدین عراق میں قتل و غارت کو مزید بڑھاوا دیں اور رافضیوں کی عورتوں اور بچوں کو قتل کریں یا گرفتار کریں تو اس سے رافضیوں کے دلوں میں دھشت اور دبدبہ پیدا ہو گا۔

اسلامی شریعت کے اس استاد اور مبلغ کا یہ فتوی شدید تنقید کا شکار ہوا ہے۔

المدینہ اخبار کے نامہ نگار نے اس سلسلے میں کہا: خدا کی قسم سب سے زیادہ جو لوگ اسلام کی اہانت کا باعث بنے ہیں وہ کوئی دوسری قومیں نہیں ہیں بلکہ اسی طرح کے شدت پسند مولوی ہیں جو دوسرے مسلمانوں کے قتل و غارت کا فتوی دیتےہیں۔

سعودی عرب کے اخبار’’ عکاظ‘‘ کے نامہ نگار’’ عبد اللہ بن بخبت‘‘ نے کہا: جب اس طرح کے افراد کو سعودی عرب میں کوئی پوچھنے والا نہیں ہے جو کھلے عام قتل و غارت کا فتویٰ دیتے ہیں تو ایسے میں یہ کوئی تعجب کی بات نہیں ہے کہ دھشت گرد سعودی عرب میں ہی پلتے ہیں۔

سعودی عرب کے ایک اور رائٹر محمد العمر کا کہنا ہے کہ ہمارے اجداد میں سے کسی نے بھی اس طرح کی وصیت نہیں کی ۔

ایک اور شخص عبد العزیز الزھرانی نے الدریہم سے مخاطب ہو کر لکھا ہے کہ نبی رحمت (ص) نے تو کبھی یہودیوں کی عورتوں اور بچوں کے لیے ایسا حکم نہیں دیا۔

’’ الوطن‘‘ نیوز پیپر کی نامہ نگار خاتون’’ حلیمہ مظفر‘‘ نے سعودی حکام سے مطالبہ کیا ہے کہ الدریہم کو عدالت کے کٹیرے میں کھڑا کیا جائے اور اسے یونیورسٹی میں پڑھانے سے منع کیا جائے۔

’’الریاض‘‘ نیوز پیپر کے نامہ نگار ’’یوسف ابا الخیل‘‘ نے لکھا ہے: خداوند عالم نے اس طرح کے افراد سے نہ صرف ایمان کی دولت چھین لی ہے بلکہ وہ رحم اور عطوفت جو حیوانوں کے اندر بھی ہوتی ہے وہ بھی اس سے چھین لی ہے۔

قابل ذکر ہے کہ سعد الدریہم نے کچھ عرصہ پہلے دعوی کیا تھا کہ جنت میں صرف ’’نجد‘‘ کے رہنے والے لوگ اور علماء جا سکیں گے۔

عراق کی تنظیم ’’ اھل الحق‘‘ کے سیکریٹری جنرل ’’ قیس خز علی‘‘ نے کہا ہے کہ شام میں حضرت زینب سلام اللہ علیہا کے روضہ اقدس کی حفاظت کرنے میں اہلسنت کے مجاہدین بھی شریک ہیں کہ جن میں سے سات مجاہدین شہید بھی ہو چکے ہیں۔

انہوں نے تاکید کی کہ اہلسنت کے مجاہدین حکومت شام کا دفاع نہیں بلکہ صرف اہلبیت علیہم السلام کے روضوں کی حفاظت کرنے میں دھشتگردوں سے بر سر پیکار ہیں۔

’’ سومریہ نیوز ایجسنی‘‘ کے نمائندہ سے گفتگو کرتے ہوئے قیس خز علی نے کہا: شام میں روضوں کی حفاظت کرنے والے عراقی مجاہدین کے ساتھ اہل الحق تنظیم کے افراد بھی شامل ہیں جو جناب زینب (س) کے روضے کی حفاظت کر رہے ہیں تاہم ان میں سے سات افراد شہید ہو چکے ہیں۔

انہوں نے مزید کہا: روضوں کو گرانا اسلامی قوانین کی خلاف ورزی اور مذہبی جنگ و جدال کا باعث ہے ہم ابھی تک سامرا کے روضوں کے گرائے جانے کا منظر نہیں بھول پائے ہیں۔

اھل الحق تنظیم کے جنرل سیکریٹری نے تمام مسلمانوں سے مطالبہ کیا ہے کہ اسلامی مقدسات کی حفاظت کرنے میں تمام مسلمانوں کو متحد ہو جانا چاہیے ۔

پاکستان کے مختلف شھروں میں پاکستان کی مختلف تنظمیوں کے زیر اھتمام امام خمینی (رہ) کی برسی کی تقریب منعقد کی ۔

اس رپورٹ کے مطابق، ایران کلچر ہاوس پشاور میں امام خمینی (رہ) کی برسی کی تقریب منعقد کی گئی جس میں پاکستان کی نامور شخصیتوں اور علمائے کرام نے شرکت کی ۔

جامعہ پشاورمیں پولیٹیکل ڈیپارٹمنٹ کے چیئرمین ڈاکٹر زیڈ اے گیلانی نے اس تقریب کے پرگرام میں امام خمینی کو امت مسلمہ کے لئے عصر حاضرکی ضرورت جانا ۔

ڈاکٹر زیڈ اے گیلانی نے مزید کہا: امام خمینی(رہ) نے مغرب کی سیاست میں ہلچل مچا دی ۔

انہوں نے یہ بیان کرتے ہوئے کہ موجودہ زمانہ میں ملت اسلامیہ کے پاس سب کچھ ہے فقط ایک امام خمینی(رہ) جیسے لیڈر کی ضرورت ہے کہا: تاریخ ظلم و بربریت سے بھرتی جارہی ہے، امت مسلمہ کے پاس اتحاد بھی ہے اور وسائل بھی اور اگر کمی ہے تو صرف قیادت کی ہے۔

گیلانی نے کہتے ہوئے کہ امت مسلمہ کو امام خمینی(رہ) جیسی قیادت میسر آجائے تو ہمارے تمام مسائل آسانی سے حل ہوسکتے ہیں کہا: مسلمان اتحاد کی تسبیح میں پرونے کو تیار ہیں مگر امام خمینی (رہ) جیسی شخصیت کے فقدان نے ہمیں مشکلات سے روبرو کردیا ہے ۔

اس پروگرام کے ایک دوسرے مقرر عالمی علماء مشائخ کونسل کے رہنماء عابد شاکری نے یہ کہتے ہوئے کہ انقلاب اسلامی کے عاشقوں میں بروز بروز اضافہ ہوتا جا رہا ہے کہا: 24 سال گزر جانے کے باوجود امام خمینی(رہ) لوگوں کے دلوں میں آج بھی زندہ ہیں ۔

شاکری نے یہ کہتے ہوئے کہ پاکستان میں بلاتفریق مذہب، حالات سے دلبرداشتہ لوگ دعا کرتے ہیں کہ خدا ایک مرتبہ پھر کوئی خمینی پیدا کر دے تاکید کی: یہ دعائیں اس بات کی واضح دلیل ہے کہ امام خمینی(رہ) کتنے عظیم انسان تھے۔

انہوں نے یہ کہتے ہوئے کہ اج شام کو اسرائیل کی مخالفت کی سزاء دی جا رہی ہے بعض نام نہاد مسلم علماء اور عرب شیوخ کی جانب سے اسرائیل کا کھلم کھلا ساتھ دیئے جانے پرشدید تنقید کی ۔

شاکری نے عصر حاضر کے علماء کرام کی سوچ کو مختلف ہونے افسوس کا اظھار کرتے ہوئے کہا: اسرائیل جو عالم اسلام کیلئے سرطان کی حیثیت رکھتا ہے اسے بعض امت مسلمہ کے علماء کی حمایت حاصل ہے۔

انہوں نے یہ کہتے ہوئے کہ امام خمینی(رہ) جو بھی قدم اٹھاتے تھے وہ خدا کی خوشنودی کیلئے اٹھاتے تھے کہا: جب سے ایران میں انقلاب آیا ہے اسے عالمی پابندیوں کا سامنا ہے مگر اسلامی انقلاب اپنی پوری آب و تاب کیساتھ برقرار ہے ۔

شاکری نے مزید کہا: امام خمینی(رہ) کی تعلیمات سے ہمیں اتحاد و اتفاق بالخصوص علماء کے مابین وحدت کا درس ملتا ہے۔

دوسری جانب جعفریہ اسٹوڈنٹس آرگنائزیشن پاکستان گلگت ڈویژن عباس ٹاون یونٹ نے مسجد ابوطالب عباس ٹاون برمس گلگت میں امام خمینی (رہ) کی برسی کا پروگرام منعقد کیا ۔

سیمینار میں جے ایس او کے سابق ڈویژنل صدر عابد رضا جعفری نے تمام مسائل کا حل خط امام خمینی(رہ) کی پیروی میں مضمر جانا ۔

امامیہ اسٹوڈنٹس آرگنائزیشن پاکستان گلگت ڈویژن کے صدر ایوب انصاری نے یہ بیان کرتے ہوئے کہ امام خمینی(رہ) نے انقلاب اسلامی ایران کے ذریعے پوری دنیا کی اسلامی تحریکوں کو دوام بخشا کہا : امام خمینی نے امت کا امام اور حقیقی رہبر ہونے کا حق ادا کرتے ہوئے اتحاد امت اسلامیہ کیلئے بھرپور کردار ادا کیا ۔

انہوں نے یہ بیان کرتے ہوئے کہ امام خمینی(رہ) نے اپنے دور کے ظالم اور باطل حکمرانوں کو للکارا اور ان کے قائم کئے گئے ظلم کے نظاموں کو چیلنج کیا کہا: امام خمینی(رہ) نے ہمیشہ ہر مظلوم کی حمایت کی اور ہر ظالم و جابر کے خلاف قیام کیا ۔

انصاری نے کہا: امام خمینی (رہ) کی عظیم شخصیت کی برکات کے نتیجے اور اسلامی اصولوں پر پابندی کے سبب ہی ایران میں اسلامی انقلاب کامیاب ہوا، جو آج تک امام خمینی (رہ) کے نائب حضرت آیت اللہ سید علی خامنہ ای کی قیادت میں منزلوں کو طے کرتا ہوا ترقی کی راہوں پر گامزن ہے۔

انہوں نے مزید کہا : امام خمینی (رہ) کے دیئے ہوئے نظام مملکت اور معاشرت کے بعد عالمی سطح پر موجود اس پروپیگنڈے کا خاتمہ ہوا کہ اسلام کے پاس مملکت چلانے یا عصر جدید کے تقاضوں کے مطابق کوئی لائحہ عمل یا نظام نہیں ہے۔ آپ نے نظریہ ولایت فقیہہ اور حکومت اسلامی کا ڈھانچہ پیش کرکے دنیا پر ثابت کر دیا ہے کہ اسلام میں جامع ضابطہ حیات موجود ہے۔

نارتھ لندن کی مسجد اور اسلامک سنٹر کو شہید کئے جانے کے بعد برطانوی مسلمانوں کے ذہنوں میں فوری طور پر یہ سوال پیدا ہوگیا ہے کہ آیا وہ اب اس ملک کے اندر محفوظ ہیں؟ نسل پرستوں نے جس طرح صبح کے ایسے پہر میں مسجد پرحملہ کیا جب سب سوئے ہوئے تھے۔ اس طرح وہ کہیں بھی حملہ کرسکتے ہیں۔ ان کا اگلا نشانہ کوئی اور مسجد یا کسی مسلمان یا ایشیائی کا گھر ہوسکتا ہے۔ یا پھر وہ کسی مسلمان کے کاروبار پر بھی حملہ کرسکتے ہیں اس تازہ ترین منظر نامے نے مزید کئی سوالوں کو جنم دیا ہے مثلاً یہ کہ آیا انگلش ڈیفنس لیگ(EDL) نے وولچ میں دو انتہاپسند کو مسلموں کی جانب سے برطانوی فوجی کو بہیمانہ طریقے سے قتل کئے جانے کے واقعہ کا فائدہ اٹھاتے ہوئے سارے برطانوی مسلمانوں کے خلاف جنگ کا طبل بجادیا ہے یا پھر یہ کہ آیا مسلمانوں اور سفید فام باشندوں کے اندر موجود انتہا پسندوں برطانوی کمیونیٹز کو تقسیم کرنے میں کامیاب ہوگئے ہیں؟ مزید برآں یہ کہ جس طرح بعض امریکی اور مغربی مبصرین نے یہ پیشگوئیاں کر رکھی تھیں کہ مسلم اور مغربی تہذیبوں کے درمیان تصادم کو روکا نہیں جاسکتا تو کیا تہذیبوں کے درمیان تصادم شروع ہوگیا ہے۔ اگرچہ مسجد کو شہید کرنے کا واقع مسلمانوں کے لئے سخت دل آزاری کا باعث ہے مگر اس واقع کی مذمت کرنے میں ساری کمیونیٹز پیش پیش ہیں خاص طور پر نارتھ لندن کی ساری کمیونٹیز نے اس کی مذمت کی ہے اور پولیس بھی اس کو دہشت گردی کا واقع تصور کررہی ہے۔ اس کی تحقیقات بھی اندار دہشت پولیس کررہی ہے جس کا مطلب یہ ہے کہ اس بات کو بھی تسلیم کیا گیا ہے کہ دہشت گردی صرف مسلمانوں کی طرف سے نہیں ہورہی بلکہ EDL اور BNP کے انتہا پسند بھی دہشت گردی میں ملوث ہیں جس طرح انہوں نے مسجد میں آگ لگائی ہے۔ اس سے لوگوں کی بڑی تعداد ہلاک بھی ہوسکتی تھی تاہم ان دہشت گردوں کا مقصد شاید مسلمانوں کو جانی نقصان پہچانا نہیں تھا بلکہ ڈرانے دھمکانا تھا جس میں وہ کافی حد تک کامیاب بھی ہوئے ہیں حقیقت یہ ہے کہ اس وقت برطانیہ کے مسلمان عمومی طور پر اور نارتھ لندن کے مسلمان خصوصی طور پر خود کو محفوظ تصور کررہے ہیں اور بات کا اظہار صومالی اسلامک سینٹر کے ایک رہنما ابوبکر علی نے بھی کیا ہے برطانوی مسلمانوں کے اندر خوف و ہراس کی اس فضا کو قائم کئے جانے کے پیچھے خود بعض مسلمان انتہا پسندوں کا ہاتھ بھی ہے۔ ایک طرف تو دو سیاہ فام نو مسلموں نے لی رگبی کو سر عام دن دیہاڑے بہت سے لوگوں کی موجودگی میں نہ صرف ہلاک کیا بلکہ اس کی گردن کاٹنے کی بھی کوشش کی اور ابھی یہ واقعہ تازہ تھا کہ ایک اور سفید فام نو مسلم نے پرنس ہیری کو نقصان پہچانے کی دھمکی دے ڈالی یہی نہیں بلکہ خود کو مسلمانوں کا لیڈر کہنے والے انتہا پسند سکالر انجم چوہدری نے باقاعدہ یہ بیان داغ دیا کہ لی رگبی پر اب جہنم میں بھی تشدد ہوگا۔ کیونکہ وہ مسلمان نہیں تھا اس بیان کی باقاعدہ ویڈیو ریکاڈنگ موجود ہے اس میں انجم چوہدری نے بہت سی اور بھی باتیں کی ہیں ان کے اس بیان کو اخبارات نے نمایاں انداز میں شائع کیا ہے اور اس کے ساتھ ساتھ حکومت سے یہ استفسار بھی کیا ہے کہ اس نے انجم چوہدری کو گرفتار کرکے یہ کیوں نہیں پوچھا کہ انہوں نے مرے ہوئے برطانوی فوجی کے خلاف اس قدر زہریلے اور توہین آمیز ریمارکس کیوں دےئے ہیں اگرچہ ان کے خلاف مذہبی منافرت کے قانون کے تحت کارروائی ہوسکتی ہے تاہم پولیس اس سلسلے میں تحقیقات کررہی ہے کہ ان کے خلاف قانون کی کس شق کو استعمال کیا جاسکتا ہے۔ عین ممکن ہے کہ مسجد پر ہونے والے حملے میں انجم چوہدری کی بھی کئی باتوں کا اثر بھی شامل ہو،تاہم وولچ کے واقعہ کے بعد برطانیہ کے بعض بڑے سیاسی رہنماؤں کے جانب سے بھی ایسے بیان سامنے آرہے ہیں جن سے EDL کی حوصلہ افزائی ہورہی ہیں۔ ان لیڈروں میں ایک بڑا نام سابق وزیراعظم ٹونی بلےئر کا ہے جنہوں نے چند روز قبل یہ بیان دیا کہ وولچ میں لی رگبی کے قتل سے ظاہر بھی ہوتا ہے کہ دراصل اسلام کے اندر کوئی مسئلہ موجود ہے اس سے قبل ٹونی بلےئر ہمیشہ یہ کہتے چلے آئے ہیں کے اسلام ایک پر امن مذہب ہے مگر اپنے تازہ ترین بیان میں انہوں نے اپنے کہے کی نفی کردی ہے۔ اور اسلامی آئیڈیالوجی پر شکوک و شبہات کا اظہار کیا ہے ہوسکتا ہے کہ ان کے اس بیان سے بھی EDL کے انتہاپسندوں کے حوصلے بڑھے ہوں اور انہوں نے ٹونی بلےئر سے متاثر ہوکر اسلام کے ایک مرکز کو اڑانے کے لئے نارتھ لندن کے اسلامی سینٹر اور مسجد کا انتخاب کیا ہو۔ ظاہر ہے کہ یہ ایسا وقت ہے کہ لوگوں کے جذبات بپھرے ہوئے ہیں، لی رگبی کو جس انداز میں قتل کیا گیا اورجس طرح میڈیا میں یہ معاملہ پیش کیا گیا اس سے لوگوں کے اندر جذبات پائے جاتے ہیں۔ EDL اور بی این پی جیسی نسل پرست پارٹیاں ایسے بھی مواقع کا انتظار کرتی ہیں تاکہ نفرت کو ابھارا جاسکے۔ چنانچہ ان نسل پرستوں اور انتہا پسندوں نے مسلمانوں پر کئی وار کئے ہیں۔ صرف دو افراد کے کارروائی کا غصہ سارے مسلمانوں پر اتارا جارہا ہے اور ان سے یہ کہا جارہا ہے کہ وہ اس ملک کو چھوڑ کر چلے جائیں ٹونی بلےئر جیسے بڑے رہنماؤں کو اپنے ریمارکس دینے یا کوئی تحریر لکھتے وقت اپنے الفاظ کے نتیجے میں پیدا ہونے والے ردعمل کا بھی خیال رکھنا چاہئے۔ ای ڈی ایل اور دوسرے انتہا پسند تو مواقع کی تلاش میں ہوتے ہے اور وہ جہاں عاقبت نا اندیش مسلم انتہا پسندوں کے کرتوتوں کو وائیڈر کمیونٹی کے سامنے رکھتے ہیں وہاں ان کے بارے میں قومی رہنماؤں کے بیانات کو بھی نفرت کے لئے استعمال کرتے ہوں لی رگبی کے قتل کے فوراً بعد وزیراعظم ڈیوڈ کیمرون نے فوری طور پر یہ بیان دیا تھا کہ اس واقعہ کا اسلام کے ساتھ کچھ دینا نہیں ہے اس ایک بیان کی وجہ سے مسلمانوں کے خلاف فوری طور پر اتنا بڑا ردعمل سامنے نہیں آیا جتنا کے خود مسلمانوں کو خدشہ تھا۔ تاہم بعد میں سامنے آنے والے بعض لیڈروں کے بیانات نے صورتحال کو خراب کرنے میں مدد ضروری ہے۔ دوسری طرف وزیراعظم کیمرون نے چھٹیاں گزار کر واپسی پر ہاؤس آف کامنز میں جس طرح برطانیہ میں انتہاپسندی کو کنٹرول کرنے کے لئے اقدامات کا اعلان کیا ہے اس سے برطانوی مسلمانوں کو اس ملک کے قوانین میں آنے والے دنوں میں سختیوں کا اندازہ ہوجانا چاہئے، وزیراعظم چاہتے ہیں کہ پارلیمنٹ سے بار بار پولیس اور سیکورٹی ایجنسیوں کو بعض ایسے اختیارات دے دیئے جائیں کہ وہ انتہا پسندوں کی موثر انداز میں جاسوسی کرسکیں۔ ان کی بنائی ہوئی ٹاسک فورس اس حوالے سے کیا اقدامات کرے گی ان کے بارے میں ابھی کچھ نہیں کیا جاسکتا تاہم یہ بات طے ہے کہ قوانین کو مزید سخت کیا جائے گا۔ قوانین کو سخت کرنے کا یہ سلسلہ ایک دم شروع نہیں ہوا بلکہ 9/11 اور 7/7 کے واقعات اور ان کے بعد پکڑے گئے بعض منصوبوں کے نتیجے میں صدر کا رخ تبدیل ہورہے۔ یہ وہی ملک ہے جس میں مسلمان خود کو سب سے زیادہ محفوظ تصور کرتے تھے۔ آج کیا وجہ ہے کہ وہ خود کو غیر محفوظ تصور کررہے ہیں یہ بات خود برطانوی مسلمانوں کو بھی سوچنی چاہئے اور اپنے اندر سے کالی بھیڑوں کو باہر نکالنا چاہئے۔ جنہوں نے ان کو اس حالت تک پہنچایا ہے۔

وقت کرتا ہے پرورش برسوں

حادثہ ایک دم نہیں ہوتا

بشکریہ جنگ آن لائن

پاکستان کے قبائلی علاقے شمالی وزیرستان کی تحصیل دتہ خیل میں جاسوس طیارے کے میزائل حملے میں متعدد افراد ہلاک اور زخمی ہوگئے ہیں۔ ذرائع کے مطابق تحصیل دتہ خیل کے علاقے شوال میں جاسوس طیارے نے گھر پر 2 میزائل داغے۔ ڈرون حملے میں گھر مکمل طور پر تباہ ہوگیا جبکہ حملے میں 7 افراد جاں بحق ہوگئے۔ جاسوس طیارے کے میزائل حملے کے بعد علاقے میں خوف پھیل گیا جبکہ حملے کے بعد بھی امریکی جاسوس طیاروں کی پروازیں جاری رہنے سے امدادی کارروائیاں تاخیر سے شروع کی گئیں۔ بعض حلقے ڈرون حملے کو پاکستان کی نو منتخب حکومت کے لئے امریکی تحفہ اور بعض نواز حکومت کے لئے وہائیٹ ہاؤس کے پیغام سے تعبیر کر رہے ہیں۔

جمعیت علمائے اسلام (ف) کے سربراہ مولانا فضل الرحمان نے کہا ہے کہ جو لوگ کہتے ہیں ووٹ دینا حرام اور جمہوریت کفر ہے، وہ ہمارے نظریے کے برخلاف ہیں، جے یو آئی (ف) کے سربراہ مولانا فضل الرحمان نے دو ٹوک کہہ دیا کہ انتقامی کارروائیوں کا سلسلہ بند ہونا چاہیئے۔ قومی اسمبلی میں خطاب کرتے ہوئے انہوں نے رکن خیبر پختونخوا اسمبلی فرید خان کے قتل پر افسوس کا اظہار تو کیا ساتھ یہ بھی کہا کہ جے یو آئی (ف) کے دفاتر کو جلانا سراسر انتقامی کارروائی ہے۔ یہ سلسلہ بند ہونا چاہیئے۔

علامہ سید ساجد علی نقوی نے بانی انقلاب اسلامی ایران حضرت امام خمینی کی 24 ویں برسی کی مناسبت سے اپنے خصوصی پیغام میں عالم اسلام خصوصا شیعیوں اور ایرانیوں کو تعزیت پیش کی ۔

اس پیغام کا مکمل متن یہ ہے : رہبر انقلاب اسلامی حضرت امام خمینی ایک اعلی فقیہہ ، عظیم مجتہد، جید مذہبی رہنما اور شخصیت نہیں بلکہ قابل تقلید سیاسی قائد، مثبت اور تعمیری سیاست کے بانی، عالمی استعماری سازشوں کو بے نقاب کرنے والے، مسلمانوں کو اپنے نظریات اور عمل کے ذریعے وحدت کی لڑی میں پرونے والے، عالم اسلام کو اس کے حقیقی مسائل کی طرف متوجہ کرنے والے، امت مسلمہ کو اس کے داخلی اور خارجی دشمنوں کے چہرے شناخت کرانے والے اور دنیا کو اسلام کے دائرے میں رہتے ہوئے ہرمیدان میں ارتقاء کے مراحل طے کرنے کی مثال پیش کرنے والے عظیم انسان تھے۔ یہی وجہ ہے کہ انقلاب اسلامی کی جدوجہد میں امام خمینی نے طویل جلا وطنی کے باوجود ایران کے عوام کی تربیت اور رہنمائی اس انداز میں کی کہ وہ پرامن اور شعوری تحریک کے ذریعہ کامیاب ہوئے۔

علامہ سید ساجد علی نقوی نے کہا : امام خمینی کی ذات کا ہر پہلوجامع اور روشن ہے، وہ علم میں مرجع اعلی اور مجتہد اعظم، میدان تصنیف میں الحکومتہ الاسلامیہ اور اس جیسی کئی بیش بہا علمی یادگاروں کے مصنف ،اسلامی تاریخ اور فقہ کے تمام موضوعات پر انتہائی دسترس رکھنے والے، زہد وتقوی اور اصلاح نفس کی منزل پر فائز، عابد وشب زندہ دار ،اصلاح معاشرہ کے لیے عملی طور پر سرگرم، اسلام پر جدید اور گہری تحقیق اور تازہ ریسرچ رکھنے والے دینی قائد، اسلامی نظریات کے مطابق حکومت اسلامی کی داغ بیل ڈالنے والے رہنماء تھے۔ امام خمینی کے دئیے ہوئے نظام مملکت اور معاشرت کے بعد عالمی سطح پر موجود اس پروپیگنڈے کا خاتمہ ہواکہ اسلام کے پاس مملکت چلانے یا عصر جدید کے تقاضوں کے مطابق کوئی لائحہ عمل یا نظام نہیں ہے آپ نے نظریہ ولایت فقیہہ اور حکومت اسلامی کا ڈھانچہ پیش کرکے دنیا پر ثابت کردیا ہے کہ اسلام میں جامع ضابطہ حیات موجود ہے۔

علامہ سید ساجد علی نقوی نے کہا : امام خمینی گذشتہ صدی کے عظیم مفکر اور اسلامی معاشرے کی برجستہ علمی و انقلابی شخصیت ہیں جنہوں نے علم وشعور اورعمل و کردار کے ذریعے مسلمانوں کی صحیح خطوط پر رہنمائی کرکے پیغمبرانہ فرائض انجام دئیے اور عوام کو اسلامی انقلاب کے ذریعہ صحیح اور آئیڈیل تصویر دکھائی جس کے اثرات آج بھی عالم اسلام میں بالعموم اور مملکت ایران پر بالخصوص نظر آئے۔

انہوں نے مزید کہا: امام خمینی جیسے نابغہ روزگار شخصیات صدیوں بعد پیدا ہوتی ہیںامام خمینی دنیائے اسلام کی ایسی معتبر شخصیت ہیںجو علمی اور تحقیقی میدان میں سرکردہ حیثیت کی حامل ہے اور سیاسی وعملی میدان میں بھی رہبری ورہنمائی کا عملی ومثالی نمونہ ہے۔ ایسی ہمہ جہت شخصیات ہی وقت کا دھارا اور عوام کی تقدیر بدلنے کا فریضہ انجام دیتی ہیں یہی وجہ ہے کہ امام خمینی نے اپنے اعلی کردار سے تمام میدانوں میں عوام کی رہنمائی کی اور انہیں اسلامی انقلاب کے ذریعے جدید اسلامی ایران دیا جو آج اپنی پوری قوت اور عزت کے ساتھ دنیا کے نقشے پر موجود ہے۔

بسم اللہ الرحمن الرحیم

والحمد للہ رب العالمین والصلاۃ والسلام علی سیدنا و نبینا ابی القاسم المصطفی محمد و ‏علی آلہ الاطیبین الاطہرین المنتبجبین الھداۃ المعصومین سیما بقیۃ اللہ فی الارضین۔

ہم خدا وند متعال کے شکر گذار ہیں کہ اس نے ایک بار پھر ہمیں موقع عطا فرمایا، عمر عطا کی تا کہ اس دن امام خمینی کو خراج عقیدت اور محبت و خلوص کا نذرانہ پیش کرسکیں۔ گرچہ امام خمینی ہمیشہ ہماری قوم کے دل میں زندہ ہیں لیکن چودہ خرداد ( مطابق چار جون) کا دن امام خمینی سے ملت ایرنا کی دلی محبت کی نشاندھی کرتا ہے۔ اس سال امام خمینی کی برسی ان کے جد بزرگوار حضرت امام موسی کاظم علیہ الصلاۃ و السلام کی شہادت کے دنوں میں پڑی ہے۔ اسی طرح اس سال پندرہ خرداد کے واقعے کو جو کہ تیرہ سوبیالیس(انیس سو ترسٹھ) میں پیش آیا تھا اور نہایت ہی اہم اور فیصلہ کن واقعہ ہے پچاس برس ہورہے ہیں۔ میں اس سلسلے میں اختصار سے کچھ عرائض پیش کرونگا اس کےبعد اپنے اہم اور ضروری مسائل تک پہنچیں گے۔

پندرہ خرداد کا واقعہ عوام اور علماء کی عظیم تحریک کا آغاز نہیں ہے۔ اس سے قبل تیرہ سو اکتالیس میں اور تیرہ سوبیالیس (انیس سو باسٹھ و ترسٹھ)کے آغاز میں اہم واقعات پیش آئے ہیں۔ دوسری فروردین تیرہ سو بیالیس( انیس سو ترسٹھ) کو مدرسہ فیضیہ کا واقعہ پیش آیا جس میں طلاب علوم دینیہ کو زد و کوب کیا گیا اور بزرگ مرجع تقلید مرحوم آیت اللہ گلپائيگانی کی شان میں گستاخی کی گئي۔ اس سےپہلے تیرہ سو اکتالیس کے اواخر میں تہران کےبازار میں عوام نے بڑے مظاہرے کئے تھے اس موقع پر بھی بزرگ مرجع تقلید آیت اللہ حاج سید احمد خوانساری کی توہین کی گئی تھی۔ یہ واقعات ہمیں یہ بتاتے ہیں کہ علماء کی تحریک تیرہ سو اکتالیس اور تیرہ سوبیالیس کے آغاز میں اس قدر عروج پر پہنچ چکی تھی کہ ظالم شاہ کی حکومت، پولیس اور سکیورٹی ایجنسیوں نے علماء، دینی طلبا یہانتک کہ مراجع کو تشدد کا نشانہ بنانا شروع کردیاتھا۔ لیکن اس کےباوجود پندرہ خرداد تیرہ سوبیالس کا واقعہ نہایت ہی اہم واقعہ ہے، اسکی وجہ یہ ہے کہ پندرہ خرداد تیرہ سوبیالیس کو جو واقعہ رونما ہوا اس نے علماء اور عوام کے رشتے کو نہایت مستحکم بنادیا جس پر حکومت حساس ہوگئی اور خطرے کا احساس کرنے لگي۔ اس سال عاشورا کے دن جو تیرہ خرداد کے مطابق تھا امام خمینی نے مدرسہ فیضیہ میں ایک تاریخی اور فیصلہ کن خطاب فرمایا ۔اس کےبعد جب امام خمینی کو گرفتار کرلیا گيا تو پندرہ خرداد کو خاص طور سے تہران اسی طرح قم اور دیگر شہروں میں عوامی احتجاج کی عظیم لہر اٹھ گئي۔ شاہ کی طاغوتی حکومت نے اپنی تمام تر طاقت، اپنی پولیس، اپنی فوج، اور اپنی سکیورٹی فورسس سے اس عوامی تحریک کوکچلنا شروع کردیا۔ پندرہ خرداد کو عوامی انقلاب وجود میں آگيا۔ اس سے یہ پتہ چلتا ہےکہ ایرانی قوم، اسکی فرد فرد علماء و مراجع سے کہ جن کا مظہر امام خمینی تھے نہایت مضبوط رشتے میں بندھی ہے۔ یہاں اہم نکتہ یہ ہےکہ یہی مضبوط رشتہ ہی تھا جو تحریک کی ترقی اور کامیابی کا ضامن تھا۔ جہاں کہیں بھی کوئي تحریک یا کسی انقلاب کو عوام کی حمایت حاصل ہوتی ہے اور عوام اسکے ساتھ ہوتے ہیں یہ تحریک جاری رہتی ہے لیکن اگر کسی احتجاجی تحریک کو عوام کی حمایت حاصل نہیں ہوتی تو وہ ناکام رہتی ہے جیسا کہ ایران میں آئينی بادشاہت کی جدوجہد کے بعد ایران میں بہت سے واقعات رونما ہوئے، جدوجہد شروع کی گئي جن میں دائيں بازو کے گروہ اور قوم پرست دھڑے شامل تھے لیکن یہ سارے واقعات ایران میں سراٹھانے والی تحریکوں کی تاریخ میں ناکام تحریکیں قراردی جاتی ہیں۔ کیونکہ انہیں عوام کی حمایت حاصل نہیں تھی۔

جب عوام میدان میں آجاتے ہیں تو وہ اپنے جذبات، موجودگي، اور فکر و نظر سے تحریک کی حمایت کرتے ہیں اور ایسی تحریک جاری رہتی ہے اور اسے کامیابی بھی نصیب ہوتی ہے۔ پندرہ خرداد کا واقعہ اس حقیقت کو ثابت کرتا ہے۔ اس سے معلوم ہوتا ہے کہ علماء کو عوام کی حمایت حاصل ہے۔ امام خمینی کو گرفتار کئےجانے کےبعد تہران اور دیگر شہروں میں ایسی قیامت برپا ہوگئي تھی کہ حکومت میدان میں اتر آئي اور اس نے عوام کو وحشیانہ طریقے سے کچلنا شروع کردیا۔ نامعلوم تعداد میں بہت زیادہ لوگ مارے گئے۔تہران کی سڑکیں خدا کے بندوں، مومنین اور اس ملت کے بہادر جوانوں کےخون سے رنگین ہوگئي تھیں۔ پندرہ خرداد کو ڈکٹیٹر کا کریھ اور طاغوتی حکومت کا بے رحم چہرہ کھل کر سامنے آگيا۔ پندرہ خرداد کےبارے میں دوسرا اہم نکتہ یہ ہے کہ جس پر ہمارے جوانوں اور عوام کو توجہ کرنی چاہیے کیونکہ یہ باتیں نہایت اہمیت رکھتی ہیں نکتہ یہ ہے کہ تہران اور دیگر شہروں میں ہونےوالے وحشیانہ قتل عام پر دنیا کے کسی ادارے، انسانی حقوق کے ان نام نہاد اداروں نے کسی طرح کا احتجاج نہیں کیا۔ کسی نے اعتراض نہیں کیا، علماء اور عوام میدان میں تنہا رہ گئے۔ مارکسیسٹ اور بائيں بازو کی حکومتوں اور گروہوں نے اعتراض کرنا تو دور کی بات پندرہ خرداد کے عوامی قیام کی مذمت کی۔ انہوں نے کہا تھا کہ یہ ایک فئوڈال تحریک تھی، قوم پرست گروہ جو جدوجہد کا نعرہ لگاتے تھے انہوں نے بھی عوامی تحریک کی مذمت کی اور کہا کہ یہ ایک اندھی اور بے ھدف اور انتہا پسندانہ تحریک ہے۔ جہاں کہیں بھی عافیت پسند اور تعیش پسند لوگ جدوجہد میں شریک نہیں ہوتے اور خطرہ مول نہیں لیتے مومن و مجاہد افراد کو انتہا پسند اور تشدد پسند قراردیتے ہیں۔ انہوں نے کہا تھا کہ یہ لوگ انتہا پسند ہیں ان کی تحریک انتہا پسندانہ تھی۔ امام خمینی ملت کے ساتھ میدان میں اکیلے رہ گئے تھے لیکن حقیقی معنی میں آپ نے ایک آسمانی، معنوی، ثابت قدم اور باعزم قائد کی حیثیت سے تاریخ اور انسانیت سے اپنا لوہا منوالیا۔

امام خمینی تین اصولوں پر یقین رکھتے تھے جنہوں نے آپ کو ثابت قدمی، شجاعت اور استقامت عطا کی تھی۔ یہ اصول خدا پر یقین، عوام پر یقین اور اپنی توانائيوں پر یقین سے عبارت ہیں۔ یہ تین اصول تھے جن پر آپ کو ٹھوس یقین تھا۔ یہ اصول آپ کی شخصیت، فیصلوں اور اقدامات میں حقیقی معنی میں متجلی ہیں۔ آپ دل کی گہرائيوں سے عوام سے مخاطب ہوتے اور عوام نے بھی دل وجان سے آپ کی آواز پر لبیک کہا تھا اور میدان میں اتر آئے تھے اور دلیری سے ثبات قدمی کا ثبوت دیاتھا اور وہ تحریک کہ دنیا کے کسی کونے سے اسکے لئے ہمدردی نہیں تھی اور کوئي اس کی مدد کرنے کو تیار نہیں تھا آہستہ آہستہ کامیابی کی منزل کی طرف بڑھتی گئي اور سرانجام کامیاب ہوگئی۔ میں ان تین اصولوں کے بارے میں جو امام خمینی کا خاصہ تھے اختصار سے گفتگو کرنا چاہتا ہوں۔ یہ نہایت اہم باتیں ہیں جو اگر ہمارے دلوں میں بس جائيں تو ہماری تحریک کاراستہ روشن کردیں گي۔

خدا پریقین و ایمان کے سلسلے میں امام خمینی اس آیت کا مصداق ہیں الذین قال لھم الناس ان الناس قد جمعوا لکم فاخشواھم فزادھم ایمانا و قالوا حسبنا اللہ و نعم الوکیل۔ امام خمینی اپنے پورے وجود سے حسبنا اللہ و نعم الوکیل کا مظہر تھےاور اس آیت پر نہایت مستحکم عقیدہ رکھتے تھے، خداوند متعال پر بھروسہ کرتے تھے، وعدہ الھی پر یقین رکھتے تھے خدا کے لئے تحریک شروع کی تھی اور خدا کے لئے ہی کام کرتے تھے، خدا ہی کی مرضی کے لئے بات کرتے تھے اور اقدام کرتے تھے اور جانتے تھے کہ ان تنصرواللہ ینصر کم و یثبت اقدامکم وعدہ خداوندی ہے، ایسا وعدہ ہے جو حتمی اور یقینا پورا ہونے والا ہے۔

عوام پریقین کے بارے میں امام خمینی حقیقی معنی میں ملت ایران کی شناخت رکھتے تھے۔ امام خمینی اس بات پر یقین رکھتے تھے کہ ملت ایران مستحکم ایمان کی حامل ہے۔ ذہین اور شجاع ہے۔ اگر اسے لائق رہبر مل جائيں تو یہ ملت مختلف میدانوں میں سورج کی طرح ضوفشانی کرسکتی ہے۔ امام خمینی ان باتوں پر یقین رکھتے تھے۔ اگر کسی زمانے میں شاہ سلطان حسین نامی نالائق عنصرنے ملت ایران کو پسماندگي کاشکار بنادیاتھا تو ایک دن وہ بھی آیا جب نادر قلی اپنے القاب و عناوین سے قطع نظر جب قوم کی باگ ڈور سنبھالتا ہے اور دلیری سے قوم کی قیادت کرتا ہے تو یہ ملت دھلی سے بحیرہ اسود تک اپنے کارناموں کے جھنڈے گاڑدیتی ہے۔ امام خمینی نے اس تاریخی حقیقت کو درک کیا تھا اسکی مثالوں کا مشاہدہ کیا تھا اور اس پر ایمان و اعتقاد رکھتے تھے۔ آپ ملت ایران کو پہچانتے تھے۔ اس پر اعتماد کرتے تھے۔ امام خمینی نے عوام کے اس ایمان کو جو دنیا پسندوں کی سازشوں کے بوجھ تلے پوشیدہ و پنہاں ہوچکا تھا، اس گہرے اور ناقابل تغیر ایمان کو نکھارا اور جلادی اور عوام کی دینی غیرت کو زندہ کیا جس کے نتیجے میں ملت ایران دنیا میں استقامت و بصیرت کا نمونہ بن گئی۔ امام خمینی کی نظر میں عوام کی سب سے زیادہ اہمیت تھی اور ان کے دشمن سب سے زیادہ قابل نفرت تھے۔ آپ جو یہ ملاحظہ کرتے ہیں کہ امام خمینی نے تسلط پسند طاقتوں کے مقابلے ایک لمحے کو بھی تھکن کا اظہار نہیں کیا اس کی بنیادی وجہ یہی ہےکہ تسلط پسند طاقتیں عوام کی دشمن اور عوام کی سعادت کی دشمن ہیں اور امام خمینی عوام کے دشمنوں سے دشمنی رکھتے تھے۔

امام خمینی کا اپنی توانائيوں پر یقین نیز خود اعتمادی کے بارے میں یہ ایک مسلمہ حقیقت ہےکہ آپ نے ملت ایران کو خود اعتمادی کی نعمت سے مالا مال کیا ہے۔ آپ نے ملت کو خود اعتمادی عطا کرنے سے قبل اپنے وجود میں اس نعمت کو مکمل اور زندہ کیاتھا اور اپنی توانائيوں پر یقین کو حقیقی معنی میں اپنے وجود میں ظاہر کیا تھا۔ تیرہ سوبیالیس مطابق انیس سو ترسٹھ میں روز عاشورا کو آپ نے عین غریب الوطنی کی حالت میں قم کے مدرسہ فیضیہ میں دینی طلباء اور عوام سے خطاب میں محمد رضا شاہ کو للکارا تھا جوکہ امریکہ اور بیرونی طاقتوں کی حمایت سے ایران پر مطلق العنانی سے حکومت کررہاتھا۔ آپ نے اسے خبردار کرتے ہوئے کہا تھا کہ اگر اسکی حرکتیں جاری رہیں اور وہ باز نہ آیا تو میں ایرانی عوام سے کھ دونگا کہ تجھے ایران سے نکال باہر کریں۔ یہ کون کھ رہا ہے؟ یہ ایک عالم دین کھ رہا ہے جو قم میں رہتا ہے۔ اسکے پاس کسی طرح کا ہتھیار نہیں ہے، کوئي ساز و سامان نہیں ہے پیسہ بھی نہیں ہے، عالمی حمایت بھی حاصل نہیں ہے۔ صرف اور صرف خدا پر ایمان کے سہارے اپنی خود اعتمادی کے سہارے استقامت کا مظاہرہ کررہا ہے۔ جس دن امام خمینی جلاوطنی سے لوٹ کر آئے اسی بہشت زہرا میں آپ نےبختیار کی حکومت کو للکار اور بآواز بلند فرمایا تھا میں بختیار کی حکومت کو ختم کردونگا، میں خود حکومت معین کرونگا، یہ خود اعتمادی کا مظاہرہ تھا۔ امام خمینی خود پر اپنی طاقت پر اور اپنی توانائيوں پر ایمان اور یقین رکھتے تھے۔ یہی خود اعتمادی امام خمینی کے عمل اور قول سے ملت ایران تک منتقل ہوئی۔ عزیزان محترم ایک صدی تک ہمیں یہ جتلا یا جاتا رہا کہ تم کچھ نہیں کرسکتے، تم اپنے ملک کا انتظام نہیں چلا سکتے، تم سربلند نہیں ہوسکتے، تم اپنے ملک کو آباد نہیں کرسکتے، تم علم و سائنس کے میدانوں میں کامیاب نہیں ہوسکتے۔نہیں کرسکتے کچھ نہیں کرسکتے کی رٹ لگارکھی تھی اور ہم نے باور بھی کرلیا تھا۔

قوموں پر تسلط جمانے کا دشمنوں کا ایک موثر حربہ توانائيوں کی نفی کرنا ہے تا کہ قومیں مایوس ہوجائيں اور یہ باور کرلیں کہ وہ کچھ نہیں کرسکتیں۔ اس سازش کے تحت ملت ایران ایک صدی تک سیاست، اقتصاد، اور زندگي کے تمام شعبوں میں پسماندگي کا شکار رہی۔ امام خمینی نےاس کا خاتمہ کردیا اور سوپر طاقتوں سے یہ حربہ چھین لیا، آپ نے ملت ایران کو باور کرایا کہ وہ بھرپور توانائیوں کی حامل ہے۔ آپ نے ملت ایران کو دوبارہ شجاعت کی نعمت سے مالا مال کیا، فیصلہ کرنے کی طاقت اور ثبات قدمی عطا کی، خود اعتمادی کی نعمت بھی عطا کی۔ اس کےبعد ہم نے احساس کیا کہ ہم میں بھرپور توانائياں ہیں، ہم نے تحریک شروع کی، اقدام کیا لھذا ملت ایران اب تمام میدانوں میں جن کی طرف میں اشارہ کرونگا، گذشتہ چونتیس برسوں میں ملت ایران نے تمام میدانوں میں کامیابی حاصل کی ہے۔

امام خمینی کے یہ تین اصول یعنی خدا پر ایمان، عوام پر ایمان اور خود اعتمادی، امام خمینی کے تمام فیصلوں، تمام اقدامات اور تمام پالیسیوں کی بنیاد ہیں۔ تحریک انقلاب کے آغاز میں بھی یہی تین اصول تھے جن سے آپ کو ہمت ملی، جلاوطنی کے زمانے میں بھی ایسا ہی تھا اور جب آپ پیرس تشریف لے گئے اس وقت بھی ان ہی اصولوں پر گامزن تھے۔ جب آپ وطن واپس تشریف لائے تب بھی آپ کو ان ہی اصولوں نے طاقت عطا کی کہ آپ ان بحرانی حالات میں تہران آسکیں، بہمن تیرہ سو ستاون مطابق انیس سو اناسی کے بحرانی حالات، داخلی فتنوں، اسلامی جمہوریہ کا اعلان کرتے وقت، ظالمانہ عالمی نظام کے خلاف اعلانیہ قیام میں، مغربی اور مشرقی بلاکوں کی نفی کے اصول کے اعلان کے موقع پر، مسلط کردہ جنگ کے دوران، اور اپنی زندگي کے ان بحرانی دس برسوں میں آپ کے یہی تین اصول متجلی تھے۔ یہی تین اصول آپ کے فیصلوں اقدامات اور پالیسیوں کا سرچشمہ تھے۔ امام خمینی کی زندگي کے آخری دن تک کسی نے ان کے قول و فعل میں افسردگي، شک و شبہے، تھکاوٹ اور پسپائي کا مشاہدہ نہیں کیا۔ ہم میں سے بہت سے لوگ اور دنیا کی بہت سی انقلابی شخصیتیں جو جوانی کی منزلین طے کرکے بڑھاپے کی طرف پہنچتی ہیں تو شک و شبہے کا شکار ہوجاتی ہیں یہانتک کہ اپنے اصولی مواقف سے بھی ہٹ جاتی ہیں لیکن امام خمینی کی زندگي کے آخری برسوں میں آپ کے بیانات تیرہ سو بیالیس مطابق انیس سو ترسٹھ کے بیانات سے بھی زیادہ انقلابی رنگ اور شدت کے حامل ہواکرتے تھے، مستحکم و مضبوط ہوا کرتے تھے۔ ان کی عمر گرچہ ڈھلتی جارہی تھی لیکن ان کا عزم جوان تھا ان کی روح زندہ تھی، یہ وہی استقامت ہے جسے قرآن کریم میں ان لفظوں میں یاد کیا گيا ہے و ان لو استقامو علی الطریقہ لاسقیناھم ماء غدقا

دوسری آیت میں ارشاد ہوتا ہے ان الذین قالوا ربنا اللہ ثم استقاموا تتنزل علیھم الملائکۃ ۔

ان تین اصولوں نے امام خمینی کو زندہ رکھا، جوان رکھا ان کی فکر اور راہ کو اس ملت کے لئے بقائے دوام عطا کی۔ یہی تین اصول ہیں جو تدریجا عوام اور ہمارے جوانوں اور ہمارے معاشرے کے گوناگوں طبقوں میں پھیل گئے، امید جاگ اٹھی، خود اعتمادی پیدا ہوگئي، خدا پر توکل کاجذبہ بیدارہوگيا۔ انہوں نے مایوسی کی جگہ لے لی مایوسی کے ماحول کو ختم کردیا، بد گمانی کی جگہ لے لی، ایرانی عوام نئے جذبات کے حامل ہوگئے تو خدا نے بھی ان کی حالت بدل دی ان اللہ لایغیر مابقوم حتی یغیر مابانفسھم ۔ ملت ایران نے اپنی راہ اپنے محرکات اور اپنے اقدامات کی اصلاح کی اور خدا نے بھی اس کی مدد و نصرت کی اس کی حمایت کی۔ نتیجہ کیا ہوا؟ نتیجہ یہ ہوا کہ (بڑی طاقتوں) سے وابستہ ایران خود مختار بن گيا۔ پہلوی طاغوتی حکومت کی پہلے برطانیہ اور بعد میں امریکہ کی وابستگي سے لے کر جو کہ رجعت پسند روسیاہ قاچاری حکومت سے بھی بری تھی بہت سی چیزیں ہیں جن سے ہمارے جوانوں کا آگاہ ہونا ضروری ہے۔ ان کی وابستگي شرمناک حدتک پہنچ چکی تھی۔ انقلاب کے بعد امریکہ کے ایک سینئر سفارتکار نے یہ لکھا بھی ہے اور کہا بھی ہے کہ ہم تھے جو شاہ سے کہتے تھے کہ تمہیں کس چیز کی ضرورت ہے اور کس چیز کی ضرورت نہیں ہے۔ یہ امریکی تھے جو کہتے تھے کہ شاہ کو کس سے رابطہ قائم کرنا ہے اور کس سے رابطہ منقطع کرنا ہے، کتنا تیل پیدا کرنا ہے، کتنا فروخت کرنا ہے اورکس کو فروخت کرنا ہے اور کس کو نہیں فروخت کرنا ہے۔ ملک امریکہ کی پالیسیوں کے مطابق، امریکہ کے منصوبوں کے مطابق اور اس سے پہلے برطانیہ کی پالیسیوں اور منصوبوں کے مطابق چلا کرتا تھا۔ ایران اس طرح سے وابستہ تھا جو ایک خود مختار ملک کی صورت میں نمودار ہوا سرفراز و سربلند ملک کی صورت میں سامنے آیا۔ اس ملک پر بدعنوانیوں میں مبتلا، خیانت کار، پیسے کےلالچی، شہوات و لذات مادی و حیوانی میں غرق حکمران حکومت کیا کرتے تھے۔ ایسے ملک میں عوام کے نمائندے حکومت میں آگئے، حکومت ان کے ہاتھوں میں آئي جو عوام کے نمائندے ہیں۔ ان چونتیس برسوں میں جن لوگوں نے اس ملک پر حکومت کی ہے، جن کے ہاتھوں میں اقتدار رہا ہے سیاست اور اقتصاد کی باگ ڈور جن کے ہاتھوں میں رہی ہے وہ عوام کے نمائندے ہیں۔ تمام کمزوریوں اور تمام مثبت توانائيوں کے باوجود جو مختلف افراد میں رہی ہیں یہ قدر مشترک رہی ہے کہ یہ سب عوام کے نمائندے تھے۔ ایسے لوگ ہیں جنہوں نے اپنی جیبیں نہیں بھری ہیں۔ البتہ کسی میں کمیاں پائي جاتی ہیں تو کسی میں مثبت پہلو زیادہ پائے جاتےہیں۔ یہ نہایت اہم مسئلہ ہے۔ وہ خبیث سیاست دان جو دشمن سے وابستہع لالچی اوراسکے سامنے پست اوراسکے آلہ کار تھے اور عوام پر اپنا غصہ اتارتے تھے وہ عوام کے نمائندوں میں تبدیل ہوگئے۔ علمی اور سائنسی لحاظ سے پسماندہ ملک پیشرفتہ ملک میں تبدیل ہوگيا۔ انقلاب سے پہلے ہمارے پاس کوئي ایسی چیز نہیں تھی جس پر ہم علم و سائنس کے لحاظ ‎سے فخر کرسکتے۔ آج ہمارے بارے میں دوسرے لوگ اور سائنسی مراکز یہ کہتے دکھائي دیتے ہیں کہ ایران کی علمی اور سانئسی ترقی دنیا کی اوسط ترقی کی نسبت گيارہ گنا زیادہ ہے۔ کیا یہ معمولی سی بات ہے؟ علمی مراکز پیشین گوئي کررہے ہیں کہ آئندہ چند برسوں میں دوہزار سترہ تک ایران دنیامیں سائنسی لحاظ سے چوتھے مقام پر ہوگا۔ کیا یہ معمولی کامیابی ہے؟ وہ ملک جو علمی اور سائنیسی لحاظ سے کچھ بھی نہیں تھا آج اس طرح کے ملک میں تبدیل ہوچکا ہے۔ ہمارے ملک کی ایسی حالت تھی کہ اگر ہم کوئي شاہراہ، کوئي سڑک ، کوئي ڈیم، یا کارخانہ تعمیر کرنا چاہتے تو ہمیں دوسروں کی طرف ہاتھ پھیلانا پڑتا تھا تاکہ بیرونی انجینیر آئيں اور ہمارے لئے ڈیم تعمیر کریں، سڑک بنائيں، کارخانہ لگائيں ۔ آج ہماری قوم کے جوانوں نے بیرونی ملکوں سے ذرہ برابر مدد لئےبغیر ہزاروں کارخانے، سیکڑوں ڈیم، پل اور شاہراہیں بنادی ہیں۔ آج ہمارے ملک میں علمی، فنی اور ملک کو آباد کرنے کی توانائیاں عروج پر پہنچ چکی ہیں۔ کیا یہ اچھی بات ہےکہ ہم ان کامیابیوں کونظر انداز کریں؟

صحت عامہ و مڈیکل شعبے میں تھوڑے سے پیچیدہ آپریشن کے لئے ہمیں یورپ کے اسپتالوں میں سرگرداں ہونا پڑتا تھا وہ بھی پیسہ ہونے کی صورت میں اور اگرمریض غریب ہوتا تھا تو وہ مرجاتا تھا۔ آج ہمارے ملک میں بڑے بڑے پیچیدہ آپریشن ہورہے ہیں، جگراور پھیپھڑوں کی پیوندکاری ہورہی ہے، سرجری اور میڈیکل شعبے میں بڑے بڑے کام انجام پارہے ہیں صرف تہران میں ہی نہیں بلکہ دیگر دور افتادہ شہروں میں بھی یہ کام انجام دئے جارہے ہیں۔ ملت ایران کو ان میدانوں میں دیگر ملکوں کی ضرورت نہیں ہے ہمارا ملک اس نہایت ہی بنیادی اور ضروری شعبے میں خودکفالت اور خود مختاری تک پہنچ چکا ہے۔

ہمارے ملک کے بہت سے علاقوں کو فراموش کردیا گيا تھا۔ میں انقلاب سے پہلے مختلف شہروں اور گوناگوں مقامات کا سفر کیا کرتا تھا۔ ملک کے دور افتادہ علاقوں پر ذرا سی توجہ نہیں تھی لیکن آج سارے ملک میں مختلف خدمات و سہولتیں فراہم ہیں خواہ دورافتادہ شہر ہوں یا دیہی علاقے ہوں۔ آج یہ بات بے معنی ہے کہ کسی جگہ بجلی یا فرض کریں سڑک اور اس جیسا انفرا اسٹرکچر نہیں ہے۔ انقلاب سےپہلے اگر کوئي دور افتادہ علاقہ کسی سہولت کا حامل ہوتا تھا تو لوگ تعجب کیا کرتے تھےآج اگر یہ سہولتیں نہ ہوں تو تعجب کا باعث ہے۔ انقلاب سے پہلے پینتیس ملین آبادی میں دیڑھ لاکھ طلباء تھے اور آج آبادی دوگنی ہوگئی ہے لیکن طلباء کی تعداد کی شرح بیس گنا بڑھ چکی ہے بلکہ تیس گنا بڑھ چکی ہے، اس کےمعنی علم پر توجہ کے ہیں، طلباء کی تعداد میں اضافہ اساتذہ کی تعداد میں اضافہ نیز یونیورسٹیوں کی تعداد میں اضافہ قابل غور ہے۔ ہر دور افتادہ شہر میں ایک، دو، پانچ یہانتک کہ دس یونیورسٹیاں بھی ہیں۔ اس زمانے میں کچھ ایسے صوبے تھے جہاں اسکولوں کی تعداد انگلیوں کی تعداد سے کم تھی اور آج ان ہی صوبوں میں انکے ہر شہر میں کئي کئي یونیورسٹیاں ہیں۔ یہ ملت ایران کی عظیم تحریک ہے جس نے انقلاب کی برکت سے اور اپنے جوانوں اور حکام کی ہمت سے ان چونتیس برسوں میں یہ کامیابیاں حاصل کی ہیں۔ یہ بڑے اہم واقعات ہیں۔ انقلاب کی برکت سے ہمارے ملک میں وسیع انفراسٹرکچر قائم ہوا ہے۔ ملک میں ہزاروں کارخانے لگائےگئے ہیں۔ بنیادی صنعتیں وجود میں آچکی ہیں۔ وہ مصنوعات جو بیرونی ملکوں کا احسان لینے کے بعد بہت کم مقدار میں حاصل ہوتی تھیں آج ملک میں فراوانی سے تیار کی جارہی ہیں۔ ان چیزوں کو دیکھنے کی ضرورت ہے یہ ساری کامیابیاں ان تینوں اصولوں کی برکت سے حاصل ہوئي ہیں جن سے امام خمینی نے اس قوم کو آشنا کیا تھا اور ان پر ایمان پیدا کیا تھا۔ خدا پر ایمان، عوام پر ایمان اور خود اعتمادی۔

میں یہ باتیں اس وجہ سے نہیں کررہا ہوں کہ جھوٹا غرور پیداہوجائے، ہم خوش ہوجائيں، خوش ہوجائيں کہ الحمدللہ ہم کامیاب ہوگئے، اب کام مکمل ہوچکا، جی نہیں ہمیں ابھی طویل راستہ طے کرنا ہے۔ میں آپ سے عرض کرتا ہوں ہم اگر اس وقت طاغوتی زمانے سے ایران کا موازنہ کریں تو ہمیں یہ کامیابیاں دکھائي دیں گي لیکن اگر ہم اسلامی ایران سے اپنا موازنہ کریں تو وہ ملک جو اسلام کی نظر میں ہے وہ معاشرے جس کا مطالبہ اسلام کرتا ہے، وہ ملک جس میں دنیوی عزت ہے، دنیوی رفاہ ہے، ایمان و اخلاق و معنویت بھی ہے اور بھرپور طرح سے ہے تو ہمارے سامنے ابھی بڑا لمبا راستہ ہے۔ میں یہ عرائض اس وجہ سے پیش کررہاہوں کہ ہمارے جوان اور ہماری دلیر قوم یہ سمجھ لے اس راہ کو ان ہی تین اصولوں کے سہارے طے کیا جاسکتا ہے۔ جان لیں کہ راستہ لمبا ہے لیکن آپ میں اسے طے کرنے کی توانائي ہے، آپ میں طاقت ہے آپ کےلئے ممکن ہے آپ اس طولانی راہ کو مکمل توانائي اور ضروری تیزی کے ساتھ کمال کی منزلوں تک پہچنے کے لئے طے کرسکتے ہیں۔ یہ باتیں اس وجہ سے کی جارہی ہیں کہ اگر دشمن ہمارے دلوں میں مایوسی پیدا کرنا چاہتا ہے تو آپ جان لیں کہ وہ محض دشمنی کررہا ہے۔ ( اس وقت) ہمارے لئے تمام چیزیں امید افزا ہیں۔

ہمارے سامنے نقشہ راہ بھی ہے، ہمارے پاس نقشہ راہ ہے۔ ہمارا نقشہ راہ کیا ہے؟ ہمارا نقشہ راہ وہی امام خمینی کے اصول ہیں، وہی اصول جن کے سہارے آپ نے اس پسماندہ و شرمسار قوم کو اس طرح ترقی یافتہ اور سربلند کردیا۔ یہ وہ اصول ہیں جو راہ کو جاری رکھنے میں ہمارے کام آئيں گے اور ہمارے لئے نقشہ راہ کا بھی کام کریں گے۔ امام خمینی کے اصول نہایت واضح و روشن ہیں۔ بڑي خوشی کی بات ہےکہ امام خمینی کے بیانات اور ان کی نگارشات بیس سے زیادہ جلدوں میں جمع کرلی گئي ہیں اور عوام کی دسترس میں ہیں۔ ان کا خلاصہ امام خمینی کے زندہ جاوید وصیت نامے میں آیا ہے، سب اس کا مطالعہ کرسکتے ہیں۔ ہم اس بات کو مفید نہیں سمجھتے کہ امام خمینی کا نام لیتے رہیں اور آپ کے اصولوں کو بھلادیں، یہ غلط ہے۔ امام خمینی کا نام اور ان کی یاد کافی نہیں ہے۔ امام خمینی اپنے اصولوں، اپنے نظریات اور اپنے نقشہ راہ کے ساتھ ملت ایران کے لئے زندہ جاوید ہستی ہیں۔ امام خمینی نے ہمیں اپنے نقشہ راہ سے آگاہ کیا ہے۔ امام خمینی کے اصول واضح ہیں۔

داخلی سیاست کے بارے میں امام خمینی کے اصول عوام کے فیصلے پر بھروسہ کرنا، ملت کا اتحاد و یکجہتی، عوام کا دلسوز ہونا، حکام کا تعیش پسندی اور اشرافیت سے دور رہنا، ملک کی ترقی کے لئے سب کا آپس میں مل کر کوشش کرنا۔ خارجہ پالیسی کے سلسلے میں امام خمینی کے اصول تسلط پسند اور مداخلت پسند پالیسیوں کےسامنے ڈٹ جانا، مسلمان قوموں کےساتھ دوستانہ تعلقات، تمام ملکوں کےساتھ برابری کے اصول پرمبنی تعلقات، البتہ ان ملکوں کے علاوہ جنہوں نے ملت ایران کے خلاف تلوار سونت لی ہے اور دشمنی کررہے ہیں۔صیہونیت کے خلاف جدوجہد، فلسطین کی آزاد کے لئے جدوجہد،دنیا میں ظالموں کی مخالفت اور مظلوموں کی حمایت سے عبارت ہیں۔ امام خمینی کا وصیت نامہ ہمارے سامنے ہے۔ امام خمینی کی نگارشات، ان کے بیانات کتابی شکل میں موجود ہیں۔

ثقافت کے تعلق سے امام خمینی کے اصول مغرب کی اباحیت پسندی پر مبنی ثقافت کی نفی، جمود، تحجر، اور دینی احکام پر عمل درامد میں ریاکاری کی نفی، اخلاق و احکام اسلام کا سوفیصدی دفاع، معاشرے میں فحشاو اخلاقی برائيوں کے پھیلاو کی مخالفت سے عبارت ہیں۔

معیشت کے بارے میں امام خمینی کے اصول قومی معیشت پر بھروسہ کرنے، خودکفالت، پیداوار اور تقسیم میں معیشتی عدل وانصاف اور محروم طبقوں کی حمایت، سرمایہ دارانہ ثقافت سے مقابلے نیز ملکیت کے احترام پرمبنی ہیں۔ اس کے علاوہ امام خمینی سرمایہ داری کی ظالمانہ ثقافت کو مسترد کرتے ہیں لیکن مالکیت، سرمائے، اور کام کی اہمیت پر تاکید کرتےہیں۔ اسی طرح عالمی اقتصاد میں ضم نہ ہونا اور قومی معیشت کا خود مختار ہونا بھی امام خمینی کے معیشتی اصولوں میں ہیں۔ یہ ساری چیزیں امام خمینی کے بیانات میں واضح طور پر دیکھی جاسکتی ہیں۔

امام خمینی ملک کے حکام سے ہمیشہ یہ توقع رکھتے تھے کہ بھرپور توانائیوں کےساتھ، عقل و تدبیر سے ان اصولوں پر عمل کریں گے اور آگے بڑھائيں گے۔ یہ امام خمینی کا نقشہ راہ ہے۔

ملت ایران اپنی ہمت اور اپنے جوانوں کےسہارے اس نقشہ راہ سے اور اس ایمان کے سہارے جو اس کے دل میں راسخ ہے اپنے محبوب قائد امام خمینی کی یاد کے سہارے اس منزل مقصود کا راستہ طے کرسکتی ہے۔ ملت ایران آگے بڑھ سکتی ہے۔ ملت ایران اپنی توانائيوں کے سہارے، صلاحیتوں کے سہارے اپنی ممتاز شخصیتوں کے سہارے جو بحمد اللہ ملک میں موجود ہیں طے شدہ راہ کو جو انقلاب کے چونتیس برسوں کے تجربے پر مشتمل ہے زیادہ طاقت و ہمت سے جاری رکھ سکتی ہے اور انشاء اللہ حقیقی اور واقعی نمونہ عمل کے طور پر مسلمانون قوموں کے لئے ظاہر ہوسکتی ہے۔

انتخابات کے بارے میں، یہ ان دنوں ہمارا نہایت اہم اور حساس مسئلہ ہے یہ کہنا چاہونگا کہ بھائيوں اور بہنو، ملت عزیر ایران انتخابات ان تین اصولوں کا مظہر ہیں جن پرامام خمینی قائم تھے اور ان اصولوں پر ہمیں بھی عمل کرنا چاہیے۔ انتخابات خدا پر ایمان کا مظہر ہیں کیونکہ فریضہ واجب ہے۔ یہ ہماری ذمہ داری ہے۔ ہم پر واجب ہے کہ ہم ملک کی تقدیر کا فیصلہ کرنے میں شرکت کریں۔ ملت کی فرد فرد پر یہ واجب ہے۔ انتخابات عوام پر یقین و ایمان کا مظہر ہیں چونکہ قوم کی فرد فرد کے ارادے کی نشاندھی کرتے ہیں۔ یہ عوام ہیں جو ملک کے حکام کو اس ذریعے سے منتخب کرتےہیں۔ انتخابات خود اعتمادی کامظہر ہیں کیونکہ ہر وہ شخص جو ووٹ ڈالتا ہے یہ احساس کرتا ہے کہ اس نے ملک کی تقدیر کا فیصلہ کرنے میں اپنے حصہ کا کام انجام دیا ہے اور اپنا فیصلہ دیا ہے۔ یہ بہت ہی ا ہم چیز ہے لھذا انتخابات خدا باوری کا بھی مظہر ہیں عوام پر یقین کا بھی مظہر ہیں اور خود اعتمادی کا بھی مظہر ہیں۔

انتخابات کے بارے میں بنیادی مسئلہ یہ ہےکہ انتخابات کے موقع پر سیاسی کارنامہ انجام پائے عوام بھر پور طرح سے ووٹنگ میں شرکت کریں۔ عظیم کارنامے کے کیا معنی ہیں؟ اس کے یہ معنی ہیں کہ ملت جوش و جذبے اور ولولے سے فخریہ کارنامہ انجام دے۔ ہر ووٹ جو آپ ان آٹھ امید واروں میں سے ایک کو دیں گے، ان آٹھ محترم افراد کو جو میدان میں ہیں وہ اسلامی جمہوریہ کے حق میں ووٹ ہوگا۔ ہر امید وار کو دیا گيا ووٹ اسلامی جمہوریہ کے حق میں ووٹ ہے۔ ( اسلامی ) نظام اور انتخابات کے عمل کو دیا گيا ووٹ ہے۔ آپ جو انتخابات میں شرکت کرتے ہیں خواہ امیدوار کی حیثیت سے ہوں یا ووٹر کی حیثیت سے ہوں جیسے میں ہوں اور آپ ہیں ہمارا محض انتخابات میں شرکت کرنا ہی اسلامی جمہوری نظام اور انتخابات کے عمل کی حمایت کرنے کے معنی میں ہے، دوسرے درجے میں اس شخص کے لئے ووٹ ہے جسے ہم اور آپ ملک کے مستقبل کے لئے دوسروں سے زیادہ مفید سمجھتے ہیں۔

دیگر ملکوں میں ہمارے دشمن یہ بیچارے سوچتے ہیں کہ ان انتخابات کو اسلامی نظام کے لئے خطرے میں تبدیل کردیں جبکہ یہ انتخابات اسلامی جمہوریہ ایران کے لئے ایک عظیم موقع ہے۔ دشمن یہ امید لگائے بیٹھا ہےکہ انتخابات میں جوش و جذبے کافقدان ہویا وہ یہ کھ سکيں کہ عوام اسلامی نظام کو پسند نہیں کرتے، یا انتخابات کے بعد فتنے پھیلاسکیں جس طرح سے انہوں نے دوہزار نو کے بے نظیر صدارتی انتخابات کے بعد فتنے پھیلائے تھے۔ اس قوم کے دشمن ان چیزوں کی فکر میں ہیں لیکن وہ غلطی کررہے ہیں انہیں ہماری قوم کی شناخت نہیں ہے۔ اس قوم کے دشمنوں نے نو دی ( تیس دسمبر دوہزار نو) کو فراموش کردیا ہے۔ وہ لوگ جو یہ سوچتے ہیں کہ ایران میں ایک اکثریت خاموش اور اسلامی نظام کی مخالف ہے وہ یہ فراموش کرچکے ہیں کہ چونتیس برسوں سے ملت ایران ہر سال ( انقلاب کی سالگرہ کے موقع پر ) بائيس بہمن ( گيارہ فروری ) کو نہایت عظیم تعداد میں سڑکوں پرنکل کراسلامی جمہوری حکومت کا دفاع کرتی ہے اور امریکہ مردہ باد کے نعرے لگاتی ہے۔ دشمن نےانتخابات میں عوام کی شرکت کو کم کرنے کی غرض سے اپنے تھنک ٹینک کو ذرائع ابلاغ اور سیاسی ترجمانوں کی حمایت کے لئے بھیج دیا ہے تاکہ وہ نت نئي باتیں تیار کرکے ذرائع ابلاغ کو دیتے رہیں۔ ایک دن کہتے ہیں انتخابات میں حکومت ملوث ہے، دوسرے دن کہتے ہیں انتخابات آزاد نہیں ہیں ،کسی دن یہ کہتے ہیں کہ عوام انتخابات کو قانونی نہیں سمجھتے، یہ لوگ نہ عوام کو پہچانتے ہیں اور نہ ہی ہمارے انتخابی عمل کو اور نہ ہی اسلامی جمہوریہ کو، اور جوچیز جانتے ہیں وہاں بے انصافی کرتے ہیں اور انہیں اس بے انصافی پر شرم تک نہیں آتی۔

دنیامیں ایساکہاں ہوتا ہے؟ جسے معلوم ہو آکر بتائے کہ مختلف امیدواروں کو ان معروف اور غیر معروف امیدواروں کو اجازت دی جاتی ہوکہ وہ قومی اور سرکاری ذرائع ابلاغ سے مساوی استفادہ کریں؟ دنیا میں کہاں ایسی سہولت دی جاتی ہے؟ امریکہ میں دی جاتی ہے؟ سرمایہ دارانہ ملکوں میں دی جاتی ہے؟ سرمایہ دارانہ نظام کے حامل ملکوں میں اگرامید وار ان دو یا تین پارٹیوں کا رکن ہوتا ہے اور اسے سرمایہ داروں، صنعت کاروں اور پیسے والوں، اقتدار و سرمائے کی مافیاوں کی حمایت حاصل ہوتی ہے تو وہ انتخابی سرگرمیاں انجام دے سکتے ہیں لیکن اگر انہیں ان حلقوں کی حمایت حاصل نہیں ہوتی تو سرے سے کسی طرح کی انتخابی سرگرمیاں انجام نہیں دےسکتے۔جو بھی امریکہ میں انتخابات کا جائزہ لیتا ہے ۔میں نے جائزہ لیا ہے۔ اس حقیقت کی تصدیق کرے گا۔ ایسے بھی لوگ تھے جنہيں صیہونیوں کی حمایت حاصل نہیں تھی، سرمایہ داروں کے بین الاقوامی خونخوار نیٹ ورک کی حمایت حاصل نہیں تھی انہوں نے سرتوڑ کوشش کرلی لیکن انتخابات میں امیدوار کی حیثیت سے شرکت نہ کرسکے، نہ انہیں میڈیا کی حمایت حاصل تھی نہ ٹی وی چینل ان کے اختیار میں تھے میڈیا پر ہر سکینڈ کے حساب سے بڑا خرچ آتا ہے۔ لیکن ہمارے ملک میں انتخابات کے امیدوار ایک ریال خرچ کئے بغیر قومی میڈیا پر مساوی طورپر کئي گھنٹوں پرمشتمل مختلف پروگراموں میں عوام سے مخاطب ہوتے ہیں۔ دنیامیں کس ملک میں اس طرح کی سہولتیں دی جاتی ہیں؟

انتخابات میں امیدوار کی حیثیت سے حصہ لینے کےلئے صرف قانون کی پابندی کی ضرورت ہے۔ قانون کے مطابق کچھ لوگ امیدوار بن سکتے ہیں کچھ لوگ نہیں بن سکتے۔ قانون نے شرایط کا تعین کیا ہے، توانائیوں کا تعین کیا ہے۔ جہ لوگ اھلیت کی تشخیص دیتے ہیں وہ کون لوگ ہیں؟ یہ سارے کام قانون کے مطابق انجام دئے جارہے ہیں۔ دیگر ملکوں میں بیٹھا دشمن ان تمام حقائق کو نظرانداز کرکے پراپگینڈا کرتا ہے اور جیسا کہ میں نے پہلے بھی کہا ہے کہ افسوس کی بات ہےکہ بے تقوا گلے اور بے تقوا زبانیں بھی ان ہی باتوں کو دوہراتی ہیں لیکن ملت ایران توفیق الھی سے اپنی موجودگي سے اپنی استقامت و عزم راسخ سے ان تمام سازشوں کاجواب دے گی اور اس کا جواب نہایت شدید اور ٹھوس ہوگا۔

ایک جملہ محترم امیدواروں سے کہنا چاہتاہوں۔ محترم امیدوار ان پبلک پروگراموں میں مختلف مسائل پر تنقید کرتےہیں یہ ان کاحق ہے وہ ہر اس چیز پر جو ان کی نظر میں قابل تنقید ہے تنقید کرسکتے ہیں لیکن انہیں یہ توجہ رکھنی چاہیے کہ تنقید مستبقل کی جدوجہد اور فخریہ راہ کو طے کرنے کی غرض سے عزم و نیت پر مبنی ہونی چاہیے شبیہ خراب کرنے منفی باتوں اور بے انصافی پر مشتمل نہیں ہونی چاہیے۔ میرے مد نظر کوئي امیداور نہیں ہے۔ اسی لمحے سے دشمن میڈیا غصے اور مذموم اھداف کے تحت یہ کہنے لگے گا کہ فلان کی نظر میں زید یا عمرو، یا بکر وخالد ہے یہ حقیقت کے برخلاف ہے۔ میرے مدنظر کوئي امید وار نہیں ہے میں حقائق پیش کررہاہوں۔ میں ان بھائيوں سے جو عوام کی حمایت حاصل کرنا چاہتے ہیں یہ نصحیت کرتاہوں کہ انصاف سے بات کریں، تنقید کریں لیکن تنقید شبیہ بگاڑنے کےمعنی میں نہ ہو، ان عظیم کاموں کے انکار کے معنی میں نہ ہوجو اس حکومت یا پہلے کی حکومتوں میں انجام دئے گئے ہیں کیونکہ ان ہی کی طرح کے لوگ برسر اقتدار آئے تھے اور انہوں نے دن و رات محنت کرکے یہ کام انجام دئے ہیں۔ تنقید کے معنی مثبت پہلووں کے انکار کے نہیں ہیں۔ تنقید یہ ہےکہ انسان مثبت کاموں کا اعتراف کرے اور نقص و کمزوری کا بھی ذکر کرے۔ آج ہمارے ملک میں جو بھی برسراقتدار آئے گا اسے زیرو سے شروع کرنے کی ضرورت نہيں ہے۔ ہزاروں اہم کام انجام پاچکے ہیں، طولانی برسوں میں، مختلف حکومتوں میں، ملک میں بنیادی تنصیبات کا وسیع نیٹ ورک وجود میں آچکا ہے۔ علم و سائنس میں ترقی ہوئي ہے، صنعت میں ترقی ہوئي ہے، بنیادی کاموں میں ترقی ہوئي ہے۔ مختلف شعبوں میں نہایت اہم کام منصوبہ بندی سے انجام پاچکے ہیں، ہمیں یہ چيزیں ہاتھ سے جانے نہیں دینی چاہیں، جو بھی کام ہوگا یہاں سے شروع ہونا چاہیے، ان تمام کاموں کا صرف اس بہانےسے کہ آج ہم اقتصادی مسائل میں گرفتار ہیں، افراط زر اور مہنگائي ہے انکار نہیں کیا جاسکتا۔ یہ صحیح نہیں ہے۔ جی ہاں اقتصادی مسائل ہیں افراط زر ہے، مہنگائي ہے، انشاء اللہ جو منتخب ہوکر آئے گا ان مشکلات کو حل کرسکے، ان گرہوں کو کھول سکے۔ یہ تو ملت ایران کی آرزو ہے لیکن اس کے یہ معنی نہ لئے جائيں کہ اگر ہم اپنی مشکلات کا کوئي چارہ رکھتے ہیں تو آج تک جو کچھ ہوا ہے اور موجود ہے اس کا انکار کردیں اور ناقابل عمل وعدے کرنے لگیں۔ میں مختلف امیدواروں سے کہنا چاہتاہوں کہ اس طرح بات کریں کہ اگر آئندہ برس آپ کی ٹیپ شدہ باتیں آپ کے سامنے پیش کردی جائيں یا نشر کردی جائيں تو آپ شرمندہ نہ ہوں۔ ایسے وعدے کریں کہ اگر بعد میں آپ کے وعدوں کی یاد دہانی کرائی جائے تو آپ دوسروں کو قصور وار گرداننے پر مجبور نہ ہوں اور یہ کہیں کہ کچھ لوگوں نے آپ کو کام کرنے کا موقع نہیں دیا۔ آپ جو کام کرسکتے ہيں اس کا وعدہ کریں۔

ہمارے ملک میں صدر مملکت آئين کے مطابق غیر معمولی اختیارات کا حامل ہوتا ہے۔ آئين میں صدر کو وسیع اختیارات دئے گئے ہیں۔ اس کےپاس ملک کا بجٹ ہوتا ہے۔ ملک کے تمام اجرائي ارکان اس کے اختیار میں ہوتے ہیں۔ قوانین کے نفاذ کے اختیارات اس کے پاس ہوتے ہیں۔ مختلف مسائل میں صدر کا ہاتھ کھلا ہوتا ہے۔ اس پر صرف قانون کی گرفت ہوتی ہے قانون ہی اسے محدود کرسکتا ہے اور یہ بھی کوئي محدودیت نہیں ہے بلکہ قانون ھدایت کرتا ہے محدود نہیں کرتا، قانون راہ دکھاتا ہے کہ کسطرح راستہ چلنا چاہیے۔

وہ لوگ جو آج عوام سے مخاطب ہیں جن امور کی انجام دہی کی توانائي رکھتے ہیں اور عوام کو ان چيزوں کی ضرورت ہے وہ عوام کے سامنے پیش کریں۔ وعدہ کریں عقل و درایت سے عمل کریں گے۔ اگروہ مسائل کے ہر پہلو کے بارے میں منصوبہ رکھتے ہیں تو عوام کو اپنے منصوبوں سے آگاہ کریں۔ وعدہ کریں تجربے اور ثابت قدمی سے اس میدان میں آگے بڑھیں گے ۔ وعدہ کریں کہ وہ آئين کی تمام تر توانائیوں سے اپنے عظیم اجرائي فرائض کو انجام دینے میں استفادہ کریں گے، وعدہ کریں کہ وہ ملک کے حالات سدھارنے کی کوشش کریں گے۔وعدہ کریں کہ ملک کے معیشتی حالات کہ جو آج دشمنوں کی جانب سے ملت پر مسلط کردہ چیلنجوں کا میدان بنے ہوئے ہیں بخوبی سدھارنے کی کوشش کریں گے۔ وعدہ کریں کہ حاشیے اور غیر اہم کاموں میں مشغول نہیں ہونگے۔ وعدہ کریں کہ اپنے رشتہ داروں اور قریبی لوگوں کو سرکاری سہولتیں نہیں دیں گے۔ وعدہ کریں کہ گوناگوں بہانوں سے دشمنوں کے مفادات کو ملت ایران کے مفادات پر ترجیح نہیں دینگے۔ بعض لوگ اس غلط تجزیے کے سہارے کہ دشمن کو مراعات دیدیں تا کہ ان کا غصہ ٹھنڈا پڑجائے عملا دشمن کے مفادات کو قوم کے مفادات پر ترجیح دے رہے ہیں یہ ایک غلطی ہے ۔ دشمن کا غصہ اس وجہ سے ہے کہ آپ موجود ہیں، اس وجہ سے ہے کہ اسلامی جمہوریہ ایران قائم ہے ، اس وجہ سے ہے کہ امام خمینی عوام کے ذہنوں اور ملک کے منصوبوں میں موجود ہیں، اس وجہ سے ہے کہ چودہ خرداد، امام خمینی کی رحلت کے دن پورے ملک میں عوام پورے جوش و خروش سے ان کی یاد مناتے ہیں، دشمن کے غصہ کی وجہ یہ سارے امور ہیں۔دشمن کے غصے کا علاج و تدارک قومی طاقت سے کرنا چاہیے۔

اگر ملت طاقتور ہو توانا ہو، اپنی ضرورتوں کوکم کرے، اپنی مشکلات خود برطرف کرلے، اور آج معیشت کے مسائل کو جو کہ بنیادی مسئلہ بنی ہوئي اسے خود حل کرلے تو دشمن ملت ایران کے مقابل بے دست و پا ہوجائے گا۔ بہرحال جس چیز کی اہمیت ہے وہ عزم و ارادہ، خدا پر یقین، عوام پر یقین اور خود پر یقین ہے یہ چیزیں امیداروں کے لئے بھی ضروری ہیں اور ملت کے لئے بھی۔ میرے بھائيوں اور بہنوں دس دنوں کے بعد ایک بڑی آزمائش ہوگی اور امید کہ انشاء اللہ اس بڑے امتحان میں خدا کی مدد سے پربرکت کارنامہ انجام پائے گا جس سے ملت کو درخشان نتائج حاصل ہونگے

ولاحول ولا قوۃ الاباللہ العلی العظیم ۔

والسلام علیکم و رحمۃ اللہ و برکاتہ۔