ایکنا انٹرنیشنل ڈیسک کے مطابق مغربی تہذیب و تمدن کی خرابیاں اس قدر بڑھ رہی ہیں کہ خؤد انکے حکام بھی اب اس نظام پر بولے بغیر نہیں رہ سکتے ۔ سابق امریکی صدر ٹرمپ نے امریکہ کا موجودہ نظام تعلیم اس قدر الٹا ہے کہ اسکول میں عبادت کرنا منع ہے، آپ بائبل نہیں پڑھا سکتے، لیکن آپ بچوں کو یہ سکھا سکتے ہیں کہ مرد حاملہ ہو جاتے ہیں!

انکا کہنا تھا کہ کنڈرگارٹن کے بچوں کو اپنی جنس کا انتخاب کرنے کی اجازت ہے! ٹرمپ نے کہا ہے کہ آپ ان لوگوں پر بھروسہ نہیں کر سکتے کہ وہ ہمارے بچوں کی دیکھ بھال کریں اور ہمیں انہیں اپنے بچوں کو پڑھانے نہیں دینا چاہیے۔

اسی حوالے سے روسی صدر  ولادیمیر پوٹن نے بھی کہا ہے کہ میرے خیال میں جب مغرب میں بچوں کو یہ سکھایا جاتا ہے کہ لڑکا آسانی سے لڑکی بن سکتا ہے اور اس کے برعکس، یہ سفاکانہ ہے۔

وہ بچے کو چھوٹی عمر میں ایسے فیصلے کرنے پر مجبور کرتے ہیں (جنسی تبدیلی) جو اس کی زندگی کو برباد کر سکتے ہیں اور مغرب بچوں کے ساتھ جو کچھ کرتا ہے وہ انسانیت کے خلاف جرم ہے۔

انیس و بیاسی میں سولہ سے اٹھارہ ستمبر کے درمیان غاصب صیہونی حکومت نے اپنے سابق وزیر جنگ آریل شیرون کے کی سرگردگی میں لبنان میں واقع فلسطینیوں کے صبرا و شتیلا کیمپ میں بڑے پیمانے پر قتل عام کیا۔

المنار چینل نے صیہونی اخبار یدیعوت احارونوت کا حوالہ دیتے ہوئے کہا ہے کہ لبنانی دارالحکومت بیروت میں واقع صبرا و شتیلا فلسطینی کیمپ میں ہوئے قتل عام میں صیہونی حکومت کا کردار ثابت شدہ ہے اور اس کے عہدےداروں نے لبنان کی الکتائب جماعت کے سرغنہ بشیر جمیل کے ساتھ مل کر اُسے انجام دیا تھا۔

خفیہ امور کے بارے میں تحقیقات کرنے والے ایک صیہونی نامہ نگار رونن برگمن نے صبرا و شتیلا کے قتل عام کے دو روز بعد ہونے والے ایک خفیہ اجلاس سے پردہ اٹھایا ہے جس میں صیہونی، اور لبنان کے الکتائب نامی گروہ کے عہدے دار موجود تھے۔ رپورٹ کے مطابق اس خفیہ اجلاس کا مقصد قتل عام کے لئے من گھڑت دلائل تراش کر تل ابیب پر سے عالمی دباؤ کو کم کرنا تھا۔

خیال رہے کہ ستمبر انیس و بیاسی میں صیہونی وزیر جنگ آریل شیرون کی سرگردگی میں صبرا و شتیلا کیمپ میں رہائش پذیر بیس ہزار فلسطینیوں اور لبنانیوں میں سے تین ہزار دو سو ستانوے کو بڑے دلخراش انداز میں قتل کر دیا گیا تھا جن میں، شیر خوار بچے، کمسن بچے اور خواتین بھی شامل تھیں۔

اس ہولناک واقعے کے بعد آریل شیرون صبرا و شتیلا کے جلاد کے نام سے معروف ہو گیا تھا۔

ماسکو: روسی صدر ولادی میر پیوٹن کا کہنا ہے کہ اب دنیا میں اکیلی طاقت کا دور ہمیشہ کے لیے ختم ہوگیا ۔ سینٹ پیٹرزبرگ انٹرنیشنل اکنامک فورم کے اجلاس سے خطاب میں روسی صدرنے کہا کہ یک قطبی عالمی نظام کو برقرار رکھنے کی کوششوں کے باوجود یہ دور ختم ہوگیا۔ یہ ایک فطری عمل ہے، یہ تبدیلیاں تاریخ کا ایک فطری دھارا ہے کیونکہ کرہ ارض کے تہذیبی تنوع دولت کو یکجا کرنا مشکل ہے۔ انہوں نے کہا کہ امریکا دلیر حکمرانوں والے ممالک کو نہیں دھمکا سکتا، وہ اپنے مفادات کے لیے روس کا ساتھ دے رہے ہیں۔ روس کے ساتھ تعاون کرنے والے ان ممالک کو بلیک میل نہیں کیا جا سکتا جن کی قیادت مضبوط رہنما کر رہے ہیں۔ امریکا کبھی کبھی براہ راست دھمکیوں پر آتا ہے، لیکن اس طرح کی بلیک میلنگ کا مطلب مضبوط لیڈروں کے زیر قیادت ممالک کے خلاف کچھ بھی نہیں ہے، جو اپنے ملک کے اپنے قومی مفادات کو دوسروں کے مفادات پر فوقیت دیتے ہیں۔روسی صدر نے یوکرین کا نام لئے بغیر کہا کہ جہاں ایک واحد مضبوط طاقت کے باوجود قریبی ریاستوں کے ایک محدود دائرے کو تسلیم کرتے ہیں اور کاروبار اور بین الاقوامی تعلقات کے تمام اصولوں کی اپنے مفاد میں تشریح کرتے ہیں، ایسے عقیدوں پر مبنی دنیا یقینی طور پر غیر مستحکم ہوگی۔

  تہران، ارنا _ایرانی وزیر خارجہ نے کہا ہے کہ غاصب صیہونی حکومت پورے خطے میں قتل و غارت، بد امنی،عدم استحکام، دہشت گردی اور تخریب کاری کا سبب ہے۔

ویسٹا ویا ہلز: امریکا میں گن کلچر شہریوں کے لئے بھیانک خواب بن گیا۔ فائرنگ کے ایک اور واقعہ میں دو افراد ہلاک اور ایک شخص زخمی ہوگیا۔ تازہ ترین واقعہ ریاست الاباما کے شہر ویسٹاویا ہلز میں پیش آیا۔ ایک مسلح شخص چرچ میں گھسا اور لوگوں پر گولیاں برسادیں۔ فائرنگ کے واقعے کے بعد پولیس نے ایک مشکوک شخص کو حراست میں لیا ہے جس سے تفتیش کی جا رہی ہے۔ پولیس کی جانب سے ہلاک افراد کی لاشوں اور زخمی کو مقامی اسپتال منتقل کیا گیا ہے۔

حوزہ نیوز ایجنسی مشہد سے نامہ نگار کی رپورٹ کے مطابق، حرم امام رضا علیہ السلام کے متولی حجۃ الاسلام والمسلمین احمد مروی نے پاکستان کے وزیر خارجہ بلاول بھٹو زرداری کا مشہد مقدس میں خیر مقدم کیا اور ان کے ساتھ ملاقات میں کہا: مجھے بہت خوش ہوئی کہ پاکستانی وزیر خارجہ بھٹو خاندان کا ایک نوجوان فرد ہے۔

انہوں نے پاکستان کی سابقہ وزیر اعظم بے نظیر بھٹو کے قتل کا حوالہ دیتے ہوئے کہا: دین اسلام نے منطق، گفتار، احسان، ایثار اور اچھے اخلاق کے ساتھ پیشرفت کی اور دنیا کو متاثر کیا ہے اور غیر معمولی معاملات میں ہی کبھی تلوار اٹھانا پڑی تو اٹھائی گئی۔

آستان قدس رضوی کے متولی نے کہا: اسلام نے ہمیشہ اپنے آپ کو حکمت، تدبر، گفت و شنید کے ساتھ انسانوں کے ضمیر اور افکار کو مخاطب کرتے ہوئے پیش کیا ہے۔ پیغمبر اسلام صلی اللہ علیہ وآلہ وسلم نے تمام مسلمانوں کو اتحاد و وحدت کی دعوت دی ہے۔ اللہ تعالیٰ کا حکم اور ان کا شعار بھی «أَشِدّاءُ عَلَی الْکُفّارِ رُحَماءُ بَیْنَهُمْ» تھا لیکن آج بدقسمتی سے اس کے برعکس ہو رہا ہے اور ہم «أشداء علی بینهم رحماء الکفّار» کا مشاہدہ کر رہے ہیں۔

حجۃ الاسلام والمسلمین مروی نے اسلام کے نقطۂ نظر سے امن و سلامتی کی اہمیت کی طرف اشارہ کرتے ہوئے کہا: بدقسمتی سے آج ہم بعض اسلامی ممالک میں ناامنیت کا مشاہدہ کر رہے ہیں جس کی وجہ خود مسلمان ہیں۔ امریکہ اور صیہونی حکومت کی شکل میں اسلام کے دشمنوں نے اسلام کے دفاع کے نام پر مسلمانوں کو قتل کرنے جیسے مذموم ہتھکنڈوں کا سہارا لیتے ہوئے بعض جاہل لوگوں کو دھوکہ دیا اور انہیں دوسرے مسلمانوں کا دشمن بنا دیا۔

انہوں نے کہا: استکبار، ایک طرف تو داعش جیسے دہشت گرد گروہوں کو تشکیل دے کر اسلامی ممالک میں عدم تحفظ پیدا کرتا ہے اور دوسری طرف ان دہشت گرد گروہوں کے جرائم کو پھیلا کر اور ان کی حمایت کر کے دنیا بھر میں اسلامو فوبیا اور مسلم فوبیا کی لہر پیدا کرتا ہے۔

آستان قدس رضوی کے متولی نے دشمن شناسی کے فقدان کو عالم اسلام کی آفات میں سے ایک آفت قرار دیا اور کہا: ہمیں امید ہے کہ اسلامی ممالک کے عوام اور حکام کی بیداری سے دشمنانِ اسلام کی شرارتیں اور ان کے مذموم اہداف مٹی میں مل جائیں گے۔

انہوں نے مزید کہا: ایران اور پاکستان کی دونوں قوموں کے درمیان ثقافتی، مذہبی اور تاریخی مشترکات موجود ہیں اور پاکستان کے اعلی حکام کے مشہد کے دورے اور امام رضا علیہ السلام کے روضۂ مبارک کی زیارت انتہائی خوش آئند ہے۔ حرم مطہر رضوی علیہ السلام ہر سال تقریباً 500,000 پاکستانی زائرین کی میزبانی کرتا ہے۔

حجۃ الاسلام والمسلمین مروی نے کہا: تمام زائرین خدامِ رضوی کے لئے انتہائی محترم ہیں۔ حضرت امام رضا علیہ السلام کے زائرین میں قومیت، نسل، زبان، ثقافت، مذہب وغیرہ میں کوئی فرق نہیں اور جو بھی حرم امام رضا علیہ السلام میں حاضر ہوتا ہے وہ اس حجتِ خدا اور ولیِ خدا کا مہمان ہے اور ہمارا فرض ہے کہ ہم اس کی بہترین طریقے سے تعظیم و تکریم کریں۔

انہوں نے پاکستانی زائرین کے لیے آستان قدسِ رضوی کی جانب سے انجام دی جانے والی خدمات کا ذکر کرتے ہوئے کہا: حرم مقدس میں پاکستانی زائرین کے لیے ایک خصوصی جگہ فراہم کی گئی ہے تاکہ وہ وہاں اپنی قومی زبان میں مختلف مذہبی و ثقافتی پروگراموں جیسے مجالس و تقاریر، ماتم داری، جشنِ مولود وغیرہ جیسے پروگرامز کا انعقاد کر سکیں۔

حجۃ الاسلام والمسلمین مروی نے آستانِ قدسِ رضوی علیہ السلام کی جانب سے پاکستانی زائرین کے لیے میرجاوہ کی سرحد پر ایک سروس کمپلیکس "زائرسرای امام رضا(ع)" کے افتتاح کی طرف اشارہ کرتے ہوئے کہا: آستان قدس رضوی نے پاکستانی زائرین کی خدمت کے لیے موزوں سہولیات کے ساتھ میرجاوہ بارڈر پر سروس کمپلیکس "زائرسرای امام رضا(ع)" کو تعمیر کیا ہے۔ جس میں بیک وقت 3,000 لوگوں کی خدمت کی گنجائش موجود ہے۔

انہوں نے مزید کہا: ان شاء اللہ اس کے بعد بھی میں ہم پاکستانی زائرین کی خدمت اور ان کی آسان زیارت کے لئے مزید سہولیات فراہم کرنے کے لئے کوششیں کرتے رہیں گے۔

اس ملاقات میں پاکستانی وزیر خارجہ بلال بھٹو زرداری نے دونوں ممالک کے درمیان گہرے تعلقات کا ذکر کرتے ہوئے کہا: ایران اور پاکستان کی قومیں نہ صرف پڑوسی ہیں بلکہ دینی بھائی بھی ہیں۔ انہوں نے مشہد کے سفر کو انتہائی خوش آئند قرار دیتے ہوئے کہا: جتنا میں پاکستان کا فرزند ہوں اتنا ہی ایران کا بھی فرزند ہوں۔

انہوں نے کہا: یہ میرا مشہد کا پہلا دورہ ہے اور میں اس سفر کو اپنے لیے باعث برکت سمجھتا ہوں۔ پاکستان سے زائرین کی ایک کثیر تعداد ان مقدس مقامات کی زیارت کے لئے ایران کا سفر کرتی ہے اور آستانِ مقدسِ رضوی علیہ السلام کی جانب سے ان زائرین کی میزبانی کو پاکستان انتہائی قدر کی نگاہ سے دیکھتا ہے۔

انہوں نے آستان قدس رضوی کےمتولی کے بیانات کا حوالہ دیتے ہوئے کہا: ہم حرمِ مطہر کی انتظامیہ کے ساتھ پاکستانی زائرین کی روضہ رضوی (ع) میں حاضری میں سہولت فراہم کرنے کے لیے ہر قسم کے تعاون کے لیے تیار ہیں۔ مجھے آپ کی باتوں نے کافی متاثر کیا ہے اور میں پاکستان جا کر پاکستانی زائرین کو حضرت امام رضا علیہ السلام کی زیارت کے لئے ہر ممکنہ سہولت کی فراہمی جیسے امور پر کام کروں گا۔

یمن کے خبری ذرائع کا کہنا ہے کہ گزشتہ شب صوبہ صعدہ میں سعودی اتحاد کی جارحیت اور بربریت کے نتیجے میں 10 ماہ کا شیر خوار بچہ شہید ہو گیا۔

المسیرہ کی رپورٹ کے مطابق گزشتہ شب صوبہ صعدہ کے الرقو رہائشی علاقے پر جارح سعودی اتحاد کی گولہ باری سے ایک 10 ماہ کا شیر خوار بچہ شہید ہو گیا۔ یمن پر سعودی جارحیت میں اب تک ہزاروں بچے شہید، زخمی اور معذور ہو چکے ہیں جس کے باعث سعودی عرب کا نام طفل کشی کرنے والوں میں شرفہرست آ گیا ہے۔

یاد رہے کہ دو روز قبل بھی سعودی عرب اور اسکے اتحادیوں نے صوبہ حجہ کے علاقے عبس پر کلسٹر بموں کا استعمال کیا جس کے نتیجے میں  3 یمنی بچے زخمی ہوگئے تھے۔

یمن میں جنگ بندی میں دو ماہ کی توسیع کا اعلان کیا گیا ہے تاہم سعودی اتحاد کے جارحانہ اقدامات کے باعث یہ جنگ بندی بھی ماضی کی طرح کالعدم ہو کر رہ گئی ہے۔ یمن کی اعلی سیاسی کونسل کے سربراہ مہدی المشاط نے پہلے ہی کہا تھا کہ سعودی اتحاد کی جانب سے جنگ بندی کی خلاف ورزیوں کی بنا پر اب جنگ بندی کا تصور ہی ختم ہوتا جا رہا ہے۔

سحر نیوز/ پاکستان: واضح رہے کہ فیٹف کی گرے لسٹ سے پاکستان سمیت دیگر ممالک کو نکالنے سے متعلق فیصلہ متوقع تھا لیکن پاکستان کے بارے میں کوئی حتمی فیصلہ نہیں کیا گیا۔ آج اجلاس کا آخری روز تھا۔ ایف اے ٹی ایف کا چار روزہ اجلاس منگل کو جرمنی کے شہر برلن میں شروع ہوا تھا۔

اجلاس کے بعد پریس کانفرنس کے دوران  ڈاکٹر مارکس پلیئر نے کہا کہ پاکستان نے 34 اہداف حاصل کیے، پاکستان کی کارکردگی کو رکن ملکوں نے سراہا ہے، پاکستان نے اقوام متحدہ کے اہداف حاصل کیے اس لیے ایف اے ٹی ایف کی ٹیم پاکستان کا دورہ کرے گی۔

فیٹف کے صدر مارکس پلیئر نے مزید کہا کہ یہ ایف اے ٹی ایف کا اہم اجلاس تھا، کورونا نے ایف اے ٹی ایف کے اہداف کو متاثر کیا، ایف اے ٹی ایف نے ڈیجٹل مانیٹرنگ بہتر کی ہے۔

ان کا کہنا تھا کہ ایف اے ٹی ایف کے رکن ملکوں نے بہت محنت کی ہے جبکہ ہمیں روس اور یوکرین جنگ پر تحفظات ہیں جبکہ پاکستان نے بہترین کارکردگی دکھائی۔

ایف اے ٹی ایف کے 206 ارکان اور مبصرین کی نمائندگی کرنے والے مندوبین مکمل اجلاس میں شرکت کی، مبصرین میں انٹرنیشنل مانیٹری فنڈ (آئی ایم ایف)، اقوام متحدہ، ورلڈ بینک اور ایگمونٹ گروپ آف فنانشل انٹیلی جنس یونٹس شامل تھے۔

دوسری جانب وزیر مملکت برائے خارجہ امور حنا ربانی کھر نے پاکستانی قوم کو مبارکباد دیتے ہوئے کہا ہے کہ فیٹف نے  پاکستان کے دونوں ایکشن پلان کو مکمل قرار دے دیا ہے۔

سماجی روابط کی ویب سائٹ ٹوئٹر پر انہوں نے کہا کہ بین الاقوامی برادری نے متفقہ طور پر ہماری کوششوں کو سراہا ہے، ہماری کامیابی 4 سال کے مشکل سفر کا نتیجہ ہے۔

انہوں نے مزید کہا کہ پاکستان اس رفتار کو جاری رکھنے اور ہماری معیشت کو فروغ دینے کے عزم کا اعادہ کرتا ہے۔

مہر خبررساں ایجنسی کی رپورٹ کے مطابق اسلامی جمہوریہ ایران کے صدر سید ابراہیم رئیسی نے عوامی جہادی گروہ سے خطاب کرتے ہوئے کہا ہے کہ امریکہ ایک طرف معاہدے کے لئے پیغام بھیجتا ہے اور دوسری طرف پابندیاں عائد کرتا ہے۔ صدر رئیسی نے کہا کہ انقلاب اسلامی کی بدولت امریکہ کو تاریخي شکست ہوئی ہے اور امریکہ کی حقیقی شکست یہ ہے کہ انقلاب اسلامی ترقی اور پیشرفت کی راہ پر گامزن ہے اور پہلے کی نسبت بہت قوی اور مضبوط ہوگیا ہے جبکہ امریکہ پہلے کی نسبت بہت ہی کمزور اور عالمی سطح پر الگ تھلگ  ہوگیا ہے۔ صدر رئیسی نے کہا کہ آج دنیا میں امریکہ پستی اور اضمحلال کی سمت بڑھ رہا ہے۔ امریکہ عہد شکن ہے جس کی وجہ سے عالمی سطح پر امریکہ سے اعتماد اثھ گيا ہے۔ امریکہ ایک طرف معاہدے کے لئے پیغام ارسال کرتا ہے اور دوسری طرف ایران کے خلاف پابندیاں عائد کرتا ہے۔ صدر رئسی نے کہا کہ امریکی پابندیوں کو ایران نے حکمت عملی کے ساتھ  ناکام بنادیا ہے اور دوسرے ممالک کے خلاف بھی امریکی پابندیاں شکست اور ناکامی سے دوچار ہیں۔

صدر رئیسی نے عوام کے جہادی گروہوں پر زوردیا کہ وہ اپنی جد وجہد اور کوششوں میں اضافہ کریں۔ کیونکہ جہادی کوششوں سے دشمن مایوس ہوتا ہے اور اس کی تمام کوششیں شکست اور ناکامی سے دوچار ہوجاتی ہیں۔