مہر خبررساں ایجنسی کے نامہ نگار کی رپورٹ کے مطابق سازمان تبلغات اسلامی کے سربراہ حجۃ الاسلام والمسلمین محمد قمی نے حضرت امام خمینی(رہ)  کے مکتب میں تربیت یافتہ افراد کی طرف اشارہ کرتے ہوئے کہا ہے کہ مکتب امام خمینی (رہ) کے تربیت یافتہ افراد کی توجہ ہمیشہ معاشرے اور سماج کے دوسرے افراد پر ہوتی ہے ۔ مکتب امام خمینی (رہ)  میں "عوام " پر توجہ بنیادی اصولوں میں شامل ہے۔

سازمان تبلیغات اسلامی کے سربراہ نے قزوین میں ایک پروگرام سے خطاب کرتے ہوئے کہا کہ ہم نے حضرت امام خمینی (رہ) کے مکتب پر توجہ دینے میں غفلت اور کوتاہی کی ہے ۔ شہید حاج قاسم سلیمانی کا مکتب درحقیقت حضرت امام خمینی (رہ) کے مکتب کا ثمرہ ہے۔

حجۃ الاسلام قمی نے حضرت امام خمینی (رہ) کے مکتب کے فروغ کے سلسلے میں تاکید کرتے ہوئے کہا کہ اگر ہم نے حضرت امام خمینی (رہ) کے مکتب کے فروغ میں کوتاہی کی تو آئندہ آنے والی نسلیں ہمیں معاف نہیں کریں گی۔

سازمان تبلیغات کے سربراہ نے مکتب امام خمینی (رہ) میں خواتین کے اہم کردار کی طرف اشارہ کرتے ہوئے کہا کہ حضرت امام خمینی (رہ) نے خواتین کو " تحریک کا رہبر " قراردیا ہے اور حضرت امام خمینی(رہ)  کا یہ جملہ معاشرے اور سماج میں خواتین کے کردار کے سلسلے میں بڑی اہمیت کا حامل ہے۔

جب ہم دنیا کے کامیاب انسانوں کی زندگی کا جائزہ لیتے ہیں تو ان کی کامیابی کے پیچھے اور چاہے جو بھی اسباب ہوں لیکن ان کا پختہ یقین، جہد مسلسل، نیک نیتی اور خلوص دل کے ساتھ اعلٰی مقصد ضرور رہا ہے، آج تک روئے زمین پر جتنے بھی انقلابات بقائے انسانیت کو مدنظر رکھ کر رونماء ہوئے ہیں، ان سب کی بنیادیں بھی انہی باتوں پر قائم تھیں اور ان میں روح پھونکنے والے بھی یہی سنہرے اصول تھے، ان اعلٰی انسانی اور سنہری اصولوں کو عمل میں ڈھالنے والا یقین کا مجسمہ، ارادوں کا ہمالیہ، جہاد کا اسلامی نمونہ، عمل کا پیکر، انقلاب کا پیغامبر، دریائے آگہی کا شناور، عوام کے دلوں کا رہبر، تاج شکن اور بیسویں صدی کا مردِ آہن، سرزمین ایران سے اُٹھا اور تاریخ عالم میں انقلاب کا ایک نیا اور سنہری باب اپنی فکر و فراست اور عزم و حوصلے کے قلم سے لکھ گیا، انقلاب تغیر و تبدیلی فطرت کا اصول ہے، گردش لیل و نہار، تبدیلی گرم و سرد اور بہار و خزان وغیرہ سب فطری انقلابات ہیں، جو قدرت کے ذریعے آتے رہتے ہیں۔

روئے زمین پر ساری دلکشی انقلاب اور تحریک سے قائم ہے، اگر جمود و ٹھہراؤ آجائے تو کائنات کی سب دلکشی ختم ہو جائے اور انسان اکتا جائے گا، لیکن انسانوں کے ذریعے آنے والے انقلاب کی نوعیت اس سے بالکل مختلف ہوتی ہے، ان انقلابات میں مشکل ترین وہ انقلاب ہے، جو ظالم و جابر تخت شاہی کے خلاف آتا ہے، جو تخت رعونت کو منہدم کرتا ہے، جو اقتدار کو اپنے تیز دھارے میں بہا دیتا ہے، جو ایک شہریار کو بے دیار کر دیتا ہے، جو مسند شاہی کو تیز آندھی میں اڑا دیتا ہے اور جو رنگ شہنشاہی کو روند کر غریب، مجبور، مایوس، محروم، معذور، مزدور، بے گھر، بے زر، بے بس، بے کس، مفلس، نادار، لاچار اور جملہ مستضعفین کو ان کا جائزہ حق دلواتا ہے، ایسے انقلاب کے پیروں کی آہنی زنجیر ہے، جور و جفا کے لئے دار و رسن ہے اور کبر و نخوت کے لئے سر پہ لٹکی ہوئی تلوار ہے اور ایسا ہی انقلاب تاریخ ساز ہوتا ہے۔

لیکن ایسے انقلاب لانے میں جس فولادی عزم و ہمت اور قوت ایمانی و ارادے کی ضرورت ہوتی ہے، وہ بھی عطیہ پروردگار ہوتا ہے۔ قدرت نے امام خمینی (رہ) کو تمام ان اعلٰی صفات اور اوصاف سے آراستہ کیا تھا، جو ایک تاریخ ساز انقلاب کے رہنماء میں ہونے چاہیئے، تاریخ کا یہ انوکھا انقلاب ہے، جو بانی انقلاب کی آواز پر سرزمین ایران پر آیا، جبکہ بانی انقلاب سرزمین انقلاب سے سینکڑوں میل دور قید و بند کی زندگی گزار رہا تھا، جس کی آواز میں یہ اثر تھا بلکہ اعجازی قوت تھی کہ وہ ایران کی سرحدوں میں ہزاروں میل دور سے آ کر داخل ہو رہی تھی اور ذہنوں کو جھنجھوڑ کر انقلابی بنا رہی تھی، دلوں میں نہ صرف حرارت پیدا کر رہی تھی بلکہ شعلے بھڑکا رہی تھی اور قوم کو ہر قربانی کے لئے تیار کر دیا تھا، وہ انقلابی آواز جب شاہی جاہ و حشم سے ٹکرائی تو اسے خاک میں ملا دیا، تاج شاہی کا جو جھوٹا شاہی بھرم تھا، اسے ختم کر دیا، بغض و نفاق، ظلم و ستم، حق تلفی، بے دینی، ایمان فروشی، گمراہی اور جور و جفا کا خاتمہ کر دیا، تسبیح فتح پا گئی اور رنگ شاہی پائے فقیہ پر جھک گیا۔

اس انقلاب کے لئے امام خمینی (رہ) نے اپنی تمام زندگی وقف کر دی تھی۔ وہ آزادی انسان کے طلبگار تھے، خود بیدار تھے اور قوم کو بھی بیدار کر دیا اور انہوں نے پورے عالم اسلام کو بیدار کر دیا، تاریخ کا وہ سورما، ایران کا وہ شجاع و شیر دل اور انقلاب کے اس بانی کی آہٹ سے قصر باطل میں زلزلہ آگیا تھا، دربار شاہی درہم برہم ہوگیا تھا، جس نے خود آگہی کو شعور بخشا، جس نے غیرت کی روح پھونکی، ملت کو سربلندی کا راز بتایا، کبر و نخوت کا تختہ پلٹا، قصر شاہی میں ایسا شگاف ڈالا کہ ظلم کانپ اٹھا، حقیقت یہ ہے کہ رعب سے جس کے ہر اک دشمن کا چہرہ زرد تھا، شاہِ مرداں کا نمائندہ تھا، ایسا مرد تھا اس جواں ہمت، مجسمہ فکر و فراست، پیکر ہدایت، انقلاب کی علامت، سرزمین ایران کی ضرورت و قسمت اور انقلاب کی عظیم ترین طاقت پر ہر انقلاب انگیز کے لاکھوں سلام، اس مرد آہن پر کائنات کے ہر آہنی عزم کا سلام اور تاریخ کے تمام آہنی عزم والوں کے سلام ہی سلام، اسلام نے توحید کے بعد جس بات پر سب سے زیادہ زور دیا ہے وہ اتحاد بین المسلمین ہے۔

اتحاد ہمارے زمانے کی اشد ضرورت اور پوری تاریخ بشریت میں بالخصوص مسلمانوں کے خلاف اس وقت تفرقہ اور اختلاف دشمن کا سب سے اہم اور سب سے زیادہ موثر حربہ اور اسلحہ رہا ہے، جب سے مغرب نے مسلمانوں کے اختلافات سے فائدہ اُٹھا کر مسلمانوں پر اپنا قبضہ مضبوط کر لیا ہے، تب سے اسلامی مفکرین کی طرف سے مغرب جیسے طاقت اور مکار دشمن سے نجات پانے اور اس پر غلبہ حاصل کرنے کا واحد ذریعہ اتحاد امت کو قرار دیا ہے۔ دشمنان اسلام کی ان شرارتوں کی اصل وجہ یہ ہے کہ انہوں نے ایک طرف سے دیکھا کہ امت مسلمہ بیداری ہو رہی ہے، دوسری طرف سے ان کو معلوم ہے کہ مسلمانوں کے پاس ترقی کرنے اور دنیا کی سب سے بڑی طاقت بننے کی پوری صلاحیت اور وسائل موجود ہیں، کیونکہ پوری دنیا کے وسط میں 57 ممالک پر مشتمل عظیم علاقہ عالم اسلام کے قبضے میں ہیں، آج دنیا امت مسلمہ کے اُٹھتے ہوئے قدموں کو دیکھ رہی ہے۔

انسان نے اپنی علمی پیشرفت کی وجہ سے اخلاق، روحانیت اور روح دین کو فراموش کر دیا ہے، بشریت کی علم و دانش میں ترقی اور کائنات کے حقائق پر انسان کی نگاہ نوامت مسلمہ کی حرکت کے لئے بہترین زمین فراہم کرسکتی ہے، اسلامی تعلیمات و معارف آج امت مسلمہ کے اختیار میں ہیں، پہلا نکتہ دنیائے اسلام کی بیداری ہے، آج سے سو سال قبل دنیائے اسلام کے مصلح افراد دنیائے اسلام کے مغرب و مشرق کے مختلف ممالک میں غریبانہ ماحول و فضا میں جو باتیں کرتے تھے، وہ آج لوگوں کی زبانوں پر شعار کی صورت میں موجود ہیں، یعنی اسلام کی طرف واپسی، احیاء قرآن، امت واحدہ کا تصور اور دنیائے اسلام کی عزت و قدرت۔ آپ ایک ایک اسلامی ملک پر نگاہ کیجیئے خصوصاً نوجوانوں، تعلیم یافتہ افراد اور روشن فکروں کے درمیان یہ شعار زندہ ہیں، البتہ اسلامی جمہوری ایران میں اسلام کی کامیابی اور بالادستی اس سلسلے میں ایک بہت بڑی مثال ہے۔

ایرانی عوام نے اپنی ایثار و فداکاری، استقامت اور عزتِ اسلامی کے پرچم کو اپنے ہاتھ میں لینے کے ذریعے سے تمام مسلمان اقوام میں ایک نئی روح پھونک دی ہے اور انہیں ان کے مستقبل سے امیدوار بنا دیا ہے، آپ اس امید کے نتائج کو دنیائے اسلام کے گوشے گوشے میں ملاحظہ کرسکتے ہیں اور یہ ایک ناقابل انکار حقیقت ہے۔ یہ بات بھی قابل توجہ ہے کہ مشرق و سطیٰ خصوصاً مسئلہ فلسطین اور اس خطے کے دیگر مسائل مثلاً عراق، شام و لبنان کے مسائل میں امریکہ کی استکباری قوت اپنے تمام تر مادی وسائل کے ساتھ میدان میں آئے اور شکست کھا گئے، یہی ایک زندہ حقیقت ہے۔ حضرت آیت اللہ امام خمینی (رہ) نے عملی میدان میں کرکے دکھایا اور تمام عالم اسلام یعنی تمام دنیائے اسلام کے لئے اپنے عزم و حوصلے کے قلم سے لکھ دیا کہ تمام دنیا کی مسلمان حکومتوں اور مسلمانوں کو ایک دوسرے کے نزدیک آنا چاہیئے اور ایک دوسرے کی مدد کرنا چاہیئے، اس لئے اسلام کسی ملت یا کسی مذہب کے خلاف نہیں ہے بلکہ ظلم اور استکبار و استبداد کے خلاف ہے۔

تحریر: جاوید عباس رضوی

اسلامی انقلاب کے ثمرات میں سے ایک ثمرہ اسلامی تہذیب ہے، جس نے اپنے ہمراہ ایک نئی لغت کو مسلمانانِ ایران اور دیگر مسلمان عوام کے لیے بطور تحفہ پیش کیا۔ اس لغت نے جو اسلامی انقلاب کی بے نیاز تہذیب کی عکاس ہے، دنیا کے لوگوں کو حقیقی اور غیر حقیقی اسلام کی پہنچان عطا کی۔ ان لغات اور اصلاحات میں سے ایک "اسلام نابِ محمدی" کی اصطلاح و لغت ہے، جو امام خمینی کی یادگار ہے۔ اسلامی انقلاب کے رہبر گرامی بھی اس بارے میں فرماتے ہیں:

"اسلام ناب کی حقیقت ایک جذاب حقیقت ہے، جو خود غرضی اور کینہ ورزی سے آلودہ نہ ہونے والے دلوں کو اپنی طرف کھینچ لیتی ہے۔ یہ وہی حقیقت ہے جسے امام خمینی اور انقلاب نے دوبارہ دنیا والوں کے سامنے پیش کیا اور تشنہ دلوں اور تلاش کرنے والی آنکھوں کے سامنے بیان کیا۔ مکتبِ انقلاب میں جس کی بنیاد ہمارے امام نے رکھی، سفیانی اور مروانی اسلام کی بساط کو لپیٹ دیا گیا ہے۔ وہ اسلام جو فقط نام کا ہو، صرف ظاہری عبادتوں تک محدود ہو، جو دولتمندوں اور سلاطین کی خدمت کیلۓ مخصوص کر دیا گیا ہو، بہ الفاظ دیگر وہ اسلام جو باطل طاقتوں کے ہاتھوں میں ایک آلہ ہو جائے اور دنیا کی قوموں کے لیے ایک آفت، ایسا اسلام انقلاب کے مکتب سے سمیٹ لیا گیا اور اس کی جگہ وہ اسلام رائج کیا گیا، جو اسلام قرآنی اور محمدی ہے، عقیدہ جہاد ہے، وہ اسلام جو ظالم کا دشمن اور مظلوم کا مددگار ہے۔ وہ اسلام جو دنیا کے فرعونوں کے مقابلے پر ہے، خلاصہ یہ ہے کہ وہ اسلام جو دنیا کے جباروں اور متکبروں کو گرانے والا اور اس کی جگہ مستضعفین کی حکومت قائم کرنے والا ہے، اسے رائج کیا گیا۔"

آپ وہ روح اللہ تھے، جو موسیٰ عصاید بیضا کے ساتھ اور مصطفوی فرمان کے ساتھ مظلوموں کی نجات کے لیے کمربستہ ہوگئے، آپ نے زمانے کے فرعونوں کو ہلا کر رکھ دیا اور مظلوم طبقے اور مستضعفین کے دلوں میں امید کی کرن روشن کر دی۔ آپ نے انسانوں کو کرامت اور مومنین کو عزت عطا کی۔ مسلمانوں کو قوت و شوکت اور بے روح مادی دنیا کو معنویت عطا کی۔ عالم اسلام کو حرکت اور مجاہدین فی سبیل اللہ کو بہادری اور جذبہ شہادت عطا کیا۔ آپ نے بتوں کو پاش پاش کر دیا اور شرک آلود عقائد کو مٹایا۔ امام خمینی کی شخصیت اور آپ کی حیات اسلام ناب محمدی کا مجسمہ اور اسلامی انقلاب کی عملی صورت تھی۔ امام خمینیؒ نے اسلام کو دوبارہ زندہ کرنے کے لیے وہی انقلاب کا راستہ اختیار کیا، جو رسول اللہﷺ نے اختیار کیا تھا۔

آپؒ مناجات، تہجد اور مخلصانہ انکساری کے لحاظ سے "عسی ان یبعثک ربک مقاما محمود" کی منزل پر فائز تھے۔ آپ نے اپنی زندگی کے ایام اور لحظات جہاد بالنفس میں گزارے، اس طرح آپ نے ان قرآنی آیات کو عملی اور مجسم کر دیا، جو مخلصین، متقین اور صالحین کی صفات کو بیان کرتی ہیں، آپ نے اسلامی معاشرے کی تشکیل کے ذریعے نہ صرف معاشرے کی زندگی کے ماحول میں قرآن کو عملی کیا بلکہ خود اپنی ذات اور اپنی زندگی میں بھی قرآن کو عملی زینت بخشی۔ آپ نے پوری دنیا کو سمجھا دیا کہ کامل انسان ہونا، علیؑ ابن ِابی طالب کے حقیقی شیعہ کے طور پر زندگی گزارنا، ایک افسانہ نہیں بلکہ ممکن چیز ہے۔

امام خمینی کی ترقی اور کامیابی کا اصلی راز استکباری طاقتوں کے ساتھ مقابلہ ہے۔ انہوں نے دشمن کو پہنچان لیا اور پوری قدرت اور استقامت کے ساتھ دشمن کے مقابلے میں کھڑے ہوگئے اور ان پر ذرہ برابر اعتماد نہ کیا۔ امام خمینی عوام کیساتھ خطاب فرماتے اور آپ معتقد تھے کہ اگر دنیا کے عظیم تحولات اور تبدیلیاں عوام کے ہاتھوں انجام پائیں تو پھر یہ تحولات ناقابلِ شکست ہیں، عوام دنیا میں تحول ایجاد کرسکتی ہے اور اپنے ماحول کو بدل سکتی ہے۔ اپنی فردی زندگی میں دین پر عمل کرنا اور دین کی عملی پابندی کرنا، اسی طرح نفس کے شیطانی غلبہ اور نفسانی وسوسوں کے مقابلے میں جہاد کرنا، یہ دو ایسے عظیم مطلب اور مبارزہ کے دو میدان ہیں، جن کو امام خمینیؒ ایک دوسرے سے جدا نہیں کرتے تھے۔

اجتماعی اور سیاسی میدان میں شیطان بزرگ اور تمام شیطانی طاقتوں کے مقابلے میں جہاد کرتے تھے اور انسان کے باطنی میدان کے حوالے سے جہاد بالنفس کرتے تھے۔ امام خمینی کی معنوی قدرت و طاقت، آپ کی روحانی شجاعت اس قدر تھی کہ جس مسئلہ میں اسلام اور مسلمین کے لیے ڈٹ کر فیصلہ کرتے تھے، پوری دنیا آپ کے اس فیصلے پر حیران ہو جاتی تھی۔ یہ شجاعت میدانِ جنگ کی شجاعت سے بھی بالاتر ہے۔ یہ اخلاقی اور روحی شجاعت ہے، جسے بہت کم بزرگانِ عالم اپنے اعمال اور رفتار میں اپنا سکتے ہیں۔ امام خمینی نے اسلام کو عزت بخشی اور دنیا میں قرآن کا پرچم بلند کیا۔ اُس زمانے میں جب تمام سیاسی طاقتیں دین کو مٹانے کی کوشش میں مصروف تھیں، آپ نے ایسے نظام کو قائم کیا، جس کی بنیاد معنویت اور اخلاقی اقدار پر تھی۔

راہِ خمینی کی ان خصوصیات کی جانب توجہ کرتے ہوئے جو ذکر کی گئی ہیں، بلاشک و تردد دور حاضر کو "زمانہ خمینی" کا نام دیا جانا چاہیئے۔ ہم صراحت کے ساتھ یہ پورے عالم کی اقوام کے سامنے یہ اعلان کرتے ہیں کہ دشمن کا یہ نعرہ جسے وہ مختلف طریقوں سے دنیا کے سامنے پیش کرتا ہے کہ امام خمینی کا دور ختم ہوگیا، یہ محض ایک استکباری پروپیگنڈہ اور دھوکہ ہے۔ امریکہ اور اس کے ساتھیوں کے برخلاف امام خمینی اپنی ملت اور معاشرے میں موجود ہیں۔ امام خمینی کا دور باقی ہے اور باقی رہے گا۔ ان کی راہ ہماری راہ، اِن کا ہدف ہمارا ہدف اور اِن کی رہنمائی ہمارے لیے روشن چراغ ہے

تحریر: سویرا بتول۔

 اسلامی جمہوریہ ایران کی پارلیمنٹ کے نمائندوں نے ایران اور افغانستان کے درمیان معاہدے کے مسودے کو منظور کرکے  ایران اور افغانستان کے درمیان ریلوے رابطے کو قانونی حیثیت دیدی ہے۔ اطلاعات کے مطابق ایران اور افغانستان کے درمیان ریل  رابطے کے مسودے کے حق میں 178 نمائندوں نے ووٹ دیا جبکہ 2 نے مخالفت کی اور 2 نمائندوں نے ووٹنگ میں حصہ نہیں لیا۔ مہر کی رپورٹ کے مطابق خواف و ہرات ریلوے لائن کا افتتاح گذشتہ سال ایران کے صدر حسن روحانی اور افغانستان کے صدر اشرف غنی نے کیا تھا۔

پاکستانی ذرائع کے حوالے سے نقل کیا ہے کہ پاکستان کے وزیر خارجہ شاہ محمود قریشی عراق کے تین روزہ دورے پر ہیں جہاں انھوں نے نجف اشرف میں حضرت علی علیہ السلام کے روضہ مبارک کی زيارت کا شرف حاصل کیا اور نماز ادا کی۔ اطلاعات کے مطابق پاکستانی وزیر خارجہ نے اس سے قبل عراق کے وزیر خارجہ اور دیگر اعلی  عراقی حکام کے ساتھ  دو طرفہ تعلقات ، علاقائي  اور عالمی امور کے بارے میں تبادلہ خیال کیا۔  پاکستانی وزیر خآرجہ نے مسجد کوفہ اور دیگر تاریخی مقدس مقامات کی بھی زیارت کی ، جن میں حضرت مسلم بن عقیل (ع) اور حضرت ہانی بن عروہ (ع) کے مزارات بھی شامل ہیں۔ پاکستانی وزیر خارجہ نے نجف اشرف میں ممتاز عالم دین آیت اللہ بشیر نجفی سے بھی ملاقات  اور گفتگو کی۔

جھوٹ بولنا ايک انتہائي برى صفت ہے اور گناہان کبيرہ ميں ہے دنيا کى تمام قوميں اور ملتيں ، جھوٹ بولنے کى مذمت کرتى ہيں اور جھوٹ بولنے والے کو پست اورگھٹيا قرار ديتى ہيں جھوٹ بولنے والے شخص کا دنيا والوں کى نظر ميں کوئي عزت واعتبار نہيں ہوتا ايک شريف اور اچھا شخص جھوٹ نہيں بولتا اسلام نے بھى اس برى صفت کى مذمت کى ہے اور اسے گناہ کبيرہ اور حرام قرار ديا ہے امام محمد باقر عليہ السلام فرماتے ہيں: ( ”جھوٹ خرابى ايمان کى بنياد ہے ” حضرت صادق عليہ السلام فرماتے ہيں:

کہ حضرت عيسى عليہ السلام نے فرمايا جو زيادہ جھوٹ بولتا ہے اس کى کوئي عزت ( نہيں ہوتى)

حضرت على عليہ السلام فرماتے ہيں: ( کوى کام جھوٹ سے بڑھ کے گھٹيا نہيں الله کے سب نبيوں اور سب دينى رہنماؤ ں نے لوگوں کو سچائي کى دعوت دى ہے سچ ايک فطرى اور طبيعى چيز ہے اور انسان کى سرشت کا حصہ ہے سب سچ اور سچّے کو پسند کرتے ہيں اور جھوٹے سے نفرت کرتے ہيں يہاں تک کہ جھوٹ بولنے والا شخص بھى ايسا ہى ہے اگر بچے کو اس کے حال پہ چھوڑدياجائےتو فطرى طور پر اس کى تربيت ايسى ہوگى کہ وہ سچا ہوگا يہ تو خارجى عوامل اور اسباب ہيں کہ جو اسے خداداد فطرت سے منحرف کرديتے ہيں اور اسے دروغ گوئي کى طرف لے جاتے ہيں جھوٹ بولنا ايک ننھے بچے سے اصلاً ميں نہيں کھاتا بعد از آن اسسے منحرف ہوجائے اور جھوٹ بولنے کا عادى بن جائے تو بڑے ہوکر يہ عادت ترک کرنا اس کيلئے دشوار ہوگا اور زيادہ امکان يہى ہے کہ وہ اس سے دستبر دار نہيں ہوگا پھر اس پر نہ کوئي آيت اثر کرے گى نہ روايت اور نہ وعظ ونصيحت ماں باپ کى ذمہ دارى ہے کہ وہ بچپن ہى سے اس بات کى فکر کريں کہ ان کى اولاد سچى ہو جھوٹ کے علل و اسباب کوروکيں اور سچائي کو جو ان کى سرشت ميں شامل ہے اس کى پرورش کريں سچائي کى تربيت کو نظر انداز نہيں کرنا چاہيے اور نہ اسے بڑے ہونے پرٹال دينا چاہيے جو ماں باپ اپنى اولاد کى تربيت کے خواہشمند ہيں اور احساسذمہ دارى رکھتے ہيں توانہيں چاہيے کہ

مندرجہ ذيل امور کى طرف توجہ فرمائيں

1بچے کى تربيت پر اثر انداز ہونے واى ايک نہايت اہم چيز خاندان کا ماحول ہے خاندان کے ماحول ميں بچہ پروان چڑھتاہے اور وہ ماں باپ سے اور ساتھ رہنے والوں سے اخلاق سيکھتا ہے اور ان کى پيروى کرتا ہے اگر گھر کا ماحول سچائي اور درستى پر بنى ہو ، ماں باپ اور ديگر افراد صداقت اور سچائي سے ايک دوسرے کے ساتھ پيش آنے والے ہوں تو ان کے بچے بھى يہى سيکھيں گے اس کے برعکس اگر گھر کا ماحول ہى جھوٹ اور دروغ گوئي پر بنى ہو، ماں باپ ايک دوسرے سے اپنى اولاد سے اور ديگر افراد سے جھوٹ بولتے ہوں بے گناہ بچے جو ايسے ماحول ميں پرورش پائيں گے يہى برى عادت ماں باپ سے سيکھيں گے اور دروغ گو بن جائيںگے جن بچوں کے کان جھوٹ سے آشنا ہو گئے ہوں اور جو ہر روز ماں باپ سے دروغ گوئي کے مظاہر ديکھتے ہوں ان سے کيسے توقع کى جا سکتى ہے کہ وہ سچّے اور صادق پروا ن چڑھيں ايسے ماحول ميں يہ صلاحيت نہيں ہے کہ وہ جھوٹے اور فريبى شخص کے علاوہ کچھ تريت کرے ايسا زہر يلا ماحول ہى ہے کہ جو ايک حساس اور اثرات قبول کرنے والے بچے کى فطرت کو سچائي سے منحرف کرديتا ہے اور دروغ گوئي کا عادى بنا ديتا ہے بعض نادان ماں باپ نہ صرف يہ کہ خود جھوٹ بولتے ہيں بلکہ اپنے بچوں کو بھى جھوٹ بولنے کى تلقين کرتے ہيں باپ گھر پہ ہے ليکن بچے کو کہتا ہے فلان شخص سے کہو ابو گھر پہ نہيں ہيں بچہ جو ٹھيک ٹھاک تھا اور اس نے گھر کا کام نہيں کيا باپ اس سے کہتاہے استاد سے کہنا ميں بيمار تھا ايسے سينکڑوں جھوٹ ہيں جن کا بعض گھروں ميں ہر روز تکرار ہوتا ہے ايسے نادان ماں باپ اپنے بچوں سے بہت بڑى خيانت کے مرتکب ہوتے ہيں جھوٹ بولنا گناہ ہے ليکن جھوٹ سکھانا اس سے کہيں بڑا گناہ ے جھوٹے ماں باپ جھوٹ بولنے کى سزاکى علاوہ بھى بہت بڑى سزاپائيں گے اور وہ ہے جھوٹ بولنے کى تربيت دينا ماں باپ کہ جو خاندان کے سرپرست ہوتے ہيں وہ جھوٹ بوليں تو يہ کوئي معمولى گناہ نہيں ہے بلکہ ہمت بڑا گرناہ ہے اس کے ساتھ بہت بڑا گناہ نمسلک ہے اور وہ ہے بچوں کو جھوٹ سکھانا ايسے ماں باپ نہ صرف گناہ کبيرہ کے مرتکب ہوتے ہيں اور انہيں اس کى سزا ملے گى بلکہ وہ اپنے معصوم بچوں کے ساتھ بھى ايک بہت بڑى خيانت کے مرتکب ہوتے ہيں جب کہ يہ بچے ان کے پاس الله کى امانت ہيں اور يہ خيانت ان کى معاشرے کے ساتھ بھى ہے ايسے ماں باپ ہى ہيں جو ايک جھوٹے اور فريب کار معاشرے کو وجود ديتے ہيں لہذا جو ماں باپ چاہتے ہيں ان کے بچے سچے ہوں ان کے پاس اس کے علاوہ کوئي چارہ نہيں کہ وہ خود راست گوئي اختيار کريں اور اپنى اولاد کے ليے بہترين ماحول فراہم کريں اور ان کے ليے نمونہ عمل بنيں رسل لکھتا ہے ”اگر آپ چاہتے ہيں کہ بچے جھوٹ بولنا نہ سيکھيں تو اس کے علاوہ کوئي چارہ نہيں کہ بڑے پور ى توجہ سے ہميشہ بچوں کے سامنے سچائي ( اختيار کريں ”)

شيعوں کے مشہور علماء کا يہ عقيده ہے کہ قرآن مجيد ميں کسی بھی قسم کی تحريف نہيں ہوئی ہے اور وه قرآن جو آج ہمارے ہاتھوں ميں ہے بعينہ وہی آسمانی کتاب ہے جو پيغمبر گرامی پر نازل ہوئی تھی اور اس ميں کسی قسم کی زيادتی اور کمی نہيں ہوئی ہے اس بات کی وضاحت کے لئے ہم يہانچند شواہد کی طرف اشاره کرتے ہيں:
١۔پروردگار عالم مسلمانوں کی آسمانی کتاب کی صيانت اور حفاظت کی ضمانت ليتے ہوئے فرماتا ہے :
إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ  (1)
ہم نے ہی اس قرآن کو نازل کيا ہے اور ہم ہی اس کی حفاظت کرنے والے ہيں.
واضح ہے کہ ساری دنيا کے شيعہ چونکہ قرآن مجيد کو اپنے افکار اور کردار کے لئے اساس قرار ديتے ہيں لہذا اس آيہ شريفہ کی عظمت کا اقرار کرتے ہوئے اس آيت ميں موجود اس پيغام پر کامل ايمان رکھتے ہيں جو اس کتاب خدا کی حفاظت سے متعلق ہے .
٢۔شيعوں کے عظيم الشأن امام حضرت علی نے جو ہميشہ پيغمبر اکرم کے ہمراه رہے اور کاتبان وحی ميں سے ايک تھے آپ سے لوگوں کو مختلف موقعوں اور مناسبتوں پر اسی قرآن کی طرف دعوت دی ہے ہم اس سلسلے ميں ان کے کلام کے کچھ حصے يہاں پيش کرتے ہيں:
  ”واعلموا أن ھذا القرآن ھو الناصح الذ لايغش والھاد الذ لايضلّ” (2)
جان لو کہ يہ قرآن ايسا نصيحت کرنے والا ہے جو ہرگز خيانت نہيں کرتا اور ايسا رہنمائی کرنے والا ہے جو ہرگز گمراه نہيں کرتا.
  ”ن للهّ سبحانہ لم يعط أحداً بمثل ھذا القرآن فنہ حبل للهّ المتين و سببہ المبين”(3)
بے شک خداوند سبحان نے کسی بھی شخص کو اس قرآن کے جيسی نصيحت عطا نہيں فرمائی ہے کہ يہی خدا کی محکم رسی اور اس کا واضح وسيلہ ہے.
”ثم أنزل عليہ الکتاب نورًا لا تطفأ مصابيحہ و سراجًا لا يخبو توقده.ومنھاجًا لا يضل نھجہ . .. و فرقانا لا يخمد برھانہ”(4)
اور پھر آپۖ پر ايسی کتاب کو نازل کيا جس کا نور کبھی خاموش نہيں ہوگااور جس کے چراغ کی لو کبھی مدھم نہيں پڑ سکتی وه ايسا راستہ ہے جس پر چلنے والا کبھی بھٹک نہيں سکتا اور ايسا حق اور باطل کا امتياز ہے جو کمزور نہيں پڑ سکتا .
شيعوں کے امام عالی شان امام حضرت امير المومنين علی بن ابی طالب کے گہربار کلام سے يہ بات اچھی طرح واضح ہوجاتی ہے کہ قرآن مجيد کی مثال ايک ايسے روشن چراغ کی ہے جو ہميشہ اپنے پيروکاروں کے لئے مشعل راه کا کام کرے گا. اور ساتھ ہی ساتھ اس ميں کوئی ايسی تبديلی نہيں ہوگی جو اس کے نور کے خاموش ہوجانے يا انسانوں کی گمراہی کا باعث ہو .
٣۔شيعہ علماء اس بات پر اتفاق نظر رکھتے ہيں کہ پيغمبر اسلام نے يہ ارشاد فرمايا ہے :
”ميں تمہارے درميان دو گراں قدر چيزيں چھوڑے جارہا ہوں ايک کتاب خدا (قرآن) ہے اور دوسرے ميرے اہل بيت ہيں جب تک تم ان دو سے متمسک رہو گے ہرگز گمراه نہيں ہوگے.”
يہ حديث اسلام کی متواتر احاديث ميں ايک ہے جسے شيعہ اور سنی دونوں فرقوں نے نقل کيا ہے.اس بيان سے يہ بات اچھی طرح واضح ہوجاتی ہے کہ شيعوں کی نظر ميں کتاب خدا ميں ہرگز کسی قسم کی تبديلی واقع نہيں ہوسکتی کيونکہ اگر قرآن مجيد ميں تحريف کا امکان ہوتا تو اس سے تمسک اختيار کر کے ہدايت حاصل کرنا اور گمراہی سے بچنا ممکن نہ ہوتااور پھر اس کے نتيجہ مينقرآن اور حديث ثقلين کے درميان ٹکراؤ ہوجاتا .
٤.شيعوں کے اماموں نے اپنی روايات ميں (جنہيں ہمارے تمام علماء اور فقہا نے نقل کيا ہے) اس حقيقت کو بيان کيا ہے کہ قرآن مجيد حق وباطل اور صحيح و غلط کے درميان فرق پيدا کرنے والا ہے لہذا ہر کلام حتی ہم تک پہنچنے والی روايات کے لئے ضروری ہے کہ انہيں قرآن مجيد کے ميزان پر تولا جائے اگر وه قرآنی آيات کے مطابق ہوں تو حق ہيں ورنہ باطل. اس سلسلے ميں شيعوں کی فقہ اور احاديث سے متعلق کتابوں ميں بہت سی روايتيں ہيں ہم يہاں ان ميں سے صرف ايک روايت کو پيش کرتے ہيں : امام صادق فرماتے ہيں:
  ”مالم يوافق من الحديث القرآن فھو زخرف”(5)
ہر وه کلام باطل ہے جو قرآن سے مطابقت نہ رکھتا ہو .
اس قسم کی روايات سے بھی يہ بات اچھی طرح واضح ہوجاتی ہے کہ قرآن مجيد ميں کسی بھی قسم کی تحريف نہيں کی جاسکتی اسی وجہ سے اس کتاب کی يہ خاصيت ہے کہ وه حق و باطل ميں فرق پيدا کرنے والی ہے اورہميشہ باقی رہنے والی ہے .
٥.شيعوں کے بزرگ علماء نے ہميشہ اسلام اور تشيع کی آفاقی تہذيب کی حفاظت کی ہے ان سب نے اس حقيقت کا اعتراف کيا ہے کہ قرآن مجيدميں کبھی کوئی تحريف نہيں ہوئی ہے چوں کہ ان تمام بزرگوں کے نام تحرير کرنا دشوار کام ہے لہذا ہم بطور نمونہ ان ميں سے بعض کا ذکر کرتے ہيں :
١۔جناب ابوجعفر محمد بن علی بن حسين بابويہ قمی (متوفی ٣٨١ ھ) جو ”شيخ صدوق” کے نام سے مشہور ہيں فرماتے ہيں :
” قرآن مجيد کے بارے ميں ہمارا عقيده ہے کہ وه خدا کا کلام ہے وه ايک ايسی کتاب ہے جس ميں باطل نہيں آسکتا وه پروردگار حکيم و عليم کی بارگاه سے نازل ہواہے اور اسی کی ذات اس کو نازل کرنے اور اس کی محافظت کرنے والی   ہے .”(6)
٢۔جناب سيد مرتضیٰ علی بن حسين موسوی علوی (متوفی ٤٣٦ ھ)جو ”علم الہدیٰ” کے نام سے مشہور ہينفرماتے ہيں:
”پيغمبر اکرم کے بعض صحابۂ کرام جيسے عبدلله بن مسعود اور اُبیّ بن کعب وغيره نے بارہا آنحضرت کے حضور ميں قرآن مجيد کو اول سے لے کر آخر تک پڑھا ہے يہ بات اس حقيقت کی گواہی ديتی ہے کہ قرآن مجيد ترتيب کے ساتھ اور ہر طرح کی کمی يا پراگندگی کے بغير اسی زمانے ميں جمع کر کے مرتب کيا جاچکا تھا.”(7)
٣۔جناب ابوجعفر محمد بن حسن طوسی (متوفی ٤٦٠ ھ)جوکہ شيخ الطائفہ کے نام سے مشہور تھے وه فرماتے ہيں:
”قرآن مجيد ميں کمی يا زيادتی کا نظريہ کسی بھی اعتبار سے اس مقدس کتاب کے ساتھ مطابقت نہيں رکھتاکيونکہ تمام مسلمان اس بات پر اتفاق نظر رکھتے ہيں کہ قرآن مجيد ميں کسی طرح کی زيادتی واقع نہيں ہوئی ہے اسی طرح ظاہراً سارے مسلمان متفق ہيں کہ قرآن مجيدميں کسی قسم کی کمی واقع نہيں ہوئی ہے اور يہ نظريہ کہ (قرآن ميں کسی قسم کی کمی واقع نہيں ہوئی ہے) ہمارے مذہب سے زياده مناسبت رکھتا ہے جناب سيد مرتضی نے بھی اس بات کی تائيد کی ہے اور روايات کے ظاہری مفہوم سے بھی يہی بات ثابت ہوتی ہے کچھ لوگوں نے بعض ايسی روايتوں کی طرف اشاره کيا ہے جن ميں قرآن مجيد کی آيات ميں کمی يا ان کے جابجا ہوجانے کا ذکر ہے ايسی روايتيں شيعہ اور سنی دونوں ہی کے يہاں پائی جاتی ہيں۔ ليکن چونکہ يہ روايتيں خبر واحد ہيں ان سے نہ تو يقين حاصل ہوتا ہے اور نہ ہی ان پر عمل کيا جاسکتا ہے( 8) لہذا بہتر يہ ہے کہ اس قسم کی روايتوں سے روگردانی کی جائے۔”( 9 ) .
٤۔جناب ابوعلی طبرسی صاحب تفسير ”مجمع البيان” فرماتے ہيں:
”پوری امت اسلاميہ اس بات پر متفق ہے کہ قرآن مجيد ميں کسی بھی قسم کا اضافہ نہيں ہوا ہے ا س کے برخلاف ہمارے مذہب کے کچھ افراد اور اہل سنت کے درميان ”حشويہ” فرقہ کے ماننے والے قرآن مجيد کی آيات ميں کمی کے سلسلے ميں بعض روايتوں کو پيش کرتے ہيں ليکن جس چيز کو ہمارے مذہب نے مانا ہے جو صحيح بھی ہے وه اس نظريہ کے   برخلاف ہے.”(10)
٥۔جناب علی بن طاؤس حلی (متوفی ٦٦٤ ھ) جو ”سيد بن طاؤس” کے نام سے مشہور ہيں فرماتے ہيں :
”شيعوں کی نگاه ميں قرآن مجيد ميں کسی بھی قسم کی تبديلی واقع نہيں ہوئی ہے”( 11)
٦۔ جناب شيخ زين الدين عاملی (متوفی ٨٧٧ ھ) اس آيہ کريمہ:(إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ ) کی تفسير کرتے ہوئے فرماتے ہيں کہ:
  ”يعنی ہم قرآن مجيد کو ہر قسم کی تبديلی اور زيادتی سے محفوظ رکھيں گے.”(12)
٧۔کتاب احقاق الحق کے مؤلف سيد نور لله تستری (شہادت ١٠١٩ ھ) جو کہ شہيد ثالث کے لقب سے مشہور ہيں فرماتے ہيں: ” بعض لوگوں نے شيعوں کی طرف يہ نسبت دی ہے کہ وه قرآن ميں تبديلی کے قائل ہيں ليکن يہ سارے شيعوں کا عقيده نہيں ہے بلکہ ان ميں سے بہت تھوڑے سے افراد ايسا عقيده رکھتے ہيں اور ايسے افراد شيعوں کے درميان مقبول نہيں ہيں (13)”.
٨۔جناب محمد بن حسين (متوفی ١٠٣٠ ھ)جو”بہاء الدين عاملی ” کے نام سے مشہور ہيں فرماتے ہيں کہ:
”صحيح يہ ہے کہ قرآن مجيد ہر قسم کی کمی و زيادتی سے محفوظ ہے اور يہ کہنا کہ امير المومنين علی کا نام قرآن مجيد سے حذف کرديا گيا ہے” ايک ايسی بات ہے جو علماء کے نزديک ثابت نہيں ہے جو شخص بھی تاريخ اور روايات کا مطالعہ کرے گااس کو معلوم ہوجائے گا کہ قرآن مجيد متواتر روايات اور پيغمبر اکرمۖ کے ہزاروں اصحاب کے نقل کرنے   کی وجہ سے ثابت و استوارہے اور پيغمبراکرم کے زمانے ميں ہی پورا قرآن جمع کيا جاچکا تھا.” ( 14)
  ٩۔کتاب وافی کے مؤلف جناب فيض کاشانی (متوفی ١٠٩١ ھ) نے آيت (إِنَّا نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ )  کو اور اس جيسی آيتوں کو قرآن مجيد ميں عدم تحريف کی دليل قرار ديتے ہوئے يوں لکھا ہے: ”اس صورت ميں يہ کيسے ممکن ہے کہ قرآن مجيد ميں تحريف واقع ہو ساتھ ہی ساتھ تحريف پر دلالت کرنے والی روايتيں   کتاب خدا کی مخالف بھی ہيں لہذا ضروری ہے کہ اس قسم کی روايات کو باطل سمجھا جائے.”( 15)
١٠ ۔جناب شيخ حر عاملی (متوفی ١١٠٤ ھ) فرماتے ہيں کہ :
”تاريخ اور روايات کی چھان بين کرنے والا شخص اس بات کو اچھی طرح سمجھ سکتا ہے کہ قرآن مجيد، متواتر روايات اور ہزاروں صحابہ کرام کے نقل کرنے سے ثابت و محفوظ رہا ہے اور يہ قرآن پيغمبر اکرم کے زمانے ميں ہی منظم صورت ميں جمع کيا جاچکا تھا.’ ‘ ( 16)
١١ ۔بزرگ محقق ”جناب کاشف الغطائ” اپنی معروف کتاب ”کشف الغطائ” ميں لکھتے ہيں:
”اس ميں شک نہيں کہ قرآن مجيد خداوندکريم کی صيانت و حفاظت کے سائے ميں ہرقسم کی کمی و تبديلی سے محفوظ رہا ہے ا س بات کی گواہی خود قرآن مجيدبھی ديتا ہے اور ہرزمانے کے علماء نے بھی يک زبان ہو کر اس کی گواہی دی ہے اس سلسلے ميں ايک مختصر سے گروه کا مخالفت کرنا قابل اعتناء نہيں ہے .”
١٢ ۔اس سلسلہ ميں انقلاب اسلامی کے رہبر حضرت آية لله العظمیٰ امام خمينی رحمة لله عليہ کا بيان بھی موجود ہے جسے ہم ايک واضح شاہد کے طور پر پيش کرتے ہيں: ہر وه شخص جو قرآن مجيد کے جمع کرنے اس کی حفاظت کرنے، اس کو حفظ کرنے ، اس کی تلاوت کرنے اور اس کے لکھنے کے بارے ميں مسلمانوں کی احتياط سے آگاہی رکھتا ہو وه قرآن کے سلسلے ميں نظريہ تحريف کے باطل ہونے کی گواہی دے گا اور وه روايات جو اس بارے ميں وارد ہوئی ہيں وه يا تو ضعيف ہيں جن کے ذريعے استدلال نہيں کيا جاسکتا يا پھر مجہول ہيں جس سے ان کے جعلی ہونے کی نشاندہی ہوتی ہے يا يہ روايتيں قرآن کی تاويل اور تفسير کے بارے ميں ہيں يا پھر کسی اور قسم کی ہيں جن کے بيان کے لئے ايک جامع کتاب تاليف کرنے کی ضرورت ہے اگر موضوع بحث سے خارج ہونے کا خدشہ نہ ہوتا تو يہاں پر ہم قرآن کی تاريخ بيان کرتے اور ساتھ ہی ساتھ يہ بھی واضح کرتے کہ ان چند صديوں ميں اس قرآن پر کيسے حالات گزرے ہيں اور اس بات کو بھی روشن کرديتے کہ جو قرآن مجيد آج ہمارے ہاتھوں ميں ہے وه بعينہ وہی آسمان سے آنے والی کتاب ہے اور وه اختلاف جو قرآن کے قاريوں کے درميان پايا جاتا ہے وه ايک جديد امر ہے جس کا   اس قرآن سے کوئی تعلق نہيں ہے جسے لے کر جبرئيل امين پيغمبر کے قلب مطہر پر نازل ہوئے تھے.”( 17)
نتيجہ:مسلمانونکی اکثريت خواه وه شيعہ ہوں يا سنی اس بات کی معتقد ہے کہ يہ آسمانی کتاب بعينہ وہی قرآن ہے جو پيغمبر خدا پر نازل ہوئی تھی اور وه ہر قسم کی تحريف ، تبديلی ، کمی اور زيادتی سے محفوظ ہے. ہمارے اس بيان سے شيعوں کی طرف دی جانے والی يہ نسبت باطل ہوجاتی ہے کہ وه قرآن ميں تحريف کے قائل ہيں اگر اس تہمت کا سبب يہ ہے کہ چند ضعيف روايات ہمارے ہاں نقل ہوئی ہيں تو ہمارا جواب يہ ہوگا کہ ان ضعيف روايات کو شيعوں کے ايک مختصر فرقے ہی نے نہيں بلکہ اہل سنت کے بہت سے مفسرين نے بھی اپنے ہاں نقل کيا ہے يہاں ہم نمونے کے طور پر ان ميں سے بعض روايات کی طرف اشاره کرتے ہيں :
١۔ابوعبدلله محمد بن احمد انصاری قرطبی اپنی تفسير ميں ابوبکر انبازی سے اور نيز ابی بن کعب سے روايت کرتے ہيں کہ سوره احزاب (جس ميں تہتر آيتيں ہيں) پيغمبر کے زمانے ميں سوره بقره (جس ميں ( دو سو چھياسی آيتيں ہيں) کے برابر تھا اور اسوقت اس سوره ميں آيہ ”رجم” بھی شامل تھی .(18)
ليکن اب سوره احزاب ميں يہ آيت نہيں ہے)اور نيز اس کتاب ميں عائشہ سے نقل کرتے ہيں کہ انہوں نے کہا :
”پيغمبر کے زمانے ميں سورهٔ احزاب ميں دوسو آيتيں تھيں پھر بعد ميں جب مصحف لکھا گيا تو جتنی اب اس سوره ميں   آيتيں ہيں ان سے زياده نہ مل سکيں” ( 19)
٢۔کتاب ”الاتقان” کے مؤلف نقل کرتے ہيں کہ ”اُبیّ ” کے قرآن ميں ايک سو سولہ سورے تھے کيونکہ اس ميں دو سورے حفد اور خلع بھی تھے .جب کہ ہم سب جانتے ہيں کہ قرآن مجيد کے سوروں کی   تعداد ايک سو چوده ہے اور ان دو سوروں (حفد اور خلع) کا قرآن مجيد ميں نام ونشان تک نہيں ہے. ( 20)
٣۔ہبة لله بن سلامہ اپنی کتاب ”الناسخ والمنسوخ” ميں انس بن مالک سے نقل کرتے ہيں کہ وه کہتے ہيں : ”پيغمبر اکرمۖ کے زمانے ميں ہم ايک ايسا سوره پڑھتے تھے جو سورهٔ توبہ کے برابر تھا مجھے اس سوره کی صرف ايک ہی آيت ياد ہے اور وه يہ ہے: ”لوأن لابن آدم واديان من الذھب لابتغیٰ اِليھما ثالثاً ولو أن لہ ثالثاً لابتغیٰ ليھا رابعاً ولا يملأ جوف ابن آدم اِلا التراب و يتوب للهّ علیٰ مَن تاب!”
جب کہ ہم سب جانتے ہيں کہ اس قسم کی آيت قرآن ميں موجود نہيں ہے اوريہ جملے قرآنی بلاغت سے بھی مغايرت رکھتے ہيں.
٤۔.جلال الدين سيوطی اپنی تفسير در المنثور ميں عمر بن خطاب سے روايت کرتے ہيں کہ سوره احزاب سوره بقره کے   برابر تھا اور آيہ ”رجم” بھی اس ميں موجود تھی ( 21)
لہذا شيعہ اور سنی دونوں فرقوں کے کچھ افراد نے قرآن ميں تحريف کے بارے ميں ايسی ضعيف روايتوں کو نقل کيا ہے جنہيں مسلمانوں کی اکثريت نے خواه وه شيعہ ہوں يا سنی قبول نہيں کيا ہے . بلکہ قرآن کی آيتوں، عالم اسلام کی صحيح اور متواتر روايتوں ،اجماع، ہزاروں اصحاب پيغمبرۖ کے نظريات اور دنيا کے تمام مسلمانوں کا اس بات پر اتفاق ہے کہ قرآن مجيد ميں کسی بھی قسم کی تحريف ، تبديلی ، کمی يازيادتی نہ آج تک ہوئی ہے اور نہ ہی رہتی دنيا تک ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
1) سوره حجر آيت : ٩ 

2) نہج البلاغہ (صبحی صالح) خطبہ نمبر ١٧٦

3) گذشتہ حوالہ

 4) نہج البلاغہ (صبحی صالح) خطبہ نمبر ١٩

 5) اصول کافی جلد ١ کتاب فضل العلم باب الاخذ بالسنة و شواہد الکتاب روايت نمبر ٤

 6) الاعتقادات ص ٩

 7) مجمع البيان جلد ١ ص ١٠ ميں سيد مرتضیٰ کی کتاب ”المسائل الطر ابليسيات”سے نقل کرتے ہوئے

8)  ايسی روايت جو حد تواتر تک نہ پہنچتی ہو اور اس کے صدق کا يقين بھی نہ کيا جاسکتا ہووه خبر واحد کہلاتی ہے.(مترجم)

9) تفسير تبيان جلد ١ ص ٣

 10) تفسير مجمع البيان جلد ١ ص ١

 11) سعد السعود ص ١١٤٤

12) اظہار الحق ج ٢ ص ١٣٠

 13) آلاء الرحمن ص ٢٥

 14) آلاء الرحمن ص ٢٥ 

15) تفسير صافی جلد ١ ص1 ٥

16) آلاء الرحمن ص ٢٥

17) تہذيب الاصول ، جعفر سبحانی(دروس امام خمينی قدس سره )جلد ٢ص ٩٦

18) تفسير قرطبی جز ١٤ ص ١١٣ سوره احزاب کی تفسير کی ابتداء ميں

19) گذشتہ حوالہ

 20) اتقان جلد ١ ص ٦٧

21) تفسير درالمنثور جلد ٥ ص ١٨٠ سوره احزاب کی تفسير کی ابتداء ميں

صیہونی اخبار ہاریٹز کی رپورٹ کے مطابق ایک تجزیہ کار بن آلوف نے کہا کہ غزہ کی حالیہ جنگ اسرائیل کیلئے تاریخ کی سب سے بدترین شکست ہے۔ اس صیہونی کا اعتراف کرنا حماس اور محور مقاومت کی عظمت و ہیبت میں اضافہ کرتا ہے۔ محور مقاومت کی سیسہ پلائی ہوئی دیوار نے ثابت کر دیا کہ وہ ہر دشمن اسلام کے خلاف طاقتور ہیں۔ پہلے جب اسرائیل سے جنگ ہوا کرتی تھی تو کئی سالوں تک جاری رہتی تھی، جس میں دشمن منافقوں سے خوب فائدہ اٹھاتا تھا، مگر اب محور مقاومت اور اسلام پرور مملکت ایران کی بدولت 33 روز جنگ ہوتی ہے، 33 روزہ جنگ کے بعد 22 اور اسکے بعد اب 11 دن کی مسلسل استقامت کے نتیجے میں صیہونیت کو شکست دی اور اسلام مخالف ہر طاقت کو پیغام دیا کہ تم جس میدان میں آجاؤ، تمہاری شکست یقینی ہے۔ 

دشمن نے شام و عراق کو ٹکڑے کرنا چاہا، مگر راہیان اسلام و مدافعان حرم نے جان کی پرواہ کئے بغیر خونخوار لشکروں کو شکست دی، دشمن نے یمن کا میدان ڈھونڈا مگر عشقِ رسول و اولادِ رسول میں لبریز جوانوں نے الله اكبر کے نعرے بلند کرتے ہوئے آل یہود کی ناک زمین پر رگڑ دی، دشمن نے فلسطین پر قابض ہونے کی تیاری کی، مگر بوڑھوں سے لیکر بچوں تک ہر طبقے نے ہاتھوں میں پتھر لیکر دشمن کو دھول چٹا دی۔ دشمن اسلام کو چاہیئے کہ ماضی کی تاریک راتوں کو یاد کرے، ہوش کے ناخن لے، فلسطین سے بستر بوریا اٹھائے اور اپنی راہ لے۔ کیا غزہ حماس کے پیادہ جنگجوؤں کی کامیابی کے بعد تم کو عبرت نہیں ملی؟ کیا تم اس بدترین شکست کے بعد سوریا اور عراق کی طرف آنے کی کبھی جرأت کرسکتے ہو؟

دشمن جانتا ہے کہ مقاومت کا اسلحہ اور میزائل چند منٹوں میں اسرائیل کو تباہ کر دیں گے، حزب الله جس نے تمہیں عبرت کا نشان بنایا اور تم کسی کو منہ دکھانے کے قابل نہیں رہے، یہ الہیٰ لشکر اب ہزار گنا مضبوط اور طاقتور ہے، معرکہ سیف القدس میں حزب الله نے شرکت نہ کرکے تمہارے لئے خطرناک پیغام دیا ہے کہ اگلی بار کوئی حماقت ہوئی تو تمہیں صفحہ ہستی سے مٹا دیا جائے گا، یہ وہ پیشنگوئی ہے جس کے متعلق تمہاری ہی کتابوں میں ذکر کر دیا گیا ہے، تمہارے ہی تجزیہ نگاروں کا کہنا ہے اسرائیل  کا وجود بمشکل پانچ سال تک ہو، لہذا تمہارا کوئی وجود نہ تھا اور نہ رہے گا۔

یہی وجہ ہے اسرائیل کے نجس وجود کے ساتھ امریکہ، نام نہاد عرب ممالک اور تمام اسلام مخالف طاقتیں مسلسل زوال کی طرف گامزن ہیں، شرپسندی سے خون خرابہ تو ہوسکتا ہے مگر اپنے ناپاک مقاصد میں ہرگز کامیاب نہیں ہوسکتے، کیونکہ شیطانی طاقتوں کا ہر راستہ زوال پذیر ہے، شیطان پرست گروہ کبھی اپنے مقاصد میں کامیاب نہیں ہوسکتے جبکہ اسلامی جمہوریہ ایران اور محور مقاومت عظمت و بلندی کی راہ پر ہیں، جس کا راستہ الہیٰ ہے اور اس راستے کو کبھی زوال نہیں۔ الہیٰ لشکر ہمہ وقت شیطانی طاقتوں کا سر کچلنے کیلئے تیار ہیں۔

تحریر: شاہد عباس ہادی

جنوبی لبنان سے غاصب صیہونیوں کی ذلت آمیز شکست کی 21ویں سالگرہ کی مناسبت سے لبنانی مزاحمتی تحریک حزب اللہ کے سیکرٹری جنرل سید حسن نصراللہ نے قوم سے خطاب کیا ہے۔ سید حسن نصراللہ نے اپنے خطاب میں اس بات پر زور دیتے ہوئے کہ اس وقت لبنانی مزاحمتی محاذ اپنی تاریخ کی بہترین حالت میں ہے، اطلاع دی کہ رمضان المبارک کے بعد سے ان کے منظر عام پر نہ آنے کی وجہ ان کی علالت تھی۔ سید مقاومت نے اپنے خطاب کے آغاز میں لبنان سے اسرائیل کی تاریخی شکست کی سالگرہ پر مبارکباد پیش کی اور کہا کہ غزہ میں پیش آنے والے واقعات کے آغاز سے لے کر حالیہ حوادث تک میں لبنان اور اس سے باہر موجود بھائیوں کے ساتھ رابطے میں رہتے ہوئے تمام حالات کا جائزہ لے رہا تھا جبکہ اب ہم ماہ مئی میں 2 عظیم کامیابیوں؛ 25 مئی 2000ء کے روز لبنان میں اور 21 مئی 2021ء کے روز غزہ میں (غاصب صیہونی رژیم کی شکست کے حوالے سے) حاصل ہونے والی فتوحات پر جشن منایا کریں گے۔ حزب اللہ لبنان کے سربراہ نے جنوبی لبنان کی آزادی میں موثر کردار ادا کرنے پر شہدائے مزاحمت کے سردار جنرل قاسم سلیمانی سمیت لبنانی، فلسطینی و عرب ممالک کے شہداء کو خراج تحسین پیش کیا اور تاکید کی کہ فلسطینی مزاحمتی محاذ کے کمانڈروں نے غزہ کے حالیہ معرکے میں خوب جوہر دکھائے ہیں۔

سربراہ حزب اللہ لبنان نے سال 2000ء میں غاصب صیہونی رژیم کے خلاف حاصل ہونے والی تاریخی فتح کی جانب اشارہ کیا اور کہا کہ سال 2000ء میں لبنانی قوم و مزاحمتی محاذ کی جانب سے حاصل کی جانے والی کامیابی درحقیقت لبنانی عوامی تحریکوں اور قومی جماعتوں کی فداکاری کا نتیجہ تھا جبکہ سال 2000ء کی فتح کا اہم ترین محرک اس وقت کے لبنانی صدر "امیل لحود"، چیئرمین پارلیمنٹ "نبیہ بری" اور وزیراعظم "سلیم الحص" سمیت لبنانی حکام کا سرکاری و دوٹوک موقف تھا۔ سید حسن نصراللہ نے تاکید کی کہ سال 2000ء کی فتح ایک تاریخی و تزویراتی کامیابی تھی اور یہی وجہ ہے کہ دشمن صیہونی حکام نے اس تزویراتی شکست کے برے نتائج 

پر خبردار بھی کیا ہے، جبکہ اس کامیابی نے مسئلۂ فلسطین اور اس کے متعلقہ معرکوں کے حوالے سے دوستوں کے ساتھ ساتھ دشمن فریقوں کو بھی مختلف تزویراتی رستوں پر گامزن کر دیا ہے۔

عرب چینل المنار کے مطابق اپنے خطاب میں سید حسن نصراللہ نے تاکید کی ہے کہ قدس کو لاحق خطرہ فلسطینی مزاحمتی محاذ کی عسکری کمان کی جانب سے تاریخی و دوٹوک موقف کے اختیار کئے جانے کا محرک بنا ہے جبکہ غزہ کی حالیہ جنگ کی اصلی وجہ صیہونی دشمن کی حماقت، اس کی جانب سے مزاحمتی محاذ کو کمزور سمجھنا اور (صیہونی) دشمن کے حساب کتاب کی غلطی تھی۔ سید مقاومت نے زور دیتے ہوئے کہا کہ غاصب صیہونی رژیم کا خیال تھا کہ قدس کو یہودی بنائے جانے کے اس کے گھناؤنے منصوبے پر سامنے آمنے والا ردعمل "بیان" سے بڑھ کر نہیں ہوگا جبکہ دشمن کے حساب کتاب کی سب سے اہم غلطی یہ تھی کہ وہ سوچ بھی نہیں سکتا تھا کہ غزہ اس قسم کا کوئی تاریخی فیصلہ بھی اٹھا سکتا ہے، درحالیکہ غزہ نے اپنے اس فیصلے اور قدس میں انجام پانے والے قابض صیہونی رژیم کے گھناؤنے اقدامات پر اپنے دندان شکن جواب سے دوست و دشمن دونوں کو ہی چونکا کر رکھ دیا ہے!

حزب اللہ کے سربراہ نے کہا کہ غزہ نے جو کچھ حالیہ معرکے میں پیش کیا ہے، وہ نہ صرف ایک تاریخی قدم بلکہ اسرائیلی دشمن کے ساتھ جہاد کی پوری تاریخ میں ایک منفرد اقدام تھا، جبکہ "سیف القدس" مزاحمتی آپریشن کے سبب آنے والی اہم ترین تاریخی تبدیلی یہ تھی کہ غزہ نے صرف اور صرف قدس اور اس کے رہائشیوں کی خاطر اس جنگ میں قدم رکھا تھا، نہ کہ خود غزہ کے دفاع کے لئے! انہوں نے کہا کہ غزہ کے رہائشی اور اس کا مزاحمتی محاذ قدس و مسجد اقصیٰ کے دفاع میں اپنی جان نثار کر دینے کو تیار تھے اور یہی وجہ ہے کہ "سیف القدس" مزاحمتی آپریشن نے ایک ایسی حقیقت کو عیاں کر دیا ہے کہ جسے غاصب صیہونیوں کو سمجھ لینا اور اس کی بنیاد پر اپنے حساب کتاب کا ازسرنو جائزہ لینا چاہیئے۔ انہوں نے تاکید کرتے ہوئے کہا کہ صیہونیوں کو یہ اچھی طرح سمجھ لینا چاہیئے 

کہ قدس، اس کے مقدس مقامات اور مسجد اقصیٰ کے خلاف جارحیت، ان کی کسی بھی دوسری شرارت سے مختلف ہے، جبکہ (قدس شریف اور اس کے مقدس مقامات کے خلاف) اس جارحیت کا تعلق صرف غزہ تک ہی محدود نہیں رہے گا، کیونکہ اگر قدس شریف میں اسلامی و عیسائی مقدس مقامات کو خطرہ لاحق ہوا تو کوئی ریڈلائن باقی نہیں رہے گی!

سید مقاومت نے اپنے خطاب کے دوران غاصب صیہونیوں کو مخاطب کرتے ہوئے تاکید کی کہ قدس اور مسجد اقصیٰ کے خلاف جارحیت کا مطلب پورے خطے کی جنگ ہے! سید حسن نصراللہ نے کہا کہ جب اسرائیلی دشمن نے جان لیا کہ وہ اس دفاعی مساوات سے روبرو ہے تو پھر وہ یہ بھی جان لے گا کہ مستقبل میں اٹھایا جانے والا ہر اقدام اس (غیر قانونی) رژیم کے زوال پر ہی منتج ہوگا۔ سربراہ حزب اللہ لبنان نے زور دیتے ہوئے کہا کہ سیف القدس مزاحمتی آپریشن کے دوران پوری دنیا نے یہ محسوس کیا ہے کہ وہ ایک ایسی "متحد فلسطینی قوم" کے روبرو کھڑی ہے، جو پوری کی پوری واحد ہدف کے حصول لئے جدوجہد میں مصروف ہے۔ انہوں نے کہا کہ سیف القدس مزاحمتی آپریشن نے نہ صرف عالمی سطح پر مسئلۂ فلسطین کو دوبارہ اجاگر کرکے پوری دنیا کے میڈیا کو اس کی کوریج پر مجبور کر دیا ہے بلکہ اس معرکے نے یہ ثابت کرتے ہوئے کہ مقبوضہ سرزمینوں کو واپس لینے کا واحد رستہ "مزاحمت" ہے، مزاحمتی ثقافت میں نئی روح بھی پھونک دی ہے۔

سید مقاومت نے سیف القدس مزاحمتی آپریشن کے اثرات کی جانب اشارہ کرتے ہوئے تاکید کی کہ سیف القدس آپریشن کے بعد ہم یہ بات بآسانی کہہ سکتے ہیں کہ "صدی کی ڈیل" زوال پذیر ہوچکی ہے جبکہ اس مزاحمتی آپریشن کا ایک اور نتیجہ اسرائیل کے اپارتھائیڈ نظام حکومت سمیت اس کا گھناؤنا چہرہ عیاں کرنا بھی ہے، جبکہ خطے کی رائے عامہ کو حقیقی دشمن کی جانب موڑ دینا اس مزاحمتی آپریشن کا ایک اور اہم نتیجہ ہے۔ سید حسن نصراللہ نے تاکید کی کہ سیف القدس مزاحمتی آپریشن کے سبب پورے فلسطینی دفاعی نظام میں غزہ کی پٹی کی اہمیت دوبالا ہوگئی ہے، جو اس معرکے کے باعث وجود 

میں آنے والی ایک بہت بڑی تبدیلی ہے جبکہ غزہ میں مزاحمتی محاذ کو حاصل ہونے والی حالیہ کامیابیوں میں سے ایک؛ پہلے سے اعلان کردہ وقت پر بڑی تعداد میں میزائل فائر کرنے کی صلاحیت ہے، درحالیکہ حالیہ معرکہ؛ تعداد، کیفیت اور میزائلوں کے رینج کے اعتبار سے مزاحمتی محاذ کی مختلف نئی صلاحیتوں کو بھی منظر عام پر لے آیا ہے۔

سید حسن نصراللہ نے اپنے خطاب میں تاکید کی کہ فلسطین میں موجود کوئی ایک صیہونی بھی جب غیر محفوظ ہونے کا احساس کرے گا تو اس کا کم از کم کام یہ ہوگا کہ وہ فلسطین کو ترک کر دے، جبکہ سیف القدس آپریشن کے اہم ترین نتائج میں سے ایک غاصب صیہونی رژیم کے امن و امان کا درہم برہم ہو جانا ہے، جو ایک تاریخی و اہم فوجی کامیابی ہے۔ سید مقاومت نے کہا کہ ہم ایک ایسی رژیم کے بارے میں بات کر رہے ہیں، جو سر تا پا مکمل طور پر مسلح اور اس انتہائی کم رقبے کی حامل "غزہ کی پٹی" کے مقابلے میں انتہائی طاقتور فضائیہ کی حامل ہے، جو گذشتہ 15 سال خود اسی رژیم کے مکمل محاصرے میں موجود ہے جبکہ غزہ میں ایک ایسا مزاحمتی محاذ موجود ہے، جس نے اپنا اسلحہ یا تو خفیہ طریقے سے وہاں پہنچایا ہے یا مقبوضہ فلسطین (اسرائیل) سے خریدا اور یا خود بنایا ہے.. لہذا ہم کوئی 2 بڑے ممالک کے بارے بات نہیں کر رہے، ہم غزہ کے مزاحمتی محاذ کے مقابلے میں "سر تا پا مسلح رژیم" کے بارے بات کر رہے ہیں۔

انہوں نے کہا کہ حالیہ معرکے نے مقبوضہ فلسطین (اسرائیل) کے بارے "غیر ملکی سرمایہ کاری کے لئے پرامن مقام" کے سابقہ تصور کو بھی توڑ ڈالا ہے جبکہ اس مزاحمتی آپریشن کے دوسرے نتائج میں ایک اور اہم نتیجہ؛ سال 1948ء کی مقبوضہ سرزمینوں کے رہائشیوں کی جانب سے غاصب صیہونی رژیم کے خلاف جدوجہد میں بھرپور شرکت تھی، درحالیکہ (صیہونی) دشمن اس امر کو "اپنے وجود کے لئے خطرہ" گردانتا ہے۔ سید مقاومت نے تاکید کی کہ اس معرکے کا ایک اور اہم نتیجہ مزاحمتی محاذ کی جانب سے فائر کئے جانے والے راکٹوں کے مقابلے میں غاصب صیہونی رژیم کی کھلی شکست 

تھی، جو اس غاصب رژیم کی انٹیلیجنس ناکامی کو ظاہر کرتی ہے، درحالیکہ اگر "آئرن ڈوم" کہلانے والا دفاعی نظام کامیاب ہو جاتا تو (بنجمن) نیتن یاہو ہر جگہ اس پر فخر کرتا نظر آتا۔ سید حسن نصراللہ نے کہا کہ اس مزاحمتی آپریشن کی ایک اور کامیابی مزاحمتی محاذ کے ان میزائلوں کے زرادخانوں کو نشانہ بنانے میں اسرائیلی ناکامی ہے، جو تاحال فائر نہیں کئے گئے جبکہ غزہ اور 1948ء کی مقبوضہ سرزمینوں کے ردعمل کا قبل از وقت اندازہ لگانے میں صیہونی شکست بھی اس آپریشن کی ایک اور اہم کامیابی ہے۔

انہوں نے تاکید کی کہ حالیہ معرکے میں غاصب صیہونی رژیم کی شکست کی واضح ترین علامت غزہ کے خلاف صیہونی دشمن کا زمینی جنگ میں داخل نہ ہونا ہے، جس سے یہ ثابت ہوچکا ہے کہ خود کو "خطے کی طاقتور ترین" کہلوانے والی فوج "زمینی جنگ" سے بری طرح ہراساں ہے جبکہ یہ کوئی عام نہیں بلکہ ایک تزویراتی شکست ہے، تاہم اس سے بڑھ کر یہ کہ دشمن اپنی فتح کے بارے کوئی تصور دینے کی طاقت بھی نہیں رکھتا۔ بعد ازاں خطاب کے دوران انہوں نے سیف القدس مزاحمتی آپریشن سے حاصل ہونے والے دوسرے نتائج کے حوالے سے اس جنگ میں کسی بھی تزویراتی ہدف کے حصول، مزاحمتی محاذ کی اصلی عسکری کمان کے مقامات کی تشخیص، (حماس کے عسکری ونگ کے کمانڈر) برادر محمد الضیف سمیت مزاحمتی کمانڈروں کی ٹارگٹ کلنگ اور مزاحمتی محاذ کی حقیقی طاقت کا اندازہ لگانے میں غاصب صیہونی رژیم کی کھلی شکست کا ذکر کیا۔

سربراہ حزب اللہ لبنان نے اپنے خطاب کے دوران اعلان کرتے ہوئے کہا کہ آج لبنانی مزاحمتی محاذ فوجی سازوسامان اور اپنی تیاری کے حوالے سے تاریخ کے کسی بھی دوسرے وقت کی نسبت سب سے زیادہ تیار ہے۔ سید حسن نصراللہ نے صیہونیوں کو مخاطب کرتے ہوئے کہا کہ لبنان کے بارے حساب کتاب میں ایسی کوئی غلطی نہ کرنا، جو تم نے غزہ میں کی ہے اور جان لو کہ ہماری صورتحال یکسر مختلف ہے اور اس وقت لبنانی مزاحمتی محاذ انتہائی طاقتور ہوچکا ہے۔ انہوں نے شہید قدس "محمد طحان" کو یاد کرتے 

ہوئے کہا کہ یہ شہید آج کی اس نسل کا نمائندہ ہے، جو بغیر کسی اسلحے کے تمام سرحدیں و دیواریں عبور کرنے کو بالکل تیار ہے جبکہ مزاحمتی محاذ ہی فلسطینی قوم کی کامیابی کا اصلی راز ہے۔

سید حسن نصراللہ نے مسئلۂ فلسطین کو حاصل عراقی عوامی حمایت، عراق کے موجودہ حالات اور مرجع عالیقدر آیت اللہ سید علی سیستانی کے بیان کی جانب اشارہ کرتے ہوئے کہا کہ دنیا کے ہر کونے میں موجود ہر دوست و دشمن کو چاہیئے کہ وہ مسئلۂ فلسطین کے بارے آیت اللہ سید علی سیستانی کے بیان پر توجہ دے۔ سید مقاومت نے مسئلۂ فلسطین کے بارے یمنی عوام کی حمایت کی جانب بھی اشارہ کیا اور کہا کہ فلسطینی عوام کے ساتھ یمنی قوم اور ان کے رہبر "سید عبدالملک الحوثی" کی یکجہتی کے تصور سے شکرانے کے آنسو بہہ نکلتے ہیں جبکہ یمنی قوم مزاحمتی محاذ کے لئے ایک بڑی قوت کی حیثیت رکھتی ہے۔ انہوں نے کہا کہ جب میں یہ بات سنتا ہوں کہ جناب عبدالملک جو خود اپنے پورے ملک کے ہمراہ سخت ترین سرحدی محاصرے میں ہیں، یہ کہتے ہیں کہ ہم فلسطین کے ساتھ اپنے تمام وسائل تقسیم کرنے پر تیار ہیں، تو میں واقعا بہت متاثر ہو جاتا ہوں۔

سید مقاومت نے اپنی آنکھوں میں امڈے آنسو پیتے ہوئے کہا کہ میں انہیں کہتا ہوں کہ آپ تو خود سخت ترین سرحدی محاصرے میں ہیں! انہوں نے اپنے خطاب کے آخر میں زور دیتے ہوئے کہا کہ صیہونی رژیم کا زوال انتہائی نزدیک اور اس کا خاتمہ حتمی ہے جبکہ اس حوالے سے صرف اور صرف وقت اہم ہے۔ حزب اللہ لبنان کے سربراہ نے کہا کہ آج کا اہم ترین موضوع خطے کے مختلف مقامات پر وجود میں آنے والی وہ مزاحمت، استقامت اور قیام ہے کہ جس نے آج فلسطین میں اہم کامیابی حاصل کی ہے۔ انہوں نے کہا کہ آج اسلامی جمہوریہ ایران پائیدار و استوار ہے جبکہ جیسا کہ "جان بولٹن" چاہتا تھا، ویسا بالکل نہیں ہوا.. جبکہ اسلامی جمہوریہ ایران کو اب جنگ کی دھمکی بھی نہیں دی جا سکتی، درحالیکہ وہ اس وقت عائد پابندیوں کو ایک طرف رکھتے ہوئے صدارتی انتخابات میں مصروف ہے۔

رہبر معظم انقلاب اسلامی حضرت آیت اللہ العظمی خامنہ ای نے فلسطینی مزاحمتی تنظیموں کے رہنماؤں اسماعیل ہنیہ اور زیاد النخالہ  کو مخاطب کرتے ہوئے فرمایا: ہمارے دل آپ کی مجاہدت اورجدوجہد کے ساتھ  ہیں۔آپ کی دائمی کامیابی کے لئے ہماری دعاؤں کا سلسلہ جاری ہے۔ ان شاء اللہ ، آپ نہائی فتح  اور کامیابی کو مشاہدہ کریں گے۔

رہبر معظم انقلاب اسلامی نے فلسطینی تنظیم  حماس کے سیاسی شعبہ کے سربراہ اسماعیل ہنیہ اور جہاد اسلامی کے سکریٹری زیادہ النخالہ کے خطوط کے جواب میں غاصب صہیونی حکومت کے خلاف جد و جہد کو کفر اور ظلم کے خلاف استقامت قراردیتے ہوئے فرمایا: ہمارے دل آپ کی مجاہدت اورجدوجہد کے ساتھ  ہیں۔

رہبر معظم انقلاب اسلامی نے اسماعیل ہنیہ اور زیاد النخالہ کو مخاطب کرتے ہوئے فرمایا: آپ کا جہاد اللہ تعالی کی مرضی اور خوشنودی کے مطابق ہے ۔ اللہ تعالی اپنے وعدوں میں سچا ہے اور وہ آپ کو نہائی کامیابی عطا فرمائے گا ۔ آپ کا جہاد اورآپ کی جد وجہد قرآن مجید کی اس آیہ " اِن تَنصُروا اللهَ یَنصُرکُم وَ یُثَبِّت اَقدامَکُم "  کا مصداق ہے۔ آپ صہیونیوں کے ناپاک وجود سے فلسطین کو پاک ہوتے ہوئے مشاہدہ کریں گے۔ ہماری دعائیں مسلسل آپ کی جد وجہد  کے ساتھ ہیں۔